-

كل الفصول الأربعه أنتي ، وبالذات الربيع وكل الجهات الاربعه أنتي وبالذات الشمال من وين ما وجّهت واجهتك ولا يمكن أضيع إن جابك الله واقعي ولا يجيبك لي خيال في صدّتي عن غاغة العالم لي العذر الوسيع جاني من الهاني عن مجادل مدوّرة الجدال إللي مواصلها عظيم . . أكيد فرقاها فظيع إللي معاتبها أدب أللي مخاصمها دلال مرجانةٍ ما صاغها صايغ ولاعرضت لبيع حرام كل السحر . . الا حسنها سحرٍ حلال

احب الحياه اللي كذيا بلا ترتيب انا حر وافكاري مثل نفسي الحرة يا كثر الضغوط اللي على محمد ابن الذيب على كثرها مالان راسه ولا مره هذا فضل ربي ثم سطر " يام " ياتراحِيب وتسلطانة "عجيم" وتغطراسة " آل مره "

عليك ياللي غلاك الروح متلفها ياللي محلك بوسط القلب نزالي غلاك نفسي عن الخفرات صارفها لو يجمعن لي من اولهن الى التالي لك سيرة بالمحبه ما اقدر اخلفها لو هي سبايب سهر عيني وغربالي محبةٍ يالغضي بيضٍ صحايفها محميةً بالشرف عن هرج الأنذالي

يابو العيون اللي هدبها مراييش يابو الدلع ياللي شفاياك ذبله ياما على شانك نويت المطاريش وياما تبعتك شرق و الناس قبله واليوم كني شفت فالوضع تشويش شيٍ مجمعت العلوم تحسب له وش عاد لو تزعل على الدراويش انا بدويٍ راح يطرد هوى ابله عفط الرقاب اللي وبرها عكاريش لا ربعت قلبي يزين الطرب له