Dhivehi Dharus

ޙައިޟުވެރިން ޢީދުނަމާދުކުރާ މައިދާނަށް ދިޔުން ޙައިޟުވެފައިވާ އަންހެނުންވެސް ޢީދު ނަމާދުކުރާ ތަނަށް (މައިދާނަށް)، ޢީދު ދުވަހު ނުކުތުމަށް ނަބިއްޔާ صلى الله عليه وسلم އެންގެވިއެވެ. އެކަލޭގެފާނު އެފަދައިން އެންގެވުމުން، އަންހެން ބޭކަނބަލަކު އެކަލޭގެފާނަށް ދެންނެވިއެވެ. "އޭ ﷲ ގެ ރަސޫލާއެވެ! ތިމަންމެންގެ ތެރެއިން މީހެއްގެ އަތުގައި ޖިލްބާބެއް ނެތިދާނެއެވެ." އެކަލޭގެފާނު ޙަދީޘްކުރެއްވިއެވެ. «لِتُلْبِسْهَا أُخْتُهَا مِنْ جِلْبَابِهَا» [رواه البخاري (351) ومسلم (12 - (890))] މާނައީ: "އޭނާގެ ޢުޚްތުގެ ޖިލްބާބު އޭނާއަށް ލައްވާ ހުށިކަމެވެ." އެބަހީ: އޭނާގެ އުޚްތު ބޭނުން ނުކުރާ ޖިލްބާބެއް އޮތިއްޔާ ޢީދު ނަމާދަށް ނުކުންނައިރު ލުމަށް އޭނާއަށް ދޭށެވެ. [ބައްލަވާ: شرح النووي على صحيح مسلم (6 / 180)]. ޙައިޟުވެރިންވެސް ޢީދު ނަމާދުކުރާ މައިދާނަށް ދިޔުމުގެ ޙިކުމަތަކީ އެދުވަހުގެ އުފަލުގައި ބައިވެރިވުމާ އަދި ޢީދު ޚުޠުބާގައި ކުރާ ދުޢާތަކުގައި ބައިވެރިވުމެވެ. އަދި ޢީދު ނަމާދުކުރާ ވަގުތުގައި އެކަނބަލުން މަޑުކުރާނީ ނަމާދުކުރާ ތަނަށް ވުރެ ތަންކޮޅެއް ދުުރުގައެވެ. [ބައްލަވާ: صحيح مسلم (890)].

ޢީދު ދުވަހު ކުރުން ރަނގަޅު ސުންނަތްތަށް

تقبل الله منا ومنكم ހުރިހާ އަޙުންނާއި އުޙްތުތުނަށް ޢީދް މުބާރަކް 😊