EKOLOG.UZ| UZ🇺🇿

Fukusimada qolgan inson Men bu voqeaga tasodifan, qandaydir lentada ko‘zim tushib qoldi. Birinchi o‘yim esa: «Bir daqiqa, bu rostdan ham haqiqiy insonmi?» — degan bo‘ldi. Chunki voqea film ssenariysiga o‘xshaydi. Hatto film uchun ham haddan tashqari ishonib bo‘lmaydigandek tuyuladi. 2011-yil mart oyida Fukusima-1 atom elektr stansiyasida avariya yuz berdi. Yaponiya hukumati stansiya atrofidagi 20 kilometr radiusdagi hududni evakuatsiya qilish haqida qaror chiqardi. Bir necha kun ichida qariyb 154 ming kishi taqiqlangan hududni tark etdi. Odamlar uylarini, chorvasini, yillar davomida orttirgan barcha narsalarini tashlab ketishdi. Shunday qilish kerak edi. Boshqa yo‘l yo‘q edi. 52 yoshli fermer Naoto Matsumura ham boshqalar qatori hududni tark etdi. U qo‘shni shaharchada yashaydigan qarindoshlarinikiga yetib bordi, tunab qoldi, ammo keyin harbiy nazorat punktidan yashirincha o‘tib, ortga qaytdi. Sababi esa bitta edi: u xotirasida bir narsani ko‘rdi — temir zanjirni. Qo‘shnilarining iti ana shu zanjirga bog‘langan edi. Egalari shoshilinch ravishda ketishgan — hamma shoshilinch ravishda ketayotgan edi — va it o‘sha yerda qolib ketgandi. Suvsiz, ovqatsiz, zanjirga bog‘langan holda. Matsumura aynan o‘sha it uchun qaytib keldi. Qishloqqa kirganida esa bunday itlar o‘nlab ekanini ko‘rdi. Mushuklar ham hamma joyda edi. Molxonalar ichida qamalib qolgan sigirlar esa bir necha kundan beri ozuqasiz, qorong‘ilikda qolgan edi. U qolishga qaror qildi. Avvaliga bir necha kunga — hayvonlarni boqish, suv berish va bog‘ichlarini yechib yuborish uchun. Keyin bu bir necha haftaga cho‘zildi. Oxir-oqibat u shuni tushundi: bu hayvonlarga yordam beradigan boshqa hech kim yo‘q edi. Ketishi kerak bo‘lgan joydan ko‘ra, qolishi kerak bo‘lgan joyi aniqroq edi. Hukumat vakillari u haqida bilishardi. Ular bir necha marta kelib, hududni tark etishini aytishdi. Taqiqlangan hududda yashash rasman qonunbuzarlik hisoblanardi. Ammo uni hech kim hibsga olmadi. Nazarimda, radiatsiya tarqalgan hududda tashlab ketilgan hayvonlarni boqayotgan odamga qarshi chiqishga hech kimning yuragi dov bermagan. Har kuni ertalab Matsumura eski pikapiga yem-xashak solib yo‘lga chiqardi. Mushuklar, itlar, qo‘shni fermada omon qolgan tuyaqushlar, och holda qo‘ralarda qolib ketgan cho‘chqalar — ularning barchasi uchun ozuqa olib borardi. Uning dozimetr qurilmasi bor edi. Ko‘rsatkichlarni ko‘rardi. Va baribir o‘z ishini davom ettirardi. 2013-yilga kelib yapon jurnalistlari uning oldiga yetib borishdi va u haqida reportaj tayyorlashdi. Shundan so‘ng «Fukusima qo‘riqchisi» nomi bilan tanilgan bu inson haqida butun dunyo bilib oldi. Intervyularidan birida u shunday degan edi:

«Agar men ketsam, ularni hech kim boqmaydi. Men bo‘lmasam, kim?»

Men bu gapni o‘qib, uzoq vaqt o‘ylanib o‘tirdim. U radiatsiya haqida hamma narsani tushunardi. Xavflarni ham bilardi. Shunga qaramay, begona odamning zanjirga bog‘langan iti uchun ortga qaytdi. Ba’zan shunday odamlar boshqalardan boshqacharoq yaratilgandek tuyuladi — bunday vaziyatlarda hech qanday mantiq ishlamaydi. Yaxshiyamki, shunday insonlar bor. 2023-yilga kelib ham Matsumura taqiqlangan hududda yolg‘iz yashashda davom etayotgan edi. ☘️ Ekologiyaga oid so‘nggi yangiliklarni @ekologuz sahifamizda kuzatib boring. Taklif va fikrlaringizni @eklguz_bot orqali yuboring!    Instagram | Facebook | Twitter | Sayt | Youtube.

