🙋‍♂️🙋‍♀️HIKMAT VA ISLOMNI SEVUVCHILAR🙋‍♂️🙋‍♀️

<<ZUKKO KITOBXON >> 📚Tanlovimizga start berildi, kitobxonlar shoshiling🏃 🏆G'olibga,Javlon Jovliyevning bestseller "Qo'rqma" kitobi sovg'a qilinadi 🥳😎 ⚜️Tanlov shartlari juda oson : ✅ Kanalimizga a'zo bo'lib ✅Tohir Malikning "Jinoyatning uzun yo'li" asarini o'qishingiz talab etiladi ✅Sababi tanlovda aynan shu kitob yuzasidan 20 ta test tuziladi. ✅Shoshiling, kitobxonlar allaqachon kitobni o'qishni boshlab yuborishdi, siz ham o'z kuchingizga ishoning va albatta g'alaba sizniki ! ✅ Eslatib o'tamiz kitobni o'qish uchun chegaralangan vaqt beriladi, kanalda test kuni va o'tkazilish vaqtini e'lon qilamiz ✅ Kitobxonlar ilm yo'lida har doim "Olg'a" deng, do'stlaringizni kitob o'qishga chaqiring. https://t.me/MY_OPINIONN

Ассалому алайкум! Мушоирадан Э С Г А О Л Д И Н Г М У... Ёдингдами, келганда баҳор, Шарқираган сой каби тошиб. Бир-бировга бўлиб интизор, Югурардик қир-адир ошиб... Бугун анча ўйга толдингму, У кунларни эсга олдингму?! Ёдингдами, қувноқ ёз пайти, Меваларга тўлганда шира. Тилдан тушмай Навоий байти, Бедорликдан кечмасдик сира... Ажаб, бугун ёлғиз қолдингму, У кунларни ёдга олдингму?!.. Ёдингдами, ташриф этиб куз, Силкитганда боғларни шамол. Ҳижронларда қолиб кетиб биз, Хаёлларга айланди висол... Айрилиқнинг куйин чолдингми, У кунларни эсга олдингми?!.. Энг ёмони экан қаҳратон, Ҳаммаёқни эгалларкан қиш. Бўлар экан армон ҳукмрон, Эзиларкан орзу бояқиш... Руҳни тушкунликка солдингму, У кунларни эсга олдингму?!.. ... Ҳа, муҳаббат фаслга ўҳшар, Йил бизларга имтиҳон, синов. Юрак севса - аслга ўҳшар, Кураш, тинма, енгилма дарров!.. Акрамжон АЗИЗОВ, Ўзбекистон, Фарғона, Олтиариқ.

Ассалому алайкум! "Тўртинчи фасл" китобидан М У Н О С А Б А Т Кимдир мени кўролмас чунон, Қоврилади ҳар лаҳза ёғда. Танасига югуради жон, Мен хатога йўл қўйган чоғда. Кимдир мени пойлар изма-из, Камчилигим қидирар фақат. Кўзи тўрт-у, қулоғи саккиз, Мен ҳақимда тўқилса ғийбат... Кимдир менга қизиқиб жуда, Ёлғон суҳбат қурмоқ бўлади. Нима бор деб кўнглим ичида, Юрагимга кирмоқ бўлади. ... Қўй, уринма, нияти қора, Кўзларингга жойлаб фитна - ўқ. Бўлсанг ҳамки минг йил оввора, Сенинг учун кўнглимда жой йўқ!.. Акрамжон АЗИЗОВ, Ўзбекистон, Фарғона, Олтиариқ.

