[Batch] HFM 2022-2027

يا شباب إحنا حرفياً على بعد خطوة واحدة بس! 🚀♥️ ​الحمد لله بفضل ربنا ومجهودكم، وصلنا لـ 136 ألف جنيه من التارجت بتاعنا (150 ألف).. يعني فاضل 14 ألف جنيه بس ونقفل الحلم ده بالكامل! ​الـ 14 ألف دول ولا حاجة جنب اللي إحنا عملناه مع بعض لحد دلوقتي. محتاجين نشد حيلنا الكام اسبوع الجايين دول عشان نفرح كلنا بإننا قفلنا التارجت. الأمتار الأخيرة دايماً محتاجة زقة قوية، وكل جنيه بيتبعت دلوقتي أو شير للبوست بيقربنا أكتر للنهاية. ​يلا بينا نخلصها ونكون كلنا سبب في حاجة عظيمة هتفضل صدقة جارية وأثرها مكمل في حياة ناس كتير. 💪 ​أرقام التبرع: ⬇️ ⚠️ إنستا باي: 01102866493 ‏https://ipn.eg/S/drm6cvc/instapay/035LSR ⚠️ فودافون كاش: 01102866493 ​شدوا الهمة يا شباب.. هانت بجد وهنقفلها قريب أوي! ✨

Activities and students life السنه دي شغلنا مختلف عن كل سنه هيبقى عندنا جزء الفرفشه اللي متعودين عليه ومعاه جزء ال non academic life ، طب يعني ايه؟ يعني اي حاجه ليها علاقه بطالب طب بره الكليه وظيفتنا إننا نرد عليها ونخلي الطلبه تبقى شايفه الدنيا بصوره اوضح مش داخلين شايفين إن الطب هياخد حياتهم كلها. وده هيحتاج ناس بتعرف توازن بين شغل أو تمرين او مظبطه وقتها وتقدر تعمل كذا حاجه جمب الكليه عشان تقدر توصلهم الصوره الصح. ايه شغل الكوميتي فالاكتيڤيتي؟ متقسم لجزئين جزء اونلاين وجزء اوفلاين الاونلاين عباره عن اونلاين جيمز مع الدفعه الجديده ورد على اسئلتهم عالجروبات بتاعتهم. جزء الاوفلاين هيبقى عباره عن العاب الكليه والمدرج وهيبقى عندنا partition للاسئله اللي الطلبه عايزه تسألها وتجاوب عليها وده زي الاونلاين لكن هيبقى face to face او جروبس متقسمه وحد بيسمع اسئلتهم ويتناقش معاهم . لو عايز تبقى جزء من التيم متنساش تسجل الفورم وتنضم لينا ، مستنيينك🤗 https://forms.gle/NK9PXBgKjMo5JHLu6 DDL: SAT. 10am

و نيجي للتيم المعروف الذي لا يعرف تيم البابلكيشن بقيادة Dark هو اللي ورا كل البوستات و الديزاينات و هو اللي بيطلع شكل الاوريانتيشن لكل الى برا ، من تصاميم و ديزاينات و تصوير وكونتنت و غير انهم حلقة الوصل للطلبة بيردو على اي سؤال و بيساعدوهم في اي حاجه مستنيكم في عيلة البابلكيشن مش مجرد تيم https://forms.gle/NK9PXBgKjMo5JHLu6 DDL: SAT. 10am

تاني حاجة Organizing Committee (OC) ده تيم التنظيم اللي بينظم حركة الطلبة خلال الاسبوع كله علشان ميحصلش زحمة ولغبطة بين الطلبة وفي نفس الوقت بيكونوا دايما في تعامل مع الطلبة الجديدة ف لازم يكون حد بيعرف يتكلم وكدا بيعرف يتعامل وبردو حد شخصيته كويسة ونظرته من ناحية الكلية نوعا ما كويسة مش بيدي اراء او تجارب شخصية هو مر بيها وبتعرفه ازاي يعرف يتعامل مع شخصيات مختلفه وبتنمي من مهارات التواصل بشكل ملحوظ وكلنا بنكون مع بعض لو حد اتعرض لموقف جديد عليه أو حب مساعده من بقيت التيم بيلاقينا علي طول https://forms.gle/NK9PXBgKjMo5JHLu6 DDL: SAT. 10am

Strategic Planning & Operations Control (SPOC) الـ SPOC هما اللي ماسكين الأسبوع من أوله لآخره من ناحية الـPlanning والـAcademics. مسؤوليتهم إنهم يحطوا الـSchedule والـProgram بتاع الأسبوع، وينظموا كل السيشنز والمحاضرات والمواعيد، ويتواصلوا مع الدكاترة والـSpeakers وكل الناس اللي ليها علاقة بالجانب الأكاديمي. لكن دورهم مش بيقف عند إنهم يحطوا الجدول وخلاص؛ طول الأسبوع بيكونوا متابعين كل حاجة بتحصل، وبيقيّموا سير الشغل ويتأكدوا إن كل حاجة ماشية حسب الخطة. ولو حصل أي Drop، تغيير مفاجئ، أو مشكلة في الجدول، هما اللي بيتصرفوا بسرعة ويحاولوا يلاقوا حل مناسب من غير ما ده يأثر على باقي الأسبوع. كمان هما المسؤولين عن الرد على ومتابعة كل حاجة تخص الكلية أو الـAcademics، وبيكونوا حلقة الوصل بيننا وبين الدكاترة والـSpeakers. باختصار، الـ SPOC هما الـControl Room بتوع الأسبوع؛ بيخططوا، يتابعوا، ينسقوا، يحلّوا المشاكل، ويتأكدوا إن الأسبوع كله ماشي بسلاسة ومن غير ما حاجة تقع من إيدنا. "تعالوا نضيف أثَرنا في الدفعة الجديدة… ونخلّي الأسبوع ده ذكرى حلوة يفتكروها دايمًا! 🤍" https://forms.gle/NK9PXBgKjMo5JHLu6 DDL: SAT. 10am

https://www.facebook.com/share/p/19G6dDpbfH/?mibextid=wwXIfr مستنيينكممم🔥🔥🔥

يا شباب اي رسايل زي دي من مصدر مجهول نصب زي ما حذرناكم قبل كده و لو اي حد منهم بعتلكم قولولهم يتواصلو مع 01154564066 و هو هيساعدكم و طبعا انا هتصرف بكل احترام و ادب و اعرفهم ان النصب حرام

