ਪੰਜਾਬੀ ਅਖ਼ਬਾਰ 🗞 Newspaper

ਲੰਘੀ 31-ਅਗਸਤ ਨੂੰ PU ਚੰਡੀਗੜ੍ਹ ਦੀਆਂ ਵਿਦਿਆਰਥੀ ਚੋਣਾਂ ਵਿੱਚ ਭਾਜਪਾ-RSS ਨੇ ਜਿੱਤ ਪ੍ਰਾਪਤ ਕੀਤੀ ਜਿਸਦੀ ਮਦਦ ਅਕਾਲੀ ਦਲ ਬਾਦਲ ਨੇ ਬਿਨਾਂ ਕਹੇ ਬਿਨਾਂ ਸ਼ਰਤ ਕੀਤੀ। ਜਿੱਤਣ ਤੋਂ ਬਾਅਦ ਯੂਨੀਵਰਸਿਟੀ ਵਿੱਚ ਭਗਵਾਂ ਝੰਡੇ ਲਹਿਰਾਏ ਗਏ, ਬਿਹਾਰ-ਬਿਹਾਰ ਕੀ ਅਵਾਜ਼ੇਂ ਆਈਂ, ਭਗਵਾਂਧਾਰੀਆਂ ਨੇ ਓਹੀ ਕੱਟੜ ਪ੍ਰਦਰਸ਼ਨ ਕੀਤੇ ਜਿਹਨਾਂ ਨੂੰ ਅਕਾਲੀ ਦਲ ਬਾਦਲ ਨੇ ਪੂਰਾ ਸਮਰਥਨ ਦਿੱਤਾ ਤੇ ਨਾਲੇ ਸੱਥ ਵਾਲਿਆਂ 'ਤੇ ਤਵਾ ਲਾ ਕੇ ਕਹਿ ਰਹੇ ਵਿਦਿਆਰਥੀਆਂ ਨੇ ਕੱਟੜਤਾ ਨੂੰ ਨਕਾਰਿਆ। ਏਸ ਜਿੱਤ ਪਿੱਛੇ ਕਾਲਜਾਂ-ਯੂਨੀਆਂ 'ਚ ਪੰਜਾਬੀ ਵਿਦਿਆਰਥੀਆਂ ਦੀ ਗਿਣਤੀ ਘਟਣਾ ਵੀ ਇੱਕ ਕਾਰਣ ਹੈ ਪਰ ਜੇ ਅਕਾਲੀ ਦਲ ਨੇ ਸਮਰਥਨ ਨਾ ਕੀਤਾ ਹੁੰਦਾ ਤਾਂ ਦੂਜੇ ਨੰਬਰ ਉੱਤੇ ਰਹਿਣ ਵਾਲੀ ਪਾਰਟੀ ਨੇ ਜਿੱਤਣਾ ਸੀ ਬਸ਼ਰਤੇ ਭਾਜਪਈ ਧੱਕਾ ਤੇ ਧਾਂਦਲੀ ਨਾ ਕਰਦੇ। ਵੈਸੇ ਤਾਂ ਇਹ ਚੋਣ ਹਰ ਵਰ੍ਹੇ ਹੁੰਦੀ ਹੈ, ਪਿਛਲੀ ਵਾਰ ਵੀ ਭਾਜਪਾ ਨੇ ਈ ਕਬਜ਼ਾ ਕੀਤਾ ਸੀ, ਪਰ ਏਸ ਵਾਰ ਦੀ ਚੋਣ ਨੂੰ ਜਾਣਬੁੱਝ ਕੇ ਕੁੱਝ ਅਲੱਗ ਬਣਾਇਆ ਗਿਆ ਕਿਉਂਕਿ ਅੱਗੇ ਪੰਜਾਬ ਵਿਧਾਨ ਸਭਾ ਚੋਣ ਆ ਰਹੀ ਹੈ। ਸੁਣਿਆ ਏਸ ਵਾਰ MLA ਦੀ ਚੋਣ ਜਿੰਨਾ ਖਰਚਾ ਕੀਤਾ ਗਿਆ, ਤੇ ਇਸੇ ਜਿੱਤ ਨੂੰ ਪੰਜਾਬ ਵਿਧਾਨ ਸਭਾ ਚੋਣਾਂ ਵਿੱਚ ਵਰਤਣ ਲਈ ਭਾਜਪਾ-ਬਾਦਲ ਗਠਜੋੜ, ਹਿੰਦੂ-ਸਿੱਖ ਏਕਤਾ ਵਗੈਰਾ-ਵਗੈਰਾ ਦੇ ਡਰਾਮੇ ਸ਼ੁਰੂ ਹੋ ਗਏ ਹਨ। ਹੰਕਾਰੇ ਹੋਏ ਬਾਦਲਕੇ ਤਾਂ 27 'ਚ ਸੁਖਬੀਰੇ ਨੂੰ ਮੁੱਖ-ਮੰਤਰੀ ਦੀਆਂ ਵਧਾਈਆਂ ਦੇਣ ਲੱਗੇ ਨੇ। ਜੋ ਯੂਨੀਵਰਸਿਟੀ ਪੰਜਾਬ ਦੀ ਜ਼ਮੀਨ, ਪੰਜਾਬ ਦੇ ਖਰਚੇ ਨਾਲ, ਪੰਜਾਬ ਦੇ ਲੋਕਾਂ ਲਈ ਬਣੀ ਸੀ, ਗੰਦ ਬਾਦਲ ਲਾਣੇ ਕਰਕੇ ਅੱਜ ਓਥੇ ਭਗਵਾਂਧਾਰੀ, ਬਿਹਾਰੀ ਆਦਿ ਗੈਰ-ਪੰਜਾਬੀ ਹੁੜਦੰਗ ਮਚਾ ਰਹੇ ਨੇ। "ਬਾਦਲਾਂ ਨੇ ਕੀਤਾ ਕੀ ਆ ਜੋ ਹਰ ਵਕਤ ਓਹਨਾਂ ਖਿਲਾਫ਼ ਭੋਂਕਦੇ ਰਹਿਨੇ ਓ", "ਹੋਰ ਭਾਵੇਂ ਜੇਹੜੀ ਮਰਜੀ ਸਰਕਾਰ ਬਣਜੇ ਪਰ ਹੁਣ ਆਲੀ ਨਾ ਬਣੇ", "ਬਾਦਲ ਦਲ ਈ ਅਸਲੀ ਪੰਥ ਏ", "ਸੁਖਬੀਰ ਬਾਦਲ ਦਿੰਦਾਬਾਦ", "ਜੇਹੜਾ ਤਾਂ ਹੋਊ ਪਿਊ ਦਾ ਓਹ ਤਾਂ ਬਾਦਲਾਂ ਨੂੰ ਈ ਵੋਟ ਪਾਊ ਤੇ ਜੇਹੜਾ ਹੋਊ..." ਸ਼ੋਸ਼ਲ-ਮੀਡੀਆ ਉੱਤੇ ਅਜਿਹੀਆਂ ਟਿੱਪਣੀਆਂ ਤੇ ਏਸਤੋਂ ਵੀ ਅੱਗੇ ਨਵੀਆਂ ਪਾਰਟੀਆਂ ਪ੍ਰਤੀ ਗਾਲ੍ਹਾਂ ਵਗੈਰਾ ਅਕਸਰ ਦੇਖਦੇ ਹਾਂ ਜੋ ਕਿ ਪੰਜਾਬ ਦੇ ਸਭ ਤੋਂ ਵੱਡੇ ਦੱਲੇ ਤੇ ਲੁਟੇਰੇ ਬਾਦਲਾਂ ਦੀਆਂ ਭੇਡਾਂ, ਖੂਨ ਪੀਣੀਆਂ ਜੋਕਾਂ ਤੇ ਹਿੱਸੇਦਾਰਾਂ ਦੁਆਰਾ ਕੀਤੀਆਂ ਹੁੰਦੀਆਂ ਤੇ ਕਰਦੇ ਰਹਿਣਗੇ। ਓਹੀ ਬਾਦਲ ਜੇਹੜੇ ਬਿਨਾਂ ਕਹੇ ਹਰ ਵਾਰ ਭਾਜਪਾ ਦਾ ਸਾਥ ਦਿੰਦੇ ਨੇ, ਓਹੀ ਭਾਜਪਾ ਜੋ ਕਾਂਗਰਸ ਵਾਂਗ ਪੈਰ-ਪੈਰ 'ਤੇ ਪੰਜਾਬ ਨਾਲ ਧੱਕਾ ਕਰਦੀ ਆ ਰਹੀ ਏ। 