#Isroil 💧 Gihon tunneli — Quddusning ming yillik suv yo‘li Quddusdagi qadimiy Gihon bulog‘i shahar aholisi uchun asosiy suv manbalaridan biri bo‘lgan. Suvni shaharga yetkazish va uni dushmanlardan himoya qilish uchun yer osti kanallari va tunnellar qurilgan. Keyinchalik podsho Hizqiyo davrida Gihon bulog‘i suvi 533 metr uzunlikdagi Hizqiyo tunneli orqali Siloam hovuziga yo‘naltirilgan. Eng hayratlanarlisi — tunnel ikki tomondan qazilgan va qadimgi muhandislar yer ostida bir-birini topa olgan! 😮 Bugun bu tarixiy tunnel bo‘ylab yurib, minglab yillar avvalgi muhandislik mo‘jizasini o‘z ko‘zingiz bilan ko‘rish mumkin. 💧 Suv — Quddus tarixida ham hayot va xavfsizlikning eng muhim manbai bo‘lgan. ☘️ Ekologiyaga oid so‘nggi yangiliklarni @ekologuz sahifamizda kuzatib boring. Taklif va fikrlaringizni @eklguz_bot orqali yuboring!    Instagram | Facebook | Twitter | Sayt | Youtube.

#Isroil Suv qadri: Quddusning qadimiy tunnelidan zamonaviy boshqaruv tizimigacha O‘zbekistondagi Isroil elchixonasi tashabbusi bilan suv resurslarini boshqarish va tejash sohasida faoliyat yurituvchi bir guruh o‘zbekistonlik mutaxassislar, shuningdek, “Ekolog” jamoat birlashmasi va ekolog.uz sayti vakillari Isroil davlatida bo‘ldilar. Tashrifdan ko‘zlangan asosiy maqsad — suv resurslari cheklangan sharoitda Isroilda suvni boshqarish va tejash bo‘yicha amalga oshirilayotgan ishlar, shahar suv ta’minoti tizimi, oqova suvlarni tozalash va qayta ishlatish tajribasi, suv tarmoqlaridagi yo‘qotishlarni kamaytirish hamda zamonaviy suv tejovchi texnologiyalar bilan yaqindan tanishishdan iborat edi. Batafsil 👉🏽https://ekolog.uz/162 ☘️ Ekologiyaga oid so‘nggi yangiliklarni @ekologuz sahifamizda kuzatib boring. Taklif va fikrlaringizni @eklguz_bot orqali yuboring!    Instagram | Facebook | Twitter | Sayt | Youtube.

#Toshkent_viloyati O‘zbekiston Respublikasi Ekologiya, atrof-muhitni muhofaza qilish va iqlim o‘zgarishi qo'mitasiga Kanalimizga mazkur murojaat kanalimiz obunachisidan kelib tushgan. Kanalimiz obunachisi ma’lum qilishicha, Toshkent viloyatida chorvachilik uchun mo‘ljallangan 247 gektar yaylov yer maydonida noqonuniy ravishda qum va shag‘al qazib olinmoqda. Murojaatchining aytishicha, yon-atrofda joylashgan shag‘al-tosh maydalash zavodi vakillari — Zafar, Nurbek, Mo‘min va Otabek (aka-ukalar) tomonidan yer egasining xabarisiz hamda tegishli ekologik-huquqiy hujjatlarsiz og‘ir texnikalar yordamida qum va shag‘al qazib olinmoqda. Natijada yaylovning unumdor tuproq qatlami og‘ir texnikalar va ekskavatorlar yordamida buzilib, hududda chuqurliklar va o‘ralar hosil bo‘lmoqda. Bu esa yerlarning tabiiy holatiga, o‘simlik dunyosiga va biologik xilma-xillikka salbiy ta’sir ko‘rsatmoqda. Shu munosabat bilan, mazkur hududni vakolatli mutaxassislar tomonidan joyiga chiqqan holda o‘rganishingizni, ekologik nazorat tadbirini o‘tkazishingizni, qum va shag‘al qazib olish holatiga huquqiy baho berishingizni hamda qonunchilikka zid faoliyat aniqlangan taqdirda tegishli choralar ko‘rishingizni so‘raymiz. Shuningdek, atrof-muhit va yaylov yerlariga yetkazilgan ekologik zarar miqdorini aniqlash, zarar uchun mas’ul shaxslardan qonunchilikda belgilangan tartibda undirish hamda buzilgan yaylov yerlarini tiklash bo‘yicha tegishli choralar ko‘rilishini so‘raymiz. Murojaat yuzasidan o‘rganish natijalari va ko‘rilgan choralar haqida ma’lumot berishingizni so‘raymiz. https://maps.google.com/maps?q=40.198174,64.661904&ll=40.198174,64.661904&z=16 ☘️ Ekologiyaga oid so‘nggi yangiliklarni @ekologuz sahifamizda kuzatib boring. Taklif va fikrlaringizni @eklguz_bot orqali yuboring!    Instagram | Facebook | Twitter | Sayt | Youtube.

