💜Nazm navosi kanali💜Oliya Ravshanova🌹

✨

✨

#хайрли_тун Ҳаётнинг барчаси шу икки оятда мужассам: 1. "Ким менинг тўғри йўлимга эргашса, йўлдан озмас ва бахтсиз бўлмас", (Toҳа сураси, 123 оят). 2. "Kим менинг эслатмамдан юз ўгирса, бас, албатта унинг учун танг  –бахтсиз ҳаёт бўлур", (Toҳа сураси, 124 oят). Maна шу ҳаёт формуласидан қай бирини танлаш ўз ихтиёрингизда. Тунингиз осуда ўтсин диндошим. Бизни кузатишда давом этинг. Каналга обуна бўлинг. https://t.me/solihalar_suxbati

ХУДБИНГА Ким-кимга соҳиби санжарман дейди, Сим-симга мақтаниб — ханжарман дейди, Қумурсқа ҳам ўзин аждарман дейди, Мен нима хам дердим. Бол берган қўлингга найзасин санча, Қилган яхшилигинг билмаган қанча, Оқилларин талар қанча тирранча, Мен нима хам дердим. Имон йўқ гўшада эҳром қайдадир, Қалбга таскин қайда, ором кайдадир, Магар жондан кечгин, нима фойдадир?.. Мен нима ҳам дердим. Менинг ёзганларим шунчаки ҳавас, Менга дилим пошшо — шеърларим эмас, Шоир — сен, десам ҳам, қўймасанг, нокас, Мен нима ҳам дердим. Отамдан қолмаган бу назми сўлғин, Мен боғда гул эмас — тоғдаги юлғун! Қўлингдан келса бор, Навоий бўлгин!.. Мен нима ҳам дердим. © Муҳаммад Юсуф https://t.me/MUHAMMAD_YUSUF_IJODI

ОНАЖОН Етмиш юлдуз ёғилиб, Ярим ойча тўлолмас, Етти янга йиғилиб, Битта она бўлолмас, Она тирик эшикка Ғурбат яқин йўлолмас, Менинг эса, бағрим қон, Вайронаман онажон. Гарчи биз ёш, ғўр эдик, Сиз бор - биз ҳам зўр эдик, Бир майизни беш уғил Тенг булишиб ер эдик, Гоҳ талашсак, ҳақ сўзни Онам айтсин дер эдик, Тушми энди у замон, Ҳайронаман, онажон. Тирик юрса волиданг Тоққа кучинг етаркан, Онанг ўлса, бошингдан Офтоб ўтиб кетаркан, Жиндеккина алам ҳам Тоғдек ботиб кетаркан, Кўксим тўла минг армон, Тулғонаман, онажон. Онасиз уй - ойсиз тун Экан энди ўйласам, Қалбни ўртар дардларим, Қай бирини сўйласам? Сизсиз кўчам бефайз, Ҳаловат йўк уйда ҳам, Фариштаси тарк этган Остонаман, онажон Ўзинг учун ўл етим! Ерда ҳам мен, қирда хам. Кўйлагимда тугма йўқ, Тугма бўлса, кир - ёқам. Тўрт янгамга қўшилиб Турткилайди тўрт оғам, Ўз уйимда жонажон, Бегонаман, онажон. Кўнгил ўзин тутинган Бир меҳрибон қумсайди, Дунёда бир одамга Сиринг айтиб булсайди, Онасизни дўсти ҳам, Душмани ҳам алдайди, Айтинг аҳир, мен кимга Ишонаман, онажон?.. Йўқлигингиз қадамда Турар шундай билиниб, Нон ёпмайсиз тонглари Менга кулча илиниб, Сарғаярман сарғайган Расмингизга термулиб, Зиё истаб зор қақшаб Парвонаман, онажон. Уй тўрида тол бешик - Акам ётган, мен ётган, Шердек-шердек келбатли Беш уғилга асқотган, Қайтиб кириб булсайди Бўлардим жон деб кайтган! Мен бу жойни хаммадан Қизғонаман, онажон. Яшаяпман шарпадек Сезилмай гоҳ, сезилиб. Гоҳи кукка интилиб, Гоҳи ерга эгилиб, Соғинганда шеър ёзиб Юракларим эзилиб - Эл ичра бир шоири Девонаман, онажон © Муҳаммад Юсуф https://t.me/Adabiyot_olami

