Аъзам ЎКТАМ шеърлари

ИҚРОР Куй бўл қўшиғимга момогулдирак, Бунча гурсиллама, оғир бўл, юрак. Қийналдим, сиримни очишим керак – Бир бахтсиз аёлни севаман... Ҳар кун насибаси ҳақорат, қарғиш, Баҳори бир лаҳза, узун умри қиш. Бир истаги қолиш, минг аҳди кетиш – Бир бахтсиз аёлни севаман... Алдамчилик, ёлғон мендан наридир: У менинг жонимдир, малак, паридир. Биров деб яшади, мени деб қарийдир Бир бахтсиз аёлни севаман... Ўтда куйди, сувда чўкди йил, куни, Менга насиб этди ойдин бир туни. Энди ўлгим келар жим қучиб уни – Бир бахтсиз аёлни севаман... Аъзам  ЎКТАМ @shomuz  - Yo‘limiz  bir!

Аъзам Ўктам шеърияти… @Xayrulla_Hamidov_adabiyot

#Ёмғир_ёғмоқда ИБОДАТ ✍Аъзам Ўктам 🎙Қамариддин Бекмухаммад Расулуллоҳ соллаллоҳу алайҳи васаллам: «...ёмғир пайтидаги дуо рад қилинмайди», дедилар. Ёмғир ёққанда ўқиладиган дуо: اللَّهُمَّ صَيِّباً نَافِعاً «Аллоҳума соййибан наафиъан» Парвардигоро, фойдали (хайрли) ёмғир қил! Ушбу ёмғирли фурсатда яхши ният ва хайрли дуолар қилинг •┈┈┈┈•❈••✾••❈•┈┈┈┈• Биз билан бирга бўлинг https://telegram.me/joinchat/EBkeNT8wOXpAsSelKCAtIA

У кетди. Боғларим шумшайди ғариб, ғунчалар тумтайиб қарайди менга. “Кетманг”, дея олдим айрилар чоғи, “Хайр!” деб бўлмасди ҳеч қачон унга. У кетди, кетди-ю, энди шум ўйлар Санчилаверади мисли қора ўқ: Ў, энди у ҳатто тушларимга ҳам истаса киради, истамаса – йўқ... Аъзам  ЎКТАМ

ОРАЛИҚДА Жонимга тегмоқда барчаси бир-бир, Жон эса ҳалқумга келар охири. Битта мен йўқ бўлсам не бўпти ахир — Ўзбекнинг камайиб қолмас шоири. На Тошкент, на Қўқон билади мени, Ахир ўз-ўзимни алдаб, нетаман? Шу оппоқ қоғоздан яширай нени — Бир ўлиб кўрмадим, холос. Кетаман! Бир қалтис қулади кеч кузги офтоб, Чўққидан чўққига урилиб синди. Куннинг синиқлари бунчалар сероб — Улар юлдуз бўлиб милтирар энди. Яна бегоналар янглиғ турарман, Мезбонларга ўхшар отам ҳам онам. Қишлоқ кўчаларин кезиб юрарман, Танимас дўстимнинг болалари ҳам. Қийнагай ҳар нарса юракни эзиб: Шохи синиб қайтди қўчқор подадан. Аянчли ғингшийди кўнглимни бузиб, Итим яраланиб келди тўдадан. Сўнг тонгда жўнарман яна қалтираб, Ўз ҳолим ўйлайман аччиқ жилмайиб. Шаҳарда болалар кутар мўлтираб, Қишлоқда волидам қолар мунғайиб. 1990 © Аъзам ЎКТАМ

