قصص الأنبياء بالعامية للكبار والاطفاال ولكل الاعمار🌹

⭐المصادر⭐ http://islamport.com/w/amm/Web/1478/1454.htm Watch "حديث توبة كعب بن مالك | د. أحمد عبد المنعم" on YouTube https://youtu.be/-Zvu2SI5fNA https://www.alukah.net/sharia/0/136717/

ناحية رسول الله ﷺ يقوم رسول الله ﷺ ملتفت عن كعب وينظر في جهة تانية😅 يعني على الرغم من إن رسول الله ﷺ هو إللي قال محدش يكلم كعب والناس تتجنبه وطبعا ده بأمر من ربنا؛ لكنه ﷺ لسه مهتم بيه وصعبان عليه وعايز يطمن عليه فكان بينظر إليه لعله يعرف أحواله، يقول كعب: حَتَّى إِذَا طَالَ ذَلِكَ عَلَيَّ مِنْ جَفْوَةِ الْمُسْلِمِينَ مَشَيْتُ حَتَّى تَسَوَّرْتُ جِدَارَ حَائِطِ أَبِي قَتَادَةَ وَهُوَ ابْنُ عَمِّي وأَحَبُّ النَّاس إِلَيَّ، فَسَلَّمْتُ عَلَيهِ، فَوَاللهِ مَا رَدَّ عَليَّ السَّلَامَ، فَقُلْتُ لَهُ: يَا أَبَا قَتَادَةَ، أنْشُدُكَ باللهِ هَلْ تَعْلَمُنِي أُحِبُّ اللهَ وَرَسُولَهُ؟ فَسَكَتَ، فَعُدْتُ فَنَاشَدْتُهُ، فَسَكَتَ، فَعُدْتُ فَنَاشَدْتُهُ، فَقَالَ: اللهُ ورَسُولُهُ أَعْلَمُ، فَفَاضَتْ عَيْنَايَ😢 يعني كعب بيقول لما طال جفاء المسلمين عليه راح لأبي قتادة ابن عمه وكان أحب الناس إليه، وخدوا بالكم إنه عشان يقابله تسلق سور البستان ودخل من ورا السور؛ لأنه لو كان جاله من الباب كان هيرفض يقابله لأن رسول الله ﷺ قال محدش يكلم الثلاثة، فلما شافه كعب سلم عليه، فأبو قتادة مردش عليه السلام، ☆طيب إزاي ميردش السلام ورد السلام واجب 😳 لأن كل حقوق كعب بن مالك سقطت بالهجر👌 يعني دلوقتي رسول الله ﷺ أمر بالناس بهجر الثلاثة دول، ويدخل في الهجر هنا عدم رد السلام. فكعب استحلف ابن عمه وأقرب الناس له بالله وسأله مش انت عارف إني أحب الله ورسوله، فأبو قتادة مردش عليه. ◇طيب هو ليه كعب سأل أبا قتادة السؤال ده؟ يعني هو كعب مش عارف يعني نفسه إذا كان بيحب ربنا ورسوله ولّا لأ😕 شوفوا، الواحد ساعات في بعض الأزمات بيبقى محتاج حد يطمنه ويثبته ويديله ثقة في نفسه، محتاج حد يقوله متخفش انت كويس وفيك خير والبلاء إللي انت فيه ده هيعدي👌 فهو ده إللي كعب كان محتاج يسمعه من أبي قتادة، فلما سأله السؤال ده كان مستني يسمع منه حاجة تطمنه وخصوصا إن أبا قتادة يبقى ابن عمه وأقرب وأحب الناس إليه، لكن أبو قتادة سكت ومردش، فكعب كرر عليه السؤال مرة تانية، فهنا أبو قتادة رد بكلام شديد جدا عليه وقال: الله ورسوله أعلم، يعني أنا معرفش إذا كنت فعلا بتحب الله ورسوله ولّا لأ، فهنا كعب مستحملش الصدمة وعينه فاضت بالدموع😢 ☆طيب ما هو أبو قتادة كلمه أهه ورد عليه، يبفى هو كده خالف أمر رسول الله ﷺ 🤔 لأ، أبو قتادة رضي الله عنه لم يخالف أمر رسول الله ﷺ؛ لأن الكلام المنهي عنه هو إن يكون في حوار بين الاتنين، يعني واحد يتكلم والتاني يرد عليه ويبقى في بينهم أخذ ورد، وأصلا لما أبو قتادة قال الله ورسوله أعلم مكنش يقصد الرد على كعب ولا إنه يتكلم معاه، لكنه علَّق محبة كعب بن مالك على علم الله ورسوله، على الرغم من إن أبو قتادة ممكن يكون عارف من قلبه ومن تصرفات كعب على مدار السنين وهو صاحبه وأقرب الناس له إنه محب لله ورسوله، ولكن بعد الموقف إللي حصل ده؛ أبو قتادة ميعرفش ربنا هيحكم بإيه في موضوع كعب، عشان كده الجملة إللي قالها دي لا تعتبر من الكلام إللي المسلمون نُهوا عنه. بعد الكلمة إللي سمعها كعب من أبي قتادة يقول كعب: "وَتَوَلَّيْتُ حَتَّى تَسَوَّرْتُ الْجِدَارَ" يعني قام وتسلق السور وخرج من بستان أبي قتادة، وخرج يمشي في سوق المدينة ولكم أن تتخيلوا حالته النفسية كانت عاملة إزاي، وأد إيه كمية الهم والغم والكرب إللي كان فيها😓 بعد الموقف ده على طول وهو ماشي في السوق ربنا ابتلاه بابتلاء شديد جدا👌 يقول كعب: "فَبَيْنَا أَنَا أَمْشِي فِي سُوقِ الْمَدِينَةِ إِذَا نَبَطِيٌّ مِنْ نَبَطِ أهْلِ الشَّامِ مِمَّنْ قَدِمَ بالطَّعَامِ يَبيعُهُ بِالمَدِينَةِ، يَقُولُ: مَنْ يَدُلُّ عَلَى كَعْبِ بْنِ مَالِكٍ؟ فَطَفِقَ النَّاسُ يُشِيرُونَ لَهُ إِلَيَّ حَتَّى جَاءنِي فَدَفَعَ إِلَيَّ كِتَابًا مِنْ مَلِكِ غَسَّانَ، وَكُنْتُ كَاتبًا، فَقَرَأْتُهُ، فإِذَا فِيهِ: أَمَّا بَعْدُ، فإِنَّهُ قَدْ بَلَغَنا أَنَّ صَاحِبَكَ قَدْ جَفَاكَ، وَلَمْ يَجْعَلْكَ اللهُ بدَارِ هَوانٍ وَلَا مَضْيَعَةٍ، فَالْحَقْ بنَا نُوَاسِكَ" يعني لما كعب كان ماشي في السوق كان في فلاح من فلاحين الشام أو تاجر من التجار إللي جاءوا يبيعوا الطعام في سوق المدينة بيسأل الناس مين يدله على كعب بن مالك، فالناس شاوروا له على كعب، فجاءه الفلاح وأعطاه كتاب، رسالة يعني وكان كعب بيعرف يقرأ ويكتب، ففتح الرسالة لقاها من ملك غسّان وكان اسمه جَبَلة بن الأَيْهم، وواضح إنه كان متابع الأخبار والأمور إللي بتحصل في المدينة عشان يستغل أي ظرف لزعزعة الثقة بين المسلمين وبين رسول الله ﷺ، المهم، ملك غسان بيقول لكعب في الرسالة إنه عرف إن صاحبه يعني رسول الله ﷺ أعرض عنه وبقى يعامله معاملة وحشة، وانت يا كعب مش دي منزلتك ولا انت وش البهدلة والمعاملة السيئة دي، واحنا كنا قلنا قبل كده إن كعب كان أمير في قومه. فهو بيفكره بمكانته وبيقوله سيبك من الإسلام والناس إللي بيعا

