كلية العمارة والتخطيط | سعود

اقدم مخطط معماري اكتشف في العراق ويعود الى حضارة بلاد ما بين النهرين

🛑🛑 اللقاء مفتوح عن كلية العمارة والتخطيط 🏙🏢 لقاء مفتوح نسمع فيه اسئلتكم ونجاوب عليها جهز استفسارك ❓❔ وخلك معنا عالساعة ١٠ مساء ⏰ سيجيب على الاستفسارات م.يزيد الخضيري ،خريج عمارة وعلوم بناء أسامة فقيهي ،قائد نادي التخطيط العمراني . سيكون اللقاء على الزوم حياكم Zoom : https://us02web.zoom.us/j/85368337553?pwd=OXZ6dDlXcmVRTUhjZ3d1czNUcCttUT09 بانتظاركم جمعياً ..

ايش هو دور المصمم الداخلي ؟؟ البعض يعتقد ان التصميم الداخلي هو فقط اختيار المواد و الألوان ، هذا الموضوع صح ولكن يمثل جزء فقط في هذا الفيديو اتكلم عن دور المصمم الحقيقي ومتى يبدأ؟

تخصص العمارة والتخطيط مستقبله ممتاز بإذن الله والحاجة له من قديم الزمان حتى وقتنا هذا. سأذكر لكم نقاطا رئيسية كطالب في (كلية العمارة والتخطيط بجامعة الملك سعود) وأتكلم في كل نقطة .. ____ *- ‏الدوام:* غالبا بتحتاج كثير من الوقت خارج وقت الدوام للإنجاز، *"وهذه طبيعة عمل المعماري"* ولكن كل ما أنجزت الشغل بشكل مبكر كل ما كان عندك وقت فراغ أكثر. وأما بالنسبة لأسطورة المبيت أو النوم في الكلية فهي صحيحة *(كلية العمارة ٢٤/٧)*. طبعا إدارة الوقت وطبيعة الشخص لها دور كبير، فبعضهم يحب الجو الجماعي فيجي للكلية يشتغل وبعضهم لا يشتغل في البيت .. ودائما تلقى في الكلية طلاب يشتغلون، لدرجة طلاب الكليات الثانية يجون يذاكرون عندنا أحيانا. ____ *- ‏الطلاب:* على حسب دفعتك طبعا، وغالبا بتلقاهم تقريبا بنفس الاهتمامات وبنفس سبب دخول التخصص. إضافة إلى أن عدد الطلاب قليل وجميل (وزنه 👌🏻) علما بأن القبول تقريبا يكون ١٠٠ طالب من كل دفعة تزيد أو تقل. بالنسبة لقوة الطالب .. *التعلم الذاتي* مهم جدا جدا جدا، وكل ما تعلمت خارج مجال المحاضرات كل ما زادت مهاراتك وثقافتك، فاحرص تدور المعلومة بنفسك. وفي شيء اسمه (المهارات الناعمة والصلبة) بالنسبة للمعماري لكن مب وقت تفصيلها الآن. نقطة في خاطري الصراحة .. 💔 إذا تعلمت شيء فأرجوك *لا تبخل* وتصير أناني وعاون ربعك وزملاؤك، *ومن أقوى ميزات التخصص المشاركة بالمعلومة*. كلما زادت المشاركة والتعاون بين الطلاب والدفعة كلما ارتفع سقف المهارات والقوة للدفعة كلها! وعلى العكس كلما استحوذ الطلاب على المعلومة والمهارة وصاروا أنانيين كلما ضعف سقف المهارات والقوة للدفعة! على قولة أحد الزملاء: *باختصار .. تبي تمشي زين في الكلية عاون ربعك!* ____ *- ‏الدكاترة أو المحاضرين:* غالبهم جيد لكن تجد السيء وتجد الجيد، وبعضهم كأنه بلسم على قلبك من جمال تعامله وشرحه ودرجاته (فل أوبشن). كثير منهم تجده أكاديمي وفي نفس الوقت يمارس المهنة في سوق العمل .. بمعنى أنهم متجددين وبتلقى منهم المليء اللي يملاك معه وينفعك بإذن الله. معلمومة (الجانب النظري والعملي للعمارة مثل جانحي الطائر متكاملان). ____ *- ‏المقررات:* أهم مقرر وهو لب وعصب التخصص مقرر *(تصميم)*، وهو