tarikxana

دەمانچەکە سوار دەکەیت و ڕوو بەرەو ئاسمان دەیتەقێنیت. وەلێ گوللەکە ناچێت بەرەو ڕووی ئاسمان بەڵکو لەژێر ملتەوە بەرەو سەرەوە دەڕوا، یەکەمجار پێستت، دواتر زمانت و بەرەو سەرەوە، لەنێوان چاوەکانتەوە بەرز دەبێتەوە، ڕێڕەوێکی ڕاست دروست دەکات. دەیەوێ بگات بە ئامانجێک. نێوانی چاوەکانت دەبڕێت و بەر شتێکی لولپێچی دەکەوێت، لەوێش دەڕوا و خەتێکی ڕاست دروست دەکات. ئێستا کێشەکە تەنها یەک شتە؛ ئایا گوللەکە دەتوانێت ئێسکی سەرت کون بکات و بێتە دەرەوە، یان لەناو مێشکت دەمێنێتەوە؟

بەڵام تۆ سەرقاڵی مردنت بووی.

بەیانی 28ی مارسی ساڵی 1941 ڤێرجینیا وۆڵف لەخەو هەڵدەستێت و نامەیەک بۆ لیۆنارد وۆڵفی هاوسەری دەنووسێت. دواتر پاڵتۆکەی لەبەردەکات و بەرەو ڕوباری 'ئاوس' کە لەنزیک ماڵیان بوو، دەڕوات. کاتێک دەگات بە ڕوبارەکە، گیرفانی پاڵتۆکەی پڕ دەکات لە بەرد و دەچێتە ناو ڕوبارەکە تا نوقم دەبێت. دوای 21 ڕۆژ جەستەی ڤێرجینیا لەتەمەنی 59 ساڵیدا بەمردوویی لە ڕوبارەکە دەدۆزرێتەوە. و. ئارڤین

The king is always above the people 1978 Artist: Ardeshir Mohassess