#Toshkent_viloyati 🌳 KO‘P YILLIK DARAXTLAR TAQDIRI BO‘YICHA MUROJAAT Toshkent viloyatida ko‘p yillik daraxtlarning atrofi beton qoplamasi bilan yopib tashlangani haqida kanalimiz kuzatuvchilaridan murojaat kelib tushdi. Murojaat mualliflarining ta’kidlashicha, daraxtlarning ildiz qismi joylashgan hududlar beton bilan qoplangan. Bu esa daraxtlarning tabiiy oziqlanishi va suv olishi uchun noqulay sharoit yuzaga keltirishi mumkin. Kanalimiz kuzatuvchilari ushbu masalaga mas’ullar e’tibor qaratib, daraxtlar atrofidagi beton qoplamalarni olib tashlash, ildiz atroflarini ochish hamda ularni zarur oziqa moddalar bilan ta’minlash (o‘g‘itlash) choralarini ko‘rishlarini so‘ramoqda. 📍 Murojaatda ko‘rsatilgan manzil: https://maps.google.com/maps?q=41.241957,69.384076&ll=41.241957,69.384076&z=16 Mas’ullardan mazkur holatni o‘rganib, daraxtlarning holatini baholash va ularni asrash bo‘yicha tegishli choralar ko‘rish so‘raladi. 🌱 ☘️ Ekologiyaga oid so‘nggi yangiliklarni @ekologuz sahifamizda kuzatib boring. Taklif va fikrlaringizni @eklguz_bot orqali yuboring!    Instagram | Facebook | Twitter | Sayt | Youtube.

🚨 MUSHUKKA SHOSHILINCH YORDAM KERAK! Assalomu alaykum. Guliston shahri, Chuqursoy yuqumli kasalliklar shifoxonasidan keyingi ko‘chada og‘ir ahvoldagi mushuk bor. Mushukning orqa ikki oyog‘i singan. Unga zudlik bilan yordam va veterinariya ko‘rigi kerak. 🙏 Kimdir uni qutqarib, veterinarga olib borishga yoki davolanishiga yordam berishga imkoniga ega bo‘lsa, iltimos, befarq bo‘lmang. 📍 Manzil: Guliston shahri, Chuqursoy yuqumli kasalliklar shifoxonasidan keyingi ko‘cha. Iltimos, ushbu xabarni tarqating. Balki aynan sizning repostingiz uning hayotini saqlab qolishga sabab bo‘lar. 🐈❤️ ☘️ Ekologiyaga oid so‘nggi yangiliklarni @ekologuz sahifamizda kuzatib boring. Taklif va fikrlaringizni @eklguz_bot orqali yuboring!    Instagram | Facebook | Twitter | Sayt | Youtube.

Hindistonda 20 yoshli talaba oylar davomida daryoni qo‘llari bilan tozaladi Hindistonning Madhya-Pradesh shtati, Rajgarh tumanidagi Biaora shahrida yashovchi Surendra Singh Chaudhary ijtimoiy tarmoqlarda “Bittu Tabahi” nomi bilan tanilgan. BSc talabasi bo‘lgan yigit o‘z shahri orqali oqib o‘tuvchi, chiqindilar bilan kuchli ifloslangan Ajnar daryosini tozalash tashabbusini boshlagan. U daryodagi plastik butilkalar, polietilen, begona o‘tlar, loyqa va boshqa chiqindilarni og‘ir texnikalarsiz, ko‘p hollarda qo‘llari bilan olib tashlagan. Xabarlarga ko‘ra, u bu ishni 2026-yil 26-yanvardan boshlagan. Dastlab unga bir nechta do‘stlari yordam bergan, biroq keyinchalik ular loyihani tark etgan va Bittu ishni davom ettirgan. Ayrim manbalarda uning bu faoliyati bir necha oy, hatto yetti oy davom etgani qayd etiladi. Bittu o‘z mehnatini ijtimoiy tarmoqlarda muntazam yoritib bordi. Uning daryoni tozalash jarayonlari va “oldin-keyin” tasvirlari keng tarqalib, Hindiston bo‘ylab katta e’tibor qozondi. Tashabbusiga sanoatchi Anand Mahindra va boshqa taniqli shaxslar ham ijobiy munosabat bildirdi. Keyinchalik Madhya-Pradesh bosh vaziri Mohan Yadav ham Bittu bilan uchrashib, uning faoliyatini e’tirof etdi. Eng qiziq jihati shundaki, uning tashabbusi nafaqat Hindistonda, balki xalqaro miqyosda ham e’tibor qozondi. The Ocean Cleanup tashkiloti rahbari Boyan Slat tomonidan unga ish taklifi berilgani haqida xabarlar paydo bo‘ldi. Ammo bu voqeaning boshqa tomoni ham bor. Mahalliy ayrim aholi va “Ajnar Bachao” qo‘mitasi vakillari daryoning tozalanishi haqidagi ayrim da’volarga savol bilan qaragan. Ularning fikricha, daryo bo‘ylarida hali ham chiqindi uyumlari mavjud va tozalanish jarayonida suv toshqini ham muhim rol o‘ynagan bo‘lishi mumkin. Shu sababli “daryoni butunlay bir o‘zi tozaladi” degan da’voni ehtiyotkorlik bilan baholash kerak. Shunga qaramay, Bittuning tashabbusi bitta muhim savolni kun tartibiga olib chiqdi: nega jamoat infratuzilmasi va atrof-muhitni saqlash bilan bog‘liq muammolarni hal qilishda oddiy fuqaro o‘z tashabbusi bilan ish boshlashiga to‘g‘ri kelmoqda? Bu voqea chiqindilarni boshqarish faqat davlat idoralari yoki kommunal xizmatlarning vazifasi emasligini, fuqarolarning ekologik mas’uliyati ham muhimligini ko‘rsatadi. Biroq individual tashabbus tizimli chiqindi boshqaruvi, muntazam tozalash, oqova suvlarni nazorat qilish va ifloslanishning oldini olish choralarining o‘rnini bosa olmaydi. ☘️ Ekologiyaga oid so‘nggi yangiliklarni @ekologuz sahifamizda kuzatib boring. Taklif va fikrlaringizni @eklguz_bot orqali yuboring!    Instagram | Facebook | Twitter | Sayt | Youtube.

