Panda Books

Kun surati. @panda_books

#haqida Me'yorni bilmaslik haqida Yevropada yasharkansiz, yevropaliklar va dunyoning qolgan xalqlari o'rtasidagi asosiy madaniy farqni darhol sezasiz: ular har qanday narsani oshirib yuborishdan qochishadi. Masalan, pul tikish (stavka)ni olaylik. Bu yerda bukmekerlik idoralari qonuniy va juda mashhur. Televizorda kuniga 24 soat lotereya va kazinolar haqidagi reklamalarni aylantirishadi. Hatto sport o'yinlariga garov tikish mumkin bo'lgan, nafaqat keksalar, balki ayollar va bolalar ham tashrif buyursa bo'ladigan maxsus qimor kafelari ham mavjud. Biroq, bu yerda "azartniy" o'yinchilar soni juda kam. Nega? Shunchaki ming yillik tajriba (sport o'yinlariga pul tikish tarixi juda qadimiy davrlarga borib taqaladi) tufayli yevropalik hech qachon bor-budini tavakkal ostiga qo‘ymaydi. Maksimum - oshiqcha naqd pulining 10%ini o'ynashi mumkin. Kichik tavakkal qo'rqinchli emas. Adrenalin dozasini oladi – yo'lida davom etadi. Bizning odamlarimiz esa tabiatan hamma narsani oshirib yuborishi kerak. Albatta avtomobili, uyi, biznesini yo'qotishi, qarz va kredit olib, oilasi buzilib ketguncha, jinoyat qilishi va oxirida o'z joniga qasd qilguncha boradi. Aytgancha, bu jihatdan biz amerikaliklarga o‘xshab ketamiz – u yerda so‘nggi 150 yildan xuddi shu sabablarga ko‘ra (haddan tashqari tavakkalchilikni sevish) sportga pul tikish rasman taqiqlangan. Yevropalik kishi kechki ovqat ustida ikki qadah sharob ichishi va bemalol uxlashga yotishi mumkin. Bizning odam bunday sharoitda zerikadi. U to hayvonga o'xshab dumalab qolguncha, bir palakat orttirmaguncha yoki piyanista holiga tushguncha ichishi kerak. (Hozirgi zumerlar bu odatdan xalos bo'lishgan va bu yaxshi). Giyohvand moddalar bilan ham xuddi shunday. Tabletkalar. Fastfud. Ijtimoiy tarmoqlar. Pornografiya. Tanishuv ilovalari. Birjada o'yinlari. Kripto. Psixologiya. Siyosiy g'oyalar. Diniy harakatlar bilan ham. Bir paytlar Yevropada paydo bo'lgan bezarar sotsializm kommunistik SSSRda juda radikal va xunuk shaklni olgandi. Bizda feminizm, transgender, cancel culture, panturkizm yoki islom qanday shakllar olishi mumkinligini o'ylash ham qo'rqinchli. "Kirn, hech narsada haddan tashqari g'ayratli bo'lma, har bir narsaning o'rtasini tanla" Feognid bizga shunday yozib qoldiradi. Keling, unga quloq tutaylik. – Rashev @boredpandablog

Tushunmaganlar uchun: Qizning bayram formasiga yaxshiroq e'tibor bering.

Senzura Janubiy Kaliforniya universiteti bitiruvchisi Asna Tabassumni an'anaviy bitiruv marosimida talabalarga nutq so'zlash uchun taklif qilishadi, ammo rektor so'nggi daqiqada tadbirni bekor qilgan. Nutq esa talabalar gazetasi Daily Trojanda chop etilibdi. Manimcha, Tabassum qaysi dinga e'tiqod qilishi, o'z nutqida hozirda dolzarb qaysi mavzuni yoritishi va talabalarga so'z erkinligi borasida nimaga dav'at qilishini tahmin qilib ulgurdingiz. Ajablanarli. Turli mamlakatlar, turli xil kontekstlar, lekin ayni paytda umumiy muammo o'xshash. @panda_books

#mutolaa Hozir o'qiyotgan ilmiy-fantastik kitobimda 200 yildan keyin Yer yuzidan xususiy mulk, oila instituti va majburiyat yuklaydigan munosabatlar yo'q bo'lib ketarkan. Aytgancha, odamlar yashash uchun 1000 metr Yer tagida yashashadi. Chunki Yer yuzi yashash uchun yaroqsizga aylanadi. @panda_books

#tavsiya Amazonda qiziq kitob bor ekan. Netflix strimingida namoyish etilgan 70 ga yaqin serial va kinolardagi taomlar va ichimliklar menyusini o'zida jamlagan retseptnoma deyish mumkin. Qiziq g'oya. Yozuvchi Anna Painterning fikricha, sevimli shoungiz ko'rish vaqtida unda dasturxonga tortilgan taomni ta'tib ko'rish istagi kuchli bo'larkan. Kechki payt film tomosha uchun o'sha film qahramonlari tanovul qiladigan menyuni yaratmoqchimisiz? Marhamat! @panda_books

