Gadaa Post

Wiixata Dhufu Hojiin Idilee Hin Jiraatu! Filannoo waliigalaa marsaa 7ffaa Wiixata dhufu (Caamsaa 24) gaggeeffamuuf jecha hojiin idilee akka hin jirre ​Boordiin Filannoo Biyyaalessaa Itoophiyaa beeksiseera. Lammiileen hundi nagayaan bahee sagalee akka kennuuf qophiin taasifameera. ​📌 Qabxiilee Guguddoo Beekuu Qabdan: ​Dhaabbilee Mootummaafi Miti-Mootummaa: Hojiin idilee sadarkaa Federaalaafi Naannotti guutummaatti cufaa dha. ​Tajaajilota Ariifachiisaa: Hospitaalotni, hoteelotni fi tajaajilli geejjibaa akkuma kanaan duraa tajaajila kennuu ni ittifuufi. ​Sochii Lammiilee: Geejjibni jiraatus, lammiileen sagalee kennuun alatti sochiilee dabalataa fi sagantaa olaanaa akka hin qabanne gorfameera. ​Gabaabumatti: Guyyaan Wiixataa guutummaatti sagalee kennuuf qofa kan oolu ta'a. @Gadaapost2 @Gadaapost2

Viidiyoowwan YouTube Tiktol, Twitter (X) fi Facebook buufachuu yoo barbaaddan, liinkii viidiyoo barbaddan sanaa copy gochuun #Bot arman gadiitii salphaatti buufachuu dandeessu! https://t.me/allvideo_downloader_bot?start=499753848 @Gadaapost2 @Gadaapost2

Maxxansi Sartafikeetii digirii giddugala tokko qofaatti ta’uufi Hojiin maxxansa sartafikeetii digirii dhaabbilee barnoota olaanoo giddugala tokko qofaatti raawwatamuufi jedhe Ministeerri Barnootaa. Ministeerichatti Dursaan Hojii Raawwachiisaa Bulchiinsaafi Bu’uuraalee Misoomaa Dhaabbilee Barnoota Olaanoo Dooktar Salamoon Abrahaa Faanaa Miidiyaa Korporeeshiniitti akka himanitti, hojimaanni kun ragaalee barnootaa sobaa ittisuuf kan kaayyeffatedha. Kanaan dura dhaabbileen barnoota olaanoo hundi ragaalee barattootaa dhaabbata caalbaasii injifateen kan maxxansiisan ta’uu yaadachiisanii, hojimaanni kun ragaalee barnootaa sobaaf saaxilamaa akka ture ibsan. Waan ta’eef dhaabbileen barnoota olaanoo mootummaafi dhuunfaa hundi sartafikeetii digirii barattootaa giddugala tokko qofaatti akka maxxansiisan ni godhama jedhaniiru. Sartifikeetiin kun hanga maxxanfamutti barattoota sartifikeetii digirii barbaadaniif Ministeerri Barnootaa xalayaa deeggarsaa kan barreessu ta’uu kaasanii, maxxansi sartifikeetii digirii giddugala tokkotti raawwatamu kun bara kana irraa akka eegalu eeraniiru. Barattoota bara 2017 eebbifaman dabalatee warreen Kanaan booda eebbifaman hundi sartifikeetii digirii giddugala tokkotti maxxanfame akka fudhatan ni taasifamas jedhaniiru. Barattoonni bara 2017 dura eebbifamanii digirii isaanii hin fudhanne hojimaata haaraan kan keessumsiifaman ta’uus hubachiisaniiru. Kenniinsi ragaalee barnootaa yeroo gabaabaa(Temporary Degree) dhaabbilee barnootaa olaanoon kennamaa ture kan itti fufu ta’uus ibsaniiru. Yeroo ammaa dhaabbilee federaalaa 160 ol keessatti hojiin ragaalee barnootaa sobaa qulqulleessuu hojjetamaa jiraachuu kaasuun, yeroo itti aanutti naannoleefi damee dhuunfaa irratti kan gaggeeffamu ta’uu eeraniiru. @Gadaapost2 @Gadaapost2