🏔 XITOYDA “AVATAR TOG‘LARI” — TABIAT YARATGAN MO‘JIZA Xitoyning Xunan provinsiyasidagi Chjanczyacze (Zhangjiajie) hududi dunyodagi eng ajoyib tabiiy manzaralardan biri bilan mashhur. Osmonga qad rostlagan ulkan qoya ustunlari, yam-yashil o‘rmonlar va tog‘lar orasidagi tuman bu joyni go‘yo boshqa sayyoradagi manzaraga o‘xshatadi. 🎬 Bu tog‘lar James Cameronning “Avatar” filmi tufayli butun dunyoga yanada mashhur bo‘ldi. Ayniqsa, Yuanjiajie hududidagi baland qumtosh qoyalar filmda Pandora sayyorasidagi tog‘larni eslatadi. Shundan so‘ng sayyohlar bu joyni “Avatar tog‘lari” deb atay boshladilar. 🌿 Ammo bu hududning eng katta boyligi — uning ekologiyasi. Bu yerda noyob tog‘ ekotizimlari, o‘rmonlar, daralar, daryolar, turli o‘simlik va hayvonot turlari mavjud. Shu sababli tabiatni muhofaza qilish turizm bilan bir qatorda muhim vazifaga aylangan. 🚡 Sayyohlar tog‘larga maxsus avtobuslar, kabel yo‘llari, liftlar va belgilangan piyoda yo‘laklari orqali chiqadi. Bunday infratuzilma nafaqat sayohatni qulaylashtiradi, balki odamlar oqimini boshqarish va tabiiy hududlarga tushadigan bosimni kamaytirishga ham xizmat qiladi. 🌱 Chjanczyacze tajribasining muhim jihati — tabiatni turizm uchun yo‘q qilish emas, balki turizmni tabiatni asrashga moslashtirish. 🇺🇿 O‘zbekiston uchun ham bundan o‘rganish mumkin. Zomin, Ugam-Chotqol, Nurota, Hisor va Orolbo‘yi kabi hududlarda ekoturizmni rivojlantirishda tabiiy landshaft, biologik xilma-xillik va suv resurslarini muhofaza qilish birinchi o‘rinda turishi kerak. 🌍 “Avatar tog‘lari” bizga bir haqiqatni eslatadi: eng buyuk attraksionni inson yaratmaydi — uni tabiat yaratadi. Bizning vazifamiz esa uni asrash. #Zhangjiajie #AvatarTog‘lari #Xitoy #Ekoturizm #Ekologiya #TabiatniAsraylik #BarqarorTurizm ☘️ Ekologiyaga oid so‘nggi yangiliklarni @ekologuz sahifamizda kuzatib boring. Taklif va fikrlaringizni @eklguz_bot orqali yuboring!    Instagram | Facebook | Twitter | Sayt | Youtube.

