ديَار .

كل بيت عقب فرقاك بانت فروقه وكل دمعً على ذكراك صبح وبيت والله لـ ارثييك لين العااق يترك عقوقه ويحمد ربه على نعمةٍ قدام عينه تهيت .

ودي أدري عينك اللي تهبل بالعقول ‏هي بكت من بعد فرقاي والا مابكت؟ ‏في فؤداي من فراقك مثل دبك الخيول ‏ياعذابي كل مالخيل فالصدر دبكت . - فهد بن سهل .

أشوف المبادي والتقاليد والأعراف ‏خواطر يتامىّ مالقت من يجبّرها ‏أشوف الهقاوي باركه والوهم سيّاف ‏وتقبل مشاريهي رجاء ويتعذّرها ‏أكابر عن الخذلان والظلم والإجحاف ‏وأثر ما يضر العالم إلا مكابرها .

‏طموحاتي اللي حطّها الوقت للنسيان ‏تخلّيت عنها كنّ ما هي طموحاتي ‏ما أحب الرمادي لو لمحته مع الألوان ‏أحبّ البياض اللي مثل وجهي وذاتي .

ان كاان في غييبته عايش ومتهني ! الله يزيد المسافه ويببعد دروبه ماني بسائل علاامه غاايب عني يكفيني أني صببرت اغطي عيوبه .

‏إسعى ورى حلمك التايه وخلك جزوم ‏لا تحسب حساب من ساعد ولا من جحد ‏مسافة السعي خلف الحلم ماهيب يوم ‏مسافة العمر ما بين المهد واللحد ‏وإن وقفوا ضدك اللي يحبطون العزوم ‏وقّف لهم وقفة اللي ما عليه من أحد .

‏لاشفت من غيّرت الأيام منهاجه ‏جزعت منه جزوع امجري الهيّب ‏مالي ورى الناس لا مطلب ولا حاجه ‏ما دام رايي وجيه ومنهجي طيّب ‏ياالله بـ لاما رفيقٍ يضحك حجاجه ‏وياالله بفرقا رفيقٍ شبحه قريّب .

‏حذراك تنزل عند من لا يعزّك ‏لو مت هلكٍ في حزوم النثايل ‏ومن لا يعز الجار ما عز نفسه ‏ومن لا يعز النفس طاريه مايل ‏ومن كان يأوي عند من لا يودّه ‏خاب النزيل وخاب راعي النزايل .

‏عجَز لا يشيل الموت من داخلي ذكراك ‏يردّه غلاك .. ويذبحونه معاريفك ‏لا زلت أترك الِّلي يزعلك وأنحني لرضاك ‏وأجنِّب طريق النفس وأمشي على كيفك ‏وأعلمك في حَالي لو الحال ما يخفاك ‏وأسُولف على طاريك وأمسِي مع طيفك .

‏بعد سواياك هذي مالي إلا الرحيل ‏والله لو إنها تمشي كان مشّيتها ‏قلبي هو اللي بكى والدمع عيا يسيل ‏لو في عيوني دموع تهل ؟ هليتها ‏جيت وكملت جروحك بجرحٍ ثقيل ‏و أنا الجروح القديمة ما تخطيتها ‏طحت من عيوني الثنتين في ظرف ليل ‏والله يا طيحتك هذي " ما تمنيتها "

‏لا طالت الخوة تبين العذاريب ‏وتعرف قراح البير والا هماجه ‏أبعد عن اللي لازعل ينكر الطيب ‏اللي تقلّب عشرته مع مزاجه ‏أن راق رقاها طوال المراقيب ‏وأن ضاق ضيقها على أدنات حاجه .

‏سامح الله من خذا مني هدوي وإرتياحي ‏لين حدني على بعض الأمور اللي مابيها ‏مرحلة مدري متى تعتقني وتطلق سراحي ‏ما قدرت أعيشها ولا أنتقل لـ اللي يليها ‏لو تساعدني خطاوي رجلي بحزة مراحي ‏من يساعدني على روحٍ يدب الشوق فيها .

‏عجَز لا يشيل الموت من داخلي ذكراك ‏يردّه غلاك ويذبحونه معاريفك ‏لا زلت أترك الِّلي يزعلك وأنحني لرضاك ‏وأجنِّب طريق النفس وأمشي على كيفك ‏وأعلمك في حَالي لو الحال ما يخفاك ‏وأسُولف على طاريك وأمسِي مع طيفك .

‏ترى المجتمع مليان قسوه وقلة دين ‏ولا كـل مـن حبيت دينك على دينه ‏والشي المهم أنك من أصحابي الغالين ‏اللي مستحيل أرضى له الـحـزن والشينه ‏نصيحه لـوجه الله لا تـطـرد الـمـقفين ‏ترى من طرد له مقفيٍ طاح من عينه .

‏استر المخطي واذريه بأطراف الشراع ‏وأنصح اللي ماوقع ينتبه قبل الوقوع ‏والنتيجه شي أثمر بطيب وشي ضاع ‏وأكتشفت المخلص من المنافق والخدوع ‏أشكروني مانكروني طويلين الذراع ‏وأنكروني ماشكروني خبيثين الطبوع .

‏رجيتك وصّال وشاب راسي وأنا راجيك ‏تراك السبب في حزن كبدي وغربالي ‏علام الظنون الطيّبه يوم خابت فيك ‏تحد المدامع لأشهب اللال والصالي ؟ ‏ترا قلبي العابر قبل خيبته شاريك ! ‏طوّاه الحزن واقفى مع هجعة السالي .

‏لا تحسب إني خفيّف و أنجرف كلّي ‏وأطرد مزون الظنون و برقها اللايح ‏عقلي دليلي و أقيس العلم بـ الملّي ‏ونفسي عزيزه و قدري ماهو بطايح ‏ما أمشي مع اللي عن الماجوب متخلّي ‏لو إنّي أقضي حياتي فالخلا سايح ‏أعرف وجه الكفو و أعرف وجه اللّي ‏يطش وجهه على الجاي وعلى الرايح .

‏لاشفت من غيّرت الأيام منهاجه ‏جزعت منه جزوع امجري الهيّب ‏مالي ورى الناس لا مطلب ولا حاجه ‏ما دام رايي وجيه ومنهجي طيّب ‏ياالله بـ لاما رفيقٍ يضحك حجاجه ‏وياالله بفرقا رفيقٍ شبحه قريّب .

ليت من يدري بحبه وياثق من غلاه ‏لا سعى فـ جروح قلبي سعى فـ علاجها ‏واحدٍ ربي من الزين والقبله عطاه ‏يستلم عرش المحبه ويلبس تاجها ‏مثل مايحتاج الانسان لـ الماء فـ الحياه ‏الدروب اللي تودّي عليه احتاجها . ‏- عايض العاطفي .

‏إذا إنك بخير أنا بعد ماعليّ خلاف ‏ تخطيت مرحلة الجفا الإنتقاليه ‏ياحيّ الفراق وقسوة الظلم والإجحاف ‏ولا وصل - من شاف أوله عاف تاليّه ‏لا تفرح بكسر الخاطر إللي عليك يخاف ‏ترى أحيان كسر الشي .. يزيده جماليه ‏أنا من تعودت أسمع أسمي بصوتك حاف ‏وأنا داري إن حبك على أخر لياليّه .