MEP courses 🗓🗓🌎🌍

تعليم ليسبات وأوامر الاوتوكاد https://cadology.000webhostapp.com/

مضخات طاردة المركزية للمهندس أشرف سعد

بعض الرسائل المهمه اللي اكيد هتستفادوا منها

السلام عليكم ورحمة الله موضوع للمناقشة لأنه متشابك جدا ومش هتلاقى مكتبين فى مصر بيعملوا نفس الطريقة فى التصميم 😂 "Sump pit & sump pump"البيارات والطلمبات الغاطسة ١- الهدف منها سحب الصرف من مستوى منخفض مثل البدرومات إلى مستوى صرف الشارع أو ال صرف الخارجى. ٢- يتم تجميع الصرف داخل البيارة sump pit ثم من خلال حساسات مستوى السائل float switch والتى تعمل ع إعطاء إشارة للوحة التحكم فتقوم بتشغيل الطلمبات الغاطسة. ٣- السؤال المهم هنا انا هصمم ع أنه سيناريو وهنا هتلاقى اختلاف كتير بين المكاتب الاستشارية والمصممين وهى كالتالى : أ- بعض المكاتب تعمل على سيناريو الحريق يعنى بتصمم الطلمبات الغاطسة والبيارات على كمية المياه اللى بتخرج من المساحة التصميمية للرشاشات وكمان ممكن تلاقى حد كريم شوية يروح ضايف كمان كابينة حريق 😂 تبص تلاقى فى الاخر البيارة اتحولت لغرفة كبيرة جدا تحت الارض حرفيا ممكن توصل لعمق ٣ متر وإبعاد ٢:٢.٥ متر طبعا ده مكلف جدا سواء الطلمبات أو الحفر تخيل لو انت عندك بيارة واحدة هتركب فيها طلمبة تعادل فلو طلمبة الحريق ، وليه اصمم حاجة ممكن اصلا متشتغلش طول عمر المبنى ع سيناريو ١ فى المليون أنه يحصل وساعة الحريق ماتغرق الدنيا ايه المشكلة هترتفع اد ايه المياه بالبدروم بحسبة بسيطة اقسم حجم تانك الحريق ع مساحة البدروم كله هتعرف. ب- لو كانت البيارة داخل غرفة الطلمبات بتحسب على ٢ سيناريو أولهم على الاوفر فلو للتانك ويتم معرفته من خلال خط الملئ حيث عند وجود مشكلة بالعوامة ع خط الملئ هيكون الداخل هو نفسه الخارج من الاوفر فلو ، ثانيا يتم حساب على فلو hose bib داخل الغرفة إن وجد وتعادل 5gpm. ج- البيارة لو بتخدم حمامات ساعتها بتحسب مجموع ال dfu للأجهزة وكل 2dfu يعادل 1gpm. د- البيارات المتجمع عليها ال garage drain بتحسب ع عدد3 hose bib ويوجد طريقة أخرى انجليزى من خلال معادلة يتم حساب تصرفات ال garage drain. و- البيارة الموجودة بالبدروم ومربوط عليها trench drain اخر ال ramp وكان الرامب ده مفتوح للسما فيسمح بدخول كمية من مياه الأمطار يتم حساب الفلو من خلال المساحة المفتوحة × شدة سقوط الأمطار rain fall intensity. ٤- لابد من عمل تهوية للبيارات جميعا لمنع ارتداد الرائحة بالجراج وتجمع غاز الميثان وان يكون الغطاء sealed. ٥- لابد من وضع غرفة تهدئة slowdown chamber قبل الربط بالشبكة الخارجية أو غرفة التفتيش أو المانهول. اخر نصيحة لك أن تعمل بها أو لا ، مش كل ما تكبر التصميم هيكون افضل لانك بتكلف زيادة جدا فى المشروع وكمان لما بتعمل بيارات كبيرة بيخلى الطلمبات تقعد فترات طويلة لاتعمل فيحدث بها اعطال أو المياه بتركد فيها وتتعفن. (م. على حسن #firematrix )