Timsoh qayerdan paydo bo‘ldi? Instagram’da tigers_latifovs nomi bilan sahifa yurituvchi bloger Behzod Latifov o‘z sahifasida uzunligi bir metrdan ortiq yoki shunga yaqin bo‘lgan timsoh bilan tushirilgan videoni e’lon qilgan. Mazkur video ko‘plab savollarni yuzaga keltiradi. Avvalo, bu timsoh qayerdan olingan? Bunday kattalikdagi timsoh qayerda boqilmoqda va uning saqlanishi kim tomonidan nazorat qilinmoqda? Ertaga bu timsoh yanada kattalashsa, uning taqdiri nima bo‘ladi? Shu munosabat bilan O‘zbekiston Respublikasi Ekologiya va iqlim o‘zgarishi milliy qo‘mitasi yoki blogerning o‘zi ushbu videoga izoh berishi maqsadga muvofiq, deb hisoblaymiz. Bunday kattalikdagi timsoh Toshkent hayvonot bog‘ida boqilayotgan bo‘lishi ham mumkin. Agar ushbu timsoh video tasvirga olish maqsadida hayvonot bog‘idan olib chiqilgan bo‘lsa, bu holat hayvonlarni himoya qilish va ularni saqlashga oid belgilangan talab hamda cheklovlarga rioya etilishi yuzasidan jiddiy savollarni keltirib chiqaradi. Biz mazkur holat bo‘yicha barcha tegishli tashkilotlardan rasmiy munosabat kutib qolamiz. ☘️ Ekologiyaga oid so‘nggi yangiliklarni @ekologuz sahifamizda kuzatib boring. Taklif va fikrlaringizni @eklguz_bot orqali yuboring!    Instagram | Facebook | Twitter | Sayt | Youtube.

Ariqlarimiz nega chiqindiga to‘lib ketmoqda? Instagram’da chorvodor_anvar nomi ostida sahifa yuritadigan yurtdoshimiz o‘zi yashab kelayotgan hududdagi ariqlarning chiqindilarga to‘lib ketgani haqida video murojaat bilan chiqdi. Uning murojaatida ariqlardagi suvlarning turli xil chiqindilar bilan ifloslangani ko‘rsatilgan. Avvallari ariqlarning musaffo suviga nonni botirib olib, bemalol iste’mol qilardik. Bugun esa bunday ishni qilishga insonning o‘zi ham qo‘rqadi. Chunki suv havzalari va ariqlarga tashlangan chiqindilar nafaqat atrof-muhitni ifloslantiradi, balki suvning sanitariya holatiga ham salbiy ta’sir ko‘rsatadi. Shuni unutmaslik kerakki, chiqindilarni belgilanmagan joylarga, shuningdek, ariqlar va suv obyektlariga tashlash uchun qonunchilikda javobgarlik belgilangan. Ariqlar — shunchaki suv oqadigan joy emas. Ular hududning ekologik va sanitariya holatiga bevosita ta’sir qiluvchi muhim suv yo‘llaridir. Chiqindini ariqqa tashlash bilan muammo yo‘qolmaydi. Aksincha, u suvga, tabiatga va oxir-oqibat o‘zimizga qaytadi. ☘️ Ekologiyaga oid so‘nggi yangiliklarni @ekologuz sahifamizda kuzatib boring. Taklif va fikrlaringizni @eklguz_bot orqali yuboring!    Instagram | Facebook | Twitter | Sayt | Youtube.

#Fargona_viloyati Farg‘ona viloyatidagi Oq yo‘l ko‘chasida chiqindilarni belgilanmagan joylarga tashlab ketish holatlari juda tez-tez uchramoqda. Afsuski, mazkur muammoga mas’ul tashkilotlar rahbarlari tomonidan yetarlicha jiddiy e’tibor qaratilmayapti. Bir tomondan, chiqindilarning belgilanmagan joylarga tashlanishi amaldagi tartib-qoidalarga zid bo‘lsa, ikkinchi tomondan, ularning o‘z vaqtida olib ketilmasligi atrof-muhitga salbiy ta’sir ko‘rsatmoqda. To‘planib qolgan chiqindilar yoqimsiz hid tarqatib, hududning sanitariya holatini buzmoqda. Mas’ul tashkilotlardan ushbu holatga jiddiy e’tibor qaratish, chiqindilarni o‘z vaqtida olib chiqish hamda belgilanmagan joylarga chiqindi tashlashning oldini olish choralarini ko‘rish so‘raladi. 📍https://maps.google.com/maps?q=40.385175,71.757877&ll=40.385175,71.757877&z=16 ☘️ Ekologiyaga oid so‘nggi yangiliklarni @ekologuz sahifamizda kuzatib boring. Taklif va fikrlaringizni @eklguz_bot orqali yuboring!    Instagram | Facebook | Twitter | Sayt | Youtube.

