Journalist Netsanet Getachew

ወደ ዩናይትድ ስቴትስ መግባት የሚፈልጉ ኢትዮጵያውያንን የፍልሰት ጉዳዮች ለማስተናገድ፤ የአሜሪካ የዜግነት እና የኢሚግሬሽን አገልግሎት በኢትዮጵያ የሚከፍተው ቢሮ ነገ ጳጉሜ 3/2018 ዓ.ም ስራ ሊጀምር ነው። በቢሮው ለመስተናገድ የሚሹ ኢትዮጵያውያን አስቀድመው ቀጠሮ መያዝ እንደሚጠበቅባቸው አገልግሎቱ ገልጿል። መቀመጫውን በአዲስ አበባ የሚያደርገው አዲሱ ቢሮ ለቪዛ ማመልከቻዎች ውሳኔ የሚሰጥ እንዳልሆነ የአሜሪካ የዜግነት እና የኢሚግሬሽን አገልግሎት አስታውቋል። ሆኖም ቢሮው ኢትዮጵያውያን ለፍልሰት ማመልከቻዎቻቸው የሚያቀርቧቸውን ሰነዶች ትክክለኛነት የማረጋገጥ ስራን የሚያከናውን መሆኑን አገልግሎቱ አስገንዝቧል። የተጠረጠሩ የሰነድ “ማጭበርበሮችን” የሚመረምሩት እና የቤተሰቦችን ዝምድና ለማረጋገጥ የዘረ-መል (DNA) ናሙናዎችን የሚሰበስቡት በአዲስ አበባ የሚከፈተው የአገልግሎቱ ቢሮ ሰራተኞች ይሆናሉ። እነዚህ ስራዎች ከዚህ ቀደም ሲከናወኑ የነበረው፤ ከአሜሪካ ውጭ ጉዳይ ሚኒስቴር ጋር በመቀናጀት እንደነበር ከአገልግሎቱ የተገኘው መረጃ ጠቁሟል። የአሜሪካ የዜግነት እና የኢሚግሬሽን አገልግሎት “ወሳኝ የስራ ኃላፊነቶች” ያላቸውን እነዚህን ተግባራት፤ አዲሱ ቢሮ “በቀጥታ ለማከናወን የሚያስችለውን ልዩ ውክልና ይሰጠዋል” ተብሏል። https://t.me/journalistnetsanetgetachew

የአሜሪካ ልማት ፋይናንስ ኮርፖሬሽን (DFC) ለቢሾፍቱ አየር መንገድ ግንባታ እና ለአነስተኛና መካከለኛ ኢንተርፕራይዞች የሚሰጠውን የብድር ድጋፍ በማስፋፋት አዳዲስ የሥራ እድሎችን ለመፍጠር እንደሚሰራ የአሜሪካ የአፍሪካ ጉዳዮች ረዳት የውጭ ጉዳይ ሚኒስትር አስታወቁ   የአሜሪካ የአፍሪካ ጉዳዮች ረዳት የውጭ ጉዳይ ሚኒስትር በኢትዮጵያ ያደረጉትን ጉብኝት አጠናቀዋል   የአሜሪካ የአፍሪካ ጉዳዮች ረዳት የውጭ ጉዳይ ሚኒስትር ፍራንክ ጋርሺያ የንግድ ዲፕሎማሲን፣ የጸጥታ ትብብርን እና ቀጣናዊ ሰላምን ለማጠናከር በኢትዮጵያ ያደረጉትን የአምስት ቀናት ጉብኝት ማጠናቀቃቸውን በኢትዮጵያ የአሜሪካ ኤምባሲ አስታወቀ።   ረዳት ሚኒስትሩ በአዲስ አበባ ቆይታቸው ከኢትዮጵያ የውጭ ጉዳይ ሚኒስትር ጌዲዮን ጢሞቴዎስ ጋር ተገናኝተው በአፍሪካ ቀንድ ሰላም ማስፈን እና የጠላትነት ማቆም ስምምነትን (COHA) ሙሉ በሙሉ መተግበር በሚቻልባቸው ሁኔታዎች ላይ ተወያይተዋል።   ኤምባሲው ለጣቢያችን በላከው መግለጫ በተጨማሪም ከኢትዮጵያ አየር መንገድ ዋና ሥራ አስፈጻሚ መስፍን ጣሰው ጋር በቢሾፍቱ ዓለም አቀፍ አየር መንገድ ግንባታ ቦታ በመገኘት፣ የአየር መንገዱን የአውሮፕላን ስብስብ በዘመናዊ የአሜሪካ ቴክኖሎጂ ለማደስ በሚደረገው ጥረት ላይ መክረዋል።   በቀጣናዊ ጉዳዮች ዙሪያ ረዳት ሚኒስትር ጋርሺያ ከአፍሪካ ህብረት ኮሚሽን ሊቀመንበር ማህሙድ አሊ የሱፍ እና ከተባበሩት መንግስታት ድርጅት ልዩ መልእክተኛ ፔካ ሀቪስቶ ጋር በመገናኘት፣ በሱዳን የተኩስ ማቆም ስምምነት ለማውረድና የሰብአዊ እርዳታን ተደራሽ ለማድረግ በጋራ መስራት በሚቻልበት ሁኔታ ላይ መነጋገራቸውን ጣቢያችን ከኤምባሲው መግለጫ መረዳት ችሏል።   በኦሮሚያ ክልል ባደረጉት ጉብኝት ከክልሉ ፕሬዝዳንት ሽመልስ አብዲሳ እና ከሻሸመኔ ከንቲባ አዳነ ተክለ ጊዮርጊስ ጋር ተገ