​​#review #taqriz 📗 Haruki Murakami – "Tokio afsonalari" "Albatta, hayotda mendan yaxshi yashayotgan odamlar ko'p, ammo bu men ularga hasad qilaman degani emas.." Murakami - eng avvalo musiqa. Jaz. Sokin, shu bilan birga jo'shqin. Murakami - bu so'z. Go'zal ipga terilgan marjon kabi nafis va qo'shiq so'zlaridek qisqa va tushunarli. Murakami - bu adabiy terapiya. Ko'cha shovqini, ofis kulrang hayotidan zerikkan, ishlatilmaganidan o'rgimchak to'r qo'ya boshlagan qalbdagi hislarni yana hayotga qaytaradigan eleksir go'yo. Bu hikoyalar to'plami Murakamida o'qigan ikkinchi kitobim. Birinchisi ham to'plam edi. Negadur uning shuncha zo'r romanlariga haligacha kirishganim yo'q. O'z vaqtini kutib meni poylashayotganiga ancha bo'ldi. Balki aroq kabi Murakamiga bo'kib qolishdan qo'rqarman. U ko'proq Moët&Chandon, aniqrog'i Dom Perignon kabi qimmatbaho shampan, faqat yuksak tadbirlarda ozgina xo'planadigan, ammo ta'mini butun umrga unutib bo'lmaydigan premium-klassdir. "Tokio afsonalari"dagi birinchi 2 ta hikoya nihoyatda manzur bo'ldi. Undagi syujet liniyasi, ma'nosi va ozgina mistikasi sizni o'ziga tortishi aniq. Oxirgi hikoya esa umumiy nomga mos afsonaga yaqin janrda yozilgan. Hikoyalar bir-biridan alohida mavzular, qahramonlar, zamon va makonni o'z ichiga olsa-da, ularni o'zaro birlashtirib turadigan jihatlar yo'q emas. Bu stil. Hikoyalar xuddiki qayerdandir paydo bo'lgandek tuyuladi va sen sekin ritmga tushib, endi voqealarni anglayman deganingda, u oxirgi so'zni o'quvchiga qoldirib tugab qoladi. Murakamining bu hikoyalari uzoq bo'lmagan safarda yo'lda o'qish uchun olib chiqsa bo'ladi. U tinchlantiradi, ozgina falsafa qilishga undaydi. Hech bo'lmasa, qo'lingdagi Murakami hikoyalarini ushlab o'tirsang, yo'lda birorta go'zal qiz/kelishgan yigit bilan tanishib ketishing uchun chiroyli bahonang bo'ladi:) Ushbu yaponiyalik maestroning asarlarini vaqti-vaqti bilan o'qib turishni maslahat beraman. Qalb uchun yaxshiroq da'vo topolmasangiz, unga murojaat qilishingiz mumkin. @panda_books

Haqiqiy mukofot Maktab, universitet, ish, siyosat, sport, o'yinlar - barchasi sovrin yoki baho uchun seni boshqalar bilan bellashishga undaydi. Haqiqiy mukofotlar ‐ boylik, bilim, sevgi, sog'lik va xotirjamlik esa qachonki biz boshqalar bilan bellashishdan to'xtab, o'zimizni rivojlantirishni boshlaganimizda kela boshlaydi. @panda_books

​​#haqida O'z-o'zini rivojlantirish haqidagi kitoblarning deyarli barchasi shunday fikr bilan boshlanadi: "Siz avvalo ongingizni o'zgartirishingiz kerak". Shu orada Genri Forddan iqtibos keltiraman: "Siz nimadir qila olishingizga ishonasizmi yoki qila olmasligingizga ishonasizmi, har ikkala holatda ham haqsiz". Ford haqiqatan ham shunday deganmi? Bilmadim, katta ehtimol bilan yo'q bo'lsa kerak. Lekin bu aslo muhim emas. Asosiysi, bu fikrda biroz bo'lsa ham jon bor. Biror narsaga ishonsang, u albatta bo'ladi, o'z oldingga ushbu jarlikdan chiqishni maqsad qilib qo'ysang, albatta chiqib ketasan. Ko'pchilik odatda nima qila olishi emas, nima QILA OLMASLIGI haqida qayg'uradi. Mamlakat yomon, hukumat samarasiz, qish qattiq keldi va hokazo. Aytaymi, nima? Ular haq. Ular allaqachon o'zlarini shu jarlikda qolish uchun oldindan tayyorlab bo'lishgan. Shuning uchun, asosiysi - avvalo o'zingizni to'g'ri "nastroy" qilishdir. Qolgani hayot davomida to'g'rilanib ketaveradi. @panda_books

#mutolaa Boshladik! "Taxtlar o'yini"ni endi o'zbek tilida ham o'qib chiqamiz. @panda_books