Oro Bible 📡📢🎤

²⁴ Eegduun sunis ajaja akkanaa fudhatee, kutaa mana hidhaa isa gara keessaatti isaan galchee, miilla isaaniis jirma ulfaataa lama gidduutti jabeessee hidhe. ²⁵ Gara halkan walakkaatti Phaawulosii fi Siilaas Waaqayyoon kadhatanii faarfatan; warri hidhaman immoo isaan in dhaggeeffatu turan. ²⁶ Dingatas hamma hundeen manicha hidhaa raafamutti socho'i lafaa guddaan ta'e; achumaan balbaloonni manicha hidhaa hundinuu banamanii, hidhaan warra hidhamanii hundinuus in hiikaman. ²⁷ Namichi mana hidhaa eegu sun wareeree hirribaa dammaqee, balbaloonni mana hidhaa banamuu yommuu argee, warri hidhaman waan sokkan se'e; kanaafis billaa isaa luqqifatee of ajjeesuu barbaade. ²⁸ Phaawulos garuu sagalee guddaadhaan, "Waa of hin godhin! Nuyi hundumti keenya as jirra" jedhee itti iyye. ²⁹ Inni mana hidhaa eegu sun ibsaa waammatee ol fiigee, rom'aa miilla Phaawulosii fi Siilaasitti kufe. ³⁰ Gadis isaan baasee, "Ani akkan fayyuuf maal gochuutu anaaf ta'a? gooftolii ko" jedhee isaan gaafate. ³¹ Isaan immoo, "Gooftaa Yesusitti amani, ati in fayyitaa, Maatiin kees in fayyu" jedhanii deebisaniif. ³² Isaan dubbii gooftaa namichatti, warra mana isaa keessa jiran hundumaattis in himan. ³³ Halkanuma sanas ofitti isaan fuudhee madaa isaanii irraa dhiqe; inni yeroodhuma sanatti nama isaa hundumaa wajjin in cuuphame. ³⁴ Phaawulosii fi Siilaasin mana isaatti geessee, nyaata isaaniif dhi'eessisiise; inni nama isaa wajjin Waaqayyotti waan amaneef, guddaa in gammade. ³⁵ Lafti bariinaan ajajjuun warra Roomaa, "Jara sana gad dhiisi!" jedhanii namicha mana hidhaa eegutti akka himaniif itti ergan. ³⁶ Kana irratti namichi, "Ajajjuun warra Roomaa akka gad dhiifamtaniif nutti erganiiru; kanaafis amma gad ba'aatii karaa nagaa adeemaa!" jedhee, kana Phaawulositti beeksise. ³⁷ Phaawulos garuu, "Jarri kun nuyi warra Roomaa taanee utuma jirruu, firdii malee mul'inatti nu reebanii mana hidhaatti nu galchan; amma immoo dhoksaatti gad nu baasuu? Kun hin ta'u, isaanumti ofii isaanii dhufanii nu haa geggeessan malee" jedhe. ³⁸ Warri ergamanis yommus, dubbii kana ajajjoota warra Roomaatti in himan; ajajjoonni warra Roomaa Phaawulosii fi Siilaas warra Roomaa ta'uu isaanii yommuu dhaga'an in sodaatan. ³⁹ Kanaafis dhaqanii isaan sossobatan; takka isaan geggeessanii mandara isaaniitii akka ba'aniif isaan in kadhatan. ⁴⁰ Phaawulosii fi Siilaas mana hidhaatii erga ba'anii, mana Liidiyaa dhaqan; obbolootas arganii, dubbii jajjabinaatiin isaan gorsanii, achii adeeman. 𝐁𝐚𝐫𝐮𝐦𝐬𝐚 𝐌𝐚𝐜𝐚𝐚𝐟𝐚 𝐐𝐮𝐥𝐪𝐮𝐥𝐥𝐮𝐮 𝐟𝐢 𝐒𝐚𝐠𝐚𝐥𝐞𝐞 𝐌𝐢𝐬𝐬𝐢𝐫𝐚𝐚𝐜𝐡𝐨 𝐝𝐡𝐚𝐠𝐚'𝐮𝐮𝐟 𝐂𝐡𝐚𝐧𝐧𝐞𝐥 𝐊𝐞𝐞𝐧𝐲𝐚 𝐉𝐨𝐢𝐧 𝐆𝐨𝐝𝐡𝐚𝐚 𝐀𝐤𝐤𝐚𝐬𝐮𝐦𝐚𝐬 𝐇𝐢𝐫𝐢𝐲𝐲𝐨𝐨𝐭𝐚 𝐊𝐞𝐞𝐬𝐬𝐚𝐧𝐢𝐟 𝐪𝐨𝐨𝐝𝐚. 🚶‍♂️🚶‍♀️🚶🚶‍♂️🚶‍♀️🚶🚶‍♂️🚶‍♀️🚶 🚆𝐃𝐚𝐚𝐧𝐝𝐢𝐧 𝐊𝐞𝐞𝐧𝐲𝐞 𝐃𝐡𝐞𝐞𝐫𝐚 𝐟𝐢 𝐒𝐢𝐫𝐫𝐢𝐢𝐝𝐡𝐚. 👓𝐌𝐮𝐥𝐝𝐡𝐚𝐧𝐧𝐢 𝐊𝐞𝐞𝐧𝐲𝐚𝐬 𝐆𝐮𝐝𝐝𝐚𝐚 𝐟𝐢 𝐅𝐚𝐠𝐨𝐨𝐝𝐡𝐚. 📖📖📖📖📖📖📖📖📖📖📖 💻 #𝐎𝐫𝐨_𝐁𝐢𝐛𝐥𝐞. #𝐉𝐎𝐈𝐍 👇👇👇 @kiristoosIfaKooti @kiristoosIfaKooti @kiristoosIfaKooti

#𝐇𝐨𝐣𝐢𝐢_𝐄𝐫𝐠𝐚𝐦𝐨𝐨𝐭𝐚. 16÷ ¹ Phaawulos karaa isaa itti fufee mandara Derbee dhaqee, mandara Lisxiraattis darbe. Achi immoo Ximotewos kan jedhamu dargaggeessi amane tokko ture; haati isaa Yihudii wangeelatti amantee dha, abbaan isaa immoo Giriikii dha. ² Ximotewos amantoota Lisxiraadhaa fi Iqoniiyum jiran biratti maqaa gaarii qaba ture. ³ Phaawulos akka Ximotewos isa duukaa adeemu barbaadee, dhagna isa qabsiise. Kana gochuun isaas, Yihudoonni naannoo sana jiraatan hundinuu abbaan isaa nama Giriikii ta'uu isaa beeku waan turaniif. ⁴ Kana booddees Phaawulosfaa karaa irra bu'an; seerrata ergamoonnii fi jaarsoliin Yerusaalem irratti walii galan, mandara keessa darban hundumaan ga'anii, akka eeganiifis isaan gorsan. ⁵ Waldoonni kristiyaanaas amantichatti in cimu, lakkoobsaanis guyyaa guyyaatti in guddatu turan. … ⁶ Hafuurri qulqulluun kutaa biyya Asiyaatti dubbicha lallabuu waan isaan dhowweef, kutaa biyya Firiigiyaatii fi Galaatiyaa gidduu darban. ⁷ Fuullee kutaa biyya Miisiyaas ga'anii kutaa biyya Bitiiniyaa dhaquu yaalan; hafuurri Yesus garuu achi dhaquu isaanii hin jaallanne. ⁸ Kanaaf kutaa biyya