અતુલ્ય વારસો

હેરિટેજ શિક્ષણનાં ભાગરૂપે નજીવા દરે રાજ્યના વિવિધ સ્થળોએ હેરિટેજ પ્રવાસમાં જોડાવવા રાજ્યની વિવિધ શૈક્ષણિક સંસ્થાઓને આમંત્રણ ટીમ અતુલ્ય વારસો દ્વારા રાજ્યના વિવિધ શૈક્ષણિક સંસ્થાઓ માટે જાહેરાત કરવામાં આવે છે કે આગામી ૨૫ ડીસેમ્બરથી ફેબ્રુઆરી માસના અંત સુધીમાં વહેલા તે પહેલાનાં ધોરણે કુલ ૩૦ શૈક્ષણિક પ્રવાસો નજીવા દરે આયોજન કરવામાં આવશે. જેનો હેતુ એ છે કે રાજ્યમાં હેરિટેજ શિક્ષણનો પ્રચાર પ્રસાર થાય અને નવી શૈક્ષણિક નીતિ મુજબ વિધાર્થીઓ જે તે હેરિટેજ સાઈટ/નગરની રૂબરૂ મુલાકાત લઈ પોતાના રાજ્યના વૈભવી વારસા પ્રત્યે ગર્વ લઈ શકે અને સરળતાથી શિલ્પ, સ્થાપત્ય, નગરરચના વિશે સમજી શકે. પ્રારંભિક સ્તરે એક દિવસીય પ્રવાસો નું આયોજન કરવામાં આવ્યું છે જેમાં મુખ્યત્વે પાટણ-મોઢેરા, અંબાજી, વડનગર, અમદાવાદ હેરિટેજ વોક, લોથલ, ચાંપાનેર – પાવાગઢ, ડાયનાસોર પાર્ક રૈયોલી વગેરે સ્થળોનો પ્રવાસ કરાવવામાં આવશે અને એ ઉપરાંત શૈક્ષણિક સંસ્થા દ્વારા સુચન કરવામાં આવે ત્યાં વિશેષ આયોજન પણ કરી શકાશે. જેમાં જે તે સ્થળ મુજબ રૂ. ૧૦૦થી લઈને ૭૦૦ સુધીની ફીસ લેવામાં આવશે* (ઓછામાં ઓછા ૫૦ વિધાર્થીઓની બેચ આવકાર્ય છે). બાકીનો વધારાનો ખર્ચ માટે યોગ્ય કંપની સાથે CSR હેતુસર જોડાણ કરવામાં આવશે. અતુલ્ય વારસોનાં આ પ્રવાસો શુદ્ધ રીતે શૈક્ષણિક રહેશે જેમાં અમારા પ્રશિક્ષિત ગાઈડ આપની સાથે રહેશે જેઓ ન માત્ર જે તે સ્થળનો ઇતિહાસ-સંસ્કૃતિ વિશે જણાવશે પણ હેરિટેજનું મહત્વ વિધાર્થીઓ સમજી શકે એ માટે વારસાનું શિક્ષણ (કુદરતી અને માનવસર્જિત) આપવામાં આવશે અને પ્રવાસનાં અંતે પ્રશ્નોત્તરી, વિવિધ સ્પર્ધાઓ વડે વિધાર્થીઓનું જોડાણ વધે તેવું આયોજન થશે, ઉપરાંત જે તે વિસ્તારનાં સ્થાનિક કલાકારોને પ્રોત્સાહન મળે એ હેતુસર આપણી મુસાફરી દરમ્યાન નાના પાયે સાંસ્કૃતિક કાર્યક્રમનું આયોજન કરી સ્થાનિક સાંસ્કૃતિક વિરાસત (Intangible Heritage) ને ઉજાગર કરવાનો પ્રયાસ થશે. જો આપની શૈક્ષણિક સંસ્થા (સરકારી/ખાનગી શાળા, કોલેજ, યુનિવર્સીટી) અમારા આ કાર્યક્રમનો લાભ લેવા ઈચ્છુક હોય તો અમોને આપની વિગતો info@atulyavarso.com અથવા તો 9328 312363 મોકલી શકો છો. આપ https://www.atulyavarso.com/ પર જઈને બુકિંગ પણ કરાવી શકો છો.