የቀጠለ ..... የአዲስ አበባ ፖሊስ ዋና ጠቅላይ መምሪያ ከሌሎች የፀጥታ ተቋማት ጋር በመተባበር ባደረገው የተቀናጀ ኦፕሬሽን ተጠርጣሪዋን ከጎንደር ከተማ ማራኪ ክ/ከተማ ዩኒቨርሲቲ ጫካ ውስጥ በጥቆማና ክትትል በቁጥጥር ስር ሊያውል ችሏል። ታጋችዋ ህፃን ፊዮና ሰለሞን ትላንት ምሽት ላይ ከባህር ዳር አዲስ አበባ ገብታለች። የአዲስ አበባ ፖሊስ የታክቲክ ወንጀሎች ምርመራ ዋና መምሪያ ኃላፊ ረዳት ኮሚሽነር አድማሱ ኢፋ፣ ህፃናት ልዩ ትኩረት ከሚሹ የህብረተሰብ ክፍሎች ቀዳሚ በመሆናቸው መጠበቅ፣ መንከባከብና ተገቢውን ትኩረት መስጠት እንደሚገባ ተናግረዋል። ወላጆች ልጆቻቸው የሚውሉበትንና የሚጫወቱበትን ቦታ ማወቅና መከታተል የሚገባ መሆኑን ገልፀዋል፡፡ የህፃን ፊዮና እናት ወ/ሮ ሄለን ኃ/ሚካኤል፥ ተጠርጣሪዋ መቅደስ ሞገስ በቤት ሰራተኝነት ተቀጥራ ስትሰራ የቆየች በመሆኑ ህጻኗ ስለምታውቃት አጋጣሚ ተጠቅማ የእገታ ወንጀሉን በመፈፀሟ ማዘናቸውን ገልጸዋል። በወቅቱ የልጃችንን መጥፋት ለአዲስ አበባ ፖሊስ ካመለከትን ጀምሮ ፖሊስ ቀን ከሌሊት ፍለጋውን በማድረግ ልጃችንን በእጃችን በማስገባቱ ወደር የሌለው ደስታ ተሰምቶናል ብለዋል። " በስራው ለተሳተፉ በሙሉ ክብር ይገባቸዋል " ሲሉ ገልጸዋል። " ማንኛውም ዓይነት ወንጀል ፈፃሚዎች ለጊዜውም ቢሆን ከሰው ዓይንና ጆሮ ቢሰወሩም ከህግ ማምለጥ አይችሉም " ያለው የአዲስ አበባ ፖሊስ ዋና ጠቅላይ መምሪያ በስራው ተሳታፊ ለነበሩ የአማራ ክልል ፖሊስ ዋና ጠቅላይ መምሪያ እና የጎንደር ከተማ ፖሊስ እንዲሁም ሌሎች የፀጥታ ተቋማት ላደረጉት ቀና ትብብር ምስጋናውን አቅርቧል፡፡ ህብረተሰቡ የቤት ሰራተኞችን ሲቀጥር ከፍተኛ ጥንቃቄ እንዲያደርግ እንዲሁም በአካባቢው ላይ የሚያያቸውን ማንኛውም አጠራጣሪ ጉዳዮች ለአቅራቢያ ፖሊስ መረጃ በመስጠት የህግ የበላይነትን ሊያረጋግጥ እንደሚገባም መልዕክቱን አስተላልፏል፡፡ https://t.me/journalistnetsanetgetachew

በቤት ሰራተኛ ታግታ 3ሚሊዮን ገንዘብ የተጠየቀበት ታዳጊ ማትረፍ ችያለሁ አለ ፖሊስ " ህፃን ፊዮና ሰለሞን ነሐሴ 21 ቀን 2018 ዓ/ም ከምሽቱ 12፡30 ሠዓት አካባቢ ከቦሌ ክ/ከተማ ወረዳ 12 ልዩ ቦታው ቦሌ ቡልቡላ በቤት ሰራተኛቸው የእገታ ወንጀል ተፈጽሞባት 3 ሚሊዮን ብር ከተጠየቀባት በኋላ አጋቿ ሰራተኛ ተይዛ ህጻኗ ወደ ቤተሰቦቿ እንድትመለስ ተደርጓል። መቅደስ ሞገድ የተባለችው ተጠርጣሪ አቶ ሰለሞን ፈንታሁንና ወ/ሮ ሄለን ኃይለሚካሄል ቤት በቤት ሰራተኝነት ለሶስት ወራት ከሰራች በኋላ " ቤተሰብ ልጠይቅ " ብላ ፈቃድ ጠይቃ ከሄደች በኋላ ሳትመለስ ትቀራለች። ከሁለት ወራት በኋላ ግን ከአንድ ግብረ አበሯ ጋር ወደ ቀድሞ አሰሪዎቿ አካባቢ በመመለስ ህፃን ፊዮና ሰለሞንን ከምትጫወትበት ቦታ ይዛ ትሰወራለች። ከዚያም ግብረ አበሯ ለህፃኗ ቤተሰቦች በስልክ 3 ሚሊዮን ብር እንዲከፍሉ ይዝታል፤ ቤተሰቡ ዛቻውን በመፍራት 370 ሺህ ብር በባንክ ገቢ ያደርጋል። የአዲስ አበባ ፖሊስ ከሌሎች የፀጥታ ተቋማት ጋር በቴክኖሎጂ በመታገዝ ባደረገው ክትትል፣ ተጠርጣሪዋ ህፃኗን ይዛ ወደ አማራ ክልል መሄዷን ለይቷል። ይቀጥላል ......

" ህፃናት ልዩ ትኩረት ይሻሉ፤ ...ወላጆች ልጆቻችሁ የሚውሉበትንና የሚጫወቱበትን ቦታ ማወቅና መከታተል ይገባል " - ፖሊስ 👉 " ሰራተኛ ስትቀጥሩ ጥንቃቄ አድርጉ ! " ህፃን ፊዮና ሰለሞን ነሐሴ 21 ቀን 2018 ዓ/ም ከምሽቱ 12፡30 ሠዓት አካባቢ ከቦሌ ክ/ከተማ ወረዳ 12 ልዩ ቦታው ቦሌ ቡልቡላ በቤት ሰራተኛቸው የእገታ ወንጀል ተፈጽሞባት 3 ሚሊዮን ብር ከተጠየቀባት በኋላ አጋቿ ሰራተኛ ተይዛ ህጻኗ ወደ ቤተሰቦቿ እንድትመለስ ተደርጓል። መቅደስ ሞገድ የተባለችው ተጠርጣሪ አቶ ሰለሞን ፈንታሁንና ወ/ሮ ሄለን ኃይለሚካሄል ቤት በቤት ሰራተኝነት ለሶስት ወራት ከሰራች በኋላ " ቤተሰብ ልጠይቅ " ብላ ፈቃድ ጠይቃ ከሄደች በኋላ ሳትመለስ ትቀራለች። ከሁለት ወራት በኋላ ግን ከአንድ ግብረ አበሯ ጋር ወደ ቀድሞ አሰሪዎቿ አካባቢ በመመለስ ህፃን ፊዮና ሰለሞንን ከምትጫወትበት ቦታ ይዛ ትሰወራለች። ከዚያም ግብረ አበሯ ለህፃኗ ቤተሰቦች በስልክ 3 ሚሊዮን ብር እንዲከፍሉ ይዝታል፤ ቤተሰቡ ዛቻውን በመፍራት 370 ሺህ ብር በባንክ ገቢ ያደርጋል። የአዲስ አበባ ፖሊስ ከሌሎች የፀጥታ ተቋማት ጋር በቴክኖሎጂ በመታገዝ ባደረገው ክትትል፣ ተጠርጣሪዋ ህፃኗን ይዛ ወደ አማራ ክልል መሄዷን ለይቷል። የአዲስ አበባ ፖሊስ ዋና ጠቅላይ መምሪያ ከሌሎች የፀጥታ ተቋማት ጋር በመተባበር ባደረገው የተቀናጀ ኦፕሬሽን ተጠርጣሪዋን ከጎንደር ከተማ ማራኪ ክ/ከተማ ዩኒቨርሲቲ ጫካ ውስጥ በጥቆማና ክትትል በቁጥጥር ስር ሊያውል ችሏል። ታጋችዋ ህፃን ፊዮና ሰለሞን ትላንት ምሽት ላይ ከባህር ዳር አዲስ አበባ ገብታለች። የአዲስ አበባ ፖሊስ የታክቲክ ወንጀሎች ምርመራ ዋና መምሪያ ኃላፊ ረዳት ኮሚሽነር አድማሱ ኢፋ፣ ህፃናት ልዩ ትኩረት ከሚሹ የህብረተሰብ ክፍሎች ቀዳሚ በመሆናቸው መጠበቅ፣ መንከባከብና ተገቢውን ትኩረት መስጠት እንደሚገባ ተናግረዋል። ወላጆች ልጆቻቸው የሚውሉበትንና የሚጫወቱበትን ቦታ ማወቅና መከታተል የሚገባ መሆኑን ገልፀዋል፡፡ የህፃን ፊዮና እናት ወ/ሮ ሄለን ኃ/ሚካኤል፥ ተጠርጣሪዋ መቅደስ ሞገስ በቤት ሰራተኝነት ተቀጥራ ስትሰራ የቆየች በመሆኑ ህጻኗ ስለምታውቃት አጋጣሚ ተጠቅማ የእገታ ወንጀሉን በመፈፀሟ ማዘናቸውን ገልጸዋል። በወቅቱ የልጃችንን መጥፋት ለአዲስ አበባ ፖሊስ ካመለከትን ጀምሮ ፖሊስ ቀን ከሌሊት ፍለጋውን በማድረግ ልጃችንን በእጃችን በማስገባቱ ወደር የሌለው ደስታ ተሰምቶናል ብለዋል። " በስራው ለተሳተፉ በሙሉ ክብር ይገባቸዋል " ሲሉ ገልጸዋል። " ማንኛውም ዓይነት ወንጀል ፈፃሚዎች ለጊዜውም ቢሆን ከሰው ዓይንና ጆሮ ቢሰወሩም ከህግ ማምለጥ አይችሉም " ያለው የአዲስ አበባ ፖሊስ ዋና ጠቅላይ መምሪያ በስራው ተሳታፊ ለነበሩ የአማራ ክልል ፖሊስ ዋና ጠቅላይ መምሪያ እና የጎንደር ከተማ ፖሊስ እንዲሁም ሌሎች የፀጥታ ተቋማት ላደረጉት ቀና ትብብር ምስጋናውን አቅርቧል፡፡ ህብረተሰቡ የቤት ሰራተኞችን ሲቀጥር ከፍተኛ ጥንቃቄ እንዲያደርግ እንዲሁም በአካባቢው ላይ የሚያያቸውን ማንኛውም አጠራጣሪ ጉዳዮች ለአቅራቢያ ፖሊስ መረጃ በመስጠት የህግ የበላይነትን ሊያረጋግጥ እንደሚገባም መልዕክቱን አስተላልፏል፡፡ https://t.me/journalistnetsanetgetachew

