❤️‍🩹

لي صاحبٍ منّه تبي تطلع الروح ‏خبلٍ ومن هي مولعه فيه خبلة ‏عامين ألمّح له مع الجدّ ومزوح ‏واقول يا عنتر تناديك عبلة ‏طال المدى ثم قلت انا اغليك يا لوح ‏مجروحةٍ جرحٍ مخاطره عجلة ‏دنّق وقال انا من العام مجروح ‏واشّر لجرح مبطيٍ وسط رجله 🤷🏻‍♀️

عيني بها هزمٍ من الناس ما اشوف ‏وان شافت الغالي، تطلّق نظرها ‏نفسي بها عن هرجة الناس عاصوف ‏ولا الله على غير الحبيّب سخرها ‏قلبي كما عشبة نفودٍ بشفشوف ‏صلَّب عليها القيظ وافخت مطرها

اثر المولّع دمعته تجرح القاع ‏واليا ذكر ما فات هلّت دموعه ‏يفزّ قلبي تالي الليل مرتاع ‏اخاف تبعد عن ربوعي ربوعه في غير شوف العين ما نيب طمّاع حقّه علي أمشي بدرب المطوعه ‏ابو عيونٍ رمشها سود ووساع ‏في ذبحها العاشق فتون وبتوعه ‏😢

انا لاتباطيتك علي الوله ينشاف ‏يبين على العاشق وينشاف فعيونه ‏احبك جعل حبٍ يجي من بعدك يعاف ‏وانا حالفٍ حبك مع الوقت ماخونه ‏ليا شفت وجهك والله انه ماعلي اخلاف ‏فلا تنشد اللي شاف غايته وش لونه ‏عيونك مثل مجدٍ قصر دونه اللي خاف ‏وانا اللي يحب المجد ويموت من دونه

لمت الزمان ولايم الوقت غلطان حوادث الايام من فعل اهلها كل يغني مع زمانـه على شان هذا يميــلها وهذا عدلها وانا نديم الوجد في ليل الاشجان اجاذب نجوم الليالي غزلها ياما جرحت بونّتي ليل الاحزان ياما سمع منّي وياما حملها وياما رقص مع نغمة الحب نشوان ينفض عن النجمات وحشة مللها قصيدتي رحشة خفوق ووجدان صوّت بها السّاري وردّد مثلها

الله يسامح من جعلني في موادعك أستهين ‏ اللي يقول الوقت ما ياقف على فرقا حدا ‏توقفت من بعد فرقاك الأماني والسنين ‏ قصه حياتي كلها قصت وراك التذكـره

على عيد انكساري في غرامك قبل عامين تذكّرتك وقلت اكلمك والنيه النيّه الو لبيه يا اغلى من ذبحني قبل عام الفين ومت ولا حييت الاّ على ذكره وطاريّه احبك وين ما سجّت عيوني في الزمان الزين وسجّجني الزمان اللي متاهاته خياليه رعى الله كل يوم مرّنا ما قبل ذاك الحين على ذمّة صفى الأيام والأحلام ورديه يوم انك تستحي تذكر ان عمرك وصل عشرين وانا ما طاب لي إلاّ ما ورى العشرين بشويه ياحلو أحلامنا ومراهقتنا والبلا بعدين كشفنا ضحكة أول حلمنا ودموع تاليّه ولكن ما ندمنا، ليه؟ لأن العالم الحلوين يعيشون الغلا وفق القوانين السعوديه عفا الله عن ملذات الهوى والعشق والتخمين وسجّات الغرام ولذة الحب الحقيقية فديتك يوم تاخذني معك ولا أدري وين معك من وين ذعذع هواك ومالت الفيّه غدينا كنّك الشاعر وانا واحد من الغاوين نهيم بكل واد من العليّا للعزيزيه