ملوك معاملة سيئة كده وتعال ادخل في ديننا وهنعاملك أحسن معاملة👌 عايزاكم يا جماعة تتخيلوا شدة الابتلاء ده😶 واحد بقاله عشرين أو ثلاثين يوم لا أهل ولا أصحاب بيكلموه ولا حتى رسول الله ﷺ، يعني مش إنه عايش لوحده، لأ ده بيشوف ناس عارفهم وبيعرضوا عنه، ومش واحد ولا اتنين ده المجتمع كله كده، حتى أقرب الناس إليه أبو قتادة، وفي حالة نفسية سيئة جدا وفجأة تجيله رسالة تقوله تعال احنا هنخلصك من الهم إللي انت فيه ده كله، أي واحد من ضعيفي الإيمان هيلاقيها فرصة متتعوضش وهيبيع دينه بعرض من الدنيا👌 تخيلوا كعب عمل إيه؟ يقول كعب إنه لما قرأ الرسالة قال: "وَهَذِهِ أَيضًا مِنَ البَلاءِ، فَتَيَمَّمْتُ بِهَا التَّنُّورَ فَسَجَرْتُهَا" يعني هو عرف إن ربنا بيختبره والرسالة دي زيادة في البلاء، فراح واخد الرسالة ورماها في الفرن وحرقها عشان يقفل باب الفتنة دي خالص👌 ماهو كان ممكن يخليها معاه وميروحش برده لملك غسان، لكن كعب عنده فقه وفاهم إنه لو ساب أي باب فتنة مفتوح ممكن يدخله، إيه إللي يضمن إن نفسه متضعفش في يوم من الأيام كل ما يشوف الرسالة مع الضغط وشدة الابتلاء وفعلا يروح لملك غسّان🤷‍♂️ فهو سد باب الفتنة ده خالص وبِعد عنه👌 ☆الواحد فعلا مش عارف يتعجب من الناس إللي حريصة على تفيذ أمر رسول الله ﷺ وحتى وهو مش شايفهم زي أبو قتادة كده، ولّا يتعجب من صبر كعب بن مالك وثباته في الابتلاء الشديد ده، وإنه مبعش دينه بعرض من الدنيا في حين إن في ناس بتبيع دينها حتى بدون عَرض من الدنيا ربنا يعافينا😞 عدّى أربعين يوم على الوضع إللي كعب فيه ده، وفجأة رسول الله ﷺ يرسل رجل لكعب بن مالك يخبره رسالة، هل يا ترى الرسالة دي فيها الفرج ولّا زيادة في البلاء؟ ده إللي هنعرفه الجزء الجاي إن شاء الله 👌 ☆ملحوظة: أي حد عايز يأخذ القصص وينشرها يتفضل أنا معنديش مانع نهائي😊 #Eman_Shalapy