እየተጠናከረ የመጣው ኤል ኒኖ ከባድ የአየር ሁኔታ ስጋት እያሳደረ እንደሆነ ዛሬ ነሐሴ 28/2018 ዓ.ም ተገለጸ የዓለም ሜትሮሎጂ ድርጅት እንደገለጸው አሁን ላይ እየተስተዋለ የሚገኘው  የኤል ኒኖ ክስተት በ70 ዓመታት ውስጥ ከታዩት በጣም ኃይለኛ ክስተቶች አንዱ ሊሆን እንደሚችል ያስታወቀ ሲሆን፥ክስተቱም ቢያንስ እስከ የካቲት 2027 እንደ አውሮፓውያን የዘመን አቆጣጠር ሊቀጥል እንደሚችል ተገልጿል። የተባበሩት መንግሥታት ዋና ጸሐፊ አንቶኒዮ ጉቴሬዝ ዓለም ከፍተኛ የአየር ሁኔታ አደጋ ወደሚበዛበት ደረጃ እየገባች መሆኑን አንስተው፥ኤል ኒኖ እየጠነከረ በመምጣቱ የድርቅ፣ የጎርፍ፣ የመሬት ናዳ እና የከፍተኛ ሙቀት አደጋዎች ሊባባሱ እንደሚችሉ ተናግረዋል። በፓሲፊክ ውቅያኖስ ማዕከላዊና ምሥራቃዊ ክፍል የባሕር ሙቀት በቅርብ ወራት በከፍተኛ ሁኔታ  የጨመረ ሲሆን፥በተለይም የባሕር ወለል ሙቀት ከመደበኛው በ2 ዲግሪ ሴልሺየስ በላይ መሆኑን ቢቢሲ ዘግቧል ። የኤል ኒኖ ተጽዕኖ በሰው ልጅ ከሚመነጨው የረጅም ጊዜ የአየር ንብረት ሙቀት መጨመር ላይ ተደምሮ የከፋ የአየር ሁኔታ ሊያስከትል እንደሚችል ሳይንቲስቶች ገልጸዋል። ባለሙያዎች በበኩላቸው የኤል ኒኖ ተጽዕኖ በሰዎች ላይ የሚያደርሰውን ጉዳት ለመቀነስ ቅድመ ማስጠንቀቂያ፣ የሕክምና ድጋፍና የአደጋ ዝግጅት ሥርዓቶችን ማጠናከር እንደሚያስፈልግ አሳስበዋል። https://t.me/EthiopianEducationalTelevision

እየተጠናከረ የመጣው ኤል ኒኖ ከባድ የአየር ሁኔታ ስጋት እያሳደረ እንደሆነ ዛሬ ነሐሴ 28/2018 ዓ.ም ተገለጸ የዓለም ሜትሮሎጂ ድርጅት እንደገለጸው አሁን ላይ እየተስተዋለ የሚገኘው  የኤል ኒኖ ክስተት በ70 ዓመታት ውስጥ ከታዩት በጣም ኃይለኛ ክስተቶች አንዱ ሊሆን እንደሚችል ያስታወቀ ሲሆን፥ክስተቱም ቢያንስ እስከ የካቲት 2027 እንደ አውሮፓውያን የዘመን አቆጣጠር ሊቀጥል እንደሚችል ተገልጿል። የተባበሩት መንግሥታት ዋና ጸሐፊ አንቶኒዮ ጉቴሬዝ ዓለም ከፍተኛ የአየር ሁኔታ አደጋ ወደሚበዛበት ደረጃ እየገባች መሆኑን አንስተው፥ኤል ኒኖ እየጠነከረ በመምጣቱ የድርቅ፣ የጎርፍ፣ የመሬት ናዳ እና የከፍተኛ ሙቀት አደጋዎች ሊባባሱ እንደሚችሉ ተናግረዋል። በፓሲፊክ ውቅያኖስ ማዕከላዊና ምሥራቃዊ ክፍል የባሕር ሙቀት በቅርብ ወራት በከፍተኛ ሁኔታ  የጨመረ ሲሆን፥በተለይም የባሕር ወለል ሙቀት ከመደበኛው በ2 ዲግሪ ሴልሺየስ በላይ መሆኑን ቢቢሲ ዘግቧል ። የኤል ኒኖ ተጽዕኖ በሰው ልጅ ከሚመነጨው የረጅም ጊዜ የአየር ንብረት ሙቀት መጨመር ላይ ተደምሮ የከፋ የአየር ሁኔታ ሊያስከትል እንደሚችል ሳይንቲስቶች ገልጸዋል። ባለሙያዎች በበኩላቸው የኤል ኒኖ ተጽዕኖ በሰዎች ላይ የሚያደርሰውን ጉዳት ለመቀነስ ቅድመ ማስጠንቀቂያ፣ የሕክምና ድጋፍና የአደጋ ዝግጅት ሥርዓቶችን ማጠናከር እንደሚያስፈልግ አሳስበዋል። https://t.me/EthiopianEducationalTelevision

የትምህርት ሚኒስቴር ማስታወቂያ

የ2018 ዓ.ም. የሁለተኛ ደረጃ ትምህርት ማጠናቀቂያ ሀገር አቀፍ ፈተና  ወስዳችሁ በመደበኛው የትምህርት መርሃ ግብር የከፍተኛ ትምህርት ተቋማት መግቢያ ውጤት ላስመዘገባችሁ ተማሪዎች በሙሉ፡-

 

Ø የከፍተኛ ትምህርት ተቋማት እና የትምህርት መስክ ምርጫችሁን ከነሐሴ 28 ቀን 2018 ዓ.ም እስከ ጳጉሜ 5 ቀን 2018 ዓ.ም ድረስ ከታች የተቀመጠውን ማስፈንጠሪያ (Link) በመጠቀም ምርጫችሁን ት/ቤት መሄድ ሳይጠበቅባችሁ ባላችሁበት ቦታ እራሳችሁ በመሙላት እንድታሳውቁ እንገልጻለን።