Tajaajilli Elektriika Itiyoophiyaa Hojjettoota 1,100 ol irratti tarkaanfii bulchiinsaa fudhate Tajaajilli Elektriika Itiyoophiyaa (EEU) hojjettoota 1,139 raawwii hojii badaa fi naamusa hojiirra darbuun himataman irratti ji’oota saglan darban keessatti tarkaanfii bulchiinsaa garaagaraa fudhachuu beeksise. Akkaataa tarkaanfii fudhatame kanaan, hoggantoota fi hojjettoota tarkaanfii kanaan hammataman keessaa; 16 Hojiirraa geggeeffamaniiru, 721 Adabbii qarshii (mallaqaa) irratti murtaa’eera, 402 Akeekkachiisni barreeffamaa kennameeraaf. Dhaabbatichi akka ibsetti, tarkaanfiiwwan fudhataman keessaa; 103 kan ta’an eeruu maamiltootaan dhiyaate qulqulleessuun kan fudhatamedha.1,036 immoo ragaa dhaabbatichi ofii isaatiin hordoffii fi sakatta’iinsa taasiseen kan mirkanaa’anidha. Tajaajilli Elektriikaa akka eereetti, ji’oota saglan darban keessatti maamiltoota irraa karaa appilikeeshinii ammayyaa ittiin malaammaltummaa gabaasan (Corruption Reporting App) fi karaalee birootiin eeruun 427 dhiyaateera. Eeruu kanaanis hoggantoota fi hojjettoota 103 irratti tarkaanfiin inni fudhate; 14 Akeekkachiisa barreeffamaa, 80 Adabbii miindaa, 2 Sadarkaa hojiirraa gadi buusuu fi 7 Hojiirraa geggeessuu akka ta’ellee dabalee eere. Dhimmoota malaammaltummaa fi raawwii badaa ittiin gabaasaman keessaa ijoonis, Gaaffii lakkooftuu (counter) haaraa, addaan cituu humna ibsaa fi suphaa ariifachiisaa, dubbisa lakkooftuu fi sassaabbii kaffaltii (bill), Kufinsa fi qabiinsa qabeenya dhaabbatichaati jedhamee jira. Dhaabbatichi akka jedhetti, kunis maamiltoonni eeruu kennuun malaammaltummaa irratti qabsaa’uuf kutannoo qaban kan agarsiisuu fi sirni eeruu fudhachuu dhaabbatichaa bu’a qabeessa ta’uu isaa kan mirkaneessudha. @Gadaapost2 @Gadaapost2

🇪🇹 Itiyoophiyaatti uffisni tajaajila fayyaa sadarkaa jalqabaa dhibbeentaa 86.3 gaheera – Ministeera Fayyaa 📈 Odeeffannoo Ministeerichi ifa taasise kanaan, uffisni tajaajila fayyaa sadarkaa tokkoffaa biyyaalessatti kennamu dhibbeentaa 64 irraa gara dhibbeentaa 86.3tti gudachuun daballii olaanaa agarsiiseera. Hirmaannaa fayyaa hawaasaa guddisuuf tajaajilli tola ooltota fayyaa kanaan dura aanaalee 4 qofatti murtaa'ee ture, amma gara aanaalee 330tti akka babal'atu taasifameera. 🏥 Dhaabbilee fayyaa sadarkaa tokkoffaatti lakkoofsi namoota tajaajila wal'ansa deddeebii argatanii bara 2013tti miliyoona 111 kan ture yoo ta'u, bara bajataa 2017 qofatti gara miliyoona 233.8tti ol ka'uu gabaasichi muliseera. Kunis, yeroo ammaa kanatti dhibbeentaa 80 kan ta'an dhukkubsattoonni tajaajila wal'ansaa kan argatan kutaa tajaajila fayyaa sadarkaa tokkoffaa isaanitti dhiyoo jiru keessatti ta'uu gabaasichi ni mul'isa.. @Gadaapost2 @Gadaapost2

Dhugaan hiyyeettii dha! ​"Dhugaan yoomiyyuu sobaa fi gowwoomsaadhaan wal-qixxaattee badhaadhina hin kuufattu. Daldalaa, abbaa taayitaa, ykn ammoo ogeessa miidiyaa yoo taate, karaa dhugaa filannaan jireenyi kee dhugaadhumaan kan guutame ta’a! ​Sochiin sobaa namoota baay’ee si hordofan siif argamsiisuu danda’a, garuu dhugaa filannaan gatii ishee kaffaluuf qophaa’uu qabda. Yoo dhugaa filattan, hordoftoota baay'ee fi maallaqa kuufamaa hin eeggatinaa; sababni isaas dhugaan ofii isheetiifuu qabeenya dha. kun immoo hojii hunda keessatti kan mudatudha! 🗣​— Dr. Abiyyi Ahmad @Gadaapost2 @Gadaapost2