#قصص_الأنبياء(٢) #السيرة_النبوية #الحلقة_مائتين #أحداث_السنة_التاسعة_من_الهجرة #كعب_بن_مالك_الجزء_الثاني اتكلمنا المرة إللي فاتت عن قصة كعب بن مالك رضي الله عنه وشوفنا صدقه واعترافه لرسول الله ﷺ بإنه مكنش عنده أي عذر تخلف بسببه، رسول الله ﷺ رد وقال: "أَمَّا هَذَا فَقَدْ صَدَقَ، فَقُمْ حَتَّى يَقْضِيَ اللهُ فِيكَ" يعني بيقول إن كل الناس إللي قبل كده جاءوا يعتذروا ويتحججوا بأسباب؛ كلهم كانوا كاذبين لكن كعب بن مالك هو الوحيد إللي صدق في كلامه، فقال له استنى بقى لحد ما ربنا يقضي في أمرك ويقول نعمل إيه معاك، فخرج كعب بن مالك من عند رسول الله ﷺ، وخرج وراه رجال من بني سَلَمَة، فقالوا لكعب: وَاللهِ مَا عَلِمْنَاكَ أَذْنَبْتَ ذَنْبًا قَبْلَ هذَا😕 لَقَدْ عَجَزْتَ فِي أَنْ لَا تَكُونَ اعْتَذَرْتَ إِلَى رَسُولِ اللهِ ﷺ بِمَا اعْتَذَرَ إِلَيْهِ الْمُخَلَّفُونَ😒 فَقَدْ كَانَ كَافِيكَ ذَنْبَكَ اسْتِغْفَارُ رَسُولِ اللهِ ﷺ لَكَ🤷‍♂️ يعني بيقولوا له احنا منعرفش عنك إنك عملت ذنب كبير قبل كده أو تخلفت عن غزوة، ودي أول مرة، إيه المشكلة يعني، مكنتش عارف تعتذر لرسول الله ﷺ بأي عذر كده زي ما اعتذر باقي الناس إللي تخلفوا، كنت اعتذر ورسول الله ﷺ يستغفر لك وخلاص انتهى الموضوع، كعب بيقول: "فَوَاللهِ مَا زَالُوا يُؤَنِّبُونَنِي حَتَّى أَرَدْتُّ أَنْ أَرْجِعَ إِلَى رَسُولِ اللهِ ﷺ فَأُكَذِّبَ نَفْسِي" يعني قعدوا يؤنبوه ويلوموه ويقولوا له إيه إللي انت عملته ده، حد يقول: والله ماكان عندي عذر؟! إيه يعني لما تتخلف عن غزوة واحدة من غزوات كتير، كفرت يعني...دي حاجة بسيطة، وأهه رسول الله ﷺ استغفر لهم وعايشين حياتهم عادي، وفضلوا يقولوا له كلام زي كده، ومن كتر ضغط كلامهم عليه كعب كان عايز يرجع لرسول الله ﷺ ويكذب نفسه ويقول له لا يا رسول أنا كنت بكذب ده أنا كان عندي عذر وأنا كنت ناسي وافتكرت دلوقتي، فبعدين سألهم: هَلْ لَقِيَ هذَا مَعِيَ مِنْ أَحَدٍ؟ يعني في حد في نفس موقفي ده، تخلف وهو معندوش عذر، وقال لرسول الله ﷺ، قالوا له: نَعَمْ، لَقِيَهُ مَعَكَ رَجُلانِ، قَالَا مِثْلَ مَا قُلْتَ، وَقيلَ لَهُمَا مِثْلَ مَا قِيلَ لَكَ😕 يعني فعلا في رجلين قالوا نفس كلامك لرسول الله ﷺ ورسول الله ﷺ رد عليهم بنفس الكلام إللي رد عليك بيه، فسألهم مين الرجلين دول فقالوا له: مُرَارَةُ بْنُ الرَّبِيعِ الْعَمْرِيُّ، وَهِلَالُ بْنُ أُمَيَّةَ الْوَاقِفِيّ! قَالَ كعب: فَذَكَرُوا لِيَ رَجُلَينِ صَالِحَينِ قَدْ شَهِدَا