Ассалому алайкум! Мушоирадан ДАРДИНГНИ ОЛАЙ ХАЛҚИМ! Яралганман сен учун, Қурбонинг бўлай, халқим. Кўнглингни сўраб ҳар кун, Дардингни олай, халқим!.. Сен йўлга чиққан карвон, Ҳурлик деб тиккансан жон. Дилинг тарк этсин армон, Дардингни олай, халқим!.. Ўтди қанча маломат, Гоҳ чекинди адолат. Бўлгин энди саломат, Дардингни олай, халқим!.. Қумда ҳам зар бебаҳо, Дур денгизда сержило. Ўзинг қалбимда танҳо, Дардингни олай халқим!.. Қолма ҳеч қачон сўлиб, Юргин шиддатга тўлиб. Бир шоир ўғлинг бўлиб, Дардингни олай, халқим!.. Ҳох ишонма, ҳох ишон, Ўлгунча мен сен томон. Бахтинг деб тикканман жон, Дардингни олай, халқим!.. Сен қалбимнинг садоси, Дилнинг жўшқин навоси. Шеъримнинг интиҳоси Дардингни олай, халқим!.. Акрамжон АЗИЗОВ, Ўзбекистон, Фарғона, Олтиариқ.

Ассалому алайкум! МЕҲР ҚАНИ, МУҲАББАТ ҚАНИ?.. "Меҳр қолур, муҳаббат қолур..." Муҳаммад Юсуфдан. Бугун тилдан тушмас бир нидо, Меҳр қани, муҳаббат қани?! Бунча лоқайд бўлмасанг дунё, Меҳр қани, муҳаббат қани?! Жуда қадим яралган эди, Иймон билан қорилган эди. Борлиқ узра таралган эди, Меҳр қани, муҳаббат қани?! Ака укасига боқмайди, Сингил дея эшик қоқмайди. Беморлар ҳеч кимга ёқмайди, Меҳр қани, муҳаббат қани?! Баъзан ота аҳволи тангдир, "Қариялар уйи"да гангдир. Икки сўзин бири аттангдир, Меҳр қани, муҳаббат қани?! Йиғлар "етимхона" боласи, Қалқиб турар кўзда жоласи. Юрагида ўтли ноласи, Меҳр қани, муҳаббат қани?! Оҳ, ҳаммаси ёлғон бўлсайди, Дунё муҳаббатга тўлсайди. Шоир дили доим қўмсайди, Меҳр қани, муҳаббат қани?! Ўзлигингга қайт, қадим дунё, Пушмонлигинг айт, қадим дунё. Ҳар юракка меҳр айла жо, Авлодларим демасинлар то: "Меҳр қани, муҳаббат қани?!.. Акрамжон АЗИЗОВ, Ўзбекистон, Фарғона, Олтиариқ.

Ассалому алайкум! "Муҳаббат эртаклари" китобидан В А Т А Н Ватан сўзим, Ватан яроғим, Ватан кўзим, Ватан қароғим. Кўнгилдаги гулшаним, боғим, Сўлмоқларга бермайман сени!.. Сен чироғи ҳар хона уйнинг, Ўзинг авжи ўзбекча куйнинг. Етар бўлингани туркийнинг, Бўлмоқларга бермайман сени!.. Топтаб ўтди ҳар учраган кас, Доро, Чингиз - неча таги паст. Юраккинанг кетмас энди дарз, Тилмоқларга бермайман сени!.. Сен ҳилол, ўн икки юлдузим, Сарҳадингда ҳушёрман ўзим. Айтар бўлсам жайдари сўзим, Қўрқоқларга бермайман сени!.. Бағринг юлиб, ўпирганлар бор, Тузлиғингга тупурганлар бор. Соҳта мақтаб, кўпирганлар бор, Маддоҳларга бермайман сени!.. Юксалиб, тоғлардан ўзгайсан, Ҳар ёмоннинг йўлин тўсгайсан. Энди фақат униб, ўсгайсан, Юлмоқларга бермайман сени!.. Эй, мен учун муқаддас гўша, Боқий тургил минг йиллар оша. Юрагимда мангу қол, яша, Ўлмоқларга бермайман сени!.. Акрамжон АЗИЗОВ, Ўзбекистон, Фарғона, Олтиариқ.