Hojjettuun buufata boba'aa, boba'aa buusuuf Matta'aa  birrii kuma 15 fudhate to'annoo jala ooltee jiraachuu poolisiin magaalaa Finfinnee Beeksisee jira. Namni Maqaanshee Rahimaa Sa'id jedhamu gocha kana kan raawwatte  Ebla 28, 2018 halkan keessaa sa'aatii 6:00tti yoo ta'u, bakki gochi kun itti raawwatame ammoo kutaa magaalaa Nifaas Silk Laaftoo Iddoo addaa jamoo 1 jedhamuun kan beekamutti buufata boba'aa argamutti  ta'uu poolisiin kan eere. Dubartiin kun Konkolaachisaa konkolaataa fe'umsaa lakkoofsa gabatee 3-A07522 ET qabu Jaafaar Dachaasaa jedhamu yeroo boba'aa guutuuf deemutti malaammaltummaa birrii kuma 20 akka isheef kennu gaafatte. Konkolaachisaan kun dhimma kana abbaa qabeenyaa  konkolaatichaa beeksisee, mariidhaan birrii kuma 15 herrega baankii  dhuunfaa ishee Baankii Daldalaa Itoophiyaatti akka dabarfamuuf taasifame. Haala kanaan maallaqni jedhamu kun lakkoofsa herregaasheerra galuun erga mirkanaa'ee booda poolisiin dubartii kana to'achuun qorannoo eegaluu beeksiseera. @Gadaapost2 @Gadaapost2

Haadha turtii waggaa 12 booda daa’imman shan yeroo tokko deesse Hospitaalaa Ispeeshaalaayizdii Hiyiwoot Faanaa Magaalaa Hararitti haati tokko yeroo tokko daa’imman 5 nagaan oofkalteerti. Jiraattuu Magaalaa Harar aanaa Soofii ganda Qiilee kan taate Aadde Badiriyaa Adam turtii waggoota 12 booda kaleessa halkan daa’immaan 5 yeroo tokkotti oofkalte. Aadde Badiriyaa Adam waggoota 12’f daa’ima dahuu barbaadanis osoo hin milkaa’in turuun xinsammuu isheerratti miidhaa olaanaa qaqqabsiisuu yaadachuun, amma garuu miira gammachuu addaa keessa jiraachuu dubbatti. Daa’immaan kunneeniif  kunuunsi barbaachisu taasifamaafii jiraachuu Ispeeshaalistiin yaala Gadameessaa fi Ulfaa Dooktar Obsaa Hasan ibsaniiru. Yeroo ammaa kanas daa’immanis ta’ee haati haala gaariirratti kan argaman ta’uu dubbataniiru. @Gadaapost2 @Gadaapost2

Artistoota fi Tiktookaroota yakka 'Fintech Investment' jedhuun shakkaman mirgi wabii akka eegamuuf Manni Murtii Olaanaa Federaalaa ramaddii Lidetaa murteesseera. Hata'u malee, manni murtichaa maallaqa wabii shakkamtoonni kaffaluu qaban murteessuuf Wiixata, Caamsaa 3 bara 2018tti beellama kenneera. Abbaan Alangaa gama isaatiin, himatamaa shanaffaa Mansuur Jamaal irraa kan hafe, mirgi wabii warra kaanii kabajamuu isaa akka hin mormine mana murtichatti beeksiseera. Manni murtichaa mormii Abbaan Alangaa mirga wabii himatamaa shanaffaa Mansuur Jamaal irratti qabu barreeffamaanCaamsaa 3tti akka dhiyeessuuf ajaja kenneera. @Gadaapost2 @Gadaapost2

Dr. Dabiratsiyon Gabiremikaa'el Pirezidaantii Mootummaa Naannoo Tigraay Ta’uun Filataman! Manni Maree Mootummaa Naannoon Tigiraay waggoota sadeen darbaniif hojii irraa dhaabbatee kan ture, yeroo ammaa manni maree naannichaa deebi’ee walga’uun murtii haaraa kenneera. Walga’ii isaa kanaanis Manni Maree Naannoo Tigiraay Dr. Dabiratsiyon Gabiramikaa'el irra deebiin Pirezidaantii Mootummaa Naannichaa gochuun filachuu isaa beeksiseera. Akkasumas, aadde Kiiros Haagos, af-yaa’ii mana maree, aadde Mihirat Bariheen ammoo itti-aantuu af-yaa’ii gochuun filatee, walga’ichi  haala kanaan xumurameera. Hanga ammaatti pirezidaantiin yeroo mootummaa naannichaa fi mootummaa federaalaa dhimma kana irratti ibsa ifaa hin kennine. @Gadaapost2 @Gadaapost2

Iraan Doonii Waraana Ameerikaa kan daandii Hormuuz darbuuf yaalan irratti Misaa'ila dhukaastee Iraan Doonii waraana Ameerikaa kan Galoo Galaana Hormuuz qaxxaamuruufi yaalan irratti misaa'iloota lama dhukkaasu ishee miidiyaalee Iraan Rooyitarsii  wabeeffachuuni gabaasaniiru. Akka Ejensiin oduu Faars, kan dhaabbata oduu mootummaa waliin hidhata qabu gabaasetti, Doonichi "akeekkachiisa Humnoota Eegumsa Warraaqsa  Islaamummaa Iraan irraa kennamee erga tuffatee darbuuf yaaleen booda haleellaa misaa'ilaatiin rukutameera jedha Maddoonni naannoo  sanaa wabeeffachuun, miidiyaan kun akka jedhutti Doonichi  rukutame kuni "deemsa isaa itti fufuu hin dandeenye akkasumas naannicha gadi lakkisee baqachuuf dirqameera." jechuuni ibsa. Haleellaa misaa'ilaa har'a raawwatame jedhame kana ilaalchisee gama Ameerikaa irraa hanga ammaatti yaadni kenname  hin jiru. @Gadaapost2 @Gadaapost2

Hogganaan Ol’aanaa Iraan Mojtaba Khamenei dandeettii niwukilaraa biyya isaanii eeguuf waadaa galan! Hogganaan Ol’aanaan Iraan Mojtabaa Khamenei, dandeettii niwukilaraa fi misaayila Iraan akka "qabeenya biyyaalessaatti" ni eagna jedhani. dabalataanis misooma kana deebisanii ijaaruu fi balaa kamirraayyuu ittisuuf biyyattiin kutannoo qabaachuu ishee ibsaniiru. @Gadaapost2 @Gadaapost2

Sa'aatiin riikardii isaa lakkoofsa Taargaa konkolaataa isaa akka ta'uuf murteeffame! Atleetiin Keeniyaa Sebaastiyaan Saawee Maaraatoonii Landan irratti sa'aatii 1:59:30 galmeessisuun rikkardii addunyaa cabsuun isaa ni yaadatama! kanuma irraa ka'uun, wayita gara biyyaatti deebi'u Pirezidaant Wiiliyaam Ruutoon Masaraatti simaannaa ho'aa taasisaniif. Pirezidaantichi milkaa'ina kanaan atleetichaaf badhaasa maallaqaa Shiliingii Keeniyaa miiliyoona 8 kennaniiru. Maallaqaan alatti, atleetichi konkolaataa filate akka badhaafamu fi lakkoofsi taargaa konkolaataa isaas sa'aatii inni seenaa itti hojjete "1:59:30" jedhu akka ta'u murteessaniiru. Dorgommii kanaan atleetiin Itoophiyaa Yoomiif Qajeelchaanis sa'aatii 2 gadiitti galuun riikardii kanaan dura jiru cabsus, sababa atileetichaa 2ffaa ta'uun xumuruun isaa ni yaadatama! @Gadaapost2 @Gadaapost2