Miisiyaas keessa darbanii, Xiro'aasitti gad bu'an. ⁹ Phaawulos halkan sanatti nama Maqedooniyaa tokko mul'atatti arge; namichi dhaabatee, "Maqedooniyaatti ce'ii, nu gargaari!" jedhee isa kadhate. ¹⁰ Akkuma inni mul'aticha argeen, Waaqayyo akka wangeela isaaniif lallabnuuf nu waamuu isaa ti, jennee waan fudhanneef, achumaan biyya Maqedooniyaatti ce'uu abballe. … ¹¹ Mandara Xiro'aasii markaba yaabbanne, kallattiidhaan Saamotraaqee biyya bishaan keessaa dhaqne; borumtaas mandara Ne'apholiisitti darbine. ¹² Achii immoo mandara Filiphisiiyus geenye; isheen kutaa biyya Maqedooniyaa keessaa mandara beekamtu tokko turte, qabiyyee warra Roomaatis. Nuyi mandara kana keessa takka bubbulle. ¹³ Guyyaa Sanbataatti immoo mandaricha keessaa baanee, gara qarqara lagaa, iddoo itti Yihudoonni kadhataaf walitti in qabamu seene, dhaqne; teenyees dubartoota achitti walitti qabamanitti dubbanne. ¹⁴ Dubartiin uffata calaqqisaa gati-jabeessa gurgurtu, mandara Tiyaatiraatii kan dhufte, amantii warra Yihudootaas kan fudhatte tokko, achi turte; maqaan ishees Liidiyaa in jedhama. Gooftaan gurra qalbii ishee baneefii waan tureef, isheen waan Phaawulos dubbate dhimmitee dhaggeeffatte. ¹⁵ Isheen, warri mana ishee hundinuus in cuuphaman; ergasiis, "Gooftaatti amanuu koo yoo fudhattan, mana koo kottaa na biras buufadhaa!" jettee nu waamtee, akka nuyi dhaqnuufis nu giddisiifte. … ¹⁶ Gaaf tokko nuyi gara iddoo kadhataatti utuu adeemaa jirruu, xomboreen hafuura "Hooda dubbachiisu" of keessaa qabdu tokko nutti dhufte; isheen hooda dubbachuu isheetiin horii baay'ee gooftota isheetiif in galchiti turte". ¹⁷ Isheen, "Namoonni kun hojjetoota Waaqayyoo aabbaa ti; karaa fayyinaa isinitti in himu" jettee iyyaa Phaawulosii fi nu duukaa in adeemti turte. ¹⁸ Kanas guyyaa baay'ee goote. Phaawulos garuu aaree itti garagalee hafuurichaan, "Maqaa Yesus Kristosiin akka ishee keessaa baatuuf, sin abbooma jedhe. Hafuurichi achumaan ishee keessaa ba'e. ¹⁹ Gooftonni xomboree kanaa garuu, abdiin horii argannaa isaanii akka cite yammuu baratan, Phaawulosii fi Siilaasin qabanii daddarbachaa gara lafa gabaatti, fuula warra biyya seerrataniitti geessan. ²⁰ Ergamoota sana fuula ajajjuu warra Roomaatti dhi'eessanii, "Jarreen kun mandara keenya raasaa jiru. Isaan Yihudoota, ²¹ amala nuyi warri Roomaa fudhachuun, ittiin hojjechuunis, nuuf hin taane nu barsiisaa jiru" jedhan. ²² Kana irratti namoonni baay'een Phaawulosii fi Siilaasiin mormuudhaaf jara kanatti dabalatan; ajajjuuwwan warra Roomaa sunis uffata isaanii irratti tarsaasanii, uleedhaan akka reebaniif abbooman. ²³ Rukuttaa baay'eedhaanis erga isaan reebsisanii booddee, mana hidhaatti isaan galchisiisan; achittis jabeessee akka isaan eeguuf, eegduu mana hidhaa abbooman.

Ergaa #𝑬𝒇𝒆𝒔𝒐𝒐𝒏_1÷ ¹ Ani Phaawulos fedha Waaqayyootiin ergamaa Kristos Yesus kanan ta'e, warra Kristos Yesusitti amananii, Waaqayyoof qulqullaa'anii mandara Efesoon jiraataniif kana caafuukoo ti. ² Waaqayyo abbaan keenya, gooftaan keenya Yesus Kristosis ayyaana, nagaas isiniif haa kennu! … ³ Waaqayyoof, abbaa gooftaa, keenyaa Yesus Kristos isa karaa Kristos eebba hafuuraa hundumaan, waan waaqa irraatiinis nu eebbiseef galanni haa ta'u! ⁴ Inni uumamuu biyya lafaa dura iyyuu warra qulqullaa'an, warra isa duratti mudaa hin qabne akka taanuuf, jaalalaan karaa Kristos nu fo'ateera. ⁵ Waaqayyo, karaa Yesus Kristos ilmaan isaa taanee akka guddifamnuuf, akka fedha isaa isa gaariitti yaadaan nuuf qabeera. ⁶ Kunis guddina ayyaana isaa, isa inni ilma isaa isa jaallatamaadhaan nutti tolee nuuf kenne in galateeffachiisa. ⁷ Akka badhaadhummaa ayyaana isaattis Kristos dhiiga isaa nuuf dhangalaasuu isaatiin furamuu, dhiifamuu cubbuus qabna. ⁸ Ayyaanni inni ogummaa isaa fi hubannaa isaa hundumaan nu irratti dhangalaase baay'ee dha. ⁹ Waaqayyo waan isatti gaarii fakkaate karaa Kristos itti yaadee of dura kaa'atee ture ammas dhoksaan fedha isaa kun nu biratti akka beekarnu godhe. ¹⁰ Barri