Ассалому алайкум! "Бибихоним" канали мушоирасидан ДИЙДОР ҒАНИМАТ (Машрабона) Дунёда дўстлар, Дийдор ғанимат. Юрагим бўзлар, Дийдор ғанимат!.. Ишқ келса жона, Дил турар ёна. Яшаш баҳона, Дийдор ғанимат... Эй, юзи ҳилол, Соҳиби жамол. Чорлай, келақол, Дийдор ғанимат... Лаблари ғунча, Юзлари кулча. Нозланма бунча, Дийдор ғанимат... Моҳитобоним, Руҳи жаҳоним. Ўртанди жоним, Дийдор ғанимат... Шамсдай кулайлик, Ойдай тўлайлик. Бирга бўлайлик, Дийдор ғанимат... Битсин ғам, қайғу, Сен бўлсанг сулув. Муҳаббат мангу, Шоир сўзи шу: Энг олий неъмат - Дийдор ғанимат!.. Акрамжон АЗИЗОВ, Ўзбекистон, Фарғона, Олтиариқ.

Ассалому алайкум! Бугун мамлакатда қутлуғ кун. Юртбошимиз Шавкат Миромонович Мирзиёевнинг таваллуд кунлари. Бу қутлуғ саъна билан у кишини самимий қутлаб, оддий халқ вакили сифатида юракдаги тилакларимизни сатрларга жойладик. Илоҳим, шахсан ўзларига етиб борсин. Туғилган кунингиз муборак бўлсин, Президентим! ЮРТБОШИМ ОМОН БЎЛСИН! Шиддатида Амир Темур шижоати, Ўйларида Мир Алишер заковати. Қадамида Мангуберди салобати, Замона тинч, дориломон замон бўлсин! Президентим омон бўлсин, омон бўлсин! Тун-кун тинмай эл равнақин ўйлайдилар, Юксалмоқда кенг жаҳонни бўйлайдилар, Тадбиркорни "Фарзандим!", деб қўллайдилар, Баракотли режалари осмон бўлсин! Президентим омон бўлсин, омон бўлсин! Қадим Отатурк элига сўз айлади, Қозоқ, қирғиз, тожик, туркман - дўст айлади. Ҳинду Эрон, Афғонни қош-кўз айлади, Меҳри дарё, лутфи булбулзабон бўлсин, Президентим омон бўлсин, омон бўлсин! Эй, тарихи оламларга тенгқур диёр, Камлик кўрма, сен ҳамиша бўл ҳур диёр! Тараққиёт сари энди юз бур, диёр, Ҳар фарзандинг шундайин мард ўғлон бўлсин, Президентим омон бўлсин, омон бўлсин!.. Акрамжон АЗИЗОВ, Ўзбекистон, Фарғона, Олтиариқ.

TOPOLMAYSAN ONANGNI ✍ AKRAMJON AZIZOV 🎤 JUMANAZAR URALOV https://t.me/jumanazar_uralov

Ассалому алайкум! ТОПОЛМАЙСАН ОНАНГНИ... Минг оҳу фиғон айтиб, Урсанг ҳам пешонангни. Боқийга кетса, қайтиб, Тополмайсан онангни... Ҳурматин қўй жойига, Жонни тик парвойига. Қил ибодат пойига, Тополмайсан онангни... Фарзанд топилар, алҳол, Топилар дардкаш аёл. Йўқотсанг амри маҳол, Тополмайсан онангни... Ўтди сени деб ёна, Борлигингдан қувона. Ҳаётнинг тожи - ОНА, Тополмайсан онангни... Сен-чун адодир - адо, Сенга минг жони фидо. Бўлсанг гар бир кун жудо, Тополмайсан онангни... Кўзга сурт оёқ гардин, Йўлатма ҳаёт зарбин. Пойини ўп, ол дардин, Тополмайсан онангни... Етмасин дея озор, Акрам, жонни қил нисор. Минг ёзган шеъринг бекор, Тополмайсан онангни!.. Акрамжон АЗИЗОВ, Ўзбекистон, Фарғона, Олтиариқ.