بسم الله نذكر الفرق بين الثلاثة أنظمة عشان بيحصل فيهم لغط كبير والفرق بينهم بسيط جدا اولا : كل الأنظمة preaction تحوى هواء أو نيتروجين مضغوط. ثانيا : الفرق بين الأنظمة الثلاثة فى طريقة عمل الصمام preaction نفسه والذى يسمح بمرور المياه إلى شبكة الرشاشات (الفرق بعيدا تماما عن خروج المياه من الرشاش لأن الأنظمة كلها لن يخرج المياه من الرشاش الا بتفعيله عن طريق الحرارة) 01- non-interlock preaction system هنا النظام يحتوى على preaction valve يفتح بواحدة من طريقتين أ- عن طريق كواشف الحريق (كاشفين يعملوا بطريقتين مختلفتين والشائع دخان وحرارة) ولازم يكون double knock يعنى الاتنين يضربوا والا الصمام لن يفتح بتلك الطريقة. ب- فى حالة فشل نظام الكواشف يعمل الصمام بنفس طريقة الصمام الجاف عن طريق انخفاض ضغط الهواء نتيجة لكسر الرشاش ، عمل ال accelerator. 2- single interlock هنا صمام ال preaction يفتح عن طريق الكواشف فقط الخاصة بالحريق طيب ايه فايدة ضغط الهواء أو النيتروجين هو فقط نظام مراقبة لأى تسرب فيعطى انذار ليس إلا. 03- double interlock وهو النظام الأكثر شيوعا واستخداما فى الأماكن الهامة والتى لانرغب فيها خروج المياه الا بوجود حريق فعلى وهنا يعمل صمام ال preaction بطريقة واحدة وهو عمل الكواشف مع انخفاض الهواء أو النيتروجين المضغوط من خلال فتح إحدى الرشاشات ولو أحدهم فشل فلن يعمل النظام ابدا. مصدر الهواء المضغوط بيكون عن طريق كومبريسور أما بيكون مزود ب vessel أو ع الرايزر مباشرة ع حسب سعة النظام أو كمية ال CFM المطلوبة لملئ النظام خلال مدة أقصاها نصف ساعة وضغطه متناسب مع ضغط المياه وموديل الصمام نفسه. أسف ع الإطالة واتمنى لكم التوفيق والسداد (م. على حسن 🔥 #firematrix)