Ø  ማስፈንጠሪያ (Link)  https://student.ethernet.edu.et/

ማሳሰቢያ፡- v የህክምና፣ የአካል ጉዳተኝነት፣ ተመሳሳይ ጾታ ያላቸው መንትያዎች እና ከ6 ወር በታች ህፃን የሚያጠቡ እናቶች አስፈላጊውን ሕጋዊ ማስረጃ ማያያዝ ይኖርባችኋል።

  https://t.me/EthiopianEducationalTelevision

ኢትዮጵያ 100 ቢሊዮን ብር ካፒታል ያለው የቤት መግዣ ብድር መልሶ ማጠናከሪያ ተቋም ልታቋቁም ነው። የኢትዮጵያ ብሔራዊ ባንክ እና ዓለም አቀፉ የፋይናንስ ኮርፖሬሽን (IFC) በኢትዮጵያ የቤት መግዣ ብድር ፋይናንስን ለማስፋፋት የሚያስችል ታሪካዊ የትብብር ማዕቀፍ ዛሬ መፈራረማቸውን ጠቅላይ ሚኒስትር ዐቢይ አሕመድ (ዶ/ር) ገለጹ። ጠቅላይ ሚኒስትሩ፥ በ100 ቢሊዮን ብር ካፒታል የሚቋቋመው ተቋም፣ IFC እስከ 200 ሚሊዮን ዶላር የሚደርስ አስተዋጽኦ የሚያደርግበት እንደሚሆን አመልክተዋል። ተቋሙ በባንክ ዘርፍ ያለውን የገንዘብ ፍሰት አለመመጣጠን ለመቅረፍ እና በመላ አገሪቱ ተደራሽ የሚሆን የቤት መግዣ ብድር ፋይናንስ የሚያስገኝ እንደሆነ ገልጸዋል። በተጨማሪም አጋርነቱ በተመጣጣኝ ዋጋ 1.5 ሚሊዮን ቤቶችን ለማቅረብ የተያዘውን ግብ ለማሳካት እና በፋይናንስ ስርዓቱ ውስጥ የግሉን ዘርፍ ተሳትፎ ለማሳደግ የተቀመጠውን ግብ ለማሳካት ወሳኝ እርምጃ መሆኑን ጠቅላይ ሚኒስትሩ አክለዋል። ጠቅላይ ሚኒስትሩ ኢትዮጵያ ፈጣን፣ ጠንካራና ሁሉንም ያካተተ ኢኮኖሚ መገንባቷን እንደምትቀጥል አስታውቀዋል። https://t.me/journalistnetsanetgetachew

የሳዑዲ አረቢያ፣ መካ ፖሊስ የድንበር ደህንነት ሕግን በመተላለፍ ሌላኛውን የኢትዮጵያ ዜጋ ወገናቸውን በከፍተኛ ድብደባ እና በአሰቃቂ ሁኔታ ህይወቱ እንዲያልፍ ያደረጉ 5 የኢትዮጵያ ዜጎችን በቁጥጥር ሥር ማዋሉን አስታውቋል። እንደ ፖሊስ መግለጫ ተጠርጣሪዎቹ ግለሰቡን ሲደበድቡ ፣ ሲያሰቃዩ የሚያሳይ ቪዲዮ በመሰራጨቱ ፈጣን ክትትል ተደርጎባቸው በራንያ ግዛት ውስጥ በቁጥጥር ሥር ውለዋል። " ሟችም ሆነ ተጠርጣሪዎቹ የሀገሪቱን የድንበር ደህንነት ሕግ ጥሰዋል " ሲል ፖሊስ ገልጿል። ፖሊስ በጉዳዩ ላይ አደረኩት ባለው የማጣራት ስራ በተጠርጣሪዎቹ እና በሟቹ መካከል ከዚህ ቀደም የነበረ አለመግባባት የነበረ ሲሆን፣ ሁኔታው ተባብሶ ወደ አዘግናኝ ጥቃት አምርቷል። የመካ ፖሊስ ተጠርጣሪዎቹ ላይ ሕጋዊ እርምጃ ለመውሰድ አስፈላጊው የምርመራ ሥራ ተጠናቆ ጉዳዩ ወደ ሌላኛው የሕግ አካላት መተላለፉን ገልጿል። ሳዑዲ አረቢያ ውስጥ ወንጀል ፈጽሞ መገኘት እስከ ስቅላት ሞት የሚያደርስ ቅጣት ሊያስፈርድ ይችላል። አይደለም የሰዎችን ህይወት ያጠፉ የአደንዛዥ እጽ ዝውውር ላይ የሚሳተፉ በሞት የሚቀጡበት ሀገር ነው። https://t.me/journalistnetsanetgetachew

