بشاير المقبل (شاعرة)

انا كل ما الشوق إستبدّ .. وبغيت لقاه ‏مواقيتي تْعَـيي تجي مع مواقيته ‏تمنّيت .. وادري لو درى ما تبيت مناه ‏قبل لا اتواسى يحصل اللي تمنيته ‏حلالاه يا وجه ٍأحبه وأحب حكاه ‏يخاشرني بكاس ٍ برد ما تقهويته ‏⁧ #بشاير_المقبل ⁩

ليلةٍ ماهيب سمحه وإنقضت هدنة جروح ‏كل ما بالكون هادي وبذرى العوج حْرِكَه ! ‏قلبي اللي ما تهزه ريح ! مهزوم وينوح ! ‏جايرٍ .. من قِمّته جرّه و بالقاع فركَه ‏إنتهى من مبتداه وجا يعلمني : “ بروح “ ‏لا يلوم الضايم إنسان ٍمن الضيم تركَه ‏من عرف بإن الغنيمه ماهي بقدّ الجروح ‏يجمع اللي حيّ فيه .. ويترك أرض المعركه ‏لك حبيب ! وجيّته ما تبعث لميّتك .. روح ! ‏ودّعه ، وادفن شعورك ، وإرقد الليل .. أبركه ‏⁧ #بشاير_المقبل⁩

آعوذ بالله العظيم من القهر و إرهاقه ‏ومن قِلّة الحيله على وجهٍ تِسِرّ فعوله ‏والنظره اللي تلحظ أرزاق الحياة شْفاقه ‏والدمعه الحرّا على شي عجزت أطوله ‏والبطره اللي تِشبِعك من مجلسك ونفاقه! ‏والفاقه اللي ضاق منها مدهلك وحلوله! ‏والعَنوه المهتمّه .. الملهوفه .. التوّاقه ‏لأشياء ما تهتمّ لك ، وابوابها مقفوله! ‏يا الله جنّبنا الشقى وعيونه الذوّاقه ‏اللي تنقّى في مناعير الزمن وزحوله ‏⁧#بشاير_المقبل⁩

#القمر ⁩ ‏قالت : قمر سبحانه اللي مسويه ‏ضوّا السما من زود نوره .. يجنن ! ‏واللي يجنن والله هروجها فيه ‏وايدينها اللي يشرحنْ و يتثنن ‏واهدابها حمّالة الرشد والتيه ‏نِجلٍ بنظرات البراءه تِفنن ‏ودي اقول إن القمر حدر شوفيه.. ‏وجهٍ عيونه يذبحن ما يِحِنن ‏خليه راقد في ذرا الغيم خليه ‏ولغير بدرك لِحظِنا لا يتعنن ‏⁧ #بشاير_المقبل ⁩

قلبي ليامن عزّ مخلوق .. مُسرف ! ‏يِغلي .. ولا يِغلي على هون واسكات ‏لو كفّ حاجاتك من العمر تغرف ‏يلقى بنقص العمر منها ملذات ‏ولا شاف عينك من بلاويك تذرف ‏بَرّك على صدري جبال السروات ‏يشب لك ناره من الضلع الاطرف ‏ويهب ّفي قايظ لياليك نَسمات ‏فإن قلت كلمه تجرح شعورك .. إعرف ‏اني انجرحت بكلمتي عشر مرات 🤍 ‏⁧ #بشاير_المقبل⁩

يا محياً في عيون القلب يسوى له قبيله ‏مابقى في "يا صباح الخير " حرفٍ ما تشرّد! ‏إرجهن .. يقفي المقيض وتقبل المزن الثقيله ‏وان تبسّمت ؟ المطر يبدا على الصيف يتمرّد! ‏كيف لو راقن عيونك ! تمسي الجردا خميله ‏وكل خدٍ وسّمته الشمس في نجد يتورّد ‏ولو ضحك سنك ! تِسود الفرحه ايام ٍ طويله ‏وتسكن طيور السعد بوجيهنا الشَفقى تغرّد ‏⁧ #بشاير_المقبل ⁩

الهروب من (الظروف) أول مواري للجبان ‏القوي يوقف .. عيونه شاخصه بعيونها ‏ما لبس ثوب الحياة اللي يبي لونه فلان ‏ما مشى سِكّه .. عشان العالم بيمشونها ! ‏دون غاياته .. ولو كسّر شلافيه الزمان ‏دام له راس ٍ يشم ّ الريح .. يبقى دونها ‏⁧ #بشاير_المقبل⁩

‏وش اللي يِدعي قلوب العبيد بهالعتيم تضيق؟ ‏تراعيها .. كليف ٍمن هواجسها شراب الما ! ‏اجيه أبشتكي همٍ على قلبي عديل طويق! ‏والاقي فوق قلبه مثل اجا من همه وسلمى! ‏⁧ #بشاير_المقبل⁩ ⁩

إعتقادك انك شخص لا يمكن الإستغناء عنه هي بداية خيباتك .. أنت قابلٌ للإستغناء عنه حتى وانت تؤدي أكثر الأدوار أهميةً في حياة احدهم ! قلت ُ عن ذلك ذات يوم: جيت؟ منزالك عيوني رحت؟ ما بجزع و اطيش لاني اللي تطرد المقفي .. ولاني والهه راحت اللي كنت احسب اني بلاها ما اعيش وعشت! لا وازيدك مْن الشعر صدمه؟ دالهه ! #بشاير_المقبل