السلام عليكم ورحمة الله معلومة فاير ع السريع 🔥🔥 كان فيه سؤال شوفته من شوية على احدى الجروبات الهندسية متى يتم حماية غرف الكهرباء ⚡️ بطفايات فقط 🧯ومتى يتم استخدام نظام اتوماتيك 🤔؟ الاجابة هتتلخص بنقاط واضحة وبمرجعية من الاكواد ✍️: 01- للاجابة هيتم الاستعانة بعدة مصادر وهى 👀 NFPA 13HB - NFPA 101 - NFPA 70 - NFPA 20 - FM GLOBAL 02- اولا كما ورد ب NFPA 13HB بشابتر 8 - انه يجب حماية غرف الكهرباء⚡️ بالرشاشات 💦 الا لو : أ - كانت الغرفة محمية بحوائط مقاومة ساعتين ⏰. ب- تستخدم فقط للوحات الكهربية ولا تستخدم لاغرض اخر او التخزين. ج- تكون الاجهزة او المعدات الكهربية من النوع الجاف. من المؤكد انه سيرد بعقولنا كيف يتم استخدام نظام مياه مع غرف الكهرباء وهى موصل للتيار - بالفعل يتم استخدامها لحماية الغرف لكن يجب اخذ الاحتياطات اللازمة لمنع الاتصال المباشر بين المياه والاجزاء الكهربية المكشوفة او استخدام نظام Preaction - وبالقياس كما ورد ب NFPA 20 ان يكون درجة العزل للوحات الكهربية لاتقل عن IP31 - اى وسيلة لفصل التيار الكهربى تماما قبل خروج المياه. 03- كما ورد بNFPA 101 شابتر9 يمكن استخدام نظم بديلة للرشاشات مثل CO2 او clean agent أو ميست فى حالة التخوف من تأثير المياه على محتويات الغرفة. 04- كما ورد ب Annex G - NFPA 70 بان غرف الاسكادا (التحكم) يتم حمايتها من خلال نظام Preaction sprinkler system من نوع Double interlock او نظام اتوماتيك بديل للحماية. 05- كما ورد ب NFPA 70 بان غرف الكهرباء والمسئولة عن الباور للمبانى يتم حمايتها من خلال نظام اتوماتيك سواء رشاشات او غاز او يتم حمايتها بغرف مقاومة ساعتين ⏰. 06- كما ورد ب NFPA 70 بان يتم حماية غرف المحولات ⚡️ على حسب نوعها ان كانت جافة او من النوع الرطب (Oil type) كالاتى : أ- المحولات من النوع الجاف : 1- حتى 112.5 KVA لايتم استخدام اى نظام اطفائى اتوماتيك (تستخدم طفايات يدوية) ويتم ترك فقط 30سم بينها وبين اى مادة قابلة للاشتعال. 2- اكبر 112.5 KVA يتم حمايتها من خلال حوائط مقاومة ساعة. 3- اكبر من 35 kva يتم حماية الغرفة من خلال حوائط مقاومة 3ساعات او ساعة واحدة مع نظام اتوماتيك. ب- المحولات من نوع الرطب (Oil type) يتم حمايتها من خلال حوائط مقاومة 3ساعات ⏰ او ساعة واحدة ⏰ مع نظام اتوماتيك. 07- كما ورد بFM global يوجد جدول للانظمة المناسبة لمختلف التطبيقات ومنها غرف الكهرباء وغرف الاتصالات يتم حمايتها بانظمة غازات. 08- بالنسبة للمحولات بيتم تقسيمها على حسب نوع المحول ان كان جاف او رطب وكذلك ان كان معتمد اولا وكذلك حجم الزيت المتواجد فيه ان كان من النوع الرطب كالاتى : أ- ان كان من النوع الجاف لا يتم استخدام نظام اتوماتيك. ب- ان كان من النوع الرطب والمحول والزيت معتمدين لا يتم استخدام نظام اتوماتيك. ج- ان كان من النوع الرطب والمحول غير معتمد لكن الزيت معتمد تعمل حوائط مقاومة ساعة او عمل نظام اتوماتيك. د- ان كان من النوع الرطب وكلا المحول والزيت غير معتمدين وحجم الزيت اقل من 100 جالون تعمل حوائط مقاومة ساعة. و- (فى حالة اكتر من محول بنفس الغرفة) ان كان من النوع الرطب وكلا المحول والزيت غير معتمدين وحجم الزيت اكبر من 100 جالون تعمل حوائط مقاومة 3 ساعات ⏰ مع عمل فاصل بين كل محول واخر او عمل حوائط مقاومة 3 ساعات⏰ بدون فواصل بين المحولات مع نظام اتوماتيك. ى- (فى حالة محول واحد بالغرفة)ان كان من النوع الرطب وكلا المحول والزيت غير معتمدين وحجم الزيت اكبر من 100 جالون تعمل حوائط مقاومة ساعة ⏰ مع نظام اتوماتيك سواء رشاشات او فوم او ميست. 09- غرف المولدات يتم حمايتها من خلال انظمة اتوماتيك مثل ثانى co2 او رشاشات او فوم او ميست. 10- كما ورد بFire protection handbook يتم استخدام انظمة غازات مع غرف الكهرباء والتحكم حيث يتم استخدام انظمة CO2 مع الغرف التى لا يتواجد بها عنصر بشرى بشكل مستمر والغازات النظيفة مع الغرف المشغولة باستمرار. 11- فى كل ماسبق سواء الغرف محمية او لأ يتم توفير طفايات يدوية من نوع CO2 🧯. سائلا الله عز وجل لكم ولنا التوفيق والسداد المصادر باللنك https://files.fm/u/2xph8vmd4 (م. على حسن 🔥🔥 #firematrix)

