ساز سوز دونیاسئ
@Bahzadmolamvardi مالک کانال = بهزاد مولام وردئ 09127932251
Show more6 062
Subscribers
+4724 hours
+1887 days
+56830 days
- Subscribers
- Post coverage
- ER - engagement ratio
Data loading in progress...
Subscriber growth rate
Data loading in progress...
افسانهدیر منه
سنسيز يئريم بهشت اولا غمخانهدير منه
كيم آشنا دَگيل سنه، بيگانهدير منه
هر كس كی پایبندِ سرِ زلفون اولماسا
يوز عاقیلم دئسه يئنه ديوانهدير منه
شوق رُخينله شمع كيمی يانديم هر گئجه
همدم سرشکِ چشميله پروانهدير منه
آب حياتی بير بئله زاهد كه وصف ائدير
لعل و لبين يانيندا بير افسانهدير منه
زولفونله اولسا ائيلهمز آشفته كؤنلومی
دوشمان او زولف ايچينده گزَن شانهدير منه
عشق عالمينده بونجا بلالر كی چكميشم
مقصد طواف عارضِ جانانهدير منه
واحد جهاندا باقی قالان عشق مولكیدير
اوندان قالان نه وارسادا ويرانهدير منه
علیآقا واحید
🍂🍁 🍁🍂
ائله باخما اینجی یه رم
یاراسی وار اوُره ییمین
یاری بولوب آپاریبسان
پاراسی وار اوُره ییمین
سنسیز قلبیم هئچ گوُلمه میش
محبتین بیلدیرمه میش
حسرتیندن خال دوشمه میش
هاراسی وار اوُره ییمین
بو بهمنین ایلکی عشقی
تکجه سنسن قلبینده کی
سندن باشقا کیم دییرکی
چاره سی وار اوُره ییمین
بهمن وطن اوغلو
✨❤️
00:33
Video unavailableShow in Telegram
قورویور کسیلیر گؤزدهکی یاشلار
دایانیر قیرغینلار کسیر ساواشلار
سئوینجین اؤنونده اَییلیر باشلار
آنا سئویننده آللاه سئوینیر
قانقال چیچک اولور تیکان گول اولور
دونیا باشدان باشا بیر کؤنول اولور
دورنا قانادیندان درد یونگول اولور
آنا سئویننده آللاه سئوینیر
یویولور تر-تمیز سوچلار، گوناهلار
چکیلمیر تتیکلر، آتمیر سیلاحلار
سئون کؤنوللری گؤینتمیر آهلار
آنا سئویننده آللاه سئوینیر
گؤزومله نئچه یول گؤروب دویموشام
بو حیسّی قلبیمله دریب دویموشام
عؤمرومو بو عشقه وئریب دویموشام
آنا سئویننده آللاه سئوینیر
دونیا نه نیفرتدیر، نه کیندیر اوغلوم!
سئوگی ان موقدّس بیر دیندیر اوغلوم!
اوغولسان، آنانی سئویندیر اوغلوم!
آنا سئویننده آللاه سئوینیر
سس و سؤز:زلیمخان یعقوب
💜🤍💜
10.01 MB
دربدر گزیرم عشقین صحراسین .
معشوقی عاشیقه وره ن اولایدی .
نه درد تاپیلایدی ندکی آزار .
یاخشیجا بیر دوران سوره ن اولایدی .
اهل حالی یتیر اوز صرافینا .
خسته نی ورسن دوز جراحینا .
غمین سلطانینا دردین شاهینا
باش ایب الهامدا دورا ن اولایدی .
قویما داردا قالسین آرزو دیلیین .
هیچ واخت سیخیلماسین جلیل اوریین
گویدن یره گلن نازلی مله یین .