*અતુલ્ય વારસોની 'હેરિટેજ બ્રિગેડ'માં જોડાવવા માટે* ટીમ અતુલ્ય વારસો દ્વારા વર્ષ ૨૦૨૬માં નીચે જણાવ્યા મુજબના અનેકવિધ કાર્યક્રમો સક્રિયપણે હાથ ધરવામાં આવનાર છે. • હેરિટેજ શિક્ષણ • મારું ગામ ~મારો વારસો અભિયાન • સ્મારકોમાં સ્વચ્છતા • સ્મારકોને જીવંત કરવાની કામગીરી • હેરિટેજ સંવર્ધકોને પ્રોત્સાહન • પ્રકાશન • પ્રવાસન આ પ્રકારના વિવિધ સંસ્કૃતિનાં સંવર્ધન કાર્યક્રમો માટે જિલ્લા અને તાલુકા સ્તરે માટે ઉત્સાહી અને સક્રિય સભ્યોના *હેરિટેજ બ્રિગેડ* નામક જૂથની રચના કરી રહ્યા છીએ. આપને આ જૂથમાં જોડાવા તથા સક્રિયપણે ભાગ લેવા આપને સહૃદય આમંત્રણ પાઠવીએ છીએ. આપ આ કાર્યમાં જોડાવા તથા સહભાગી બનવા માંગતા હોવ તો નીચેની લિંક પર વિગતો ભરી મોકલી આપશો. આભાર, આપનો, • કપિલ ઠાકર 🌹 https://www.atulyavarso.com/join-as-volunteer

અંબાજી તીર્થ દર્શન સર્કિટ ધીમે ધીમે લોકભોગ્ય બની રહી છે અને અનેકવિધ વિધાર્થીઓ સમયાંતરે આ સર્કિટનો લાભ લઈ રહ્યા છે. મુખ્ય મંદિર અને ગબ્બર ઉપરાંત અન્ય દેવસ્થાનો, પ્રાકૃતિક સ્થળો, સ્થાનિક લોક સંસ્કૃતિ ઉજાગર થાય તેવા હેતુસર અંબાજી તીર્થ દર્શન સર્કિટ તૈયાર કરવામાં આવી છે. આ સર્કિટ થકી અહી આવનાર યાત્રિકો ઉપરાંત ખાસ કરીને વિધાર્થીઓ સમગ્ર અંબાજી તીર્થનાં દર્શન કરે, ઐતિહાસિક, ધાર્મિક ઉપરાંત સાંસ્કૃતિક અને પ્રાકૃતિક દ્રષ્ટિએ અંબાજીને જાણે અને માણે તે પ્રાથમિકતા છે.

તાજેતરમાં પ્રકાશિત થયેલ દ્વારકા વિશેષાંક (ગુજરાતી) ની ડીઝીટલ કોપી અત્રે આપ સૌ સમક્ષ મોકલી રહ્યા છીએ. ગ્રુપનાં અન્ય હેરિટેજ પ્રેમી મિત્રો સુધી શેર કરવા વિનંતી સહ. #atulyavarso #dwarka

કૂતરાઓ માટે ખેતર ? હા, અગાઉ ઘણા ગામો એવા હતા જ્યાં કૂતરાઓનાં નિભાવ માટે ખાસ ખેતરો ફાળવવામાં આવતા.

