مونجوق MUNCUQ

📚 مین ایل ناغێـل کتابێـندان ⭕️ اؤردک‌له قافلانێـن ناغێـلی ✍️فارسجایا چئویرن: زهرا سعید بهر 🔷تۆرکجه‌یه چئویرن: #گۆنش_امانی 🔶«انجمن تدوین برنامه‌ریزی شده متون» تألیفی، «هزار سال قصه» کتابێندان ترجمه اوْلمۇش آلتێـنجی بؤلۆم هر گئجه شام یئمه‌ڲـیندن سوْنرا، آتا- آنا، اوشاقلار، قافلان، اؤردک و اوبیری حئیوانلار بیر یئره توْپلانێـب، ایکی بـؤلـۆمه بـؤلـۆنوب، اوْینایێـردیلار. اوْنلار هئچ زمان بو قدر گـۆلمه‌میشدیلر. قـوْجا آت دا اوْیوندا اوْلسون دئیه، اوْیونجو بـؤلـۆشمه‌لرینده اوْلوردو و بو ایشدن، بـۆتون اوْیوندا اوْلماق قدر لذت آپارێـردی. اوْیونجولارێـن آراسێـندا سـؤز یا اینجیک‌لیک چێـخاندا دا، قـوْجا آت آراچی اوْلوب، ایکی طرفی بارێـشدیریردی. اوْیونلارێـن بیرینده دوْنقوز ادعا ائلییردی آتا- آنا جێـغال ائلییب، آما آت اوْنون یانلێـش بیلدیڲـینی اثبات ائتدی. دوْنقوز پیس بیر حئیوان دڲـیلدی، چـوْخ دا یاخجی ایدی، اما چـوْخ حساس و کۆسه‌ین ایدی. او عصبی‌لشنده چـوْخ اؤفکه‌لی اوْلوردو، اوْنا گـؤره تارتێـشمالار چـوْخ اوْلوردو قافلان دا بونا گـؤره راحات‌سیز اوْلوردو، البته تارتێـشمالار چـوْخ اوزون سـۆرمه‌دڲـی اۆچون، تئز اونودولوردو. آیێـن اێـشیغی هر یئری بـۆروین بعضی گئجه‌لر اوْیون اوزون زمان سـۆروردو و هئچ کس اوْیونون بیتمه‌سینی ایسته‌میردی. اوْندا هامێدان ذکالی اوْلان اؤردک دئییردی: هامی دقت ائتسین، دینله‌یین، آرتێـق هامێـمیز یاتماغا حاضرلانمالی‌یێـق. آتا- آنا یالوارێـردی: تکجه اوْن‌بئش دقیقه ده اوْینایاق، تکجه اوْن‌بئش دقیقه! یئمک وقتی ده کیمسه یـوْرولوب، دارێـخمیردی. اؤردکله قافلان سفرلرینده گئچدیکلری اؤلکه‌لردن دانێـشیردیلار. اوْنلارین صحبتی او قدر شیرین ایدی کی، هئچ کس هئچ وقت اوْنلاری ائشیتمکدن یـوْرولمازدی. بیر گـۆن اؤردک سـؤزۆنو بئله باشلادی: - من روسیه‌نی قارێـش به قارێـش دوْلانێـب، تانێـمیشام، اوْرانێـن هرزادێـنا گـؤره سیزه دانێـشا بیله‌رم. بعضیلری هئچ زمان گئتمه‌دیڲـی و هئچ زمان گـؤرمه‌دیڲـی یئرلردن دانێـشیرلار، آما من اؤز گـؤزۆمله گـؤرموشم، سیز بونو بیلیرسیز! یاخجی! دۆزونه باخساق چـوْخ دا ادعالاری اوْلدوغو کیمی، اوْنلار اؤردکلره ائله ده‌ڲـر وئرمیرلر... بیر گـۆن سحر تئزدن دوْنقوز دوْلانماغا تارلادان چێـخدی. یـوْلون اۆستونده حیطده اوْلان قـوْجا آتا ایستی بیر سلام وئریب، بالاجا جوجه‌یه گـۆلومسه‌دی. آما قافلانێـن اؤنـۆندن گئچنده اوْنو سایمادی. قافلان دا بیر سـؤز دئمه‌دن باخێـشییلا اوْنو یـوْلا سالدی. گئچن گئجه اوْیون زمانی اوْنلارێـن آراسێـندا بالاجا بیر تارتێـشما اوْلدو. دوْنقوز چـوْخ پیس داوراندی، ائله کی هامی اوْنون بو ایشیندن اینجیدیلر. او یئرینه گئده- گئده دئدی، داها ایسته‌میر قافلانلا اوْیناسێـن و آرتێـردی: چـوْخ سئویرم اوْینایام، اما اوْیناماغا گـؤره بیر یابانجی‌نێـن جێـغالینا دؤزمه‌لی اوْلسام، یاتماغا اۆستونلوک وئریرم. او گـۆن ده قافلان هر گـۆن کیمی، اوْرماندا دوْلانماق اۆچون، سحر ساعات سکگیزده تارلادان چێـخیب، ساعات اوْن‌بیرده گئری دؤندۆ، آنجاق اؤزۆنو آغێـر حسّ ائدیب، یوخولو ایدی و کیرپیکلری یۆمولوردو. #آردێ_گلن_سایێـدا... @MuncuqAz https://t.me/Sancaq_media/8105