Song’s baluchii

اگہ درستیں جاگہ تھار بو پد ءَ بچار،بلکیں روژن تو وت بہ بئے

[ Cover | Source ] News: @sc_download_bot_info

🆔 @uVidBot | دانلود سریع

بیا او مرید، بیا او مرید، بیا او مرید، دیوانگیں بیا بیا کہ دیوانے کن اوں، مولانگ ءُ مستانگیں سوتکگ ترا اِشک ءِ زراب، مارا گماں کُرتگ کباب تو ھانُل ءِ درداں زرئے، ما پہ وتن جانانگ ایں چاکر تئی دوست ءَ پُل اِت، چما دگہ ڈنگاں وتن تو سر پہ شیدائی شُت ئے، ما پیھناں زندانگ ایں تو ھانُل ءَ اِشت ءُ شت ئے، ماڑی ءَ میریں چاکر ءِ ما ھانُل ءِ مُلک ءَ نہ دؤں، جوریں بداں دلمانگ ایں اِشت ئے وتن پہ مکہ ءَ، لوچیں گوں ملنگاں شُت ئے مئے مکہ ءُ ماس ایں وتن، نیلوں وتن شاھانگ ایں پردیس تو ماں مکہ ءَ، شئیراں زھیر نالیں جت ئے ماں کپتگ زندان ءِ تہا، شئیراں جنوں رندانگ ایں ھجر ء چہ درد ءُ دوریاں، بند بند وتی داگ داتگ ئے مئے بند بند سوھتگ انت، جوریں بداں مستانگ ایں تو زرتگ کچکول ءُ آسا، کوڑیں جھاں داتگ یلہ در کپتگ اوں سربازی ءَ، ماں پہ پڑ ءَ مردانگ ایں پرک ھِچ نہ اِنت مئیگ ءُ تئی، درد ءُ زرد ءِ آچش ءَ تو ھانُل ءِ اِشک ءَ گنوک، ماں پہ وتن دیوانگ ایں ماں شئیر ءُ اِشک ءِ دپتراں، دانکہ جھان ھست اِنت ما ھم جھان ءَ یات بہ اوں، ماں مجلساں پروانگ ایں