murame yeroo guututti, Waaqayyo akka ittiin fayyisuuf akeeketti, wanta bantii waaqaa keessa, wanta lafa irra jiru, wanta hundumaas harka Kristos jalatti walitti in qaba. ¹¹ Waaqayyo wanti hundinuu akka akeeka isaatii fi akka fedha isaatiitti akka ta'u in godha; nus immoo akka inni yaadee qopheessee of duraa qabuutti, karaa Kristos fo'amneerra. ¹² Nuyi warri duraan dursinee Kristosin abdii godhanne, ulfina isaatiif galata akka taanuuf nu fo'ate. ¹³ Isinis immoo ergaa dhugaa, wangeela fayyina keessanii karaa isaa dhageessan; isin warri dhageessanii itti amantan, hafuura qulqulluu isa abdachiifameen mallateeffamtaniittu. ¹⁴ Hafuurri qulqulluun immoo warri kan Waaqayyoo ta'an galata ulfina isaatiif yeroo furamanitti wanta nuyi argachuuf jirruuf qabdii keenya. … ¹⁵ Ammas ani gooftaa Yesusitti amanuu keessan warra Waaqayyoof qulqullaa'an jaallachuu keessanis dhaga'eera. ¹⁶ Waa'ee keessaniif Waaqayyoon galateeffachuu, kadhata koo keessattis isin yaadachuu hin dhiifne. ¹⁷ Waaqayyo gooftaa keenyaa Yesus Kristos, abbaan ulfinaa hafuuraa ogeessota isin godhu, Waaqayyoon beekuus isa isinitti mul'isu, akka isiniif kennuuf nan kadhadha. ¹⁸ Waamichi isaa abdii maalii akka of keessaa qabu, ulfinni warri Waaqayyoof qulqullaa'an itti darbanii argachuuf jiranis badhaadhummaan isaa maal akka ta'e beekuudhaaf, ija qalbii keessanii akka isiniif ibsuuf kadhata koo ti. ¹⁹ Kunis nuyi warra amanneef humni isaa safara malee guddaa akka ta'e, aangoon isaa inni jabaanis nu gidduutti akka hojjetu akka beektaniif ture. ²⁰ Inni hojii aangoo isaa kanaan Kristosin warra du'an keessaa kaasee, waaqa irrattis gara mirga ofii isaatii isa teessise. ²¹ Gooftummaa, aboo, humna, mootumma hamma jiru hundumaa, bara kanatti, bara dhufuttis waanuma maqaa dha'uun danda'amu gararraa isa oolche. ²² Waaqayyo waan hundumaa miilla Kristos jala kaa'e; goofticha waan hundumaa gararraa jiru kanas waldaa kristiyaanaatiif mataa godhee kenne. ²³ Waldaan kristiyaanaa dhagna Kristos; inni waan hundumaa karaa hundumaan guutu, guutummaa isaatti dhagna isaa kanatti in jiraata. 𝐁𝐚𝐫𝐮𝐦𝐬𝐚 𝐌𝐚𝐜𝐚𝐚𝐟𝐚 𝐐𝐮𝐥𝐪𝐮𝐥𝐥𝐮𝐮 𝐟𝐢 𝐒𝐚𝐠𝐚𝐥𝐞𝐞 𝐌𝐢𝐬𝐬𝐢𝐫𝐚𝐚𝐜𝐡𝐨 𝐝𝐡𝐚𝐠𝐚'𝐮𝐮𝐟 𝐂𝐡𝐚𝐧𝐧𝐞𝐥 𝐊𝐞𝐞𝐧𝐲𝐚 𝐉𝐨𝐢𝐧 𝐆𝐨𝐝𝐡𝐚𝐚 𝐀𝐤𝐤𝐚𝐬𝐮𝐦𝐚𝐬 𝐇𝐢𝐫𝐢𝐲𝐲𝐨𝐨𝐭𝐚 𝐊𝐞𝐞𝐬𝐬𝐚𝐧𝐢𝐟 𝐪𝐨𝐨𝐝𝐚. 🚶‍♂️🚶‍♀️🚶🚶‍♂️🚶‍♀️🚶🚶‍♂️🚶‍♀️🚶 🚆𝐃𝐚𝐚𝐧𝐝𝐢𝐧 𝐊𝐞𝐞𝐧𝐲𝐞 𝐃𝐡𝐞𝐞𝐫𝐚 𝐟𝐢 𝐒𝐢𝐫𝐫𝐢𝐢𝐝𝐡𝐚. 👓𝐌𝐮𝐥𝐝𝐡𝐚𝐧𝐧𝐢 𝐊𝐞𝐞𝐧𝐲𝐚𝐬 𝐆𝐮𝐝𝐝𝐚𝐚 𝐟𝐢 𝐅𝐚𝐠𝐨𝐨𝐝𝐡𝐚. 📖📖📖📖📖📖📖📖📖📖📖 💻 #𝐎𝐫𝐨_𝐁𝐢𝐛𝐥𝐞. Nu Quunamuuf @Ebbifi #𝐉𝐎𝐈𝐍 👇👇👇 @kiristoosIfaKooti @kiristoosIfaKooti @kiristoosIfaKooti

#𝐀𝐦𝐚𝐧𝐭𝐢𝐢𝐝𝐡𝐚𝐚𝐧_𝐊𝐚𝐭𝐚𝐚_𝐊𝐢𝐫𝐢𝐬𝐭𝐨𝐨𝐬_𝐀𝐫𝐚𝐚𝐫𝐚𝐦𝐧𝐞. 2𝑸𝒐𝒓, 5÷ ¹ Godoon jireenya keenyaa, [kana jechuunis dhagni keenya,] lafa kana irraa yoo jige, ijaarsa harki namaa hin ijaarin, mana bara baraan bantii waaqaa keessa jiraatu, Waaqayyo biraa akka qabnu in beekna. ² Isa ammaa kana keessatti baay'ifnee in aadna, mana keenya isa waaqa irraas irrumatti dabalachuudhaaf in hawwina. ³ Irratti dabalachuun keenyas isa duraa of irraa baafuee qullaa keenya akka hin argamneef; ⁴ godoo keenya isa kana keessa lafa irra yeroo jiraannu, ba'aan nutti ulfaatee in aadna; kunis mana keenya isa waaqa irraa isuma kana irratti dabalachuudhaaf, kanaanis inni du'u jireenyaan akka liqimfamuuf malee, nuyi godoo keenya kana of irraa baasuu waan barbaanneef miti. ⁵ Inni akeeka kanaaf nu qopheessu immoo, Waaqayyo isa hafuura isaa qabsiisa nuuf kennee dha. ⁶ Kanaaf nuyi yeroo hundumaa ijajabina qabna; mana dhagna keenyaa keessa hamma jirrutti, mana gooftaa irraa fagaannee jiraachuu keenya in beekna. ⁷ Nuyi amantiidhaan jiraanna malee, waan hundumaa ijaan arguudhaan jiraanna miti. ⁸ Nuyi ija jabina qabna; mana dhagna keenyaa kana irraas fagaannee, mana keenyatti gooftaa bira jiraachuun nuuf in wayya. ⁹ Egaa mana dhagna keenyaa keessa jiraannus isa irraa fagaannus, gooftaa biratti fudhatamoo akka taanuuf in dhimmina. ¹⁰ Namni adduma addaan dhagna isaa kanatti utuu jiruu gaariis ta'e hamaas ta'e, akkuma hojjetetti waan isaaf ta'u akka argatuuf, nuyi hundumti keenya barcuma firdii Kristos duratti dhi'aachuuf jirra. ¹¹ Kanaafis