السلام عليكم ورحمه الله تم رفع جميع محاضرات تغذية المياه على قناة فاير ماتركس - ٢٠ محاضرة كاملة بدون فواصل إعلانية 😂 سائلا الله عز وجل لكم التوفيق والسداد (م. على حسن 🔥 #firematrix) https://youtube.com/playlist?list=PL5Vz0iqWU2dg37Bjjt9c4W9iA9ATgHqI2

السلام عليكم ورحمة الله معلومة فاير ع السريع 🔥🔥 سؤال جالى من فترة بس مكنش عندى وقت للبحث عنه هو كيف يتم حماية الغرف النظيفة "Cleanrooms" ؟ 🤔🤔 الموضوع شيق جدا يستاهل تبحث عنه وتبذل وقت فيه. 🧐🧐 الاجابة هتكون مبنية على اكتر من مصدر فى اللنك بالاسفل منها NFPA 318 - Fire Protection Handbook - Internet Searching 01- يتم استخدام غرف Cleanroom فى تطبيقات خاصة بتصنيع كلا من اشباه الموصلات (Semiconductors) ⚡️والتى تستخدم فى تصنيع معظم الاجهزة الاليكترونية مثل الكومبيوتر والموبايلات وغيرها وكذلك فى صناعة الدواء. 02- فى البداية يعرف اى مكان على انه Cleanroom ان كان عدد الجزيئات (الغبار- جسيمات متطايرة) لاتزيد عن 100 الف جزئ فى القدم المكعب 😳على الا يزيد مقاسه عن 0.5ميكرومتر - ذرة غبار واحدة قادرة على تعطيل دائرة كاملة الخاصة بال Semiconductor. 03- لكى تكون مقدر للارقام السابقة يجب ان تعلم ان عدد الجزيئات فى الجو العادى يكون تقريبا 5 مليون جزئ فى القدم المكعب - الدخان الناتج من الحريق ينتج مايقارب تريليون جزئ فى القدم المكعب 😱 - الجسم البشرى يخرج 2 مليون جزئ فى الدقيقة 😅- قطر شعرة الانسان 75 مايكرومتر - قطر فيرس مثل ايبولا 🧬🧬0.08 مايكرومتر. 04- يوجد تصنيفات عدة للغرف النظيفة وفقا لكل من ISO standard و Federal standard كل تصنيف منها بيعبر عنه بعدد الجزيئات المسموح بها بالنسبة لوحدة الحجوم سواء متر مكعب او قدم مكعب ومقاس الجزئ. 05- يتم الحصول على درجة النقاوة والفلترة للهواء داخل الغرف النظيفة من خلال منظومة فلترة عالية الدقة مثل HEPA Filter والذى يحجز الجسيمات التى تزيد عن 0.3 مايكرو. 06- يتم تغيير الهواء بالكامل (ِAir Change) بمعدل من 5 الى 600 مرة فى الساعة ⏱وفقا لتصنيف الغرفة والموضح فى المصادر باللنك بالاسفل. 07- عند نشوب حريق او سكب مواد كيميائية 💧 يتم فصل انظمة تدوير الهواء والاحتفاظ بنظام ال Exhaust والذى يسحب الابخرة والغازات الكميائية من داخل المكان. 08- يتم عمل نظام منفصل للتهوية للغرف النظيفة بعيدا عن باقى المبنى. 09- عملية تصنيع اشباه الموصلات Semiconductor معقدة جدا وتحوى خطوات عدة ويتم استخدام بعض انواع الغازات والسوائل السامة والقابلة للاشتعال فمصادر نشوب حريق محتملة جدا. 10- للكشف عن الحريق يتم استخدام كواشف عالية الحساسية للدخان ويفضل ان تكون من نوع "ِAir Sampling Smoke Detection System" 💨للكشف المبكر عن اى حريق محتمل. 11- يتم استخدام Flame detector 🔥 مع الاماكن التى تحوى سوائل او غازات قابلة للاشتعال ومن امثلة الغازات غاز "Sline" وهو غاز يشتعل ذاتيا عند اختلاطه بالهواء. 12- يجب توفير Call point عند المخارج لتشغيل الانذار بشكل يدوى. 13- يتم تغطية الغرف النظيفة من خلال سيستم رشاشات من نوع Fast Response سواء للغرفة نفسها اسفل السقف و اعلاه حيث يوجد فى الاعلى ممشى للصيانة Catwalk واعمال الكهرباء والميكانيكا. 14- يتم تصميم الرشاشات اعلى واسفل السقف على ان يكون ال density 0.2gpm/ft2 و المساحة التصميمة 3000Ft2. 15- يتم حماية دكتات ال Exhaust من خلال رشاشات على ان يعطى الرشاش الواحد 20gpm و density تعادل 0.5gpm بالنسبة لمساحة مقطع الدكت وان يتم توزيع الرشاشات بحيث لاتزيد عن 6 متر كمسافة افقية بين الرشاشات و 3.7متر كمسافة رأسية. 16- لايتم حماية دكتات ال Exhaust فى حالة ان تكون معتمدة بانها لاتحتاج حماية. 17- يتم حماية غرف الغازات وبالاخص الغازات القابلة للاشتعال 🧨 من خلال منظومة رشاشات من نوع Deluge على ان تعطى density تعادل 0.3gpm/ft2 فوق المساحة المحمية بالكامل. 18- يتم حماية Local لبعض المعدات المستخدمة فى التصنيع مثل الWet benches من خلال منظومة CO2 او Clean Agent h. 19- يتم استخدام طفايات يدوية من نوع CO2 🧯 وكبائن حريق. 20- جميع الحوائط بالغرف وكذلك الفاصلة بين اى قسم واخر تكون مقاومة للحريق لمدة لاتقل عن ساعة.⏰ اتمنى اللى عنده اضافة بمصدر يضيفها بالكومنتات لتعم الفائدة. المصادر : https://files.fm/u/9y83qcprb فعليا انا بستفاد من السؤال الجديد اكتر من اللى بيسأله نفسه 😂😂 اسال الله لنا ولكم التوفيق والسداد. (م. على حسن 🔥 #firematrix)