المقرر العملي اللي تصب فيه أغلب المقررات النظرية، ويمشي معك في كل فصل وكل (تصميم) متطلب (للتصميم) اللي بعده، لو تحذفه لحاله في فصل اعرف أنك بتزيد دراستك فصل عن وقت تخرجك. وهو اللي يسهر الطلاب ويأخذ أغلب وقتهم (أسطورة المبيت في الكلية). أما باقي المقررات فهي غالبا متوسطة وتختلف باختلاف المحاضر. ____ *- ‏قاعات:* حقيقة القاعات كلها مهيأة سواء في الفصل الأول والثاني اللي بترسم يدوي فيها أو حتى فيما بعدها اللي بتبدأ تشتغل فيها على الحاسب، فكل مستوى له متطلباته أضف إلى ذلك مسألة وجود خزائن، لكن تحتاج تجيب قفلك معك 🗝️. ولأن القاعات ممتازة ومهيئة، فالطلاب يجون يشتغلون فيها بالذات في الفصل الأول والثاني. ____ *- ‏البيئة بشكل عام:* طبعا سبب قلة الطلاب هو حاجة المحاضر أو الدكتور إلى التعامل المباشر مع الطالب خصوصا في مقرر *(تصميم)* .. فتلقى الشعبة فيه تتراوح ما بين ٦-١٢ طالب وأحيانا تكون ٤ طلاب فقط! .. وطبعا قلة العدد تعطيك تواصل أقوى مع الزملاء وقد تصل إلى الصحبة والقرب، وكذلك الدكتور يرتاح معكم. ____ *- المسمى بعد التخرج:* إذا تخرجت يكون قبل اسمك (م.) المفترض وبطبيعة التخصص أنها تعني (معماري أو معمار) وليس (مهندس)، ورغم استحقاقك لمسمى مهندس بسبب دراستك لبعض المقررات إلا أن *مسمى (معماري) أفضل*. لكن هذا اللي اشتهر في المجتمع ليس إلا. ____ *- مجالات التخصص بعد التخرج:* خنقول مجالات *رئيسية*: - البناء - التشييد - التصميم باستخدام الحاسوب - إصلاح المباني القديمة وصيانتها (الترميم) - التراث المعماري (التطوير) ونقول مجالات *فرعية*، تكون حسب الخبرة والرغبة أو بعد الدراسة كالدارسات العليا: - التكييف - التصميم الداخلي - الإضاءة - الإنشاءات - التوصيلات الكهربائية. - والقائمة تطول ..... الخ. ____ *- الراتب:* الراتب يجيك من الوظيفة وأظن أقل راتب للمهندس حسب هيئة المهندسين هو ٨٠٠٠ ريال، وفيه دخل يجيك من المشاريع ونحوها، ولكن ممكن تجمع بينهم إثنينهم. نصيحة من أحد زملائي: الأسعار أنصح بعدم التفكير فيها، فالسوق يتغير بعوامل كثيرة جداً! ويعتمد بشكل كبير على إمكانيات المصمم وقدراته " ورزقه ". لذا الذبذبه فيه كبيره وصعب تحديدها لكن .. المعماري من ناحيه دخل ما ينخاف عليه إن شاء الله ومعروف على مستوى العالم بأن دخله جيد. ____ *في النهاية التوفيق بيد الله سبحانه، وأهم شيء النية والدعاء، وحاولت ألخصها بقدر الإمكان لكم.* أخوكم أبو هتّان أحد شيبان الكلية .. ♥️ .

شاركونا مشاريعكم الرهيبة! 🤩 ولكل الجامعات السعودية 👀 يمكنكم تقديمها عبر موقعنا الالكتروني 🖥 https://www.hassad-magazine.com/add-a-project

50 tips for architecture students

ماهي الأخطاء التي يجب أن لا تقع بها في تصميم عرضك النهائي للمشروع؟ إجابة هذه التساؤلات في *مجلس المخططين* الأسبوعي ✨ عنوان لقائنا *"ملاحظات حول تصميم المشاريع وإظهار اللوحات "* وضيف المجلس د. محمد حسين ابراهيم https://twitter.com/arc_clubs/status/1378784171095654404?s=21