nuyi goofticha sodaachuun maal akka ta'e beeknee, namooni kana tole jedhanii akka fudhatan in goona. Nuyi maal akka taane immoo Waaqayyo biratti beekamaa dha; yaada garaa keessaniitti beekamaa akka ta'es nan abdadha. ¹² Nuyi lammaffaa deebinee isinitti of dhi'eeffachuudhaaf miti; nuun akka of jajjaniif sababii isiniif in kennina; yoos warra keessa isaaniitiin utuu hin ta'in waan duubaan mul'atuun of jajaniif deebii kennuufii in dandeessu. ¹³ Nuyi yoo qalbii dabarsine, Waaqayyoof qalbii dabarsine; qalbiin keenya guutuu yoo ta'e immoo isiniif qalbiin keenya guutuu ta'a. ¹⁴ Namni tokko hundumaaf akka du'e, kanaanis namoonni hundinuu du'uu isaanii amannee waan fudhanneef, jaaialli Kirists nu qaba. ¹⁵ Egaa warri jiraatan si'achi isa isaaniif jedhee du'ee, du'aa kaafameef malee, ofii isaaniitiif akka hin jiraannetti, inni hundumaaf du'eera. ¹⁶ Egaa nuyi ammaa jalqabnee, eenyuun illee akka alaan ilaalamutti hedanna miti; Kristosin iyyuu akka alaan ilaalamutti hedanne yoo ta'e, si'achi akkasitti isa hin hedannu. ¹⁷ Kanaafis namni kan Kristos yoo ta'e, uumama haaraa dha; inni moofaan darbe, kunoo, inni haaraan dhufeera. ¹⁸ Kun hundumtuu Waaqayyo isa karaa Kristos ofitti nu araarse biraa ta'e; inni hojii araarsuu isaa kanas namootatti akka dabarsinuuf nuuf kenne. ¹⁹ Kunis,Waaqayyo irra-daddarbaa namootaa itti lakkaa'uu dhiisee, karaa Kristos biyya lafaa ofitti araarse jechuu dha; ergaa araara isaa kana immoo hadaraa nutti kenne. ²⁰ Egaa nuyi afaan Kristos taanee ergamneerra; Waaqayyos karaa keenya isin in dhageessifata; "Waaqayyotti araaramaa!" jennee qooda Kristos taanee isin in kadhanna, ²¹ Isa cubbuu tokko illee hin qabne, nuyi karaa isaa qajeelina Waaqayyoo akka argannutti, nuuf jedhee cubbamaal isa godheera. 𝐁𝐚𝐫𝐮𝐦𝐬𝐚 𝐌𝐚𝐜𝐚𝐚𝐟𝐚 𝐐𝐮𝐥𝐪𝐮𝐥𝐥𝐮𝐮 𝐟𝐢 𝐒𝐚𝐠𝐚𝐥𝐞𝐞 𝐌𝐢𝐬𝐬𝐢𝐫𝐚𝐚𝐜𝐡𝐨 𝐝𝐡𝐚𝐠𝐚'𝐮𝐮𝐟 𝐂𝐡𝐚𝐧𝐧𝐞𝐥 𝐊𝐞𝐞𝐧𝐲𝐚 𝐉𝐨𝐢𝐧 𝐆𝐨𝐝𝐡𝐚𝐚 𝐀𝐤𝐤𝐚𝐬𝐮𝐦𝐚𝐬 𝐇𝐢𝐫𝐢𝐲𝐲𝐨𝐨𝐭𝐚 𝐊𝐞𝐞𝐬𝐬𝐚𝐧𝐢𝐟 𝐪𝐨𝐨𝐝𝐚. 🚶‍♂️🚶‍♀️🚶🚶‍♂️🚶‍♀️🚶🚶‍♂️🚶‍♀️🚶 🚆𝐃𝐚𝐚𝐧𝐝𝐢𝐧 𝐊𝐞𝐞𝐧𝐲𝐞 𝐃𝐡𝐞𝐞𝐫𝐚 𝐟𝐢 𝐒𝐢𝐫𝐫𝐢𝐢𝐝𝐡𝐚. 👓𝐌𝐮𝐥𝐝𝐡𝐚𝐧𝐧𝐢 𝐊𝐞𝐞𝐧𝐲𝐚𝐬 𝐆𝐮𝐝𝐝𝐚𝐚 𝐟𝐢 𝐅𝐚𝐠𝐨𝐨𝐝𝐡𝐚. 📖📖📖📖📖📖📖📖📖📖📖 💻 #𝐎𝐫𝐨_𝐁𝐢𝐛𝐥𝐞. Nu Quunnamuuf @Ebbifi #𝐉𝐎𝐈𝐍 👇👇👇 @kiristoosIfaKooti @kiristoosIfaKooti @kiristoosIfaKooti

#𝐖𝐚𝐚𝐪𝐚𝐲𝐲𝐨_𝐀𝐜𝐡𝐮𝐦𝐚𝐭𝐭𝐢_𝐒𝐢𝐟_𝐃𝐡𝐮𝐟𝐚_𝐎𝐛𝐬𝐚𝐚𝐧_𝐄𝐞𝐠𝐢. Seena gabaaba kana irra dhaabbadhee waa sinif qoodu dhufeen jira obsaan hanga tuqaa(.) dhumaatti dubbisaa. #𝑺𝑬𝑬𝑵𝑰𝑪𝑯𝑰_𝑨𝑲𝑲𝑨𝑺_𝑻𝑼𝑹𝑬. ▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎ Guyyaa tokko Yesus ayyaana warra #Yihudotaa tokkon irraatti, #Yerusaalemitti ol ba'e. "Karra hoolaa" isa jedhamu cinaa isa masaraa mandara Yerusaalemitti galchu bukkeedhaan bishaan kuufamaan, afaan Ibraayisxiitti "#Betzataa" jedhamu tokko ture; bishaan sana bira godoo babal'aa (Dhukubsattotni keessa Ciisan) shan (5)tu ture. Namoonni dhukkubsatan baay'een, warri jaaman, warri naafatan, warri dhagni isaanii gar tokko du'es godoota sana keessa ciisanii, Raafamuu bishaanichaa in eeggatu turan. Ergamaan Waaqayyoo yeroo yerootti golba bishaanichaa keessa lixee isa in raasa; raafamuu isaa booddee namni dura bishaanicha keessa lixe dhukkuba isa kamittii iyyuu in fayya ture. Namni waggaa soddomii saddeet dhukkubsate tokko achi ture. Yesus yommuu namicha dhukkubsatee ciisu sana arge, yeroo dheeraa hammana ga'u dhukkubsachuu isaa erga beekee, "Fayyuu barbaaddaa?" jedhee isa gaafate. Namichi dhukkubsataan sun, "Gooftaa, bishaanichi yommuu raafamu kuufama bishaanichaa keessa nama na buusu hin qabu; ofii kootii immoo utuu ani itti rakkadhuu, namni biraa na dura keessa lixa" jedhee deebiseef. Yesus immoo, "Ka'i, siree kee fudhadhuutii adeemi!" ittiin jedhe. Namichis achumaan fayyee, siree isaa fudhatee achii adeeme; guyyaan namichi kun fayye guyyaa Sanbataa ture. Yommus warri Yihudootaa namicha fayye sanaan, "Har'i Sanbata, siree baachuu seerri si dhowwa" jedhan. Inni garuu deebisee, "Namicha isa ana fayyisetu, 'Siree kee fudhadhuutii adeemi!' anaan jedhe" isaaniin jedhe. Isaan immoo, "Eenyu namichi, 'Siree kee fudhadhuutii adeemi' jedhee sitti hime?" jedhanii isa gaafatan. Jedha. Seena