የአሜሪካ እና የኢራን ግጭት ከአንድ ወር ወታደራዊ ውጥረት በኋላ ዳግም አገርሽቶ ምሽቱን  ከባድ የተኩስ ልውውጥ እና አዳዲስ ጥቃቶች በመፈጸሙ ምክንያት ዳግም መባባሱ ተገለፀ የአሜሪካ ማዕከላዊ ዕዝ፤ የኢራን እስላማዊ አብዮታዊ ዘብ፣ ወታደራዊ ይዞታዎችን እንዲሁም ሆርሙዝ አካባቢ የሚገኙ የአየር መከላከያ ስርዓቶችን እና የሚሳኤል ማስወንጨፊያዎች ላይ ያነጣጠረ ጥቃት መፈጸሙን አስታውቋል። አሜሪካ ይህን ጥቃት የፈጸመችው፤ ኢራን፣ በዓለም አቀፍ የንግድ መርከቦች እና በባህር ላይ ስጋት ደግናለች በሚል ምክንያት እንደሆነ ገልጻለች። ኢራን ለአሜሪካ ጥቃት ምላሽ ለመስጠት ሚሳኤሎችን እና ሰው የጦር አውሮፕላኖችን(ድሮን) በመጠቀም በመካከለኛው ምስራቅ በሚገኙ የአሜሪካ የጦር አምባዎች ላይ ጥቃት አድርሳለች። የኢራን ወታደራዊ ኃይሎች ለአሜሪካ ድርጊት "አደገኛ እና አጥፊ ምላሽ" መስጠታቸውን ገልጸዋል። የኢራን መንግስት መገናኛ ብዙኃን የአሜሪካ ጥቃቶች በደቡባዊ ኢራን በሚገኙ መሰረተ ልማቶች ላይ ማረፋቸውንና የሰዎች ህይወት ማለፉን የዘገቡ ሲሆን፣ በአንጻሩ የአሜሪካ ወታደራዊ ክንፍ ጥቃቱ በወታደራዊ ኢላማዎች ላይ ብቻ ያተኮረ ነው በማለት ምላሽ ሰጥቷል። አሜሪካ፤ ኢራን፣ ተጨማሪ ምላሽ የምትሰጥ ከሆነ አደገኛ ጥቃት ይጠብቃታል ስትል የዛተች ሲሆን ቀጣናው ዳግም ወደ ሙሉ ጦርነት ሊያመራ ይችላል የሚለው ስጋት ደግሞ በዓለም አቀፍ ደረጃ ማየሉን ሮይተርስ ዘግቧል።   የኢራኑ ፕሬዝዳን መስዑድ ፔዝሼኪያን፤ ኪርጊክስታን የሚገኙ ሲሆን በጦርነቱ ዙሪያ ከቻይና፣ ሩሲያ፣ ቱርክ እና ህንድ እንዲሁም ከሌሎች መሪዎች ጋር ይወያያሉ ተብሎ ይጠበቃል። https://t.me/journalistnetsanetgetachew

የኢትዮጵያ ፌደራል ፖሊስ ኮሚሽን የኢህአፓ አባል የሆኑትን አቶ ይስሃቅ ወልዳይ ፣ አቶ አበበ አካሉ እንዲሁም አቶ አበራ ንጉስን ሐምሌ 27/2018 ዓም በቁጥጥር ስር ማዋሉ ይታወቃል። ተጠርጣሪዎቹ የተያዙበት ጉዳይ በፌደራል ከፍተኛ ፍ/ቤት ለልደታ ምድብ አንደኛ ጊዜ ቀጠሮ ወንጀል ችሎት እየታየ የሚገኝ ሲሆን ተደጋጋሚ የምርመራ ማጣሪያ ጊዜ ቀጠሮ ተጠይቆባቸው በመፈቀዱ እስከ ዛሬ ማለትም ቀን 21/12/2018 ዓ/ም ድረስ ቀጥሏል። በዛሬው ዕለት በዋለው ችሎት የፌደራል ፖሊስ በሦስቱ ተጠርጣሪዎች ላይ የጀመረውን ምርመራ ለማጠናቀቅ ተጨማሪ የ14 ቀን የጊዜ ቀጠሮ እንዲሰጠው አመልክቷል። ፖሊስ ከእዚህ ቀደም በተሰጠው የተጨማሪ 12 ቀናት የምርመራ ጊዜ ያከናወናቸውን ጉዳዮች ለችሎቱ አሰምቷል። እስካሁን ባለው የምርመራ ሂደት ፖሊስ የሚከተሉትን ተግባራት ማከናወኑን ለፍ/ቤቱ አመልክቷል። https://t.me/journalistnetsanetgetachew

የዓለም ጤና ድርጅት ኡጋንዳ ከኢቦላ ነፃ መሆኗን አረጋገጠ ኡጋንዳ የመጨረሻው የተረጋገጠ ታካሚ ከሆስፒታል በወጣ በ42ኛው ቀን፣ ባለፈው ወር ቫይረሱ በይፋ መጥፋቱን ገልጻ ነበር። የዓለም ጤና ድርጅትም ምንም አይነት የቀረ የቫይረስ ስርጭት ሰንሰለት አለመኖሩን ለማረጋገጥ ሁኔታውን ሲከታተል ቆይቷል። ጎረቤት ኮንጎ ቫይረሱ መከሰቱን ካወጀችበት ከግንቦት 7 ጀምሮ ኡጋንዳ በአጠቃላይ 20 የቫይረሱ ተጠቂዎችን አረጋግጣ ነበር። በምስራቅ ኮንጎ ያለው ሁኔታ በጣም የተለየ ነው፤ ቫይረሱ የጤና ባለሙያዎችን በከፍተኛ ሁኔታ በሚያሰጋ ፍጥነት እየተስፋፋ ይገኛል። በስድስት ግዛቶች ውስጥ ከ2 ሺህ በላይ ሞቶችን ጨምሮ ከ4 ሺህ 5መቶ በላይ የቫይረሱ ተጠቂዎች ተመዝግበዋል። ባለፈው ሳምንት የዓለም ጤና ድርጅት ለጎረቤት ሀገራት፣ በተለይም ከኮንጎ ጋር የየብስ ድንበር ለሚጋሩት፣ ስጋቱ አሁንም ከፍተኛ መሆኑን ገልጾ አዳዲስ ጊዜያዊ ምክረ ሃሳቦችን አቅርቧል። https://t.me/EthiopianEducationalTelevision

የአዲስ አበባ ከተማ አስተዳደር በአርሶ አደር ይዞታዎች ላይ ጥሎት የነበረውን የካርታ ማስተላለፍ እገዳ አነሳ ነሐሴ 21/2018 ዓ.ም ቢሮው ቀደም ሲል እገዳውን የጣለው አርሶ አደሩን ከኢኮኖሚያዊና ማህበራዊ ቀውሶች ለመጠበቅ እንዲሁም የይዞታ ዋስትናውን ለማረጋገጥ በወጣ መመሪያ መሰረት እንደነበር አስታውሷል። ሆኖም እገዳው ጸንቶ በቆየባቸው ጊዜያት በመልካም አስተዳደር ዙሪያ ክፍተቶች መታየታቸውንና ከባለይዞታዎች ዘንድ በርካታ ቅሬታዎችና አቤቱታዎች ሲቀርቡ መቆየታቸውን ገልጿል። እነዚህን የመልካም አስተዳደር ችግሮች በዘላቂነት ለመፍታት እና ለቀረቡት አቤቱታዎች ተገቢውን ምላሽ ለመስጠት ሲባል፣ ከነሐሴ 14 ቀን 2018 ዓ.ም ጀምሮ እገዳው በይፋ መነሳቱ ተገልጧል።

በኔፓል በበረዶ ግግር መደርመስ ምክንያት በተከሰተ የጎርፍ አደጋ ከ8መቶ በላይ ሰዎች የደረሱበት እንዳልታወቀ ተገለጸ፡፡ በኔፓል እና ቲቤት ድንበር አካባቢ በተከሰተው በዚህ አደጋ፣ ከፍተኛ የሆነ የጭቃ እና የውሃ ማዕበል መኖሪያ ቤቶችን ደምስሷል፤ መንገዶችን እና ድልድዮችንም ጠራርጎ ወስዷል። በአሁኑ ወቅት የህይወት አድን ቡድኖች የተረፉ ሰዎችን ለማፈላለግ ከፍተኛ ርብርብ እያደረጉ ይገኛሉ፡፡ እስከ አሁን ባለው መረጃ በኔፓል ከ8መቶ በላይ ሰዎች የገቡበት ያልታወቀ ሲሆን፤ የ1መቶ77 ሰዎች አስከሬን ተገኝቷል። ሆኖም በአካባቢው ላይ እየዘነበ ባለው ሀይለኛ ዝናብ እና የአካባቢው አስቸጋሪ መልክአ-ምድር ምክንያት የፍለጋ ስራው ፈታኝ ሆኗል። በቲቤት በኩል ደግሞ የ3 ሰዎች ህይወት ማለፉ የተረጋገጠ ሲሆን፤ የ5መቶ58 ሰዎች ደብዛ ጠፍቷል። እስካሁን ድረስ በሁለቱም ድንበሮች በርካታ የውጭ ሀገር ዜጎች ያሉበት አልታወቀም። የኔፓል ባለስልጣናት እንዳሳወቁት ከሆነ ከጠፉት መካከል 1መቶ78 የህንድ፣ 1መቶ27 የኔፓል፣ 65 የአሜሪካ፣ 35 የአውስትራሊያ እና 33 የብሪታንያ ቱሪስቶች ይገኙበታል። https://t.me/journalistnetsanetgetachew

የአዲስ አበባ ትራንስፖርት ቢሮ የታሪፍ ጭማሪ በሚያደርጉ አሽከርካሪዎች ላይ የ 5 ሺ ብር ቅጣት ሊጥል ነዉ የአዲስ አበባ የትራንስፖርት ቢሮ የኦፕሬሽን ዘርፍ ምክትል የቢሮ ሀላፊ የሆኑት አቶ ዳኛቸው ሽፈራው ከጣቢያችን ጋር በነበራቸው ቆይታ እንደተናገሩት እየተስተዋለ ያለውን ያልተገባ የትራንስፖርት ታሪፍ ጭማሪና የመስመር ማሳጠር ችግሮችን ለመቅረፍ የከተማው ትራንስፖርት ቢሮ የተለያዩ እርምጃዎችን እየወሰደ መሆኑን አስታውቋል። ቢሮው የህዝብ ትራንስፖርት ታሪፍን በማጥናትና በማስወሰን ረገድ ትልቅ ሃላፊነት እንዳለበት የገለጹት የቢሮው የስራ ሃላፊ፣ የታሪፍ ተግባራዊነቱንም በቅርበት እየተቆጣጠሩ እንደሚገኙ ገልጸዋል። በከተማዋ ከሚንቀሳቀሱ ከ15 ሺህ በላይ የህዝብ ትራንስፖርት ሰጪዎች መካከል አብዛኞቹ በህጋዊ መንገድ አገልግሎት እየሰጡ ቢሆንም፣ አንዳንድ አሽከርካሪዎች ግን ህዝቡን ሲያማርሩ እንደሚስተዋል ተመልክቷል ብለዋል። በዚህም መሰረት ባለፈው አመት ብቻ ከ120 ሺህ በላይ በሚሆኑ አሽከርካሪዎች ላይ የተለያየ ደረጃ ያለው አስተዳደራዊ እርምጃ መወሰዱን ተናግረዋል ። ከእነዚህ አሽከርካሪዎች መካከል 25 በመቶ ያህሉ ከታሪፍ በላይ ሲያስከፍሉ የተገኙ መሆናቸውንና ቀሪዎቹ ደግሞ መስመር በማሳጠርና መሰል ጥፋቶች የተመዘገቡባቸው ናቸው ብለዋል። እርምጃው በገንዘብ ቅጣት ብቻ የሚወሰን ሳይሆን፣ ጥፋቱ ተደጋጋሚ ሆኖ ሲገኝ እስከ ስራ ማገድ የሚደርስ ጥብቅ ውሳኔዎች እየተወሰዱ መሆኑም ተገልጿል። ይህንን ችግር በዘላቂነት ለመፍታትም ቢሮው በ9417 ነጻ የጥቆማ መስመር አማካኝነት ከህዝቡ መረጃዎችን እየተቀበለ ይገኛል። ህብረተሰቡ የታሪፍ ጭማሪ ሲያጋጥመው የአሽከርካሪውን ታርጋ ቁጥርና  በመያዝ ጥቆማ እንዲሰጥ ጥሪ ቀርቧል። https://t.me/journalistnetsanetgetachew

