Final Revision 👊🏻❤️

يا اما تدرب نفسك غيباني وانت قافل الكتاب مرة واتنين وتلاته على أسئلة الريتن يا اما تسمعها كتابة بإيدك اكنك ف الامتحان وتشوف الدنيا كدة ماشية ازاي

وعليكم السلام ورحمة الله وبركاته ان شاء الله الجدول كويس تقدري تلحقي تخلصي المنهج بيه يا دكتورة أهم حاجة تلتزمي بيه وواحدة واحدة وانتي بتذاكري الشباتر عشان تكوني مركزة فيها وتقدري تستوعبي أكبر عدد من المعلومات وربنا يكرمك وتلحقي تخلصي المنهج بإذن الله

وعليكم السلام ورحمة الله وبركاته وانتو بالف خير وصحة وسلامة دايما يارب هو الشباتر اللي خلصت كويسة اوي مفيش مشكلة هيتبقي ليك/ي يا دكترة 10 شباتر ممكن لو تعرف/ي تقسمها/يها على يومين بحيث تخلص/ي منهج الرمد على اليومين الجايين يبقى زي الفل والنهاردة ذاكر/ي كام شابتر منهم بس يا ريت تدخل/ي جزء ENT لو صغير حتى كل يوم برضو عشان تمشي دي مع دي

هي حاجة طبيعية جدا النسيان بالذات ف الشباتر اللي لسة يعتبر اول مرة نذاكرها واحدة واحدة والدنيا هتبقى مظبوطة ان شاء الله وقبل الامتحان بيومين هنشوف أسئلة الريتن وال MCQ عشان نكون داخلين الامتحان ع الاقل معانا نص الامتحان ولا حاجة ان شاء الله

مش عاوزين نسأل سؤال اننا هنخلص المنهج ولا لا يا دكترة علطول عشان منحسش ساعات كتير اننا متأخرين ولسة بدري على ما نخلص وكدة نظم وقتك ورتب الشباتر بتاعتك والمدة اللي انت محددها عشان تخلص المنهج ك مذاكرة وتلاقي وقت للمراجعة بإذن الله

مش معانا نظري لكن معانا MCQ عادي

الجو تحسو انه جو كسل ونوم فعلا بس غصب عننا بنحاول نخلص اي شباتر على قد ما بنقدر يلا ربنا يعديها على خير

يومين تلاتة ان شاء الله

مش معانا ريتن لكن معانا MCQ عادي

فيه امل ان شاء الله بس وازن الكمية بتاعة اليومين الجايين وانجز برضو ف الشباتر الصغيرة كدة مع الكبيرة ف نفس الوقت عشان تكون خلصت كمية كبيرة ف يوم واحد وهكذا