KURD PLUS

بیردۆزی ئەسپە مردووەکە (Dead Horse Theory) ئەمە وێنەیەکی ڕەخنەئامێزە کە باس لەوە دەکات چۆن هەندێک خەڵک، ڕووبەڕووی ڕاستیەکان دەوەستنەوە و سەرقاڵی خۆ گەوجاندن و خەڵک گەمژەکردنن و خۆیان سەرقاڵ دەکەن بە کۆمەڵێک دەمەقاڵێ و بەناو گفتوگۆوە وەک بڵێی ئەوان خەمخۆر و ڕۆشنبیرن ، خۆیان سەرقاڵی چەلەحانێ و کات بەفیڕۆدان دەکەن بۆ شاردنەوەی ڕاستیەکان .... لەجیاتی دانپێدانانی ڕاستییەکە، پشت دەکەنە ڕاستیەکان و بە پێچەوانەوە هەوڵدەدەن بە هەڵبژاردنی ڕێگە جیاوازەکان تا کۆمەڵێک وشە فڕێبدەن تا ڕاستیەکان بشێوێنن . بە کورتی، بیرۆکەکە ئەوەیە: ئەگەر بۆت دەرکەوت کە تۆ سواری ئەسپێکی مردوو بوویت ، باشترین و سادەترین چارەسەر ئەوەیە کە دابەزیت و ئەسپەکە بەجێ بهێڵیت. بەڵام واقیع جیاوازە! هەندێک خەڵک هەوڵدەدەن بە هەڵبژاردنی ڕێگە نامۆکان لەجیاتی ڕووبەڕووبوونەوەی ڕاستییەکە، وەک: 1. کڕینی زینێکی نوێ بۆ ئەسپەکە. 2. کڕینی عەلەفی جیاواز و زیادکردنی بڕی عەلەف بۆ ئەسپەکە وەک ئەوەی هێشتا ئەسپەکە زیندووبێت. 3. گۆڕینی ئەو سوارچاکەی کە سوارە لەسەر ئەسپەکە. 4. دوورخستنەوەی کارمەندە بەرپرسیارەکە لە چاودێریکردنی ئەسپەکە و جێگرتنەوەی بە کەسێکی تر. 5. بانگهێشتی کۆبوونەوە و لیژنە پێکهێنان بۆ گفتوگۆکردن لەسەر هەنگاوەکان بۆ خێراکردنی ئەسپەکە! 6. دامەزراندنی لیژنە و تیمەکانی کار بۆ لێکۆڵینەوە لە بارودۆخی ئەسپە مردووەکە و شیکردنەوەی بابەتەکە لە هەموو لایەنەکان. 7. دوای چەند مانگێک لە لێکۆڵینەوە، لیژنەکان بە هەمان ئەنجامی ڕوون دەگەن کە لە سەرەتاوە هەبوو: “ئەسپەکە مردووە.” 8. بەڵام لەجیاتی دانپێدانانی ڕاستییەکە، هەوڵدەدەن بەرەنگاری ڕاستیەکە ببنەوە و کات بە فیڕۆدەدەن بە بەراوردی ئەسپە مردووەکە لەگەڵ ئەسپە مردووەکانی تر! 9. بڕیار دەدەن کە کێشەکە لە کەمی ڕاهێنانە، و پێشنیاری دەرمانی ڕاهێنان بۆ ئەسپەکە دەکەن. 10. بێگومان، ئەم ڕاهێنانە پێویستی بە بودجەیەکی نوێ هەیە! 11. لە کۆتاییدا، ڕەتکردنەوەکەیان دەگاتە ئەوەی کە وشەی “مردوو” دووبارە پێناسە بکەنەوە بۆ ئەوەی خۆیان قایل بکەن کە ئەسپەکە هێشتا زیندووە! ⚠️ وانەیەک کە لێیەوە فێردەبین: چەندین خەڵک هەوڵ دەدەن لە دۆخی ڕەتکردنەوەدا بژین، و کات و هەوڵ و سەرچاوەکانیان بەفیڕۆ دەدەن لە هەوڵە شکستخواردووەکان، لەجیاتی ئەوەی لە سەرەتاوە کێشەکە دانپێدابنێن و چارەسەری بکەن!.... 🔸باشترین نمونە بەناو سیاسیەکانی کورد و چەپەلوس و بەناو ڕۆژنامەنوس بەناو ڕۆشنبیرەکانیانە .... ئەمە وتەیەکی ئازار بەخشە بەڵام لە باشور سیاسەت ئەسپە مردوەکەیە و شیکارە خۆ هەڵخەڵەتێنەرەکانیش بەناو سیاسی و بەناو نوسەر و میدیاکار و ڕۆشنبیرەکانن .... خەڵکیش لە دوورەوە ئەسپێکی مردوو دەبینن بەڵام بۆیان نیە نزیک بکەونەوە ، کۆمەڵێک خەڵک لە ساویلکەییان خەریکی دوعا کردنن بۆ ئەسپە مردوەکە ، کۆمەڵێکیش چاوەڕوانی دڵنیابونن لە هەواڵی مردنی ئەسپەکە ، کۆمەڵێکی تریش وەک بڵێی کوتەک بەرسەریان کەوتبێ وەقیان وڕماوە نازانن چی بکەن ... دواجار خەڵک خۆشییان بێ یا ترشی بیانەوێ یا نەیانەوێ دەبێ لاشەی ئەسپە مردوەکە دووربخەنەوە تا بۆگەن ژیانیان نەشێوێنێ و بیرۆدۆزی مامە فەرخە کار پێ بکەن ، تا ڕێی ئەو چەپەلوس و کۆمەڵێ چەتەی سیاسی و بەناو ڕۆشنبیرە بکەون و دا ..... ێن و مەحفیان بکەنەوە.... بۆ ئەوەی لێرەوە بۆ یەکەم جار مێژووی ڕاستەقینەی کورد بنوسرێتەوە و بەنەوەکانی داهاتوو بڵێن با تۆ کوردبیت و لە خوێنی خۆشمان بیت ، ئەگەر حەرامزادە و چەتە و فێڵباز و شڕەخۆربویت ، کوردبونت بەربەست نابێت لەبەردەممان تا تڕۆ نەکرێی ... #کوردپڵاس