Kana Kutaa #Macaafa_Qulqulluu 𝒀𝒐𝒉. 5:1-12 irraa argachu dandeessu. Egaa Yaa Obboleessa koo asirraa waan tokko akka hubattettu hin shakku. Akka hubannaa kootti Osoo namichi, namni qabee keessa na buusu hin jiru waan ta'eef asii na kaasa jedheera ta'e inni #Yesus hin argu ture. garuu kunoo obsee waan eeggateef Haalota fi Seera biyya lafa inni dacheetti dabalu Yesus dhufeefi Guyyaa biyyi lafaa fayyu miti, Siree baachun hin dandaa'amu jettu keessatti dhufee isa fayyisee seenan isaa hamma hardhaatti waan ulfinni ilma Waaqayyoo Yesus Kiristos karaa isaa mul'ate darbee dhalootatti lalabamaa jira. Obsii Guyyaa Waaqayyoo eeggadhu. Obsuun Abdii fida, Abdiin Amantiin gaggeefamanii Yesus Eeggachuudha. 𝐘oo Obsaan Guyyaa Waaqayyoo eeggatte. 1). 𝑯𝒂𝒂𝒍𝒂 𝒃𝒊𝒚𝒚𝒊 𝒍𝒂𝒇𝒂𝒂 𝒔𝒆𝒆𝒓𝒓𝒂𝒕𝒕𝒆 𝑪𝒂𝒃𝒔𝒆 𝑼𝒍𝒇𝒊𝒏𝒂 𝒊𝒔𝒂𝒂 𝒌𝒂𝒓𝒂𝒂𝒌𝒆𝒆 𝒅𝒉𝒂𝒍𝒐𝒐𝒕𝒂𝒕𝒕𝒊 𝒎𝒖𝒍'𝒂𝒕𝒂. Yoh, 6:10 2). 𝑯𝒊𝒅𝒉𝒂𝒂 𝒌𝒆𝒆 𝒉𝒊𝒊𝒌𝒆 𝑵𝒂𝒎𝒐𝒐𝒕𝒂 𝒃𝒊𝒚𝒚𝒂 𝒍𝒂𝒇𝒂𝒂𝒇 𝒈𝒂𝒂𝒇𝒇𝒊 𝒕𝒂𝒂𝒔𝒊𝒔𝒂. Yoh, 9:8-9 3). 𝑹𝒂𝒌𝒌𝒐𝒐 𝒌𝒆𝒆𝒔𝒔𝒂 𝒔𝒊 𝒅𝒂𝒃𝒂𝒓𝒔𝒆𝒆 𝒊𝒕𝒕𝒊𝒏 𝒖𝒍𝒇𝒂𝒂𝒕𝒆 𝒔𝒊𝒏𝒊𝒔 𝒏𝒂𝒎𝒂 𝑺𝒆𝒆𝒏𝒂 𝒋𝒊𝒓𝒂𝒂𝒕𝒂 𝒒𝒂𝒃𝒖 𝒕𝒂𝒂𝒔𝒊𝒔𝒂 𝒎𝒂𝒍𝒆𝒆 𝒓𝒂𝒌𝒌𝒖 𝒔𝒊𝒕𝒕𝒊 𝒇𝒊𝒅𝒖𝒖 𝒅𝒉𝒊𝒊𝒔𝒂 𝒎𝒊𝒕𝒊. HoE, 12:1-16 4). 𝑮𝒂𝒍𝒈𝒂𝒍𝒍𝒊 𝒌𝒆𝒆 𝑴𝒊𝒍𝒌𝒊𝒊 𝒇𝒊 𝑴𝒐𝒐'𝒊𝒄𝒉𝒂𝒏 𝒌𝒂𝒏 𝒈𝒖𝒖𝒕𝒆 𝒕𝒂'𝒂 Iyo,42:12 Kanuma qofaa yoo jenne nu ga'a jedheen Yaada. #Xumureera Hanga Xumuraatti waan dubbiftaniif Galatooma. Ayyaanni Waaqayyo isiniif Haa baayyatu Hiriyyoota keessanif #Share godha darbaa Adaraadha. Obboleessa keessan @Ebbifi irraa. 𝐁𝐚𝐫𝐮𝐦𝐬𝐚 𝐌𝐚𝐜𝐚𝐚𝐟𝐚 𝐐𝐮𝐥𝐪𝐮𝐥𝐥𝐮𝐮 𝐟𝐢 𝐒𝐚𝐠𝐚𝐥𝐞𝐞 𝐌𝐢𝐬𝐬𝐢𝐫𝐚𝐚𝐜𝐡𝐨 𝐝𝐡𝐚𝐠𝐚'𝐮𝐮𝐟 𝐂𝐡𝐚𝐧𝐧𝐞𝐥 𝐊𝐞𝐞𝐧𝐲𝐚 𝐉𝐨𝐢𝐧 𝐆𝐨𝐝𝐡𝐚𝐚 𝐀𝐤𝐤𝐚𝐬𝐮𝐦𝐚𝐬 𝐇𝐢𝐫𝐢𝐲𝐲𝐨𝐨𝐭𝐚 𝐊𝐞𝐞𝐬𝐬𝐚𝐧𝐢𝐟 𝐪𝐨𝐨𝐝𝐚. 🚶‍♂️🚶‍♀️🚶🚶‍♂️🚶‍♀️🚶🚶‍♂️🚶‍♀️🚶 🚆𝐃𝐚𝐚𝐧𝐝𝐢𝐧 𝐊𝐞𝐞𝐧𝐲𝐞 𝐃𝐡𝐞𝐞𝐫𝐚 𝐟𝐢 𝐒𝐢𝐫𝐫𝐢𝐢𝐝𝐡𝐚. 👓𝐌𝐮𝐥𝐝𝐡𝐚𝐧𝐧𝐢 𝐊𝐞𝐞𝐧𝐲𝐚𝐬 𝐆𝐮𝐝𝐝𝐚𝐚 𝐟𝐢 𝐅𝐚𝐠𝐨𝐨𝐝𝐡𝐚. 📖📖📖📖📖📖📖📖📖📖📖 💻 #𝐎𝐫𝐨_𝐁𝐢𝐛𝐥𝐞. Nu Quunnamuf @Ebbifi #𝐉𝐎𝐈𝐍 👇👇👇 @kiristoosIfaKooti @kiristoosIfaKooti @kiristoosIfaKooti

𝐃𝐡𝐚𝐪𝐧𝐚 𝐃𝐮'𝐚𝐚 𝐊𝐚'𝐮𝐮. 1𝑸𝒐𝒓. 15÷ ³⁵ Namoonni tokko tokko, "Warri du'an attamitti kaafamu? Yommuu argaman dhagni isaanii maal fakkaata?" jedhanii in gaafatu ta'a. ³⁶ Ati gowwaa nana! Wanti ati facaaftu sun ofii isaatii yoo du'e malee, biqilee jiraachuu hin danda'u. ³⁷ Sanyiin qamadii yookiis midhaan kan biraa, inni ati facaaftu miciree isaa duwwaa dha malee, dhagna biqiltuu isaa isa argamuuf jiru miti. ³⁸ Waaqayyo garuu akka jaallatetti dhagna in kennaaf tokkon tokkon isaatiif akka akaakuu sanyichaatti dhagna addaa in kennaaf. ³⁹ Foon hundinuu akaakuu tokko miti; foon namootaa akaakuu tokko, foon horii kan biraa ti, foon simbirrootaa kan biraa ti, foon qurxummiis kan biraa ti. ⁴⁰ Dhagni warra waaqa irraa jira, dhagni warra lafa irraas jira; ulfinni warra waaqa irraa tokko, ulfinni warra lafa irraa tokko. ⁴¹ Calaqqifni aduu kan biraa ti, calaqqifni ji'aa kan biraa ti; calaqqifni urjootaa kan biraa ti; calaqqifni unjii tokkoo calaqqisa urjii isa kaaniittii gargar. ⁴² Ka'uun warra du'aniis akkasuma ta'uuf jira; wanta badutu awwaalama, wanta hin badnetu kaafama; ⁴³ gad deebiidhaan in awwaalama, ulfinaan in kaafama; dadhabbiidhaan in awwaalama, humnaanis in kaafama. " ⁴⁴ Dhagna fooniitu awwaalama, dhagna hafuuraatu kaafama; dhagni foonii erga jiraatee, dhagni hafuuraas immoo jira. ⁴⁵ Caaffanni qulqullaa'aan, "Addaam inni duraa foon lubbuu qabu ta'e; Addaam inni lammaffaan immoo hafuura jireenya kennu ta'e" jedha. ⁴⁶ Dhagna fooniitu dura bu'e malee, dhagna hafuuraa miti; kana booddee dhagna hafuuraatu argame. ⁴⁷ Namichi inni duraa biyyoo irraa waan numameef, nama biyya lafaati; namichi inni lammaffaan immoo nama waaqa irraa ti. ⁴⁸ Warri biyya lafaa akka namicha biyya lafaa sanaa ti; warri biyya waaqaa akka namicha waaqa irraa sanaa ti. ⁴⁹ Bifa namicha isa biyya lafaa akka fudhanne akkasuma immoo bifa namicha isa waaqa irraa fudhachuuf jirra. ⁵⁰ Obboloota ko, namni foonii fi dhiigaan mootummaa Waaqayyootti galuu yookiis wanti badu wanta hin badne keessaa hirmaachuu, akka hin dandeenye isinittan hima. ⁵¹ Nuyi hundumti keenya in geddaramna malee, hin duunu; dhoksaan ani isinitti himuuf jedhes isa kana. ⁵² Malakanni inni dhumaa yommuu afuufamu, battala liphsuu ijaatti in geddaramna; malakanni in afuufama, warii