تذكير مهم يا سنيووورز 🔥❤️ عشان نلحق ننظم أمورنا ونبدأ نشتغل على الفعاليات والذكريات الجميلة، حابين نذكركم إن باب التقديم للمشاركة في التنظيم حيقفل يوم الخميس الجاي الساعة 11:59 مساءً. لكل زملائنا العندهم شغف يشاركوا و يتركوا بصمتهم معانا السنة دي ، الفرصة لسة قدامكم .. و الفورم بسيط وما بياخد وقت .. https://forms.gle/KHNQGmUiaSpomMxM6 منتظرين مشاركاتكم وإبداعاتكم يا احلى سنيورز 🫡❤️

قائمة اسماء المستحقين لدخول إعادة 403

السلام عليكم ورحمة الله وبركاته صدقة جارية عن دفعة ٢٢ / ٢٧ طب حلوان 💛☘️ https://t.me/whichremains

مكان امتحان ٤٠١ الدور الثاني اتغير من معامل تمريض إلي معامل طب ٢ عرف الناس لو سمحت

عاوز ابلغ طلبه الدور الثاني أن امتحان عملي العظام والطب الطبيعي هيكون بعد امتحان النظري والعملي الالكتروني في نفس اليوم وهبلغك بالمكان

يا شباب.. إحنا حرفياً بنعمل عظمة! ♥️ الحمد لله، بفضل ربنا ثم قلوبكم الرحيمة، وصلنا لـ 113 ألف جنيه من هدفنا (150 ألف) لدعم مستشفى بدر. ♥️ الخبر المفرح جداً إننا بفضل الله وتبرعاتكم، قدرنا بالفعل نشتري جهاز الفيديو لارنجوسكوب (Video laryngoscope) وجهاز رسم القلب (ECG)، وهيتسلموا للمستشفى بكرا أو بعده بالكتير إن شاء الله! 🎉 الأجهزة دي مش مجرد معدات، دي بتتدخل في أصعب اللحظات وممكن تكون حرفياً السبب في إنقاذ حياة مريض وترده لأهله بالسلامة. إنجاز عظيم، بس لسه المشوار مخلصش.. فاضل 37 ألف جنيه بس ونقفل التارجت بتاعنا عشان نكمل باقي الاحتياجات. تخيل إن مساهمتك البسيطة ممكن تكون طوق نجاة، وسبب في إن إنسان موجوع ياخد نفسه من تاني. دي صدقة جارية أثرها بيمتد في حياة كل مريض بيتعالج وبيخف وجعه. 🤲 خلينا نكمل اللي بدأناه بقوة ونكون سبب في شفاء ورحمة لناس محتاجالنا.. كل جنيه بيفرق بجد في حياة إنسان. أرقام التبرع: ⬇️ ⚠️ إنستا باي: 01102866493 ‏https://ipn.eg/S/drm6cvc/instapay/035LSR ⚠️ فودافون كاش: 01102866493 ربنا يتقبل منكم، ويجعلكم دايماً سبب في تخفيف وجع الناس! ✨

السلام عليكم ورحمة الله وبركاته الحضور غدا الكلينيكال لمستشفى بدر الساعة ٨ ونصف باذن الله لاخذ الغياب بالتوفيق للجميع ان شاء الله

https://forms.gle/KHNQGmUiaSpomMxM6 "22-27" BATCH TEAM CALL❣️، Four years down, One more to go. We’ve shared the lectures, the exams, the chaos, and somehow… we made it to Senior year. But this year, we don’t want to just live it. We want to make it. We’re building the 22–27 Batch Team to create the events, ideas, experiences, and memories that will make this year feel like ours. Whether you’re into Management, Event Planning, Logistics, Media & Creative, PR, or Finance — there’s a place for you. No perfect CV. No experience required. Just ideas, commitment, and the will to make things happen. One last year, Let’s make it count. 22–27 — This is our year.

السلام عليكم ورحمة الله، مساء الخير عليكم يا سينيورز ❣️. الحمدلله الذي أتمها علينا بفضله ونعمه، بإذن الله السنادي بعيدًا عن مضمونها ان شاء الله هتكون احسن سنة مرت علينا. هنحاول نعمل ذكريات ولحظات جميلة. وعشان نحقق ده محتاجين نحط ايدينا كلنا ونساعد بعض، عشان الموضوع ميكنش تقيل وكل حاجة تبقى سلسة في التنفيذ. لذا اي حد عنده اي حاجة ممكن يساعد بيها يبعت او يقدم فالفورم على حسب رغبته في المشاركة والموضوع حقيقي ممتع ومش مجهد ولا حاجة ف لو حد عنده القدرة انه يساعد بحاجة ميترددش أبدًا❣️.

بالنسبه لامتحان الاطفال العملي الدكتورة بتبلغكم تجو بدري الساعة ٩ في المستشفى كل القروب بالبالطو والسماعة والهمر والمتر