مين حابب يتعلم نظام ال water supply 💦 داخل المبانى يعنى مكونات المنظومة من معالجة وتسخين وشبكة المواسير والصمامات والتانكات والطلمبات وتصميمها وفقا للاكواد والاستاندرد العالمية والمحلية تابع اللنك فى أول كومنت ده ع قناة فاير ماتركس 🔥 بالتوفيق للجميع - المحاضرات هتنزل تباعا للجزء ده شيرها ومتوقفهاش عندك - انسخ الرابط باول كومنت مع الشير 🥳📯 واللى خد كورس فى السناتر إياها يقولنا ايه الاخبار 😂 (م. على حسن 🔥 #firematrix) https://m.youtube.com/playlist?list=PL5Vz0iqWU2dg37Bjjt9c4W9iA9ATgHqI2

معلومة فاير ع السريع 🔥🔥 الفكرة اللى اتبنت عليها كل كواشف الحريق اللى بنستخدمها فى انظمة انذار الحريق هو مايسمى بال "Fire Signature" 🔥✍️ يعنى البصمة الخاصة بالحريق وده بيعنى تغيرات فى الهواء المحيط بمصدر الحريق والتغيرات دى ممكن تكون مرئية او غير مرئية ومنها الاتى : 01- ال "Aerosol Signature" يعنى تكون جزيئات من نواتج الاحتراق والمتمثلة فى اكاسيد الكربون والهيدروكسيل متفاوتة فى حجمها فان كانت ذات حجم صغير يصغر عن 0.3 مايكرو اصبحت غير مرئية وبالتالى لا تستطيع تشتيت الضوء وده بيكون فى بدايات الحريق وعشان كدا بيتم استخدام نوع من الكواشف مايسمى " Aspirated Air sampling detector" وهو من افضل وسائل الكشف المبكر للحريق يليه بعد ذلك كواشف الدخان من نوع optical and ionized. 02- ال "Energy Signature" وده بيتمثل فى انتقال الطاقة من مصدر الحريق الى الهواء المحيط وده بيتم بطريقتين : أ- اما من خلال اشعة بتتمثل فى Infrared - Ultraviolet - Visible light كلا منها له طول موجى مختلف فلو تم عمل كواشف للاشعة دى تم الكشف عن الحريق مثل الكاميرات الحرارية للكشف عن الاشعة تحت الحمراء وده مايسمى بكواشف اللهب Flame Detector ب- من خلال انتقال الحرارة بالحمل Convection وده بيتمثل فى ارتفاع درجة حرارة الهواء المحيط فيتم الكشف عن الحريق اما بكواشف تعمل عند درجة حرارة ثابتة Fixed Temp او كواشف تحس بمعدلات زيادة درجة الحرارة Rate of rise 03 - ال "Gas Signature" يعنى خروج بعض انواع الغازات من نواتج الاحتراق مثل اول وثانى اكسيد الكربون فى الهواء الجوى وبقياس معدلاتهم او تركيزهم لو زاد عن حد معين دل على وجود حريق. اتمنى اكون قدرت ابسط الفكرة بالتوفيق للجميع المصدر : NFPA Fire Protection Handbook Edition 20 - Sec.2 (م. على حسن #firematrix)

