Sciences_with_Mfb
Open in Telegram
حصص اونلين معي في مادة العلوم الطبيعية هناك حصص مجانية / و اخرى مدفوعة 👌☺️ سأشارك معكم ملخصات و مخططات ذهنية و شرح لدروس طبعااا + تمارين منووعة نتمنالكم التوفيق 🌱
Show more813
Subscribers
No data24 hours
-47 days
-1230 days
Posts Archive
السلام عليكم أتمنى ان يكون الجميع بخير
الأشخاص لي عندهم مشكل مع استنساخ و ترجمة شوفو هذ الفيديو
(ملاحظة يلزم تكون قريت الدرس من قبل هذا مكمل فقط )
حبيت نجاوب زملائكم لي جاوبو على الأسئلة فالتعليقات كاين 2 مشاكل
1 - الهاتف :
قبل ما تبدا تقرا طفي كامل les notifications الإشعارات الخاصة بكااامل التطبيقات
مثل انستقرام فيسبوك مسنجر يوتيوب أو أي تطبيق آخر يلحقك منو اشعار يخليك تحبس قرايتك
أو كاين تطبيقات بإذن الله راح نشاركها معاكم في حسابي على الانستقرام يساعدوكم على الدراسة و هذ التطبيقات وحدها مراحش تخليك تدخل لأي تطبيق آخر
2 - عدم التركيز
هنا يلزم توجد كلش قبل ما تبدا تقرا
يعني تكون عارف المادة لي راح تقراها
توجد كل حاجة متعلقة بالماجة كراس كتاب ملخص مواضيع الخ.... أو حتى فيديو في اليوتيوب يشرح المادة
و أيضا حاول قدر المستطاع تحظر قائمة مهام أو جدول أسبوعي لتنظيم أعمالك هكذا راح تكون عارف واش عندك و واش راح تقرا
ننصحك أيضا كي تكون تقرا تبع تقنية بومودورو لي راح نشرحهالكم في منشور قادم بإذن الله
هكذا تقرا 25 دقيقة و تريح 5 دقايق
و كي تكون تقرا في 25 دقيقة راح تلقى روحك مركز مليح
حاول أيضا متقراش من مصدر واحد كي متكونش فاهم مثال قريت الدرس لي كتبتو مع الاستاذ في القسم لقيت روحك مفهمتش
متضيعش الوقت شوف حل آخر
صديق يفهمك أو فاليوتيوب
و مادابيا لو كل شخص منكم يجاوب على هذ السؤال في الأسفل:
وشنو هي الحاجة لي متخليكش تدي معدل ممتاز ؟
و وشنو هي الحاجة لو تنحيها راك سور بلي راح تطور من نفسك أكثر في كل جوانب حياتك
بالنسبة لسنة اولى و سنة ثانية
اولا
شاركوني ب معدلاتكم ❤✨
ثانيا
عادي جدا انك متخدمش فصل اول
و تلقا المعدل تاعك هبط بزاف مقارنتا ب المتوسط و متناوش أيضا تغير كل شيء منهجية عمل . الوسط إلخ..
و نفس الشئ لسنة ثانية الدروس تغيرت بالنسبة لسنة اولى و المنهجية راكم تتعلمو فيها اشياء جديدة ( بالنسبة لمادة العلوم ) و اظن حتى باقي المواد نفس الشيء لذى حاول ريح شويا و بعدها أبدا الفصل الثاني بنشاط و قوة
و متعاودش أخطاء الفصل الأول
وفقكم الله جميعا
في حال عندكم أسئلة علابالي مرانيش ننشر معاكم تمارين أو ملخصات للأسف دعواتكم لي بالتسهيل و لكم المثل 🌻
يمكنكم كتابة السؤال في التعليقات أو مواصلتي في الخاص
بالنسبة لي عندهم باك هذ العام حبيت نقولكم حاجة مهمة
اولا اعلم انه أغلبكم متحصلش على النقطة لي يحبها و كاين لي دا نقاط مكانش متوقعها سواء سلبية أو إيجابية
في حال كانت إيجابية الله بارك لكن بالك تغلط و تتكاسل
كمل بالبرنامج و راجع واش فاتك الانو قادر تنسى كلش
لي علاماتو سيئة هذي مراهيش العلامة النهائية و متنساش كاين بزاف عوائق ربما التوتر قلق معرفتش تسير البرنامج الأستاذ دار موضوع صعيب و الباك ساهل ..... و العديد من العوائق
لكن متخليش هذ العوامل تأثر عليك
تسويف شوف طريقة لتخلص من التسويف
بدل البرنامج تاعك
حاول حل تمارين
افهم الدروس الخ....
ثانيا
متنساش قعد أكثر من 5 أشهر راك قادر تدي معدل ممتاز
لكن حاول عوض واش فاتك من الدروس في هذ العطلة ( مراحش تعوض كلشي ربما مراحش تلحق كل الدروس و كل المواد في 15 تعوضها لكن معليش اغلب الدروس و اغلب المواد اوصل فيها مثل مادة العلوم يكفيكم الحال بإذن الله )
علابالي مرانيش نشارك معاكم ملخصات و تمارين
في حال مفهمتوش حاجة اكتبولي في التعليقات أو تواصلو معي في الخاص
في خال تأخرت على الإجابة اعتذر و ذلك بسبب ظروفي دعواتكم لي بالتسهيل 🌸
وفقكم الله 🍀
