MATH ACADEMY xususiy maktabi

🇯🇵 YAPONIYA TA’LIMI BILAN YUZMA-YUZ UCHRASHUV! Maktabimiz rahbariyatining Yaponiyaga amalga oshirgan tashrifi natijasi o‘laroq, Yaponiyaning nufuzli Nagoya universiteti professori, ta’lim murabbiyi va o‘zbek pedagogi Umida Ashurova maktabimiz mehmoni bo‘ldi. Professor Umida Ashurova o‘quvchilarimiz bilan samimiy va mazmunli uchrashuv o‘tkazib, yoshlarni qiziqtirgan savollarga atroflicha javob berdi. Uchrashuv davomida o‘quvchilarimiz Yaponiyaning ta’lim tizimi, xorijiy universitetlarda tahsil olish imkoniyatlari, xalqaro ta’lim dasturlari hamda Yaponiyada o‘qishni davom ettirish uchun qanday tayyorgarlik ko‘rish kerakligi haqida muhim ma’lumotlarga ega bo‘lishdi. Ayniqsa, Yaponiyada oliy ta’lim olish uchun zarur bo‘lgan bilim, til ko‘nikmalari, hujjatlar va boshqa talablar yuzasidan berilgan tushuntirishlar o‘quvchilarimiz uchun katta amaliy ahamiyat kasb etdi. Bunday uchrashuvlar yoshlarimizning dunyoqarashini kengaytirish, ularda katta maqsadlar sari intilish hissini kuchaytirish va xalqaro miqyosda o‘z o‘rnini topishga bo‘lgan ishonchini oshirishda muhim o‘rin tutadi. Math Academy jamoasi nomidan Yaponiyadan maxsus tashrif buyurib, qimmatli vaqtini o‘quvchilarimiz bilan o‘tkazgani, o‘z bilim va tajribalarini baham ko‘rgani hamda yoshlarimizga xalqaro ta’lim imkoniyatlari haqida yaqindan ma’lumot bergani uchun Umida Ashurovaga samimiy minnatdorchilik bildiramiz! Bizning maqsadimiz — nafaqat bilimli, balki dunyo miqyosida raqobatlasha oladigan, katta orzu va aniq maqsadlarga ega yoshlarni tarbiyalash! Math Academy — katta maqsadlar sari ishonchli qadam! 🌍