معلومة سريعة لتركيب الرشاشات الجانبية - المسافة بين الرشاش والسقف بين ١٠ إلى ١٥ سم الا لو كان نوع listed ويعطى سماحية للتركيب تحت السقف لأكثر من ذلك. -ان وجد soffit وتم تركيب الرشاش الجانبى عليه وكانت المسافة خلف الرشاش تزيد عن ٢٠ سم توجب تركيب رشاش اخر فى اسفل منطقة ال soffit كما هو واضح بالصورة وتلك الحالة بنقابلها كتير فى غرف الاقامة بالفنادق والمستشفيات. - المصدر NFPA 13 - HANDBOOK 2016 - SEC 8.7.4 وفقنا الله وإياكم (م. على حسن #firematrix )

منقول عن مهندس علي حسن معلومة فاير سريعة لعلها تفيد 🔥 ماهى ستائر المياه فيم تستخدم وكيف يتم تصميمها وهل يوجد بديل لها؟ 💦 الإجابة فى عدة نقاط كالتالى : ١- ستائر المياه تستخدم لحماية جزء من مبنى أو اشغال من انتقال الحريق له عن طريق عمل مجموعة من الرشاشات التى توضع بشكل متقارب وتعمل بنظام الغمر (ديليوج). ٢- تستخدم فى بعض التطبيقات مثل أ- السلالم المتحركة (escalator) حيث توضع بالقرب من حاجز الدخان draft stop لمنع انتقال الحريق من الدور اللى فيه الستارة المائية للأدوار الاعلى. ب- المسارح لفصل منطقة المشاهدين عن خشبة المسرح حيث اختلاف درجات الهازارد بين المنطقتين حيث يتم تصنيف منطقة المشاهدين على أنها خطورة خفيفة وخشبة المسرح من نوع OH2 . ج- لفصل منطقة عن أخرى كحل بديل لل fire barrier والتى تكون مطلوبة لعدم تجاوز مساحة معينة وفقا لاشتراطات ال life safety مثل الجراجات المفتوحة. ٣- يتم تصميمها كالاتى أ- التوزيع الرشاشات : المسافة بين الرشاشات لا تتعدى ١.٨م. وبالنسبة للمسرح يتم وضعها ع مسافة ٩٠سم من ستارة المسرح القماشية. بالنسبة السلالم المتحركة يتم وضع ستارة المياه ع مسافة ١٥:٣٠سم من ال draft stop ب- نوع النظام ديليوج وبالتالي جميع الرشاشات تعمل ف نفس الوقت والفلو المطلوب يكون بمعدل ٣ج/د لكل واحد قدم ، الفلو الخارج من الرشاش الواحد لا يقل عن ١٥ج/د. ج- الضغط ال residual هو 7psi عند الرشاش. د- يتم اضافة فلو الستارة المائية الى الفلو المطلوب بالمساحة التصميمية بالسقف. و- يفضل توصيل صمام الديليوج من قبل الزون كنترول للسقف. ٤ - البديل الستارة المائية استخدام ال fire curtain واللى بتكون مصنوعة من مواد مقاومة للحريق وفقا للقيمة المطلوبة. وفقنا الله وإياكم (م. على حسن 🔥🔥🔥 #firematrix)

