الشدائد عرفتنا بحمران العيون والمواقف درستنا فنون المرجله

*- اللهــم دربًــا لا تضيق بـهةة الحياة* *ـ وقلبًـــا لا يــزول منــهُة الأمـــل* 🕊️

الرزق ما يأتي وراعيه نايم اللي زرع يحصد حصيل الزراعه مابه قوي الا قوي العزايم وما به فقير الا فقير القناعه 🕊️

‏حطوا على وجه الصبر ما يغطيّه ‏ما عاد لأهل الصبر ما يخسرونه ‏ياما صبرنا تحت ظل المشاريه ‏واللي يعذر الناس .. ما يعذرونه ‏حنا مثل نور الفرج بآخر التيه ‏إمشوا معاه لآخره توصلونه ‏إذا على الغالي ؟ نحبه ونغليه ‏وإذا على الفرقا ؟ لكم ما تبونه 🕊️

انا ادري ان الليالي السود خداعه شفني من مرافق الرديان" متخلص بعض العلاقات كنها.. غاز ولاعه ان طولت خمس ست ايام وتخلص 🕊️

‏الـعـمـر مـره .. واللـيـالـي تـدابـيـرّ و الله عـلـى مـا يـريـد .. دبـر عبيده يـا مـاخـذ دنـيـاك .. طيشٍ وتـبـذيـر لا بـد مـن يوم .. تـجـيـك الـوقـيــدة لملمّ شتاتك واعسف النفس بالخير خـلـك إلـيـا روّحـت قـالـوا فـقـيـده 🕊️

عسى مقبلة الأيام وصلٍ على الغايات ‏ومن جود مدات الزمن خاطري راضي ‏ِ ‏على الله يحقق حاجةٍ فالزمن ما جات ‏فلا غيره الحاكم . . ولا غيّره القاضي 🕊️

إحسب حسابك بيوم العرض ناتج فعايلك بتلاقي ماأنته مخلد بظهر الأرض ولا أنت في بطنها باقي 🕊️

‏يالله برزقن ماحسبنا حسابه رزقن يجينا منك ماهو من الناس تفتح لنا ياخالق الكون بابه وتجعل لنا كنز التُقاء ستر والباس 🕊️

إن تبا السعاده والخير في الحياه طع ربـك وفـروض الصـلاه صلها اللي عصى ربـه وقطع ذه الصلاه عليه الهمـوم والمصايـب حصلها 🕊️

تعلم تقيس الأمـــــــــــور بحكمه تهورك ياصاحبي ...... .. يعميها الصمت في بعض المواقف نعمه ماكل كلمه عندنا ......... ترميها 🕊

‏كل البشر فيهم من الطبع  نسيان حتى المريض ان طاب ينسى طبيبه 🕊

_*‏قفول الضماير ..وهبة الواحد المنان*_ _*لو إن اللبيب أحيان مايضمن لسانه*_ _*من يثرثر بذنبه على المجلس المليان*_ _*مثل من يعـلق بندقـه عـند عــدوانه*_ 🕊️

_*ولابد مايشرق قفا الليل ضو ابلج*_ _*ويشفي نفوس اجوافها نار وقاده*_ 🕊️

_*عساني لاحتجت ما احتاج لا عند الجبان*_ _*وعساني لاعشت العمر مايلحقني قصور*_ 🕊️

_*مادامت الدنيا مواقف كل موقف له ثمن*_ _*اما ينزل قيمــــــة الإنسان وإلا يرفعه*_ 🕊️

_*الذيب لو يموت في الحياه جوع*_ _*مانزل راسه للوطيه لو زاد جوعه*_ 🕊️