#RASMIY_MUNOSABAT Telegram kanalimizda e’lon qilingan murojaat yuzasidan Namangan tumani Ekopolitsiya davlat inspektorlari “Eshobod” MFY hududidagi g‘isht va ohak ishlab chiqarishga ixtisoslashgan “Yashnash-ESP” hamda “SRZ Memor” xususiy korxonalariga borib, vaziyatni o‘rganishdi. Atmosfera havosiga tashlanayotgan tutun va yoqilg‘i hidini bartaraf etish uchun zamonaviy chang-gazni ushlab qoluvchi uskuna (filtr) o‘rnatish bo‘yicha ogohlantirildi. Mazkur tadbirkorlik subyektlari tekshirishga olinmoqda. Natijalari haqida keyinroq qo‘shimcha ma’lumot beriladi, deya xabar berdi Namangan viloyati Ekologiya va iqlim o‘zgarishi bosh boshqarmasi Axborot xizmati. Biz, albatta, batafsil ma’lumotni kutib qolamiz. Chunki oxirgi paytlarda matbuot xizmatlari “biz qo‘shimcha ma’lumot beramiz”, deya xabar berish orqali shunchaki muammoni unutib yuborishsa, keyin shu bilan jim bo‘lib ketishadi, degan o‘y paydo bo‘lmoqda. Ammo tahririyatimiz batafsil ma’lumot va yakuniy ko‘rilgan choralarni kutib qoladi. ☘️ Ekologiyaga oid so‘nggi yangiliklarni @ekologuz sahifamizda kuzatib boring. Taklif va fikrlaringizni @eklguz_bot orqali yuboring!    Instagram | Facebook | Twitter | Sayt | Youtube.

Hurmatli Davron Ergashev! “Ekolog” jamoat birlashmasi jamoasi nomidan Sizni tavallud ayyomingiz bilan samimiy muborakbod etamiz! Sizga mustahkam sog‘lik, oilaviy xotirjamlik, baxt-saodat, ishlaringizda ulkan muvaffaqiyat va yangi zafarlar tilaymiz. Hayotingiz doimo quvonchli kunlar, ezgu maqsadlar va unutilmas lahzalarga boy bo‘lsin. Yangi yoshingiz yangi imkoniyatlar, omad va farovonlik olib kelsin. Barcha ezgu niyatlaringiz amalga oshib, yaqinlaringiz mehr-muhabbati doimo hamrohingiz bo‘lsin! Tavallud ayyomingiz muborak bo‘lsin! Hurmat bilan, “Ekolog” jamoat birlashmasi jamoasi

🐶 Tadqiqot it bilan muloqot qilish inson salomatligi uchun foydali! Atigi 5–20 daqiqa davomida it yonida bo‘lish ham inson organizmida ijobiy o‘zgarishlarni yuzaga keltirishi mumkin. 🧠 Olimlarning ta’kidlashicha, it bilan muloqotdan so‘ng organizmda kortizol — stress gormoni darajasi pasayadi. Shu bilan birga, oksitotsin — yaqinlik, mehr va ijobiy hissiyotlar bilan bog‘liq gormon miqdori ortishi mumkin. Bunday ta’sir insonning ruhiy holatiga ijobiy ta’sir ko‘rsatib, stressni kamaytirish va asab tizimini tinchlantirishga yordam beradi. 🐕 Qizig‘i shundaki, buning uchun it albatta insonning o‘ziga tegishli bo‘lishi shart emas. Tadqiqotlarda begona it bilan muloqot qilishda ham shunga o‘xshash ijobiy ta’sir kuzatilishi qayd etilgan. ❤️ Shunday ekan, yoningizda mehribon to‘rt oyoqli do‘stingiz bo‘lsa, uni erkalab, bir necha daqiqa birga vaqt o‘tkazib ko‘ring! Eslatma: bu kabi tadqiqotlar it bilan muloqot va stressga oid qisqa muddatli fiziologik o‘zgarishlarni ko‘rsatadi; uni barcha kasalliklarning oldini olish yoki davolash vositasi sifatida qabul qilmaslik kerak. ☘️ Ekologiyaga oid so‘nggi yangiliklarni @ekologuz sahifamizda kuzatib boring. Taklif va fikrlaringizni @eklguz_bot orqali yuboring!    Instagram | Facebook | Twitter | Sayt | Youtube.

Kichkina baliqcha Mister Syu suzish pufagidagi muammolar sababli odatdagidek suza olmay qolganida, uning egasi Angela taslim bo‘lmadi. U baliqcha uchun suvda harakatlanishga yordam beradigan mitti «nogironlar aravachasi» yasadi. Keyinchalik esa uning tuzilishini baliqcha uchun yanada yengil, qulay va nozik tangachalariga xavfsiz bo‘lishi uchun qayta-qayta takomillashtirdi. Vaqt o‘tishi bilan baliqcha sog‘aydi, biroq mustaqil harakatlanish uchun hali ham yetarli kuchga ega emas edi. Ana shu noodatiy ixtiro tufayli Mister Syu yana akvarium bo‘ylab suzib, o‘zining kichik olamini kashf eta oldi. Yaqinda Angela o‘zining noodatiy uy hayvoni vafot etganini ma’lum qildi. Ammo uning hikoyasi bir haqiqatni eslatib turadi: g‘amxo‘rlik va mehr hatto eng kichik jonzot uchun ham muhim. Ba’zan bitta ezgu harakat butun bir hayotni o‘zgartirishi mumkin. ☘️ Ekologiyaga oid so‘nggi yangiliklarni @ekologuz sahifamizda kuzatib boring. Taklif va fikrlaringizni @eklguz_bot orqali yuboring!    Instagram | Facebook | Twitter | Sayt | Youtube.