منقول عن مهندس علي حسن معلومة فاير ع السريع متى يحدث تغير فى المساحة التصميمية للحريق فى التطبيقات العادية غير المخازن ؟ يتم ذلك فى ٣ حالات : ١- باستخدام رشاشات سريعة الاستجابة quick response يتم تخفيض المساحة التصميمية بمقدار ٢٥ : ٤٠٪ وذلك ع حسب ارتفاع السقف بشرط تحقيق الاتى : أ- أن تكون الخطورة خفيفة أو عادية. ب- أن يكون نظام الرشاشات من النوع الرطب. ج- ارتفاع السقف لايزيد عن ٦م د. لا يوجد ceiling pocket غير محمية تتعدى مساحتها ٣م٢ . و- لا يوجد مساحات غير محمية مع الاسقف cloud . ٢- يتم زيادة المساحة التصميمية بمقدار ٣٠٪ فى حالة استخدام نظام الرشاشات من نوع Dry system , double interlock preaction ٣- يتم زيادة المساحة التصميمية بمقدار ٣٠٪ فى حالة الاسقف المائلة إن تعدى الميول مقدار ١٦.٧٪. ماهو السبب من نقطتين ٢, ٣ ؟ ننتظر اجابتكم فى التعليقات المرجعية : NFPA 13 - SEC 11.2.3.2.2 وفقنا الله وإياكم (م. على حسن 🔥🔥 #firematrix)

أ- فى حالة لو كان جسم التانك single wall لابد ان يكون حجم ال dike يكفى حجم التانك مضافا له حجم المياه اللى هتجمع من الرشاشات داخلها (0.4gpm/ft2 X dike area X 90minute) ب- فى حالة ال double wall tank حجم ال dikeيعادل حجم التانك مضافا له 10%. نسأل الله لكم التوفيق (م. على حسن #firematrix )