داراییب ساچلارین هوره ن اولایدی
جلیل عباسی
مئیخانه خراب اولسا کونول قان اولاجاقدی
بوش باده اولان وختیده افغان اولاجاقدی
ساقی گزه گر باده و پئیمانه الینده
باده توکولن یئر ده گولوستان اولاجاقدی
هرکس کی دئییر باده وپئیمانه حارامدی
نادانه ده جننتده کی احسان اولاجاقدی
جان بسله میشیگ گوشه ی مئیخانه ده بیزلر
جان باده ائلن گورنیجه هم خوان اولاجاقدی
اینسان تانینار دونیادا اینسان یاشایشلی
هرکس عملی بیر گونو ایکران اولاجاقدی
قانمازلیقا بوعومرو هدر وئرمه آماندی
وئرسه هدره کیمسه پئشیمان اولاجاقدی
عهد ائیله میسن عهدینی سیندیرما حایف سان
بیرگون چاتاجاق عهدینه پئیمان اولاجاقدی
عباسی نه بولبول کیمی آواره گزیرسن
بوشاخه لر اوستونده اوره ک قان اولاجاقدی.
00:05
Video unavailableShow in Telegram
بو دونیانین سالامینی آلان یوخ
منزل توتوب چرخ اوستونده قالان یوخ
کؤچنلری بیرده یادا سالان یوخ
آخیری یوخ ازلی یوخ دونیادیر
مزاردادیر خانلار بئیلر سولطانلار
بیر توزیمیش توپراقلارا دورانلار
هئچ سئچیلمز بیر بیریندن اینسانلار
چیرکینی یوخ گؤزلی یوخ دونیادیر
غم کدری دؤردبیر یانا بؤرویر
خسته سالار مین دردیله یؤرویر
اینسانلاری داغدان داغا سؤرویر
صوحبتی یوخ مثلی یوخ
4.65 KB
نه وار
آرانی قاتان اولماسا
اوجالیب اوچماغا نه وار
آیاقدان توتان اولماسا
زیروه لر آشماغا نه وار
اییب اییلن اولماسا
دؤیوب دؤیولن اولماسا
بؤیوک دیل بیلن اولماسا
دیل بیلمز اوشاغا نه وار
ساتقینی سایان اولماسا
قورد قوردا هایان اولماسا
یالانی یایان اولماسا
دوزو دانیشماغا نه وار
جانینی سؤکن اولماسا
بئلینی بوکن اولماسا
گؤزه کول تؤکن اولماسا
کوکره ییب داشماغا نه وار
یاخیب یاندیران اولماسا
یامان قاندیران اولماسا
اوره ک سیندیران اولماسا
یوز ایل یاشاماغا نه وار
حسین عاریف
❤️🔥❤️🔥❤️🔥❤️🔥❤️🔥❤️🔥
⫺⇨🤍 🤍
عارفلردن سوردوم دونیا احوالین
آزاد قوشا بیر قفس دیر دئدیلر
عؤمرون اعتبارین سوال ائیله دیم
گئتدے گلمز بیر نفس دیر دئدیلر
دئدیم دونیا مالے دئدیلر عبرت
دئدیم بس جوانلیق دئدیلر فرصت
دئدیم بس قوجالیق دئدیلر حسرت
عؤمرون پاییز یئلے اسدے دئدیلر
دئدیم بیر سرمایه بیرده سعادت
دئدیلر خوش اخلاق بیرده قناعت
دئدیم شهرت اوچون اولسا عبادت
عابد دییل بوالهوس دیر دئدیلر
دده ڪاتب غم نهالین غم أڪه
غم خرمنین غم انباره غم تؤڪه
عؤمرون سوفراسیندان بیر نئچه تیڪه
یئدیم دؤیمامیشدان بسدے دئدیلر
دده ڪاتب
سارالیب نرگیزیم سولوب بنوُوشم
داغینا قار یاغمیش یازا دؤنموشم
دئییشیب طبعیمده طبیعتیمده
سیملرے قیریلمیش سازا دؤنموشم
گوُزله رم انصافسیز هله ده گلمز
وئرر بو عوُمرومو یئله ده گلمز
اَل آتسان وارلیغیم اَله ده گلمز
دیللرده سوُیله نن سوُزه دؤنموشم
"بهمنم"سارالدیب بیر ایستک منی
عوُمور یوللاریندا قویوب تک منی
ائله یاندیریب ڪے او ملک منے
یانیب اوُزوم بویدا ڪوُزه دؤنموشم.
بهمن وطن اوغلو
1
Choose a Different Plan
Your current plan allows analytics for only 5 channels. To get more, please choose a different plan.