1984 ਵੇਲੇ ਵੀ ਏਹਨਾਂ ਦਰਬਾਰ ਸਾਹਿਬ 'ਤੇ ਹਮਲੇ ਲਈ ਮਾਰਚ ਕੱਢੇ ਸੀ ਤੇ ਅਜੇ ਥੋੜ੍ਹੇ ਦਿਨ ਪਹਿਲਾਂ ਭਾਜਪਾ ਦੇ ਆਗੂਆਂ ਨੇ 84 ਸਿੱਖ ਨਸਲਕੁਸ਼ੀ ਦੇ ਮੁੱਖ ਦੋਸ਼ੀ ਸੱਜਣ ਕੁਮਾਰ ਦੇ ਜਨਾਜ਼ੇ ਵਿੱਚ ਭਾਗ ਵੀ ਲਿਆ। ਪੰਜਾਬ ਨੂੰ ਜਿੰਨਾ ਕਾਂਗਰਸੀਆਂ ਨੇ ਲੁੱਟਿਆ, ਓਦੋਂ ਜ਼ਾਦੇ ਇਕੱਲੇ ਬਾਦਲ ਟੱਬਰ ਨੇ ਲੁੱਟਿਆ, ਉਜਾੜਿਆ ਤੇ ਗਹਿਣੇ ਧਰਿਆ। ਏਸੇ ਬਾਦਲ ਨੇ 2007 ਵਿੱਚ ਕੇਂਦਰ ਨੂੰ ਚੰਡੀਗੜ੍ਹ ਯੂਨੀਵਰਸਿਟੀ ਆਪਣੇ ਕੰਟਰੋਲ ਹੇਠ ਲੈਣ ਲਈ ਚਿੱਠੀ ਲਿਖੀ ਸੀ। ਬਾਦਲਾਂ ਨੇ ਪਿਛਲੇ 25-30 ਸਾਲਾਂ ਵਿੱਚ ਚੰਡੀਗੜ੍ਹ ਤੋਂ ਪੰਜਾਬ ਦਾ ਕੰਟਰੋਲ ਖੁਹਾਕੇ ਪੂਰੀ ਤਰ੍ਹਾਂ ਭਾਜਪਾ ਦਾ ਕਬਜ਼ਾ ਕਰਾਇਆ। ਵੈਸੇ ਏਸ ਲਾਣੇ ਦੇ ਪੁਰਖੇ ਮੁਗਲ ਕਾਲ, ਅੰਗਰੇਜ਼ ਰਾਜ ਤੋਂ ਹੀ ਪੰਜਾਬ ਨਾਲ ਗ਼ਦਾਰੀ ਕਰਦੇ ਆਏ ਹਨ, ਅਜ਼ਾਦ ਹੋਣ ਤੋਂ ਬਾਅਦ ਵੀ ਸਦਾ ਪੰਜਾਬ ਦੀ ਦੁਸ਼ਮਣ ਜਮਾਤ ਨਾਲ ਈ ਗਾਟੀਆਂ ਪਾਈਆਂ ਚਾਹੇ ਓਹ ਕਾਂਗਰਸ ਹੋਵੇ ਚਾਹੇ ਭਾਜਪਾ। ਇਸ ਬਦਲੇ ਇਹਨਾਂ ਪੰਜਾਬ ਦਾ ਇੱਕ ਵੀ ਮੁੱਦਾ ਹੱਲ ਨਹੀਂ ਕਰਵਾਇਆ ਬਲਕਿ ਆਪਣੇ ਪਰਿਵਾਰ ਲਈ ਵਜ਼ੀਰੀਆਂ ਤੇ ਹੋਰ ਲਾਭ ਲਏ, ਨਾਲੇ ਏਹਨਾਂ ਗ਼ਦਾਰੀਆਂ ਬਦਲੇ ਪੰਜਾਬ ਲੁੱਟਣ ਦੀ ਖੁੱਲ੍ਹੀ ਛੁੱਟੀ ਮਿਲ ਜਾਂਦੀ ਏ। ਰੱਬ ਨਾ ਕਰੇ ਜੇ ਪੰਜਾਬ ਉੱਤੇ ਭਾਜਪਾ-RSS ਦਾ ਕਬਜ਼ਾ ਹੁੰਦਾ ਤਾਂ ਇਸ ਵਿੱਚ ਵੀ ਮੁੱਖ ਰੋਲ ਬਾਦਲ ਲਾਣੇ ਦਾ ਈ ਹੋਵੇਗਾ। ਇਸਦੇ ਬਦਲੇ ਬਾਦਲਾਂ ਕੋਲ SGPC ਦਾ ਕਬਜ਼ਾ ਅਤੇ ਕੀਤੀ ਲੁੱਟ ਦੀ ਜਾਂਚ-ਪੜਤਾਲ ਨਾ ਹੋਣ ਦੀ ਗਰੰਟੀ ਜਾਰੀ ਰਹੇਗੀ। ਬਾਦਲਕੇ ਦੋਗਲੇਪਣ 'ਚ ਮਾਹਿਰ ਹੋਣ ਕਰਕੇ ਲੋਕਾਂ ਦੇ ਨੇੜੇ ਹੋਣ ਦਾ ਢਕਵੰਜ ਵੀ ਬਾਖ਼ੂਬੀ ਕਰਦੇ ਨੇ। ਪਹਿਲਾਂ ਤਾਂ ਚਲੋ ਇੱਕਾ-ਦੁੱਕਾ ਸਰਕਾਰੀ ਚੈਨਲ ਹੁੰਦੇ ਸਨ ਤਾਂ ਕਰਕੇ ਏਹਨਾਂ ਦੇ ਕਾਰਨਾਮੇ ਆਮ ਲੋਕਾਂ ਨੂੰ ਪਤਾ ਨਹੀਂ ਲਗਦੇ ਸਨ। ਝੂਠ-ਤੂਫ਼ਾਨ, ਪੰਥ ਖਤਰੇ 'ਚ ਕਹਿਕੇ ਤੇ ਮਗਰਮੱਛੀ ਹੰਝੂ ਵਹਾ-ਵਹਾ ਕੇ ਵੱਡਾ ਬਾਦਲ 5-6 ਵਾਰ ਮੁੱਖਮੰਤਰੀ ਬਣਦਾ ਰਿਹਾ, ਪਰ ਪਿਛਲੇ 15-20 ਸਾਲਾਂ ਤੋਂ ਇੰਟਰਨੈੱਟ ਯੁੱਗ ਹੋਣ ਕਰਕੇ ਏਹਨਾਂ ਦੀ ਗ਼ਦਾਰੀ ਦੇ ਕਿੱਸੇ ਜੱਗ ਜ਼ਾਹਿਰ ਹੋ ਰਹੇ ਹਨ। ਹੁਣ ਬਹੁਤੇ ਲੋਕ ਏਹਨਾਂ ਦਾ ਨਾਂ ਸੁਣਨਾ ਵੀ ਪਸੰਦ ਨੀ ਕਰਦੇ, ਫੇਰ ਵੀ ਧੰਨ ਨੇ ਓਹ ਖਾਨਦਾਨੀ ਭੇਡਾਂ ਜਿਹਨਾਂ ਏਹਨਾਂ ਖਿਲਾਫ਼ ਅੱਜ ਤੱਕ ਇੱਕ ਸ਼ਬਦ ਮੂੰਹੋਂ ਨੀ ਕੱਢਿਆ, ਬਲਕਿ ਏਹਨਾਂ ਦੀਆਂ ਗਦਾਰੀਆਂ ਲੁਕਾਉਣ ਲਈ ਇੱਕ-ਦੂਜੇ ਤੋਂ ਮੂਹਰੇ ਹੋ-ਹੋ ਕੇ ਬਾਦਲਾਂ ਦੀ ਮਾਲਸ਼ ਕਰਦੇ ਰਹਿੰਦੇ ਨੇ। ਬਾਦਲਾਂ ਤੇ ਕਾਂਗਰਸ ਦੇ ਬੇੜੇ ਵਿੱਚ ਹਰ ਤਰ੍ਹਾਂ ਦਾ ਗੰਦ ਜਿਵੇਂ ਕਿ ਲੁਟੇਰਾ, ਗੁੰਡਾ, ਬਦਮਾਸ਼, ਠਰਕੀ, ਬਲਾਤਕਾਰੀ, ਅਨਪੜ੍ਹ ਵਗੈਰਾ ਮਿਲੇਗਾ ਤੇ ਜਦੋਂ ਵੀ ਕੋਈ ਨਵੀਂ ਪਾਰਟੀ ਬਣਦੀ ਹੈ ਤਾਂ ਏਹਨਾਂ ਵਿੱਚੋਂ ਹੀ ਕੁੱਝ ਓਸ ਪਾਰਟੀ ਵਿੱਚ ਸ਼ਾਮਲ ਹੋ ਕੇ ਸੱਤਿਆਨਾਸ਼ ਕਰ ਦਿੰਦੇ ਹਨ। ਬਾਹਲੀ ਦੂਰ ਨਾ ਜਾਵੋ ਆਹ ਪਿੱਛੇ ਜਿਹੀ ਬਣੀ ਆਮ ਆਦਮੀ ਪਾਰਟੀ ਵਿੱਚ 25-30 ਬਾਦਲ-ਕਾਂਗਰਸੀ ਲੁਟੇਰੇ ਬੈਠੇ ਨੇ, ਹੁਣੇ ਜਿਹੇ ਨਵੀਆਂ ਬਣੀਆਂ ਪਾਰਟੀਆਂ ਅਕਾਲੀ ਦਲ ਪੁਨਰ-ਸੁਰਜੀਤ, ਵਾਰਿਸ ਪੰਜਾਬ ਦੇ ਵਿੱਚ ਵੀ ਏਹੀ ਲੁਟੇਰੇ ਕਬਜ਼ਾ ਜਮਾ ਰਹੇ ਨੇ। ਹੇਠਲੇ ਪੱਧਰ ਉੱਤੇ...

🦁 ਆਂਹਦੇ ਕੱਲ੍ਹ ਫੇਰ ਹਮਲਾ ਹੋਇਆ... 👽 ਪੂਜਤਾ ਦੁਸੈਰਾ..! 🦁 ਨਹੀਂ, ਬੱਸ ਝਰੀਟ ਜਹੀ ਆਈ... 👽 ਬਿੱਚੇ ਕਹੀ ਜਾਂਦੇ ਆਪੇ ਕਰਾਇਐ... 🦁 ਆਪੇ ਵੀ ਕਰਾਵੇ ਤਾਂ ਵੀ ਕਿਸੇ ਦੀ ਜ਼ਮੀਰ ਤਾਂ ਜਾਗੂ ਕਦੇ... 👽 ਸ਼ਿਨਾਨਾ ਸਹੀ ਥਾਵੇਂ ਲਾਉਣ ਦੀ... 🦁 ਵੈਹੇ ਏਦਾਂ ਪਤਾ ਲੱਗ ਜਾਂਦਾ... 👽 ਕਾਹਦਾ..! 🦁 ਦੋਗਲਿਆਂ ਦਾ, ਜਿਹੜੇ ਬਾਹਲੀ ਹਮਦਰਦੀ ਦਿਖਾ ਰਹੇ ਜਾਂ ਮਰਿਆਦਾ-ਮੁਰਿਊਦਾ ਦਾ ਪਾਠ ਪੜ੍ਹਾ ਰਹੇ... 👽 ਹੂੰਅਅਅ... 🦁 ...ਵਈ ਅੰਦਰ ਏਦਾਂ ਨੀ ਹੋਣਾ ਚਾਹੀਦਾ... 👽 ਆਹੋ, ਏਹਨਾਂ ਨੂੰ ਮਲਿਆਦਾ ਓਦੋਂ ਨੀ ਦੀਂਹਦੀ ਜਦ ਆਪ ਦਰਬਾਰ 'ਚ ਲੋਕਾਂ 'ਤੇ ਡਾਂਗਾ-ਤਲਵਾਰਾਂ ਚਲਾਉਂਦੇ... 