Iraan fi Raashiyaan Wal-gahii Isaanii Irratti Maal Mari'atani? Ministirri Alaa Iraan Abbaas Araagchii dhimma ariifachiisaaf gara Raashiyaa imaluun, Magaalaa Seenti Piitersibargitti Pireezidant Vilaadimiir Puutiin waliin wal-ga'aniiru. Kaayyoon wal-gahii kanaa inni guddaan hariiroo biyyoota lamaanii jabeessuu fi nagaa Giddu-galeessa Bahaa irratti mari'achuudha.  Wal-gahii kanaan, Ministirri Alaa Araagchii ergaa addaa Gaggeessaa Ol-aanaa Iraan Ali Khamene’i irraa dhufe Pireezidant Puutiiniif dhiyeessaniiru. Puutiinis ergaa kana torban darbe keessa akka isa qaqqabe mirkaneessuun, deebii nagaa fi waadaa deeggarsaa Khamene’iif deebisaniiru.  Pireezidant Puutiin, ummanni Iraan birmadummaa biyya isaaniitiif gootummaa isaan agarsiisaa jiran natti mul'ata jechuun dinqisiifataniiru. Raashiyaan yeroo qorumsaa Iraan keessa jirtu kanatti nagaan akka bu'uuf abdii akka qabduu fi cinaa akka dhaabbattu mirkaneessaniiru. Raashiyaan faayidaa Iraan fi nagaa naannoo Giddu-galeessa Bahaa kabachiisuuf wanta danda'an hunda akka godhan Puutiin waadaa galaniiru. Wal-gahii kana irratti hoggantoonni olaanoo gama lamaanii (Lavrov fi Kostyukov dabalatee) argamuun isaanii xiyyeeffannoo tarsiimoo wal-gahichi qabu agarsiisa.  Carraaqqiin kun waraana naannichatti dhalate dhaabuu fi waliigaltee haaraa biyyoota lamaan gidduu jiru jabeessuuf kan xiyyeeffatedha. Mariin kun kallaattii haaraa hariiroo Raashiyaa fi Iraan gara fuulduraa murteessuu irratti gahee guddaa akka qabu miidiyaaleen gabaasaa jiru. @Gadaapost2 @Gadaapost2

Iraan Ittisa Galaana Amerikaa Miliquun Boba'aa Barreeela Miliyoona 4.6 Gabaa Addunyaatti Dhiyeessite! Dhaabbanni hordoffii dooniiwwanii TankerTrackers akka gabaasetti, Iraan guyyoota muraasa keessatti boba’aa dhangala’aa (crude oil) barreeela miliyoona 4.6 fe’uu ishee beeksiseera. Gabaasni saatalaayitii akka agarsiisunti, dooniiwwan kunneen meeshaalee hordoffii (transponders) dhaamsuun tarkaanfii hordoffii galaanaa (blockade) Ameerikaa jalaa miliquun boba’aa barreeela miliyoona 4 gara gabaa addunyaatti dhiyeessuu danda’aniiru.  @Gadaapost2 @Gadaapost2

Yaalii Ajjeechaa Doonaald Tiraamp Irratti Yaadame! Maqaan dargaggeessa galgala kaleessaa yaalii dhukaasaa taasisee qabame  Kool Toomaas Alleen  jedhama! namni kun umurii 31 yoo ta’u, dhalataa magaalaa Torraans, Kaalifoorniyaati. Shakkamaan kun qawwee gosa shotgun, shugguxii fi haaduuwwan (knives) adda addaa qabatee utuu sakatta’iinsa nageenyaa darbuuf yaaluu harkaatti qabame! Taateen kun kan mudate galgala Sanbata kaleessaa Hoteela Washington Hilton keessatti, yeroo sagantaan irbaataa waggaa 'White House Correspondents’ Association Dinner' gaggeeffamaa turetti dha. Akkuma sagaleen dhukaasaa dhaga’ameen, tajaajilli Nageenyaa (Secret Service) Pireezidaant Doonaald Tiraamp, Melania Tiraamp fi keessummoota gurguddoo biroo hatattamaan bakka sanaa baasuun eegumsa cimaa taasisaniif.  Humnoonni nageenyaa yeruma sana shakkamaa kana to’annoo jala oolchaniiru. Dhukaasa kanaan miseensi poolisii (Secret Service agent) tokko irra miidhaan ga’us, uffata rasaasa ittisu (bulletproof vest) uffatee waan jiruuf lubbuun isaa ooleera. FBI-nis battalumatti mana shakkamaa Kaalifoorniyaa jiru sakatta’uun qorannoo bal’aas gaggeessuu mirkaneesseera.  Madda: BBC News, Al Jazeera, The Guardian, NPR, fi Reuters. @Gadaapost2 @Gadaapost2