એક સમયનું વોટ્સએપ ગ્રુપ આજના ડિજિટલ યુગમાં આપણે વોટ્સએપ દ્વારા માહિતીની આપ લે કરીએ છીએ, અને દુનિયાના કોઈ પણ ખૂણામાં બેઠેલા વ્યક્તિ સાથે વાત કરી શકીએ છીએ. એક સમયે આપણા જુના ગામ, શહેરોની પોળોમાં કોઈ પણ પ્રસંગમાં કોઈ ને આમંત્રણ આપવું હોય તો, પોળ-શેરીનાં નોટિસ બોર્ડ પર સૂચના લખી દેતા અને દરેક ઘરની વ્યક્તિ તેને પોતાનું આમંત્રણ ગણીને આ પ્રસંગમાં હાજરી આપતી.અહીં જન્મ, મરણ કે કોઈ અન્ય પ્રસંગમાં આ પોળના રહીશો પોતીકું સમજીને જ વ્યવહાર કરતા. આજના દિવસે પણ ઘણા સ્થળોએ આ પ્રકારના દાખલાઓ જોવા મળે છે. #atulyavarso #heritage

નમસ્કાર, *ઈતિહાસ, પુરાતત્વ, પ્રવાસન ક્ષેત્ર અથવા તેને સંલગ્ન વિષયનાં કોઈ વિધાર્થી* હોય, જેનો અભ્યાસ પૂર્ણ થયો હોય અથવા તો પૂર્ણ થવાને આરે હોય અને જેમને *સર્વે, દસ્તાવેજીકરણમાં રસ હોય તેમજ ફિલ્ડવર્ક કરી શકે* તેમ હોય તો અમારે *ટીમ અતુલ્ય વારસો* માટે જરૂરીયાત છે. રસ ધરાવનાર વ્યક્તિએ agm.atulyavarso@gmail.com પર વિગતો મોકલાવવી.

*ઐતિહાસિક નગરી પાટણ* નાં સ્થાપના દિન નિમિત્તે અમારી ટીમ દ્વારા તત્કાલિન સમયે તૈયાર કરવામાં આવેલ *પાટણ વિશેષાંક અને બ્રોસર્સ* ની નકલ સંદર્ભ માટે મોકલી રહ્યા છીએ.

*“અતુલ્ય-વારસો આઈડેન્ટીટી એવોર્ડ - ૨૦૨૫ - ૨૬”* અમારી સંસ્થા હિસ્ટોરિકલ એન્ડ કલ્ચરલ રીસર્ચ સેન્ટર દ્વારા *“અતુલ્ય-વારસો આઈડેન્ટીટી એવોર્ડ : ૨૦૨૫-૨૬”* જાહેર કરવામાં આવ્યો છે જે અંતર્ગત સ્થાનિક સ્તરે નીચે દર્શાવેલ પાંચમાંથી કોઈપણ ક્ષેત્રે સારી કામગીરી, ફરજ નિભાવી રહેલ અને ઓછા પ્રચલિત હોય તેવા વ્યક્તિ, સંસ્થા, સમુદાયની વિગતો અમોને આ સાથે સામેલ ફોરમેટમાં ભરીને મોકલી આપશો. આ પુરસ્કાર પાછળ અમારો હેતુ એવો છે કે સ્થાનિક સ્તરે ઉચ્ચ કક્ષાની કામગીરી નિભાવનાર અને પોતાના વિસ્તારની ઓળખસમા વ્યક્તિ, સંસ્થા, સમુદાયનું ગરીમામયી સન્માન થાય. અમને આશા છે કે અમારો આ નાનકડો પ્રયાસ કાર્યરત વ્યક્તિ, સંસ્થા, સમુદાયનો જુસ્સો વધારવામાં અને જનસમુદાય સુધી આ ઓળખને પહોચાડવામાં ઉપયોગી સાબિત થશે. સેવાકીય ક્ષેત્ર – ૧) ઈતિહાસ અને પુરાતત્વ, કલા અને સંસ્કૃતિ ૨) પર્યાવરણ અને જળ સરંક્ષણ ૩) પ્રદર્શિત કરી શકાય તેવી કલાઓ (ચિત્ર, સંગીત, રંગોળી, હસ્તકલા વગેરે) ૪) લેખન અને પ્રકાશન ૫) હેરીટેજ અને ઇકો ટુરિઝમ વધુ માહિતી માટે આપ +91-9328312363 તથા +91-9601971281 ઉપર સંદેશ અથવા ફોન કરી વાત કરી શકશો અથવા એવોર્ડમાં ભાગ લેવા આ લીંક પર જઈ વિગતો મોકલી આપવી. https://forms.gle/R3nx8J6tyKMkTZ129