🦁 ਪੱਗਾਂ ਰੋਲਦੇ, ਖੂਨ ਵਹਾਉਂਦੇ... 👽 ਨਾਲੇ ਇਤਿਹਾਸ ਗਵਾਹ ਈ ਮਸੰਦਾਂ ਨੂੰ ਝਟਕਾਉਣ ਲੱਗੇ ਬਾਹਲੀ ਬੀਚਾਰ ਨੀ ਕਰੀਦੀ... 🦁 ਦੋਗਲੇ ਏਹਨੂੰ ਮਸੰਦ ਨੀ ਨਾ ਸਮਝਦੇ, ਪਿਓ ਬਣਾਇਆ ਓਹਨਾਂ ਤਾਂ... 👽 ਪਰ ਜਰ ਭਾਗਾਂ ਆਲਾ ਦਿਨ ਆਊ ਤਾਂ ਆਊ ਕਦੋਂ..! 🦁 ਏਹਦੇ ਲਈ ਵੱਡੀ ਕਾਰਵਾਈ ਪਾਉਣੀ ਪੈਣੀ... 👽 ਬੱਡੀ ਮਤਬਲ..! 🦁 ਦਿੱਲੀ ਆਲੀ ਡੈਣ ਜਾਂ ਕਾਲੀ ਐਨਕ ਆਲੇ ਬੁੱਚੜ ਅਰਗੀ... 👽 ਵੈਹੇ ਏਹਦਾ ਘੋਗਾ ਚਿੱਤ ਹੋਣਾ ਬਹੁਤ ਜ਼ਲੂਰੀ ਆ... 🦁 ਲੱਖ ਟਕੇ ਦੀ... 👽 ਨਹੀਂ ਤਾਂ ਏਹ ਆਵਦੇ ਬੁੜੇ ਨਾਲੋਂ ਵੀ ਵੱਧ ਮਾਰੂ ਨਿਕਲੂ... 🦁 ਨਿਕਲੂ ਕੀ ਨਿਕਲ ਈ ਰਿਹਾ... 👽 ਪਰ ਜਿਹੜੇ ਨਾ ਖੁਸ਼ ਹੋ ਰਹੇ ਨਾ ਹਮਦਰਦੀ ਦਿਖਾ ਰਹੇ, ਓਹਨਾਂ ਬਾਰੇ ਕੀ ਕਹਿਣਾ... 🦁 ਓਹਨਾਂ ਦਾ ਕੱਲ੍ਹ ਨੂੰ ਪਤਾ ਲੱਗਜੂ ਜਦ 47 ਨੂੰ ਭੁਲਾ ਕੇ ਤਿਲੰਗਾ ਝੁਲਾਉਣਗੇ... 👽 ਵੈਹੇ ਏਸ ਦਿਨ ਸਕੂਲਾਂ-ਕਾਲਜਾਂ 'ਚ ਦੱਸਣਾ ਚਾਹੀਦਾ ਵਈ ਪੰਜਾਬ ਨਾਲ ਕੀ ਹੋਇਆ ਸੀ... 🦁 ਬਿਲਕੁਲ, ਲੱਖਾਂ ਪੰਜਾਬੀ ਉਜਾੜੇ ਜਾਂ ਮਾਰੇ ਗਏ ਸੀ, ਖੁਸ਼ੀ ਦਾ ਦਿਨ ਥੋੜੈ..! 👽 ਰੂਹ ਕੰਬ ਜਾਂਦੀ ਓਹ ਗੱਲਾਂ ਪੜ੍ਹ-ਸੁਣ ਕੇ... 🦁 ਧੰਨ ਸੀ ਸਾਡੇ ਵੱਡ-ਵਡੇਰੇ ਜਿਨ੍ਹਾਂ ਸਾਰਾ ਕੁਸ਼ ਆਪਣੇ ਪਿੰਡੇ 'ਤੇ ਹੰਢਾਇਆ... 