استكثرك وقتي عليّ وغدا بك عادة زماني كل ما طاب هوّن ليت الذي ودّاك يا زين جابك تشوف عقبك كيف الأيام سوّن طوّيتني طي الورق في كتابك ‏حتى معاليق الحشا لك تطون ‏اشتقت لايام الهوى في جنابك ‏يوم الشموع بليل الاحباب ضوّن ‏واشتقت اقول لهاتفك مرحبا بك ‏واشتقت لغيوم الصحاري تكوّن ‏عوّد ترى داعي الهوى عند بابك ‏وارو القلوب اللي بعد ما تروّن

ياهنيكم يااهل القلوب الدواليه ياللي تحسبون الهوى مسرحيّه الكل منكم له مجال مسلّيه ولايجذبه يم الهوى جاذبيه ومن كبر حظه معطي الناس معطيه راحه وقلب مثل قلب المطيّه ماهو بمثل اللي تخمّه طواريه وياخذ به الهاجوس روحه وجيّه ياقلبي الي راح ماني براجيه ‏مرواح طيرٍ مقتفيه عشويه ‏اقفى يضف الريش والعج قافيه ‏وعقب الموالف عاف لاما خويه ‏الحال مني باري الحال باريه ‏غاديٍ كما سملول عود النصيّه والقلب مني مفردٍ من عراويه ‏من عقب ميرادي على العيطليه وشوف ادميٍ جل ربٍ مسويه ‏مامع بنات آدم وحوى حليّه ‏شفته وماج وماج قلبي يباريه ‏ولادري متى قلبي يعوّد عليه

يا تاركًا روحي بِرغمِ تعلُّقي ‏رِفقًا بها فالبُعدُ ليسَ يُطاقُ ‏قد كُنتُ أحسبُ أنّ بُعدكَ هيّنٌ ‏فإذا بكُلّ الذكرياتِ وِثاقُ ‏أيكونُ حظُّ الناسِ مِنكَ تقرُّبٌ ‏وأنا البعيدُ وحظّيَ الإِحراقُ ‏أحسِنْ إلى روحي فإنّكَ نورُها ‏إنْ أظلَمَتْ مِن حَولِها الآفاقُ ‏ولقد عرفتُكَ في المحبّةِ مُحسِنًا ‏تُعطي وشِيمةُ قلبكَ الإشفاقُ ‏أنا قد تعِبتُ وفي وصالكَ راحتي ‏هلّا حنوتَ فخاطري مُشتاقُ

—

إِذا المَرءُ لا يَرعاكَ إِلّا تَكَلُّفاً فَدَعهُ ، وَلا تُكثِر عَلَيهِ التَأَسُّفا فَفي الناسِ أَبدالٌ وَفي التَركِ راحَةٌ وَفي القَلبِ صَبرٌ لِلحَبيبِ وَلَو جَفا فَما كُلُّ مَن تَهواهُ يَهواكَ قَلبُهُ وَلا كُلُّ مَن صافَيتَهُ لَكَ قَد صَفا إِذا لَم يَكُن صَفوُ الوِدادِ طَبيعَةً فَلا خَيرَ في وِدٍّ يَجيءُ تَكَلُّفا وَلا خَيرَ في خِلٍّ يَخونُ خَليلَهُ وَيَلقاهُ مِن بَعدِ المَوَدَّةِ بِالجَفا وَيُنكِرُ عَيشاً قَد تَقادَمَ عَهدُهُ وَيُظهِرُ سِرّاً كانَ بِالأَمسِ قَد خَفا سَلامٌ عَلى الدُنيا إِذا لَم يَكُن بِها صَديقٌ صَدوقٌ صادِقُ الوَعدِ مُنصِفا

" ولو أتوب من الذنوب اللي جنت الأيام ضدّي ‏ما قدرت أتوب عن ذنبٍ يعنّ القلب صوبه ‏كيف أتوبك يا أجمل ذنوبي و أوقف عند حدّي ‏وأنت ذنبٍ لا غفره الله ولا لي عنه توبه "

" الشعر يلمع على الضي من قوّ الشقار ‏بشت أميرٍ توّ أمير الرياض مومّره " - ابن زويبن