بــڤــی

چ چاندنی گوڵ لە خاکدا یا تۆوی موحیبەت لە دڵدا هەرچی بە وەفای دڵ ئاودرا بەهار دەخوڵقێنێت لە ناخدا . #ئەوین 🌱

لە پەڕەی عومردا، هەندێک سات نە بۆ مانەوەن، نە بۆ لەبیرکردن تەنها بۆ ئەوەن کە ژیان لەبەر چاوان جوانتر بکەن . #ئەوین 🌱

کات ئەوە دەسڕێتەوە کە دەستنووسی هەوەس بوو، تا لە پەڕەی عومر تەنها دێڕی مانادار بمێنێت . #ئەوین 🌱

کە دڵ لەخۆی چوو، فەرمووت خەتا لە هەڵچوونە یا ناڵەی تۆیە وا ئارەزووی هاتن و چوونە نازانم هەوای عاشقە یا خەتای مەعشوق منم کە ونم لەنێو هەلهەلەی مەخلوق . #ئەوین 🌱

لە دووری ڕێگا مەپرسە ئەی دڵ! کە هەر هەنگاوێک، خۆی گەشتێکی دڵە من کە لە جیهان نەگەڕاوم، بەدوای خۆمدا گەڕام.. . #ئەوین 🌱

⁨ ڕۆژەکان تێپەڕین و ئاوڕم لە دواوە دایەوە، بینیم وێرانەکەم نەک کۆتایی نەبوو، بەڵکو ڕێگای ئاوەدانی بوو ئەوەی من بە تاڵی ڕۆژگارم زانی بوو لە دەستنووسی خودادا، بناغەی ژیانی نوێ بوو . #ئەوین 🌱

پەنا بێ‌ دڵ لە هەرچی، کە ئاوری پەنایە، خۆی بێ‌ پەنایە . #ئەوین 🌱

عومر، وەرەقەیەکە لە دەستی با؛ دەچێت و نازانێت بۆ کوێ، هەڵدەفڕێت و نازانێت تا کەی. دڵی بێ‌خەم ئەو دڵەیە کە هاودەمی کات ژین دەکات، نە لە ڕابردوو دەمێنێت، نە لە داهاتوو دەترسێت، تەنها لە ساتەکاندا ڕادەبێت و خۆی لە بووندا دەدۆزێتەوە.. . #ئەوین 🌱

ئادەم بگرە هەواو هەوەس با نەکەویە بەر تەڵە و قەفەس دنیا چەشنی ئاو دێتە بار هەر دەڕۆی و دەکەویە ژێربار . #ئەوین 🌱

دەکەومە ڕێ، مەنزڵ نادیار لە ڕێی مەنزڵ بوومە بێدار دەگەمە جێ، ناکەومە ڕێ هەرچەند بگەمە جێ، ناکەومە پێ . #ئەوین 🌱

با دڵ حەریمی میهر بێ، بێ پەنا نەبێ، نووری حەق لە سینەدا، ئاوا نەبێ. ڕق و کینە ڕێی بۆ ئەو ماڵە نەبێ، عیشق میوانی دڵ بێ، غەیری ئەو لەڕێدا نەبێ . #ئەوین 🌱

با دڵ فەنا بێ، بێ پەنا نەبێ با میهر و عیشق لە دڵدا ئاوا نەبێ

⁨ ئەو کەسەی لە سەرچاوەی ئیشق ئاوارە بوو، لە ناو کۆشک و تەلاری باخچە ئاسا وێڵ بوو بەڵام ئەو دڵەی بە نوری یار شاد بوو، بێ ڕەنگترین کۆڵانی ژیانی بەهاری بوو . #ئەوین 🌱

هەندێک نیعمەت، تەنها بە چاو نابینرێن؛ دڵێکی هۆشیاریان دەوێت بۆ ناسینیان. مرۆڤ کاتێک لەنێو خێرایی ژیان دەوەستێت، ئەوسا دەزانێت کە بەهەشتی ڕاستەقینە لە گەورەیی سامان و زۆری هەبووندا نییە، بەڵکو لەو ئارامییەدایە کە خودا بێدەنگ لە دڵی مرۆڤدا دەیچێنێت.. . #ئەوین 🌱

ئەگەر دڵت فێری سەیرکردنی جوانی ببێت، هەر گوڵێک دیوانێکە، هەر هەورێک پەیامێکە، هەر خۆرئاوابوونێک بەڵگەی ئەوەیە کە دوای هەر کۆتاییەک، ڕووناکییەکی تر لە چاوەڕوانیدایە . #ئەوین 🌱

⁨ ⁨ ⁨ هەندێک شەو هەن… مرۆڤ لە قووڵایی تاریکیدا وا گومان دەبات کە خۆی ون کردووە و هەموو دەرگاکانی ڕووناکی بە ڕووی دا دەخراون.. بەڵام… هەندێک باوەڕ هەر لەوکاتانەدا سەرهەڵدەدەن؛ شەو هەرگیز کۆتایی چیرۆکی نوور نییە. ئەوەی لە ژێر ئەم هەموو ئەو تاریکاییە، چرای باوەڕی خۆی نەکوژاندەوە، کاتی سەحەر بە ئارامی هەناسەی دا، چون یەکەم تیشکی خۆر لە دڵی ئەو هەڵهات ڕووناکی، پاداشتی ئەو دڵانەیە کە لە تاریکیدا، هیوا بە خودا لەدەست نادەن .#ئەوین

شەو و ڕۆژ هەر بەدوای مندا دێن و منیش هەر لە سەفەری دڵدام، بەدوای ئەو خۆمەدا دەگەڕێم کە لە نووری باوەڕدا جێم هێشتووە . #ئەوین 🌱

چاوی سەر بەرد دەبینێت، چاوی دڵ ئەسرار هەر لەبەر ئەوەیە وێرانە لای عارف، باغی بەهارە . #ئەوین 🌱

ئەوەی لە تاریکترین شەوەکانی نووری باوەڕی پاراست، سبەی خۆری پێش هەمووان بینی.. . #ئەوین 🌱

هەر ئەوەی کە نووری بە گەردوون بەخشیووە، چۆن دڵێک لە میهری خۆی بێبەش دەکات؟