🌉 XITOYDA SHISHA KO‘PRIK: TABIAT VA TURIZM UYG‘UNLIGI Xitoyning Chjanczyacze hududidagi mashhur shisha ko‘prik nafaqat sayyohlar uchun hayajonli attraksion, balki zamonaviy turizm va tabiatni muhofaza qilish o‘rtasidagi muvozanat haqida o‘ylashga undaydigan loyiha. ⛰ Tog‘lar va chuqur daralar ustidan o‘tgan shaffof ko‘prik orqali sayyohlar tabiat manzaralarini yuqoridan tomosha qiladi. Oyoq ostidagi shisha pol esa balandlikni yanada kuchli his qilish imkonini beradi. 🌿 Ammo bunday maskanlarda eng muhim masala — tabiatni qanday asrash? Sayyohlar oqimi ko‘paygani sari chiqindilar, transport, shovqin, suv va energiya sarfi, o‘simliklar hamda hayvonot dunyosiga bosim ham ortishi mumkin. Shuning uchun ekologik turizmning asosiy tamoyili: Tabiatni turist uchun o‘zgartirish emas, turistga tabiatni ehtiyotkorlik bilan ko‘rsatish. 🚶‍♀️ Belgilangan yo‘laklar, nazorat qilinadigan marshrutlar va turistik infratuzilma odamlarning tabiiy hududlarga tartibsiz kirib borishini kamaytirishga yordam beradi. 🇺🇿 O‘zbekiston uchun ham bu tajriba muhim. Bizning tog‘larimiz, cho‘llarimiz, Orolbo‘yi hududlari va qo‘riqxonalarimizda ekoturizmni rivojlantirish uchun katta imkoniyat bor. Lekin turizm rivojlanishi bilan birga tabiatni muhofaza qilish, chiqindilarni boshqarish, biologik xilma-xillikni saqlash va ekologik nazorat ham kuchayishi kerak. 🌍 Haqiqiy ekoturizm — tabiatdan foydalanish emas, uni asrab, uning go‘zalligini insonlarga namoyish etishdir. #Chjanczyacze #ShishaKo‘prik #Ekoturizm #Ekologiya #TabiatniAsraylik #Xitoy #O‘zbekiston ☘️ Ekologiyaga oid so‘nggi yangiliklarni @ekologuz sahifamizda kuzatib boring. Taklif va fikrlaringizni @eklguz_bot orqali yuboring!    Instagram | Facebook | Twitter | Sayt | Youtube.

Farg‘onadagi ko‘p qavatli uylardan birida rostdan ham akula boqilganmidi? Ijtimoiy tarmoqlarda Farg‘ona viloyatidagi ko‘p qavatli uylardan birining yerto‘lasida akula boqilayotganligi haqida xabarlar tarqaldi. Holat Farg‘ona viloyati Ekologiya va iqlim o‘zgarishi bosh boshqarmasi tomonidan joyiga chiqib o‘rganildi. O‘rganish natijasida Farg‘ona shahri "Muruvvat" MFYda yashovchi fuqaro T.M. tomonidan, aslida, akula emas, balki Siam somi balig‘i boqilayotganligi ma'lum bo‘ldi. "Afsuski, internetda ko‘p qavatli uy yerto‘lasida akula boqilyapti, degan noto‘g‘ri xabar tarqalib ketdi. Buning uchun uzr so‘rayman. Hozirda baliqlarni yerto‘lada emas, uyimning hovlisiga joylashtirganman", — dedi fuqaro. Ma'lumot uchun, Siam somi balig‘i akvarium balig‘i hisoblanadi. Tashqi ko‘rinishi akulaga o‘xshaganligi uchun “Akulasimon som” (Akuliy som) yoki shunchaki Pangasius nomi bilan ham tanilgan. ☘️ Ekologiyaga oid so‘nggi yangiliklarni @ekologuz sahifamizda kuzatib boring. Taklif va fikrlaringizni @eklguz_bot orqali yuboring!    Instagram | Facebook | Twitter | Sayt | Youtube.