МЎМИН ЧОЛ Мўмин чолнинг уч ўғил, ёлғиз қизи бор эди. Тухфа эди тақдирдан, кампирдан ёдгор эди. Қиз "эртага эгаси олиб кетар кўчдай" гап. Юрт кезарди чол бу кун, кенжага келин излаб. Қариганда тўрт томон зир чопиш қийин экан. Ўғлинг қайсар бўлса гох, қиз топиш қийин экан. Кампир тирик бўлганда, камаярди захмати, Тили ширин, гапга хўб чечан эди раҳматли. Тўй бир кунлиқ пул нима, азизмиди жонидан, Мўмин озроқ пул олди, эски қадрдонидан. Бека бўлди товусдай, кенжа ўғил қаллиғи. Келин эмас, Худонинг берган олтин балиғи. Бир кечанинг изохи - ярми қувонч, ярми ғам. Эх, қанийди, шу кунни кўрганда кампири ҳам. Ҳаёт ҳар ўйинига ўзи топар таърифин: Оғзи ошга етганда, бурни қонар ғарибнинг. Тўй ўтди-ю тўшакка ётиб қолди мўмин чол. Жуда оғир хасратга ботиб қолди мўмин чол. Ажал остона узра турар экан сузилиб, Ёлғиз қизи қисматин ўйларди у эзилиб. Жон дегани омонат Одам Ато ўғлига- Мўмин ўлди. Тумонат эл йиғилди ҳовлига. Мархум қандай зот эди? - Удумда бор бу савол. Ҳалол эди, дедилар, ҳалол эди мўмин чол. Эл чайқалиб елкага тобутни ортган они, Озроққина қарзини эслатди қадрдони. Муслимга омонатдан улуғ фарзи адо йўқ, Халойиқ лол, бу не ҳол - уч ўғилдан садо йўқ. Уч пахлавон уч пари- пайкарга қул эдилар, Отамнинг бундай дўстин танимаймиз,-дедилар. Қиз-ку "эрта эгаси, олиб кетар кўчдай" гап, Аммо бу кун даврага отилди у қон йиғлаб. Айтинг, деди, бас қилсин акаларим арзини. Бўй етган кун тўлайман мен отамнинг қарзини. Раво топса у кимни, бош қўяман кўксига. Қарз ўрнига қалиним, тегсин отам дўстига. Халойиқ лол. Бу не ҳол, бу не савдо, ёронлар, Отасидан олдинроқ ўлар бўлди ўғлонлар. Ривоятмас айтганим, ҳикмат бўлмас ёлғонда. Бу воқеа рўй берди шу кунда, шу замонда. Қарздан кечиб кетса ҳам, ота дўсти ҳайратда, Уч ўғилни қишлоқдан ҳайдадилар, албатта. Қиз-чи, дерсиз, қиз хаёт, яшар ота маконда, Чунки унга муносиб йигит йўқ бу жаҳонда... ©Муҳаммад Юсуф https://t.me/MUHAMMAD_YUSUF_IJODI

ИЗҲОРИ ДИЛ Кўҳна толбешикдан Бошланган олам. Сенга иддаолар Қилмай севаман. Бир куни синглим, деб, Бир куни онам — Ватан, Кимлигингни Билмай севаман! Тўзғийди тўнингдан Тортган тўралар. Кеча тузингни еб Сотган тўралар. Энди пушаймонда, Туйник мўралар — Мен сенинг Ёнингдан Жилмай севаман. Менга еринг суюк, Осмонинг суюк. Боқсам, тенг Тўрттала Томонинг суюк. Товонимга кирган Тиконинг суюк — Кафтдан Зирапчанг ҳам Юлмай севаман. Чўксанг, Тур, синглим деб, Сочинг силайман. Сўксанг, Опам дейман, Умринг тилайман. Сендан ранжимайман, Гина қилмайман — Хоҳ хўмрай, Хоҳ жилмай, Бирдай севаман. Ватан — Юрагимнинг Олампаноҳи, Бу дунё Букри бир Жийдангнинг шохи!. Кўзим ёши билан Суғориб гоҳи Кўксимда ўстирган Гулдай севаман. Бу ёруғ жаҳонда Йўғу боримсан, Тилимнинг остида Новвот-заримсан. Сен менинг ягона Пайғамбаримсан, Мен Билол, Мен Ҳабаш — Қулдай севаман! © Муҳаммад Юсуф

#Muhammad_Yusuf_70_yoshda Biz baxtli bo‘lamiz Maylida kimgadir yoqsa yoqmasa, Shularga qo‘shilib yig'lasharmidik. Biz baxtli bo‘lamiz xudo xohlasa, Xudo xohlamasa uchrasharmidik. Rayhon hidlaringni yo‘llarimga sep, Kut meni har oqshom ko‘kka oy chiqqan. Faqat yig'lamagin gunohim ne deb, Aybing onang seni chiroyli tuqqan. Menga bir tabassum hadya et ey yor, Nur tomsin lablaring sohillaridan. Uzing ayt senday qiz yana qayda bor, Kipriklari uzun kokillaridan. Iymanib yashama xayol pinjida, Yoyil,yayra jonim o‘rtanma g'amga. G'iybatlarga chida tuhmatga chida, Sen bittasan axir yorug' olamda. Men esa oshig'ing sening eng g'arib, Tundan suz qarz olib tongga tutguvchi. Seni yoningda ham seni axtarib, Seni yoningda ham seni kutguvchi. Ista tiz cho‘kaman hozir oldingda, Sevdim sevganimdan uyalmoq nechun. Barcha farishtalar seni qalbingda, Ijaraga turgan qizlar men uchun. Biz baxtli bo‘lamiz xudo xohlasa, Xudo xohlamasa uchrasharmidik. ✍Muhammad Yusuf O‘zbekiston xalq shoiri 👇Bizni kuzatishda davom eting! https://t.me/MUHAMMAD_YUSUF_IJODI

ЎТИНЧ Фарғонамнинг паривашлари, Эй, жонимнинг қариндошлари, Бўйнингизга марварид бўлсин, Маржон-маржон кўзим ёшлари!.. Муҳаббатдан айтишиб ўлан, Қувалашиб ўсдик сиз билан. Кетдим кейин булутдай кўчиб, Қайтай энди кайси юз билан?.. Ёдимда соф туйғуларингиз, Жаранглаган кулгуларингиз. Ҳаётимда бўлмасангиз ҳам, Хаёлимда юрдиларингиз. Сиз мен учун ўша-ўша шўх, Ўша-ўша эрка бўлдингиз. Қўрғонимга келмасангиз ҳам, Армонимга бека бўлдингиз. Ўйин дедик бу ёруғ олам, Ўйин қилдик муҳаббатни ҳам. Қизлар, ўлан айтиб гоҳида, Эслаб қўйинг Муҳаммадни ҳам. ✍Мухаммад Юсуф https://t.me/MUHAMMAD_YUSUF_IJODI