بَدْرًا، فِيهِمَا أُسْوَةٌ، فَمَضَيْتُ حِينَ ذَكَرُوهُما لِي👌 يعني همّ ذكروا له رجلين صالحين حضروا غزوة بدر، وكل إللي حضر غزوة بدر له مكانة عظيمة وهم أفضل الناس، فهو لما شاف إن في ناس أحسن منه وقالوا نفس الكلام إللي هو قاله لرسول الله ﷺ اطمأنت نفسه وإن إللي عمله ده كان صح، وأخد القرار إن مش هيرجع يكذب نفسه زي ما كان بيفكر يعمل، ورجع لبيته واستنى قضاء ربنا زي ما رسول الله ﷺ قال له، بدأت بقى العقوبات تنزل على الثلاثة🙊 أول حاجة حصلت إن رسول الله ﷺ نَهَى الناس إنهم يكلموا الثلاثة دول مِنْ بَيْنِ مَنْ تَخَلَّفَ عَنْهُ، يعني كل إللي تخلفوا عن الغزوة الناس تكلمهم عادي وعايشين حياتهم طبيعي إلا كعب بن مالك مُرَارَةُ بْنُ الرَّبِيعِ وَهِلَالُ بْنُ أُمَيَّةَ، ☆الواحد ممكن يقول في نفسه يعني هي دي نتيجة الصدق وقول الحق، هو مش الصدق بينجّي صاحبه، فين بقى؟ ما كان يكذب وخلاص ويعيش حياته زي الباقيين😑 لكن العبرة بالنتيجة وبالنهاية👌 هنشوف إن شاء الله نهاية الثلاثة دول كانت إيه😊 لما رسول الله ﷺ أمر إن محدش يكلم الثلاثة الذين خُلّفوا؛ كعب بيقول: "فاجْتَنَبَنَا النَّاسُ - أوْ قَالَ: تَغَيَّرُوا لَنَا - حَتَّى تَنَكَّرَتْ لِي فِي نَفْسِي الْأَرْضَ، فَمَا هِيَ بِالْأرْضِ الَّتِي أَعْرِفُ" يعني محدش من الناس بيكلمهم ولا بيتعامل معاهم، لدرجة إنه حس إن الأرض نفسها إللي بيمشي عليها تنكّرت له هي كمان وبقى حاسس إنه في أرض غريبة. هلال بن أمية ومرارة بن الربيع كانوا كبار في السن فمستحملوش الضغط ده فقعدوا في بيوتهم يبكوا ويدعوا ربنا، لكن كعب رضي الله عنه كان شاب، فكان بيخرج يحضر الصلوات في المسجد مع المسلمين ويمشي في الأسواق بين الناس ومحدش كان بيكلمه نهائي👌 وكان يأتي لرسول الله ﷺ في مجلسه وهو قاعد مع الصحابة بعد الصلاة فيسلم عليه، فكان كعب بيقول في نفسه: هَلْ حَرَّكَ شَفَتَيْه برَدِّ السَّلَامِ أَمْ لَا؟ يعني حتى رسول الله ﷺ مكنش بيكلمه، وكعب ميعرفش إذا كان رسول الله ﷺ رد عليه السلام ولّا لأ، وكان يصلي بالقرب من رسول الله ﷺ ويُسارِقه النظر، يعني يبص له من جنب كده يشوف رسول الله ﷺ بيبص عليه ولّا لأ، كعب بيقول: فَإِذَا أَقْبَلْتُ عَلَى صَلَاتِي نَظَرَ إِلَيَّ، وَإِذَا الْتَفَتُّ نَحْوَهُ أَعْرَضَ" عَنِّي" يعني لما كعب بييجي يصلي ويركز في الصلاة رسول الله ﷺ يبص عليه، ولو كعب التَفت

Photo from Shereen Farouk

Video from Shereen Farouk

Photo from Shereen Farouk

Photo from Shereen Farouk