ЮПАНЧ Қизим Тўмарисга Сендан жуда хижолатдаман, уятлиман сенинг олдингда: Ижара уйда туғиласан, болам. Миннатдорман Дуся холамдан – бир ойлик ижара ҳақимдан кечиб, чақалоққа кийим ол, деди. Улар яшар қўшни хонада. Қўрқар эдим гоҳо ўзимча, Туғилсанг-у, йиғлаб безовта қилсанг, Чиқ, дермикин уйдан, деб. Лекин ўйлаб қарасам, йиғининг “Тили” бирдир ҳамма миллатда. Аччиғи келмайди демак холанинг, Тушунуксиз сўзларни тинглаб: Билиб қўй ҳозирдан, болам, Меҳмон одам кўп бизнинг Ватанда! Ўз-ўзимнинг уйим бўлар, эҳтимол, Эпчилроқ бўларсан мендан, бўларсан журъатлироқ. Айира оларсан ўз ҳаққингни сен, Кечирарсан отангни ҳам бемалол. Ҳар нарсани тушунадиган, кенг феъллироқ бўлсанг керак, ижара уйда туғилган болам... Аъзам ЎКТАМ (Бугун  - марҳум атоқли шоир Аъзам Ўктам туғилган кун. Илоҳим, устозимизнинг  охиратлари обод, руҳлари шод бўлсин 🤲) @shomuz   -  Yo‘limiz  bir!

Ўзи ҳам, сўзи ҳам ўктам эди …Бир гуруҳ қалам аҳли вақти-вақти билан дийдорлашиб турардик. Тоҳир Малик, Эмин Усмон жўрабоши. Ижод кишиларининг гурунги, дийдорлашуви баҳс-мунозарадан ҳоли бўлмаслиги табиий. Мен ўзимни камтарин-камсуқум деб юрсам, бу борада мендан ҳам “зўри” бор экан. Кейинроқ разм солсам, Аъзам Ўктам мендан-да оғир табиатли, ҳар гап-ҳар баҳс юзасидан ирғиб чиқавермас, гапиришдан кўра тинглашни афзал биладиганлар хилидан экан. Лабининг бир чеккасида кулимсираб, бош тебратиб, жимгина ўтириши кўз ўнгимдан кетмайди. Лекин маъюслик аралаш ўйчан нигоҳларидан ичи тўла гаплиги сезилиб турарди. Филология фанлари доктори Хуршид ДЎСТМУҲАММАДнинг Аъзам Ўктам ҳақида ёзган хотираномасини веб-сайтимизда ўқишингиз мумкин. Каналимизни кузатиб боринг👉Buvayda.info Web-sayt I Facebook I Youtube I Instagram

4 октябрь - ҳақгўй ва жасоратли шоир Аъзам Ўктам таваллуд топган кун Бир тўфон бош кўтармиш, Енг шимарган мардона. Қаҳратоннинг шаштидан, Еру-осмон ҳайрона. Оҳулар ҳам сув ичган, Мадор билган кафтини. Олам саҳар уйғонди, Қўмсаб меҳр тафтини. Жар солади омонат, Дунё ёпган эшиклар. Ўғлонини ўстириб, Бўш қолмасин бешиклар. Қуралайи мўлтираб, Гирён бўлса майлими. Шоирингни кўмсалар, Шодонликми,сайилми? Оҳ, юраги миллат деб, Уриб турган оғам-а! Сен тоғ эдинг, кечикмай, Мева туккан боғим-а. Арслон юрак шай бўлди, Бургут учар ҳамонда. Аъзам Ўктам руҳи бор, Адабиёт томонда. Шодия Умрзода✍️

ТАХМИН Қор ёкқани — излар босилгани ҳам Хўроз қичқиргани агар бўлса тонг; Шунга шукр қилиб яшаса одам, Бундан бошқасини сиғдирмаса онг — Кўкдан нур ёғилмас, Гул фақат сўлар. Агар чирт юмилса нур кўплигидан, Қизарса ўқибмас, жимгина йиғлаб; Ортга боқар бўлса — тиниб кетса, ҳам Ҳеч нима кўрмаса олдинга қараб — Бу кўзлар юмилмас, Фақат қум тўлар. Булутнинг қўйнидан чиқмаса офтоб, Нишонлар ўрнини босса совутнинг; Бўронлар жимлиги саналса одоб, Кўтарса аёллар, қизлар тобутни — Гўдаклар эр етмас, Йигитлар ўлар. Бош турса кўкракда, елкада эмас, Эзилиб, димиқиб ўлса ҳамият; Ҳеч ким йўл топмаса, чиқармаса сас, Баҳона қилинса муҳит, жамият — Узрлар гуноҳдан Ёмонроқ бўлар. 1987 ©Аъзам Ўктам