du'an immoo bifa hin badneen in kaafamu. ⁵³ Wanti hin badne, iddoo wanta badu kanaa, wanti hin duune iddoo wanta du'u kanaa bu'uutu ta'a . ⁵⁴ Wanti hin badne iddoo wanta badu kanaa yommuu bu'u, wanti hin duunes iddoo wanta du'u kanaa yommuu bu'u, inni, "Duuni badduu ba'e, mo'ichi argameera" ⁵⁵ ammas immoo, "Mo'ichi kee meerree, yaa du'aa? Arfiin kees meerree yaa du'aa?" jedhamee caafame fiixaan ba'eera. ⁵⁶ Arfiin du'atti nama oofu cubbuu dha; cubbuu kan humna godhachiisus seera. ⁵⁷ Waaqayyo isa karaa gooftaa keenya Yesus Kristos mo'icha nuuf kennuuf immoo galanni haa ta'u . ⁵⁸ Jaallatamoo obboloota ko, egaa utuu hin socho'in jabaadhaatii dhaabadhaa! Itti dadhabuun keessan gooftaa biratti akkasumaan akka hin ta'in beektanii, yeroo hundumaa hojii gooftaa caalchisaa hojjedhaa! 𝐁𝐚𝐫𝐮𝐦𝐬𝐚 𝐌𝐚𝐜𝐚𝐚𝐟𝐚 𝐐𝐮𝐥𝐪𝐮𝐥𝐥𝐮𝐮 𝐟𝐢 𝐒𝐚𝐠𝐚𝐥𝐞𝐞 𝐌𝐢𝐬𝐬𝐢𝐫𝐚𝐚𝐜𝐡𝐨 𝐝𝐡𝐚𝐠𝐚'𝐮𝐮𝐟 𝐂𝐡𝐚𝐧𝐧𝐞𝐥 𝐊𝐞𝐞𝐧𝐲𝐚 𝐉𝐨𝐢𝐧 𝐆𝐨𝐝𝐡𝐚𝐚 𝐀𝐤𝐤𝐚𝐬𝐮𝐦𝐚𝐬 𝐇𝐢𝐫𝐢𝐲𝐲𝐨𝐨𝐭𝐚 𝐊𝐞𝐞𝐬𝐬𝐚𝐧𝐢𝐟 𝐪𝐨𝐨𝐝𝐚. 🚶‍♂️🚶‍♀️🚶🚶‍♂️🚶‍♀️🚶🚶‍♂️🚶‍♀️🚶 🚆𝐃𝐚𝐚𝐧𝐝𝐢𝐧 𝐊𝐞𝐞𝐧𝐲𝐞 𝐃𝐡𝐞𝐞𝐫𝐚 𝐟𝐢 𝐒𝐢𝐫𝐫𝐢𝐢𝐝𝐡𝐚. 👓𝐌𝐮𝐥𝐝𝐡𝐚𝐧𝐧𝐢 𝐊𝐞𝐞𝐧𝐲𝐚𝐬 𝐆𝐮𝐝𝐝𝐚𝐚 𝐟𝐢 𝐅𝐚𝐠𝐨𝐨𝐝𝐡𝐚. 📖📖📖📖📖📖📖📖📖📖📖 💻 #𝐎𝐫𝐨_𝐁𝐢𝐛𝐥𝐞. Nu Quunnamuf @Ebbifi #𝐉𝐎𝐈𝐍 👇👇👇 @kiristoosIfaKooti @kiristoosIfaKooti @kiristoosIfaKooti

#𝐁𝐚𝐫𝐫𝐮𝐮_17𝐟𝐟𝐚𝐚 #𝐒𝐀𝐆𝐀𝐋𝐄𝐄_𝐖𝐀𝐀𝐐𝐀𝐘𝐘𝐎_𝐇𝐈𝐌𝐔𝐔_𝐇𝐈𝐍 𝐃𝐇𝐈𝐈𝐒𝐈𝐍. #Seena gabaaba kana irra wan gudda baratta dubbisi. 𝑺𝑬𝑬𝑵𝑰𝑪𝑯𝑰 𝑨𝑲𝑲𝑨𝑺 𝑻𝑼𝑹𝑬. ▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎ Maanguddoo hiyyeessa tokkotu guyyaa tokko Baaburaan deema ture. Innis utuu baaburaa deemaa jiruu ol ka'ee dhaabatee Namoota waliin deemu (imaltootaan) "𝐘𝐄𝐒𝐔𝐒 𝐍𝐈 𝐃𝐇𝐔𝐅𝐀"Jedhe guddisee dubbate. Yeroo kana namoota achii keessaa dubartiin tokko Aarii guddaadhaan "Callisi gadibtaa'i waa'ee yesus hin beektu yesus ati jettu hin jiru iyyuuti" ittiin jette. Innis nahee gadi taahee, ammas waayee dhufaatii yesuus dubbachuu itti fufe. utuu dubbachaa jiruu sagaleen waaqarraa itti dubbatamee "𝐘𝐄𝐒𝐔𝐒 𝐝𝐞𝐞𝐛𝐢'𝐞𝐞 𝐝𝐡𝐮𝐟𝐚 𝐤𝐨𝐨𝐭𝐭𝐚 𝐠𝐚𝐫𝐚 𝐢𝐬𝐚𝐚𝐭𝐭𝐢 𝐝𝐞𝐞𝐛𝐢𝐧𝐞𝐞 𝐜𝐮𝐛𝐛𝐮𝐮 𝐤𝐞𝐞𝐧𝐲𝐚 𝐡𝐢𝐦𝐚𝐧𝐧𝐞 𝐢𝐬𝐚𝐭𝐭𝐢 𝐚𝐦𝐚𝐧𝐧𝐚" jedhii ammayyuu dubbadhu ittiin jedhe. yeroo kanatti dubartiin jalqaba nama kanatti dheekkamte kun ammas ol kaatee Maanguddoo hiyyeessa kana qabde aariidhaan rukkutte. Yeroo kana mucayyoon dubartii kanaa ol kaatee "#Mommy maanguddoo hiyyeessa kana dhiisi hin rukkutiin isa waaqatuu ergee"jette. Yeroo kana dubartiin kun kaatee miila mucaasheetti kuftee boo'uutti kaate. Yeroo kana Maanguddoon sun nahee "maaliif boossa? "ittiin jedhe dubartii isa rukkutaa turte sanaan. Yeroo kana dubartiin sun akkas jettee maanguddoo kanaaf deebiste "Mucaan koo Duudaa(hin dubbattu) turte Amma Garuu dubbachuu eegalte" jeettee sagalee gammachuun deebisteef. 2𝑿𝒊𝒎. 4:2 “𝑫𝒖𝒃𝒃𝒊𝒄𝒉𝒂 𝒍𝒂𝒍𝒍𝒂𝒃𝒊, "𝑲𝒖𝒏 𝒚𝒆𝒓𝒐𝒐𝒅𝒉𝒂, 𝒌𝒖𝒏 𝒚𝒆𝒓𝒐𝒐 𝒎𝒊𝒕𝒊" 𝑼𝒕𝒖𝒖 𝒉𝒊𝒏 𝒋𝒆𝒅𝒉𝒊𝒏 𝒒𝒐𝒑𝒉𝒂𝒂'𝒊𝒊 𝒂𝒓𝒈𝒂𝒎𝒊! 𝑵𝒂𝒎𝒂 𝒃𝒂𝒍𝒍𝒆𝒆𝒔𝒔𝒂 𝒊𝒔𝒂𝒂 𝒉𝒖𝒃𝒂𝒄𝒉𝒊𝒊𝒔𝒊 𝒊𝒇𝒂𝒅𝒈𝒖! 𝑶𝒃𝒔𝒂 𝒉𝒖𝒏𝒅𝒖𝒎𝒂𝒂𝒏 𝒈𝒐𝒓𝒔𝒊 𝒃𝒂𝒓𝒔𝒊𝒊𝒔𝒊." 1𝑿𝒊𝒎. 4:13 “𝑯𝒂𝒎𝒎𝒂 𝒂𝒏𝒊 𝒇𝒉𝒊𝒇𝒖𝒕𝒕𝒊 𝒊𝒎𝒎𝒐𝒐, 𝑪𝒂𝒂𝒇𝒇𝒂𝒕𝒂 𝒒𝒖𝒍𝒒𝒖𝒍𝒂𝒂'𝒂𝒂 𝒏𝒂𝒎𝒐𝒐𝒕𝒂𝒂𝒇 𝒅𝒖𝒃𝒃𝒊𝒔𝒖𝒖𝒕𝒕𝒊, 𝒈𝒐𝒓𝒔𝒖𝒖𝒕𝒕𝒊, 𝒃𝒂𝒓𝒔𝒊𝒊𝒔𝒖𝒖𝒕𝒕𝒊𝒔 𝒐𝒇 𝒌𝒆𝒏𝒏𝒊" #𝐃𝐡𝐚𝐚𝐦𝐬𝐚 Seenaa kanarraa wan guddaa hubatteta jedheen yaada. egaa Ya obbolaa koo waan seenaa kanarraa hubannu Haalli baayyee gaarii tahus, tahuu baatus dubbii waaqayyoo dubbachuurraa duubatti deebiyuu hin qabnu. Waaqayyo haala kam keessattu ni waaqeffama. Hanga Xumuraatti waan dubbiftaniif Galatooma. Ayyaanni Waaqayyo isiniif Haa baayyatu Hiriyyoota keessanif #Share godha darbaa Adaraadha. 𝐁𝐚𝐫𝐮𝐦𝐬𝐚 𝐌𝐚𝐜𝐚𝐚𝐟𝐚 𝐐𝐮𝐥𝐪𝐮𝐥𝐥𝐮𝐮 𝐟𝐢 𝐒𝐚𝐠𝐚𝐥𝐞𝐞 𝐌𝐢𝐬𝐬𝐢𝐫𝐚𝐚𝐜𝐡𝐨 𝐝𝐡𝐚𝐠𝐚'𝐮𝐮𝐟 𝐂𝐡𝐚𝐧𝐧𝐞𝐥 𝐊𝐞𝐞𝐧𝐲𝐚 𝐉𝐨𝐢𝐧 𝐆𝐨𝐝𝐡𝐚𝐚 𝐀𝐤𝐤𝐚𝐬𝐮𝐦𝐚𝐬 𝐇𝐢𝐫𝐢𝐲𝐲𝐨𝐨𝐭𝐚 𝐊𝐞𝐞𝐬𝐬𝐚𝐧𝐢𝐟 𝐪𝐨𝐨𝐝𝐚. 🚶‍♂️🚶‍♀️🚶🚶‍♂️🚶‍♀️🚶🚶‍♂️🚶‍♀️🚶 🚆𝐃𝐚𝐚𝐧𝐝𝐢𝐧 𝐊𝐞𝐞𝐧𝐲𝐞 𝐃𝐡𝐞𝐞𝐫𝐚 𝐟𝐢 𝐒𝐢𝐫𝐫𝐢𝐢𝐝𝐡𝐚. 👓𝐌𝐮𝐥𝐝𝐡𝐚𝐧𝐧𝐢 𝐊𝐞𝐞𝐧𝐲𝐚𝐬 𝐆𝐮𝐝𝐝𝐚𝐚 𝐟𝐢 𝐅𝐚𝐠𝐨𝐨𝐝𝐡𝐚. 📖📖📖📖📖📖📖📖📖📖📖 💻 #𝐎𝐫𝐨_𝐁𝐢𝐛𝐥𝐞. Nu Quunnamuf @Ebbifi #𝐉𝐎𝐈𝐍 👇👇👇 @kiristoosIfaKooti @kiristoosIfaKooti @kiristoosIfaKooti

𝐁𝐚𝐫𝐮𝐦𝐬𝐚 𝐌𝐚𝐜𝐚𝐚𝐟𝐚 𝐐𝐮𝐥𝐪𝐮𝐥𝐥𝐮𝐮 𝐟𝐢 𝐒𝐚𝐠𝐚𝐥𝐞𝐞 𝐌𝐢𝐬𝐬𝐢𝐫𝐚𝐚𝐜𝐡𝐨 𝐝𝐡𝐚𝐠𝐚'𝐮𝐮𝐟 𝐂𝐡𝐚𝐧𝐧𝐞𝐥 𝐊𝐞𝐞𝐧𝐲𝐚 𝐉𝐨𝐢𝐧 𝐆𝐨𝐝𝐡𝐚𝐚 𝐀𝐤𝐤𝐚𝐬𝐮𝐦𝐚𝐬 𝐇𝐢𝐫𝐢𝐲𝐲𝐨𝐨𝐭𝐚 𝐊𝐞𝐞𝐬𝐬𝐚𝐧𝐢𝐟 𝐪𝐨𝐨𝐝𝐚. 🚶‍♂️🚶‍♀️🚶🚶‍♂️🚶‍♀️🚶🚶‍♂️🚶‍♀️🚶 🚆𝐃𝐚𝐚𝐧𝐝𝐢𝐧 𝐊𝐞𝐞𝐧𝐲𝐞 𝐃𝐡𝐞𝐞𝐫𝐚 𝐟𝐢 𝐒𝐢𝐫𝐫𝐢𝐢𝐝𝐡𝐚. 👓𝐌𝐮𝐥𝐝𝐡𝐚𝐧𝐧𝐢 𝐊𝐞𝐞𝐧𝐲𝐚𝐬 𝐆𝐮𝐝𝐝𝐚𝐚 𝐟𝐢 𝐅𝐚𝐠𝐨𝐨𝐝𝐡𝐚. 📖📖📖📖📖📖📖📖📖📖📖 💻 #𝐎𝐫𝐨_𝐁𝐢𝐛𝐥𝐞. Nu Quunnamuf @Ebbifi #𝐉𝐎𝐈𝐍 👇👇👇 @kiristoosIfaKooti @kiristoosIfaKooti @kiristoosIfaKooti