በደቡብ ምዕራብ ኢትዮጵያ ህዝቦች ክልል ጤና ቢሮ በፕሮግራም በጀት አላግባብ በተፈጸመ የንብረት ግዥ የተጠረጠሩ ሦስት ከፍተኛ አመራሮች፣ ከዛሬ ጀምሮ ከኃላፊነታቸው እንዲታገዱ መደረጉን ክልሉ አስታወቀ። ጉዳዩ ለጤና አጠባበቅ በተመደበ ገንዘብ ውድ የሚባሉ የአይፎን ሰልኮች ለአመራሮች መግዛታቸው ሲሆን ይህም ባለፈው ሳምንት መነጋገሪያ የሆነ ርዕሰ ጉዳይ እንደነበር ይታወሳል። ምንም እንኳን ክልሉ በመግለጫው ንብረት ከማለት ባለፈ ዓይነቱን ባይገልጽም፤ ላለፉት ቀናት በተለያዩ የማህበራዊ መገናኛ ዘዴዎች የአይፎን ግዢ እንደተፈጸመ የሚያመላክቱ መረጃዎች፣ በሰነድ ጭምር ተደግፈው በስፋት ሲሰራጩ ነበር፡፡ በእርግጥ ክልሉም ቢሆንም እርምጃውን የወሰደው ከህብረተሰቡ በደረሰው ጥቆማ መሠረት መሆኑን በመጥቀስ ምስጋናውን ችሯል፡፡ እገዳው የተጣለው ከህዝብ የቀረበን ጥቆማ፣ የማህበራዊ ሚዲያ መረጃዎችን እና የውስጥ አመራር ምዘናዎችን መነሻ በማድረግ ነው ተብሏል። የክልሉ መንግስት የህዝብ ሀብትን በአግባቡ እና ለታለመለት ዓላማ ብቻ መዋሉን ለማረጋገጥ ባለው ቁርጠኝነት መሰረት ጉዳዩን በጥልቀት ለማጣራት እንዲታገዱ ወስኗል ተብሏል። አክሎም ከፍትህ፣ ከኦዲት እና ከፀረ-ሙስና አካላት የተውጣጣ ግብረ ኃይል ተደራጅቶ ወደ ዝርዝር ማጣራት እና ምርመራ ገብቷል ብሏል። ምርመራው እንደተጠናቀቀ በባከነው የህዝብ ሀብት እና ብልሹ አሰራር ላይ እጃቸው ባለበት አካላት ላይ የማያዳግም ህጋዊ እና አስተዳደራዊ እርምጃ ይወሰዳል። የክልሉ መንግስት ለህዝቡ ምስጋና በማቅረብ፣ በቀጣይም እውነተኛ መረጃዎችን በመስጠት እና ብልሹ አሰራሮችን በማጋለጥ ከምርመራ ቡድኑ ጎን እንዲቆም ጥሪ አቅርቧል።https://t.me/journalistnetsanetgetachew

የድምጻዊ ማሕሙድ አሕመድ አዲስ አልበም የአንጋፋው ድምጻዊ ማሕሙድ አሕመድ «ለታሪክ» የተሰኘውንና የኪነ-ጥበብ ሕይወቱ ማጠቃለያ የሆነውን 26ኛ አዲስ የሙዚቃ አልበሙን ሊለቀቅ እንደሆነ ተሰምቷል። ላለፉት ስድስት አሰርት ዓመታት በኢትዮጵያ ሙዚቃ ውስጥ ደማቅ አሻራ ያኖረው አርቲስቱ፤ ይህንን አልበም ያዘጋጀው የቀደሙትን የሀገር ውስጥ የሙዚቃ ቅርሶች ሳይበረዙና ሳይለወጡ ለቀጣዩ ትውልድ ለማስተላለፍ በማሰብ እንደሆነ ገልጿል። አልበሙ 13 ትራኮችን የያዘ ሲሆን ዘመናዊ የሙዚቃ መሣሪያዎችን ከባህላዊ የቅኝት ድምፆች ጋር ያዋሐደ ፤ ይዘቱም ትውልድን፣ ፍቅርን፣ ሀገርን፣ የሕይወት ፍልስፍናን እና ማኅበራዊ እሴቶችን የሚያንጸባርቁ ግጥሞችን አካቷል። በርካታ ወጣትና አንጋፋ የሙዚቃ አቀናባሪዎች የተሳተፉበት የጋሽ መሐሙድ የመጨረሻ አልበም  ሲሆን፤ አዲሱ ትውልድ የሀገሩን ባህልና ማንነት ሳይለቅ በዘመናዊነቱ እንዲቀጥልበት ጥሪ አቅርቧል። ይሳቃል ኢንተርቴይመንት በዓለም አቀፍ ደረጃ ለማስተዋወቅና ለማሰራጨት ኃላፊነቱን የወሰደው ይህ አልበም፤ በቅርቡ በSpotify፣ Apple Music፣ YouTube እና በሌሎችም ዲጂታል መድረኮች ላይ ለሕዝብ ክፍት የሚሆን ሲሆን፣ ከአልበሙ የተመረጠ አንድ ነጠላ ዜማ ለአዲስ ዓመት ዋዜማ ለአድማጮች እንደሚለቀቅ ታውቋል። https://t.me/journalistnetsanetgetachew