👽 ਕਮੇਟੀ ਨੂੰ ਵੀ ਚਾਹੀਦਾ ਵਈ ਕੋਈ ਯਾਦਗਾਰੀ... 🦁 ਕੌਲੀ ਚੱਟਾਂ ਦਾ ਨਾਂ ਕਾਹਨੂੰ ਲੈਣਾ..! 👽 ਆਹੋ ਸੱਚ ਓਹਨਾਂ ਨੂੰ ਤਾਂ ਓਦੋਂ ਯਾਦ ਆਉਂਦਾ ਜਦ ਕੋਈ ਫਿਲਮ ਬਣਦੀ... 🦁 ਚੰਗਾ ਫੇਰ, ਕੋਈ ਨੈਤਿਕਤਾ ਦਾ ਪਾਠ ਨਾ ਪੜ੍ਹਾਉਣ ਲੱਗਜੇ...

ਅਜੇ 30-40 ਸਾਲ ਪਹਿਲਾਂ ਪੰਜਾਬ ਵਿੱਚ ਕੱਚੇ ਘਰ ਆਮ ਹੁੰਦੇ ਸਨ। ਫੇਰ ਪੱਕੇ ਕੋਠੇ, ਫੇਰ ਕੋਠੀਆਂ, ਹੁਣ ਮਹਿਲ ਤੱਕ ਬਣਨ ਲੱਗੇ ਹਨ। ਕੰਧਾਂ-ਫਰਸ਼ਾਂ ਤਾਂ ਇੱਕ ਪਾਸੇ, ਵਿਹੜੇ, ਛੱਤਾਂ, ਰਸਤੇ, ਅੰਦਰ-ਬਾਹਰ ਹਰ ਥਾਂ ਕੰਕਰੀਟ-ਪੱਥਰ ਤੇ ਸ਼ੀਸ਼ੇ-ਧਾਤਾਂ ਲਗਾ ਕੇ ਹਰਿਆਲੀ ਤੇ ਮਿੱਟੀ ਦਾ ਨਾਮੋ-ਨਿਸ਼ਾਨ ਗਾਇਬ ਕੀਤਾ ਜਾ ਰਿਹਾ। ਦੂਜੇ ਅਰਥਾਂ ਵਿੱਚ ਪੰਜਾਬੀ ਆਪਣੀਆਂ ਆਉਣ ਵਾਲੀਆਂ ਪੀੜ੍ਹੀਆਂ ਲਈ ਕਬਰਾਂ ਖੋਦ ਰਹੇ ਨੇ। ਹਰ ਚੀਜ਼ ਦੀ ਇੱਕ ਹੱਦ ਹੁੰਦੀ ਹੈ ਜੋ ਸ਼ਾਇਦ ਹੁਣ ਵਾਲੀ ਪੀੜ੍ਹੀ ਜਾਣਨਾ ਨਹੀਂ ਚਾਹੁੰਦੀ। ਬਜ਼ੁਰਗਾਂ ਦੇ ਰੀਤੀ-ਰਿਵਾਜ, ਬਾਣੀ ਕੀ ਆਂਹਦੀ ਸਭ ਜਾਏ ਢੱਠੇ ਖੂਹ 'ਚ..! ਸਿਰਫ਼ ਪੰਜਾਬ 'ਚ ਹੀ ਨਹੀਂ ਦੁਨੀਆ ਭਰ ਵਿੱਚ ਉਦਯੋਗੀਕਰਨ, ਪੈਸੇ ਤੇ ਆਧੁਨਿਕਤਾ ਦੀ ਦੌੜ ਨੇ ਰੰਗ ਦਿਖਾਉਣੇ ਸ਼ੁਰੂ ਕਰ ਦਿੱਤੇ ਹਨ। ਵਧ ਰਹੀ ਗਰਮੀ ਕਾਰਣ ਰੋਜ਼ਾਨਾ ਖ਼ਬਰਾਂ ਪੜ੍ਹਦੇ-ਸੁਣਦੇ ਹਾਂ ਕਿਤੇ ਇਮਾਰਤ ਨੂੰ ਅੱਗ ਕਿਤੇ ਕਲੋਨੀ ਨੂੰ, ਕਿਤੇ ਭੱਜੀ ਜਾਂਦੀ ਗੱਡੀ ਅੰਦਰ ਬੰਦੇ ਸੜ ਗਏ, ਕਿਤੇ ਸਿਲੰਡਰ ਫਟਿਆ ਕਿਤੇ ਏਸੀ, ਕਿਤੇ ਟ੍ਰੈਫਿਕ ਲਾਈਟਾਂ, ਟਾਇਰ, ਗੱਡੀਆਂ, ਸੜਕਾਂ ਤੇ ਪਲਾਸਟਿਕ ਦੀਆਂ ਹੋਰ ਚੀਜ਼ਾਂ ਪਿਘਲ ਰਹੀਆਂ, ਕਿਤੇ ਦਿਮਾਗ਼ ਦੀ ਨਾੜੀ ਫਟ ਰਹੀ ਕਿਤੇ ਕੁਸ਼ ਹੋਰ। ਪਰ ਦੁਨੀਆ ਦੀਆਂ ਸਰਕਾਰਾਂ ਅਤੇ ਊਤ ਪੰਜਾਬੀਆਂ ਵਾਂਗ ਕਿਸੇ ਦੀ ਸਿਹਤ 'ਤੇ ਕੋਈ ਅਸਰ ਨਹੀਂ। ਕੀ ਹੋਇਆ ਜੇ ਪਿਛਲੇ 20 ਸਾਲਾਂ ਵਿੱਚ ਪੰਜਾਬ ਵਿੱਚ ਹਰਿਆਲੀ ਹੇਠਲਾ ਰਕਬਾ 26 ਫ਼ੀਸਦੀ ਤੋਂ ਘਟ ਕੇ 5-6 ਫ਼ੀਸਦੀ ਰਹਿ ਗਿਆ, ਪਰ ਅਜੇ ਖਤਮ ਤਾਂ ਨੀ ਹੋਇਆ। ਬਾਕੀ ਸਾਡੇ ਕੋਲ ਪੈਸਾ ਵਾਧੂ ਆ, ਅਸੀਂ ਏਸੀ ਚ ਬੈਠੇ ਆਂ, ਜਵਾਕ ਸਾਡੇ ਏਸੀ ਸਕੂਲਾਂ 'ਚ, ਗੱਡੀਆਂ 'ਚ ਏਸੀ, ਗ਼ਰੀਬ-ਗੁਰਬਾ ਮਰਦਾ ਤਾਂ ਮਰੇ, ਸਾਨੂੰ ਕੀ..! ਕੋਈ ਨੀ ਆਗੇ-ਆਗੇ ਦੇਖੀਏ ਹੋਤਾ ਹੈ ਕਯਾ, ਮੌਤ ਸਭ ਦੇ ਬੂਹੇ ਦਸਤਕ ਦੇਵੇਗੀ, ਪੈਸੇ ਨਾਲ ਜ਼ਿੰਦਗੀ ਨੀ ਖਰੀਦੀ ਜਾ ਸਕਦੀ। ਜਲਵਾਯੂ ਵਿਗਾੜ ਕਾਰਣ ਪੱਥਰ ਦਿਲ ਲੋਕਾਂ ਜਾਂ ਏਹਨਾਂ ਦੀਆਂ ਨਸਲਾਂ ਨੂੰ ਵੀ ਕਿਤੇ ਨਾ ਕਿਤੇ ਪਿਘਲਣ ਕਰਕੇ ਖੁਰਚਣੇ ਨਾਲ ਇਕੱਠਾ ਹੋਣਾ ਪਵੇਗਾ ਜਾਂ ਫੇਰ ਅੱਗ ਲੱਗਣ ਕਾਰਣ ਸਵਾਹ ਬਣ ਚੁੱਕਾ ਸਰੀਰ ਬੌਕਰ ਮਾਰ ਹੂੰਝਣਾ ਪਵੇਗਾ ਜਾਂ ਫੇਰ ਕਿਸੇ ਏਸੀ-ਸਲੰਡਰ ਵਗੈਰਾ ਦੇ ਧਮਾਕੇ 'ਚ ਬੋਟੀ-ਬੋਟੀ ਚੁਗਣੀ ਪਵੇਗੀ..! Wild and Green