#𝐊𝐈𝐑𝐈𝐒𝐓𝐎𝐒𝐈𝐓𝐓𝐈_𝐉𝐈𝐑𝐀𝐀𝐃𝐇𝐀 𝑸𝒐𝒍, 2: ¹ Ani isinii fi warra Laa'odiiqeyaatiif akkasumas warra fuula koo hin argin hundumaaf attam guddisee akkan dhama'aa ture akka beektan nan barbaada. ² Kana gochuun koos garaan isaanii ija jabinaan akka guutuuf jaalalaan walitti hidhamanii utuu jiranii, badhaadhummaa amansiisa guutuu qabu isa hubannaa keessaa dhufu, dhoksaa Waaqayyoo isa Kristos keessa jirus beekuu akka argataniif. ³ Badhaadhummaan ogummaa fi beekumsaa hundinuu isa keessa dhokfamee jira. ⁴ Kanas namni tokko illee dubbii nama wallaalchisuun akka isin hin gowwoomsineefan dubbadha. ⁵ Fooniin yoon isin bira jiraachuu dhaabaadhe iyyuu hafuuraan isin biran jira; toora gaarii isin qabdanii fi Kristos Yesusitti amanuutti jabaachuu keessan arguutti nan gammada. … ⁶ Egaa Kristos Yesus goofticha akkuma fudhattanitti isatti jiraadhaa! ⁷ Akkuma barsiifamtanitti hundee keessan gad fageeffadhaa, isatti ijaaramaatii amantiitti dhaabamaa! Galata guutee irra dhangala'us dhi'eessaa! ⁸ Namni tokko illee akka barsiisa Kristositti utuu hin ta'in, yaada mataa isaa keessaa ba'ee fi gowwoomsaa waan tokko of keessaa hin qabneen isin hin harkisin; akka barsiisa amala namaatti akka isa hafuurota bantii waaqaa keessaa biyya lafaa kana irratti humna qabu jedhamanii sodaatamaniitti isin hin booji'in; kana hundumaattiis of eeggadhaa! ⁹ Guutummaan waaqayyummaa namummaa Kristos keessa in jiraata. ¹⁰ Isinis isuma warra bantii waaqaa keessatti gooftummaa qabanii fi aboo qaban hundumaaf mataa ta'e sanaan gara guutummaa jireenyaa dhuftaniittu. ¹¹ Isinis immoo isumaan dhagna qabamtaniittu; dhagna qabaan keessan garuu isa harkaan hojjetame utuu hin ta'in, isa Kristos dhagna qabuu isaatiin namummaa foonii guutummaa isaa balleessee dha. ¹² Cuuphaadhaan Kristosii wajjin awwaalamtanii hojii aangoo Waaqayyoo isa warra du'an keessaa isa kaasetti amanuu keessaniin, isinis immoo isaa wajjin du'aa kaafamtaniittu. ¹³ Isinis irra-daddarbaa keessanii fi dhagna-qabaa dhabuu foon keessaniif hafuuraan du'oo yoo taatan iyyuu, Waaqayyo akka isin Kristosii wajjin jiraatoo taatan godheera; irra-daddarbaa keenya hundumaas nuuf dhiiseera. ¹⁴ Wanta nu irratti caafamee ture, isa nutti hin tolin sana, waan inni karaa seeraa nu irraa barbaaduu wajjin duguugee fannootti cinqaarsuu isaatiin iddoo isaatii balleesseera. ¹⁵ Fannoo sana irrattis Kristos warra qilleensa irraa gooftummaa qabanii fi humna qaban harka duwwaa hambisee bakkeetti isaan mul'isuudhaan salphisee isaan argisiise. ¹⁶ Kanaafis waa'ee nyaataa fi dhugaatiitti, waa'ee guyyaa ayyaanaatti, waa'ee baatii lakkaa'uutti yookiis waa'ee Sanbata eeguutti, namni tokko illee isinitti hin faradin! ¹⁷ Isaan kun gaadidduu wanta dhufuuf jiru sanaa duwwaa dha; wantichi inni dhugaan garuu kan Kristos. ¹⁸ Namni gad deebi'ee ergamoota waaqa irraa waaqessuu jaallatee, mul'ata arge tokko tokkoon himuudhaan sababii ga'u utuu hin qabaatin yaaduma garaa isaatiin of bokoksee, galata isin hin dhabsiisin. ¹⁹ Namni akkasii, Kristos mataa dhagnichaatti, isa guutummaan dhagnaa ittiin sooramee, buusaa fi ribuu isaatiinis walitti hidhamee, guddina Waaqayyo biraa argatuunis guddatu sanatti hin jabaatu. … ²⁰ Kristosii wajjin taatanii hafuurota bantii waaqaa keessaa biyya lafaa kana irratti humna qabu jedhamanii sodaataman jalaa erga duutanii immoo, maaliif akka waan amma iyyuu kan biyya lafaa taataniitti jiraattu ree? Maaliifis seerrata isaanii jala of galchitu ree? ²¹ "Kana harkaan hin qabin, sana afaaniin hin qabin, isa kaanis hin tuqin!" in jedhu. ²² Wanti kun hundinuu immoo ittiin hojjetamanii akka dhumaa adeemaniif hin turree ree! Akka ajaja namaa fi akka barsiisa namaattis dubbatame mitii ree? ²³ Seerratoonni akkasii waaqessuu addaan ba'e irra kaa'uu isaaniitiin waan gad deebisan fakkaachuu isaaniitiin, dhagnatti hammaachuu isaaniitiin wanta ogummaa irra dhaabatan in fakkaatu; garuu gara waan gatii qabuutti utuu hin ta'in, gara hawwa foonii raawwachuutti nama in geessu.