Butan itlar orqali yuqadigan quturish kasalligini hayvonlarni ommaviy o‘ldirmasdan bartaraf etdi. 2023-yildan beri birorta ham o‘lim qayd etilmadi. Jahon sog‘liqni saqlash tashkiloti (JSST) Butanni Janubi-Sharqiy Osiyoda itlardan odamlarga quturish virusi yuqishini jamoat salomatligi muammosi sifatida bartaraf etgan birinchi davlat deb e’tirof etdi. 2023-yil iyun oyidan buyon mamlakatda quturish oqibatida birorta ham o‘lim holati qayd etilmagan. Bunga itlarni keng miqyosda emlash, ularning sonini nazorat qilish, doimiy monitoring olib borish hamda it tishlagan odamlarga bepul tibbiy yordam ko‘rsatish tizimi orqali erishildi. Butan ushbu tizimni tegishli maqomga ega bo‘lganidan keyin ham davom ettirmoqda. Bu tajriba Qozog‘iston uchun ham ayniqsa muhim. Insonlar xavfsizligini ta’minlash va hayvonlarga insonparvar munosabatda bo‘lish bir-biriga zid emas. Samarali emlash va nazorat tizimi mavjud bo‘lsa, ular yagona yechimning bir qismiga aylanadi. Butan o‘ta xavfli va o‘limga olib keluvchi infeksiyaning tarqalishini to‘xtata oldi va buni hayvonlarni ommaviy qirib tashlamasdan amalga oshirdi. ☘️ Ekologiyaga oid so‘nggi yangiliklarni @ekologuz sahifamizda kuzatib boring. Taklif va fikrlaringizni @eklguz_bot orqali yuboring!    Instagram | Facebook | Twitter | Sayt | Youtube.

#Namangan_viloyati Namangan tumanida aholi g‘isht va ohak ishlab chiqarish korxonasidan chiqayotgan tutundan norozi Namangan viloyati Namangan tumani Eshovot MFY hududida yashovchi fuqarolar tahririyatimizga murojaat qilib, mahalladagi g‘isht va ohak pishirish korxonalaridan chiqayotgan tutun va yoqilg‘i hididan shikoyat qilishdi. Murojaatda ta’kidlanishicha, korxona pechlaridan chiqayotgan tutun va yoqilgan ko‘mir hidi, ayniqsa, kechki paytlarda aholiga jiddiy noqulaylik tug‘dirmoqda. Mahalla aholisi ushbu masala yuzasidan MFY raisi hamda tuman ekologiya bo‘limiga bir necha bor murojaat qilganini, biroq muammo hozirgacha to‘liq bartaraf etilmaganini bildirmoqda. Fuqarolar mas’ul tashkilotlardan mazkur holatni joyiga chiqib, atroflicha o‘rganishlarini, korxonaning faoliyati va atmosferaga chiqarilayotgan chiqindilarni belgilangan tartibda nazorat qilishlarini so‘ramoqda. Aholining murojaatida, agar korxonani boshqa hududga ko‘chirish imkoniyati mavjud bo‘lmasa, hech bo‘lmaganda zamonaviy tozalash filtrlari o‘rnatilishini ta’minlash so‘ralgan. Mahalla aholisi toza havodan nafas olish va ekologik xavfsiz muhitda yashashni istamoqda. Ular vakolatli tashkilotlardan ushbu murojaatni nazoratga olib, muammoning qonuniy va amaliy yechimini topishda yordam berishlarini so‘ramoqda. 📍https://maps.google.com/maps?q=40.972897,71.728939&ll=40.972897,71.728939&z=16 ☘️ Ekologiyaga oid so‘nggi yangiliklarni @ekologuz sahifamizda kuzatib boring. Taklif va fikrlaringizni @eklguz_bot orqali yuboring!    Instagram | Facebook | Twitter | Sayt | Youtube.

#Buxoro_viloyati Shofirkonda ekin yerlaridan noqonuniy qum-shag‘al qazib olinayotgani aytilmoqda Buxoro viloyati Shofirkon tumani Mingchinor qishlog‘ida joylashgan “ERDON” fermer xo‘jaligiga tegishli ekin yerlarining holati kundan-kunga ayanchli tus olmoqda. Qishloq aholisi ma’lumotlariga ko‘ra, mazkur hududdagi ekin yerlaridan noqonuniy ravishda qum-shag‘al aralashmasini qazib olish ishlari jadal davom etmoqda. Bu esa qishloq xo‘jaligi yerlarining holatiga salbiy ta’sir ko‘rsatib, hudud ekologiyasiga zarar yetkazishi mumkin. Qishloq aholisi ekologiya sohasi mutasaddilaridan mazkur holatni joyiga chiqib, atroflicha o‘rganishlarini hamda qonunchilikda belgilangan tartibda tegishli choralar ko‘rishlarini so‘ramoqda. Aholining ta’kidlashicha, hududda sho‘rlanish va changlanish muammolari ham mavjud bo‘lib, bu holat yillar davomida qishloq aholisi uchun noqulaylik tug‘dirmoqda. Mazkur holat yuzasidan vakolatli tashkilotlar tomonidan o‘rganish o‘tkazilib, qonunbuzilish holatlari aniqlangan taqdirda tegishli choralar ko‘rilishi kutilmoqda. 📍https://maps.google.com/maps?q=40.223288,64.595846&ll=40.223288,64.595846&z=16 ☘️ Ekologiyaga oid so‘nggi yangiliklarni @ekologuz sahifamizda kuzatib boring. Taklif va fikrlaringizni @eklguz_bot orqali yuboring!    Instagram | Facebook | Twitter | Sayt | Youtube.