يقول : ‏طيب ظنك في جميع الناس .. لا يتمادى ‏العرب ماهيب ابوك وشيمته يابنتي ! ‏إن فرحتي في مدايحها وقلبك نادى .. ‏والله إن مافيه طيب بالزمن غير أنتي ‏واقول : ‏كل ما ناحت حمامه لي .. من اللي جاها ‏أبتعد .. خوفي تزيد جروحها من ردّي ‏اخ ّ: لا رِحمَت رجالٍ ما تعزّ نْساها ‏يرحم الله شيمة ابوي .. وشهامة جدي ‏⁧ #بشاير_المقبل⁩

البعد حمّاي الغلا بعض الاوقات ‏لاصار كـثـر الـقـرب مابـه مسـرّه ‏نحبكم .. ميـر اتعبتنـا المْدارات ‏وطـويــق هـم ٍ من ورانــا نـجـرّه ‏نسكب شهدنا ونتحرى البشارات ‏ولا لنــا .. يا كــود فـنـجـال مُـرّه ‏غضوا بصركم لين رب السماوات ‏يرفع عن اللي مسه الضرّ .. ضرّه ‏⁧ #بشاير_المقبل⁩

راحوا مواليفي .. بقى منهم طيوف ‏والذكريات اللي تِقاطَعني قِطَع ! ‏وين رحلو ا ؟ مدري مهانه او ظروف ! ‏خبري عمر حبل الغلا ما ينقطع ! ‏هزايل الأعذار و عيوني تشوف .. ‏من يستطيع الوصل لكن ما إستطع ! ‏وشلون الاقيهم ملاقاة العيوف؟ ‏والقلب بين إسمع -ليا اغليت- و أطع! ‏ثلثين مالي راح كفّارة حلوف ‏على : "يمين اني فلا آصل من قِطع" ‏⁧ #بشاير_المقبل⁩

حتى الحزن ! حط الله بأعمق تفاصيله جَمال لولاه كان الناس تطغى في سَعَتها وتغَفِل ! أقسى القلوب اللي تلين وزانه صخور الجبال .. في حَضرته ما كنه إلا رِقّـة أوراق النفل جعله ليامن مَرّ ما يبطي ، ولا يقهر رِجال ولا يترك اليا زلّ بوجيه النِسا طَرفٍ جَفِل و الله يعطينا لحَمله قوة ظهور الجْمال وإلا يجي دونه من الرحمه .. دراويز و قفل! #بشاير_المقبل

يَحْدُث : بأن يطوى مع النسيان ‏شاعر ويُذكَر من سَرق نَصَّه! ‏وينام مِلئ جفونه الغلطان! ‏ويسهر ضِحيّه ونْدِمَه غَصّه! ‏ويتعذّرنّك أسلم الأبدان ‏وتشيل ألمك ظهور منقصّه! ‏ويشكي عليك إنسان من إنسان ‏والشاكي ألعن شخص بالقصه! ‏يُثنى على سُوء .. ويذمّ إحسان ! ‏وباقي ! على رفّ العَجب رَصّه! ‏(هالوقت ) يسعى بـ أهله الشيطان ‏يالله علينا بالهْدى وَصّه ‏عجايبه تفهق عجيب أزمااان ‏ما جا الدهر و سنينه بـ نِصّه ‏⁧ #بشابر_المقبل⁩

أمانه ! تخشرون إسمي من الدعوات يا حِجّاج ‏انا روحي لرحمة قاضي الحاجات .. محتاجه ‏الا يا ماهد ٍممشى نبيّك ليلة المعراج ‏طريقي موحش وغارت نجومه و اعتم سراجه ‏على قلبي عواصف ذعر منها والظروف أمواج ‏وقف طالبك من كثر السحى كنه على صاجه ‏لك المنّه على اقدارك لك الشكر ولك الالهاج.. ‏بحمدك لين ترضى يا عظيم الملك .. بفراجه #بشاير_المقبل

ألا يا رب لي قلبٍ كثر ماقد ثِـبَت .. رعديد ! ‏وداعة عينك اللي ما نستني ، لا تخلّيني ‏وقفت بوجه برد الزمهرير وسافيات البيد ‏وأخاف إنه ليا طال الوقوف تزّل رجليني!

لو يمد إيده على طاهر ترابي عَفن ان سلم من موتته كاسرين ايديّته ليت اخو نوره يشوف البوداي وش غدنّ؟ الحضاره ناشت سهيل في درعيته وناطحاتٍ بالسما واقفاتٍ يشهدن حاصل التاريخ برهان مصداقيته سالمين وفي رخا غانمين وفي أمن عايشين .. وشامت القوم ناره ميّته #بشاير_المقبل

لو يمد إيده على طاهر ترابي عَفن ان سلم من موتته كاسرين ايديّته ليت اخو نوره يشوف البوداي وش غدنّ؟ الحضاره ناشت سهيل في درعيته وناطحاتٍ بالسما واقفاتٍ يشهدن .. حاصل التاريخ برهان مصداقيته سالمين وفي رخا غانمين وفي أمن عايشين .. وشامت القوم ناره ميّته #بشاير_المقبل