🍃𝓓𝓲𝔂𝓷𝓲𝓵 𝓘𝓼𝓵𝓪𝓶🍃

Қўлга кирита олмаган нарсангга маҳзун бўлма! Агар у пешонангга ёзилган бўлса, насиб қилаверади. «Бизга Аллоҳ ёзиб қўйган нарсадан ўзгаси зинҳор етмайди» (Тавба сураси, 51-оят)

Имом Шофеъий раҳимаҳуллоҳ айтадилар: - Қуръони каримда шундай оят борки, у золимнинг юрагига ўқ каби санчилиб, мазлумнинг қалбига малҳам бўлади: "Роббинг унутувчи эмас!" ( Марям сураси-64)

Аслида ким кўр? Аҳмад ибн Ҳанбал роҳматуллоҳи алайҳи жамоати кўп масжидда имом бўлиб турганларида жамоатнинг кўплигидан ҳайратланган бир киши келиб: - Эй имом! Айтчи, бу ердаги намозхонлар адади қанча экан? - деб сўради. Имом Аҳмад унга: - Ҳеч қанча, - дедилар. Савол берган киши жаҳл қилиб: - Кўрмисан? - деди. Имом Аҳмад ибн Ҳанбал ҳам одоб билан уни ранжитмай шундай жавоб бердилар: Кўр - қиблага бурилган лекин етим ва муҳтожлардан юз ўгирган кишидир. Кўр - Аллоҳ субҳанаҳу ва таолога сажда қилиб, Унинг бандаларига кибр қиладиган, паст кўрадиган кишидир. Кўр - масжидда олд сафда, камбағаллар сафида ва ҳақиқатни айтишда умуман йўқолиб қоладиган кишидир. Кўр - ҳар куни садақа беришга қодир бўлатуриб, бир кун садақа берадиган кишидир. Кўр - еб-ичишдан ўзини тийиб (рўза тутиб), ҳаромдан ўзини тиймайдиган кишидир. Кўр - Каъбани атрофини тавоф қилиб лекин камбағалларнинг атрофини тавоф қилишни унутадиган кишидир. Кўр - намоз ўқиб, рўза тутса ҳам тижоратда, савдо-сотиқда инсонларни алдаб юрадиган кишидир. Кўр - намоз ўқиган лекин ўқиган намози ўзига фойда бермайдиган кишидир. Кўр - диндан ўз манфаатлари йўлида фойдаланиб, манфаат бўлмаганида ундан юз ўгирадиган кишидир. Кўр - ҳар нарсани тушуниб етиб, лекин ҳеч нарсани билмайдиган кишидир. © Абдуллоҳ Раҳим таржимаси

Агар қалбинг Қуръондан таъсирланмай қўйган бўлса, нафсингни айбла, маломат қилгин. Чунки Аллоҳ ушбу Қуръонни тоғга нозил этганда, у (қўрқувдан) эгилиб-ёрилиб кетиши хабарини берган. "Агар Биз ушбу Қуръонни бирон тоғга нозил қилганимизда, албатта Сиз у (тоғ)ни Аллоҳнинг қўрқувидан эгилиб-ёрилиб кетган ҳолида кўрган бўлур эдингиз. (Лекин айрим инсонларнинг диллари тоғнинг тошидан ҳам қаттиқроқ бўлгани сабабли уларга Куръон оятлари ҳам таъсир қилмас). Биз бу мисолларни одамлар учун, шояд улар тафаккур қилсалар, деб келтирмоқдамиз", деб айтган. (Ҳашр сураси, 21 оят). ©AbdulhadiyHafiz

Tayyormisan?

🎙️ Reciter: 📖 Surah: 55 Rohman 🔍 Ayat: 26-28

Бир киши айтади: "Қўлимда қуръон бор эди. Уни тиловат қилаётган эдим. Бирдан телефонимга хабар келиб қолди. Телефонни очиб нима хабар келганини билмоқчи бўлдим. Қироатни тўхтатдим. Телефонимни олиб хабарни ўқидим. Аммо қуръон қўлимда эди. Қилмишимдан уялиб кетдим. Молик ибн Динор роҳимаҳуллоҳнинг гаплари ёдимга тушди: "Кишида Аллоҳнинг сўзига эмас, бандаларнинг сўзига иштиёқ бўлса унинг илми оз, қалби кўр, умри зое экан!". Қуръон тиловат қилаётган киши гўё Аллоҳ билан сўзлашаяпти. Каттароқ амалдор ёки олимнинг ҳузурига телефонимизни ўчириб кирамиз. Аслида Аллоҳ бунга ҳақдорроқдир. Тиловат вақтида телефонга хабар келса тиловатни тугатиб сўнг хабарни ўқишимиз адабдир! Аллоҳим! Қуръонни қалбимиз баҳори қилгин!

Бу саҳар мендан илҳом кесилди. Англадимки, вужудимга шубҳали луқма кирди. Илм ҳам, ҳикмат ҳам ҳалол луқмадан вужудга келади. Ишқ ҳам, марҳамат ҳам ҳалол луқманинг маҳсулидир. Агар бирор луқма туфайли ғафлат пайдо бўлса, шуни билки ўша луқма шубҳали ёки ҳаромдир. Румий ҳазратлари

(Эй, Муҳаммад!) Сизга ваҳий қилинган Раббингизнинг Китоби (Қуръон)ни тиловат қилинг! Унинг сўзларини ўзгартирувчи (куч) йўқдир. Ундан ўзга сира паноҳ топа олмассиз. (Каҳф сураси 27-оят).

Eslatma! Statuslar kamiroq bo'ladi ko'piroq Qur'on Sahih Hadis lar bo'ladi Oldindan uzur😊