#𝐘𝐄𝐒𝐔𝐒 𝐁𝐚𝐫𝐭𝐨𝐨𝐭𝐚 𝐈𝐬𝐚𝐚𝐟 𝐊𝐚𝐝𝐡𝐚𝐜𝐡𝐮𝐮 𝐈𝐬𝐚𝐚 𝒀𝒐𝒉. 17: ¹ Dubbii kana erga dubbatee booddee, Yesus gara waaqaatti ol ilaalee, "Yaa abbaa, yerichi ga'eera, ilmi kee ulfina akka siif kennuuf, ilma kee gara ulfinaatti ol fudhadhu. ² Akkuma ati foon-qabeessa hundumaa irratti aboo isaaf kennite, inni immoo warra ati isaaf kennite hundumaaf jireenya bara baraa haa kennuuf. ³ Waaqayyo isa tokkicha, isa dhugaa, Yesus Kiristosin isa ati ergites beekuun isaanii jireenya bara baraa ti. ⁴ Ani lafa irratti ulfina siif kenneera, hojii akka ani hojjedhuuf ati anaaf laattes raawwadheera. ⁵ Ammas yaa abbaa, ulfina isa utuu biyyi lafaa hin uumamin ani si biratti qaba tureen, ofii kee biratti ulfina anaaf kenni! ⁶ "Biyya lafaa keessaa warra ati anaaf laattetti maqaa kee beeksiseera. Isaan kan kee turan, ati immoo anaaf isaan laatte; isaanis dubbii kee eeganiiru. ⁷ Ammas wanti ati anaaf kennite hundinuu si biraa ta'uu isaa hubataniiru. ⁸ Dubbii ati anaaf kennite hundumaa ani immoo isaaniif kenneera. Isaanis fudhatanii, ani si biraa akkan dhufe dhuguma hubatan; akka ati na ergites amanan. ⁹ Ani isaaniifan kadhadha, biyya lafaatiif hin kadhadhu, warra ati anaaf kenniteef malee; isaanoo kan kee ti. ¹⁰ Kan koo hundumtuu kan kee ti, kan kees kan koo ti, ulfinni koos isaaniin in mul'ata. ¹¹ Ammas ani si'achi biyya lafaatti hin argamu, isaan garuu biyya lafaa keessa jiru; ani immoo gara kee nan dhufa. Yaa abbaa qulqulluu, akkuma nuyi tokko taane, warri ati anaaf kennites tokko akka ta'aniif, maqaa keetiin isaan eegi! ¹² Hamma ani isaan bira turetti, humna maqaa keetii isa ati anaaf kenniteen isaan nan eege; waan hamaattii isaan eegeera, dubbiin macaafaa akka raawwatamuufis isaan keessaa ilma badiisaa malee, tokko illee kan bade hin jiru. ¹³ Amma garuu gara kee nan dhufa, isaan immoo gammachuu koo guutummaatti akka qabaataniif, dubbii kana biyya lafaa keessatti nan dubbadha. ¹⁴ Ani dubbii kee isaaniif kenneera; akkuma ani kan biyya lafaa hin ta'in, isaanis kan biyya lafaa waan, hin ta'iniif, biyyi lafaa isaan jibbe"'. ¹⁵ Isa hamaattii akka isaan eegduuf malee, biyya lafaa keessaa akka isaan baaftuuf si hin kadhadhu. ¹⁶ Akkuma ani kan biyya lafaa hin ta'in, isaanis kan biyya lafaa miti. ¹⁷ Dubbiin kee dhugaa dha, dhugichaan isaan qulqulleessi. ¹⁸ Akka ati biyya lafaatti na ergite, anis akkasuma biyya lafaatti isaan ergeera. ¹⁹ Isaan immoo dhugaatti kan qulqullaa'an akka ta'aniif, ani isaaniif jedhee of nan qulleessa. ²⁰ "Isaan kana duwwaadhaaf miti, warra dubbii isaanii dhaga'anii anatti amananiifis immoo nan kadhadha malee. ²¹ Isaanis tokko haa ta'aniif, yaa abbaa, akka ati ana keessa jirtu anis si keessa akkan jiru, isaanis nu keessa haa jiraataniif, biyyi lafaas ati akka na ergite haa beekuuf kadhachuu koo ti. ²² Akkuma nuyi tokko taane, isaanis tokko haa ta'aniif, ulfina ati anaaf kennite isaaniif kenneera. ²³ Ani isaan keessa atis na keessa jiraachuu keetiin isaanis raawwatanii tokko haa ta'an; biyyi lafaas ati na erguu kee, akkuma na jaallattes isaan immoo jaallachuu kee haa beeku! ²⁴ Yaa abbaa, isaan ati anaaf kennite kun iddoon ofii jiraadhu haa jiraataniif, ulfina isa ati biyyi lafaa utuu hin uumamin waan na jaallatteef anaaf laattes, haa arganiif nan fedha. ²⁵ Yaa abbaa ko, qajeelaa! Biyyi lafaa kun si hin beeku, ani garuu si beeka, isaan kunis immoo ati akka na ergite beekaniiru. ²⁶ Maqaan kee isaan biratti akka beekamu godheera, jaalalli ati ittiin na jaallatte isaan keessa akka jiraatuuf, anis isaan keessa akkan jiraadhuuf, ammas akka beekamu nan godha" jedhe. 𝐁𝐚𝐫𝐮𝐦𝐬𝐚 𝐌𝐚𝐜𝐚𝐚𝐟𝐚 𝐐𝐮𝐥𝐪𝐮𝐥𝐥𝐮𝐮 𝐟𝐢 𝐒𝐚𝐠𝐚𝐥𝐞𝐞 𝐌𝐢𝐬𝐬𝐢𝐫𝐚𝐚𝐜𝐡𝐨 𝐝𝐡𝐚𝐠𝐚'𝐮𝐮𝐟 𝐂𝐡𝐚𝐧𝐧𝐞𝐥 𝐊𝐞𝐞𝐧𝐲𝐚 𝐉𝐨𝐢𝐧 𝐆𝐨𝐝𝐡𝐚𝐚 𝐀𝐤𝐤𝐚𝐬𝐮𝐦𝐚𝐬 𝐇𝐢𝐫𝐢𝐲𝐲𝐨𝐨𝐭𝐚 𝐊𝐞𝐞𝐬𝐬𝐚𝐧𝐢𝐟 𝐪𝐨𝐨𝐝𝐚. 🚶‍♂️🚶‍♀️🚶🚶‍♂️🚶‍♀️🚶🚶‍♂️🚶‍♀️🚶 🚆𝐃𝐚𝐚𝐧𝐝𝐢𝐧 𝐊𝐞𝐞𝐧𝐲𝐞 𝐃𝐡𝐞𝐞𝐫𝐚 𝐟𝐢 𝐒𝐢𝐫𝐫𝐢𝐢𝐝𝐡𝐚. 👓𝐌𝐮𝐥𝐝𝐡𝐚𝐧𝐧𝐢 𝐊𝐞𝐞𝐧𝐲𝐚𝐬 𝐆𝐮𝐝𝐝𝐚𝐚 𝐟𝐢 𝐅𝐚𝐠𝐨𝐨𝐝𝐡𝐚. 📖📖📖📖📖📖📖📖📖📖📖 💻 #𝐎𝐫𝐨_𝐁𝐢𝐛𝐥𝐞. Nu quunnamuuf @Ebbifi #𝐉𝐎𝐈𝐍 👇👇👇 @kiristoosIfaKooti @kiristoosIfaKooti @kiristoosIfaKooti