*અતુલ્ય વારસો ક્રિએટીવ કિડ્સ એવોર્ડ ૨૦૨૫-૨૬* નમસ્કાર, અમારી સંસ્થા હિસ્ટોરિકલ એન્ડ કલ્ચરલ રીસર્ચ સેન્ટર દ્વારા *“અતુલ્ય વારસો ક્રીએટીવ કિડ્સ એવોર્ડ : ૨૦૨૫-૨૬”* જાહેર કરવામાં આવ્યો છે, જે અંતર્ગત જો આપનું બાળક નીચે દર્શાવેલ પાંચ ક્ષેત્રમાંથી કોઈ પણ ક્ષેત્રમાં સક્રિય હોય તો આપ નોમીનેશન કરી શકો છો: ૧. પ્રદર્શિત કરી શકાય તેવી કલાઓ (ચિત્ર, સંગીત, રંગોળી, હસ્તકલા, ડ્રામા, નૃત્ય, વાદન, ગાયક, બાળ કલાકાર વગેરે) ૨. રમતગમત, ટ્રેકિંગ, પર્વતારોહણ ક્ષેત્ર ૩. કોઈ પ્રાચીન વિધા, ભાષા કે અન્ય આપણી સંસ્કૃતિ પ્રત્યે વિશેષ લગાવ કે કોઈ વિશેષ સિદ્ધિ ૪. પર્યાવરણ ક્ષેત્ર ૫. અન્ય કોઈ નોંધનીય બાબત વધુ માહિતી માટે આપ +91-9328312363 તથા +91-9601971281 ઉપર સંદેશ અથવા ફોન કરી વાત કરી શકશો અથવા એવોર્ડમાં ભાગ લેવા આ લીંક પર જઈ વિગતો મોકલી આપવી. https://forms.gle/zpVoMiQLZpL9QC5R6

જો તમે નીચે દર્શાવેલ પાંચ ફિલ્ડમાંથી કોઈ ક્ષેત્રમાં સક્રિય હોવ તો તૈયાર રહેજો. ટૂંક સમયમાં જ અતુલ્ય-વારસો આઈડેન્ટીટી એવોર્ડ – ૨૦૨૫ ની ઘોષણા થવાની છે. આ પુરસ્કાર પાછળ અમારો હેતુ એવો છે કે સ્થાનિક સ્તરે ઉચ્ચ કક્ષાની કામગીરી નિભાવનાર અને પોતાના વિસ્તારની ઓળખસમા વ્યક્તિ, સંસ્થા, સમુદાયનું ગરીમામયી સન્માન થાય. અમને આશા છે કે અમારો આ નાનકડો પ્રયાસ કાર્યરત વ્યક્તિ, સંસ્થા, સમુદાયનો જુસ્સો વધારવામાં અને જનસમુદાય સુધી આ ઓળખને પહોચાડવામાં ઉપયોગી સાબિત થશે. સેવાકીય ક્ષેત્ર – ૧) ઈતિહાસ અને પુરાતત્વ, કલા અને સંસ્કૃતિ ૨) પર્યાવરણ અને જળ સરંક્ષણ ૩) પ્રદર્શિત કરી શકાય તેવી કલાઓ (ચિત્ર, સંગીત, રંગોળી, હસ્તકલા વગેરે) ૪) લેખન અને પ્રકાશન ૫) હેરીટેજ પ્રવાસન.