منقول مع الشكر للمهندس الفاضل علي حسن مقتطفات من تصميم غرفة الطلمبات السؤال الاول : ماهى انواع غرف الطلمبات ؟ الاجابة : تنقسم غرف الطلمبات الى نوعين على حسب مكانها : 01- غرف طلمبات داخل المبنى (Indoor fire pump) 02-غرف طلمبات خارج المبنى (Outdoor fire pump) السؤال الثانى : كيف يتم حماية غرفة الطلمبات ؟ الاجابة : يتم الحماية على النحو التالى : 01- غرف طلمبات داخل المبنى (Indoor fire pump) بالنسبة للمبانى العالية ((High Rise والتى يزيد بها ارتفاع ارضية اخر دور مشغول عن الشارع عن 23 متر يتم حمايتها من خلال رشاشات وحوئط مقاومة للحريق ساعتين. بالنسبة للمبانى الغير عالية هناك حالتان أ- اما ان يكون كلا من الغرفة والمبنى محميين بالرشاشات هنا يجب ان تكون حوائط الغرفة مقاومة للحريق ساعة. ب- ان يكون احدهما او كلاهما غير محميين بالرشاشات هنا يجب ان تكون حوائط الغرفة مقاومة للحريق ساعتين. 02- غرف طلمبات خارج المبنى (Outdoor fire pump) أ- يتم ابعادها عن المبنى او التطبيق اللى بتخدمه ب15متر. ب- عمل حماية لها من الامطار واشعة الشمس من خلال (Roof – Dike – Sunshade) السؤال الثالث : ما هى درجة الخطور لغرفة الطلمبات ؟ الاجابة : يتم تحديد الخطورة على النحو التالى : 01- يوجد طلمبة ديزل مع تانك وقود يومى (Extra hazard Gr.2) 02- يوجد طلمبات كهربية فقط ((Ordinary hazard Gr.1 السؤال الرابع : هل يمكن استخدام غرفة الطلمبات فى اغراض اخرى غير الحريق ؟ الاجابة : وفقا للكود الامريكى ((NFPA 20 لايسمح باستخدام غرفة طلمبات الحريق لاغراض اخرى مثل التخزين او وجود مصادر تزيد من الخطورة مثل الغلايات وماشابه وسمح فقط بتركيب طلمبات تغذية المياه داخل الغرفة. السؤال الخامس : ماهى المتطلبات الاساسية فى غرفة طلمبات الحريق ؟ الاجابة : 01- مدخل غرفة الطلمبات : اما ان يكون من الخارج مباشرة او توفير سلم او ممر محمى بحوائط مقاومة للحريق لاتقل عن غرفة الطلمبات. 02- درجة الحرارة : لاتقل عن 4س ليس فقط للتخوف من التجمد ولكن منعا لتأخير طلمبة الديزل عن العمل وتكاثف بخار المياه على المواسير والمكونات داخل الغرفة. 03- الاضاءة : توفير اضاءة عادية وطوارئ – شدة الاضاءة لاتقل عن 32.3 لاكس – لايتم توصيل اضاءة الطوارئ على بطاريات الطلمبة الديزل – تستمر اضاءة الطوارئ لمدة ساعتين. 04- التهوية : لابد من عمل تهوية مناسبة للتخلص من الحرارة الناتجة من المعدات داخل الغرفة. 05- الصرف : لابد من وجود ميول بالارضية لتجميع المياه مع توفير نقطة صرف سواء كانت (Floor drain or trench drain). السؤال السادس : ماهى مادة المواسيرللسحب والطرد فى غرفة طلمبات الحريق ؟ الاجابة : 01- مواد الاستيل سواء الملحوم او السيملس (black steel – galvanized steel– ductile iron). 02- المواد البلاستيكية غير مقبولة تماما. 03- التوصيل عن طريق ((Flanged – Welded – Grooved. السؤال السابع : متى يكون مطلوب عمل Bypass لطلمبات الحريق ؟ الاجابة : 01- غير مطلوب تماما لو كان مصدر المياه تانك ارضى او تحت الارض. 02- مطلوب فى حالة ال (Elevated Tank – City Water) ان يكون مصدر المياه. 03- قطر ال Bypass لايقل عن قطر خط الطرد للطلمبات. السؤال الثامن : لماذا يتم الحفاظ على مسافة 10D بين الكوع او المشترك من فلانشة السحب لطلمبة الحريق ؟ الاجابة : 01- لانه يعمل على تكوين فلو غير متزن على ال Impeller للطلمبة مما يولد قوة افقية تؤثر على عمود الطلمبة وتزيد من فرص التأكل فى ال Bearing. 02- يعمل على وجود دوامات لها بالغ الاثر فى عمل مايسمى بال Cavitation. 03- لايتم تطبيق قاعدة 10D فى حالة الطلمبات الرأسية مثل ال (Inline vertical pump). السؤال التاسع : ماذا لو قطر السحب والطر لطلمبة الحريق اقل من قطر الماسورة المتصلة ؟ الاجابة : 01- يتم استخدام Eccentric reducer على خط السحب لتجنب احداث Air Pocket منعا للتكهف. 02- يتم استخدام Concentric reducer على خط الطرد . السؤال العاشر : كيف يتم احتساب حجم تانك الوقود لطلمبة الديزل ؟ الاجابة : 01- حجمه يعادل 1 جالون لكل 1 حصان من قدرة محرك الطلمبة مضافا له 10%. 02- قصة الواحد جالون هى مايعادل واحد باينت لكل حصان خلال 8 ساعات (حيث ان الباينت وحدة حجم تعادل ثمن جالون). 03- اقصى حجم لتانك الوقود داخل غرة الطلمبات 1320 جالون. 04- فى حالة زيادة حجم تانك الوقود عن 1320 جالون يتم فصله فى غرفة اخرى بمقاومة حريق 3 ساعات. 05- لابد من وجود dike لاستيعاب تسرب الوقود من التانك ويتم احتساب حجمه كالتالى :