سوّاح

سوّاح في منحنى الماضي وذكرى الغرام اداري الجرح واكتم ما بقى من حنين اجمع شتاتي واسير بدرب موحش ظلام مدري على وين لكن يالله انك تعين حاير فكر تايه ابعاد و جروحي عِظام حتى جمال الطبيعه في عيوني حزين من لوعة الهجْر والحرمان ضاع المنام و الازمنه ثابته كن الدقايق سنين لا جيت بنسى يجيبك طاري وريح شام واليا التقينا تقول اغرابً وملتقين عيوننا تنطق اليا ضاع منّا الكلام عبر الأثير اسمعك من لهفتك تصرخين يا آخر موالف وآخر فرح واهتمام يا اول موالف واول فرح تذكرين ؟ العشق و وعودنا واحلامنا والسلام وين السلام؟ اختفى يوم انزلت دمعتين ! #سوّاح

من ظلمة الليل يولد نور صبحٍ جديد قانون كوني يسوق الناس لـ آمالها يسعى بها الشاطر وتضعف عزوم البليد وان جات ولا غدت مكتوبه احوالها مير البشر تتبع السهْل وتكبّ العنيد فطره من آدم بدم الناس بـ اجيالها حسد ومشاكل وكيد وماحدٍ مستفيد ما يتضح صغرها الّا من على اجبالها والواقع مداوله تكشف قلوب العبيد الله يحاسب جميع الناس ب اعمالها خذيت مبدا القناعه حبل منجى جويد ولا اختصموا الخلق ما لديت بـ احبالها الله جبلني على حب الجزيل الفريد والناقصه لا بدت هزيت فنجالها وش لي في سوق باير واقتصاده كسيد واشوف فيه الخلايق تسحب اذيالها #سوّاح

ولى زمان السيف ومزارق الطيب يوم الفتى تظهر فعوله ذراعه واقبل زمان العولمه والاعاجيب شهادة ابن آدم تزيد ارتفاعه يا كم ردي(ن) ممتلي بالعذاريب شيّخته اقلامه وكثر اطلاعه ويا كم سنافي(ن) من اهل المواجيب سمعته محدوده بحد الجماعه والصاحي اللي موكره بالمراقيب من حازها طيب(ن) وعلم وشجاعه #سوّاح

كيف ببدا ما جمالك ينوصف فوق حدّ الوصف زينك اعتلا والله ان القلب في عينك الف كيف لا وانتي علامه للحلا يا جمالك كيف؟ طاغي مختلف لو يناظر فيك مهموم ايسلا رمشك اللي بالرمايه محترف ما يمرّه قلبن ... الا وابتلا لا جلستي كل غيدا لك تقف كنّك الحاكم وحولك هالملا وان نطقتي كن بتهوفن عزف بعد صوتك كل غمّن ينجلا مبسمك ذا كم عقلن مختطف نصف من شافوك صارو اجهلا تهت في زينك واخذت المنعطف صرت عاقد لك ولا واحمل غلا انتي احلى شي صار من الصدف وانتي احلى من تمشّى بالفلا والله اني عاشقن مغرم كلِف اعشق اللي فيك كله من الى في محاريب المحبه معتكف لا شريك لْك بهواك ولا بدلا #سوّاح

البارحه جاني الهاجوس فجريّه مع شقّة النور في حزّة هبايبها كنّ الصّور واللحن والشعْر منقيّه منقيّه امسكّته محدن يعذربها تارد على صدري ابليله رُمنسيّه وانا آخذ افكارها واجلس اجاذبها اكتب غزل واكتب ابياتن حماسيّه وافضّل الأوّله من كلْ جوانبها وصلتك ي احمد وقلبي تحت جنبيّه محتاج فزعتك ب احلامي أبجلبها من قبل لا تفْلت السبحه من ايديّه والوم نفسي على الماضي واعذّبها جتني نصايح عن الحبّ وبلاويّه وتراي م اقنع بحاجه لين اجرّبها خشيت فالحبّ واكبارن هقاويّه واثاري الدّعوه اكبارن مصاعبها حبيتها والبدايه .. شبْه عاديّه ثمْ صارت الرّوح والدنيا وكواكبها كان السهر والمزوح اطقوس يوميّه في كل ليله خيام الحب ننصبها والوقت ساعاته اتشابه ثوانيّه الساعه اتقول عجلاتن عقاربها جاني بلا قيس في لحظه هياميّه وانادي اطيوفها يمكن اقربها الحب ي احمد علامه صار عاريّه؟ ما كانت العطفه اتولع حرايبها ؟ الحب فطره ببن ادم طبيعيّه حلال ب اسلامنا من كل مذاهبها غريبه احقوقنا صارت رماديّه والكل قاضي وفكرتنا يحاربها ياربي اقلوبنا صارت شقاويّه ما عاد نقدر على الدنيا ومصايبها #سوّاح

حِجَازيَّة العَينَين مَكيَّةُ الحَشَ عِرَاقِيَّةُ الأَطرَافِ رُومِيَّةُ الكَفَل تِهامِيَّةَ الأَبدانِ عَبسِيَّةُ اللَمَى خُزَاعِيَّة الأَسنَانِ دُرِّيِّة القبَل #امرؤ_القيس