Олимлар минбари

#Янгилик Муножат Йўлчиева, Юлдуз Усмонова, Озодбек Назарбеков, Оғабек Собиров, Ёдгор Саъдиев энди Тожикистон халқ артисти бўлди 🎖Маълумот ўрнида: Ўзбекистонда Президент қарорига кўра, “Ўзбекистон Республикаси халқ артисти”, “Ўзбекистон Республикаси санъат арбоби”, “Ўзбекистон Республикаси халқ ёзувчиси”, “Ўзбекистон Республикаси халқ шоири" профессор илмий унвони даражасига тенглаштирилган. 🎖“Ўзбекистон Республикасида хизмат кўрсатган артист”, “Ўзбекистон Республикасида хизмат кўрсатган ёшлар мураббийси", “Ўзбекистон Республикасида хизмат кўрсатган журналист”, “Ўзбекистон Республикасида хизмат кўрсатган маданият ходими" доцент илмий унвони даражасига тенглаштирилади. @olimlar_minbari

#топилма Ахсикентда Қорахонийлар даврига мансуб турар-жой иншоотлари топилди Олим Шукрулло Насриддиновнинг сўзларига кўра, бу ўзига хос услубдаги синчли уйлар хом ва пишиқ ғиштлар билан қурилган. Аҳоли уйларида ошхона, ювиниш хонаси, иситиш сандаллари, супалари ва махсус хўжалик ўралари бўлган. «Уйларнинг ертўласи асосан пишиқ ғиштдан қурилган ва озиқ-овқат омборлари вазифасини ўтаган. Аҳоли турар жойлари қолдиқларидан деворий сурат намуналари ва ўйма ганчли нақшлар ҳам топилган. Демак XI-XII асрларда Ахсикент ахоли турар жойлари деворий суратлар билан безатилган. @olimlar_minbari

#Тадқиқот Сутка қисқарди(ми?) Қутб музларининг эриши сайёранинг айланиш тезлигининг ўзгаришига олиб келади, бу эса ўз навбатида глобал вақт ҳисобига таъсир қилади, деб хабар беради Калифорния тадқиқот университети олимлари. “Гренландия ва Антарктида музларининг сунъий йўлдош гравиметрияси ёрдамида ўлчанган тез эриши Ернинг бурчак тезлигини (айланиш) аввалгига қараганда қисқароқ вақт ичида камайишига сабаб бўлди... Бу ҳеч қачон кўрилмаган муаммони келтириб чиқаради.

Kомпьютер тармоқларини синхронлаштириш учун ва UTC (Universal Time) га режалаштирилганидан аввалроқ ўзгартиришлар киритишни талаб қилиши мумкин... Глобал исиш аллақачон глобал вақтни ҳисоблашга таъсир қилмоқда”, — дейишмоқда олимлар.

@olimlar_minbari

Ўзбекистон парламентини шакллантириш тартибига ўзгартиришлар киритилди Ўзгаришларга кўра, эндиликда: ➖айни бир шахс сурункасига икки муддатдан ортиқ Сенат раиси бўлиши мумкин эмас; ➖айни бир шахс сурункасига икки муддатдан ортиқ Қонунчилик палатаси спикери бўлиши мумкин эмас; ➖Қонунчилик палатаси депутати бир вақтда Қорақалпоғистон Жўқорғи Кенгеси, вилоят, туман, шаҳарлар депутати бўлиши мумкин эмас; ➖Сенаторлар Қорақалпоғистон, вилоятлар ва Тошкент шаҳри вакиллик органларидан тенг миқдорда — тўрт нафардан сайланади; ➖Сенатнинг тўққиз нафар аъзоси президент томонидан тайинланади. @olimlar_minbari

#Туғилган_кун Мирилҳом Солиҳов, тиббиёт фанлари доценти М. Солиҳов 1956 йилда Тошкент шаҳрида дунёга келган.  У “Ички касалликлар пропедевтикаси”, “Шифокор ва бемор”, “Тиббиёт касбига кириш” дарслиги, монографиялар, 60 дан ортиқ ўқув-услубий адабиётлар муаллифи. Мирилҳом Солихов айни пайтда Тошкент тиббиёт академиясида талабаларга сабоқ бериб келмоқда. @olimlar_minbari

Президент Шавкат Мирзиёев Ўзбекистон Фанлар академияси жамоасига табрик йўллади Жорий йилда Ўзбекистон Фанлар академияси ташкил этилганининг 80 йиллиги кенг нишонланмоқда. @olimlar_minbari

#Туғилган_кун Ажаб одати бор умр дарёсин, Дастлаб суст оқади, сокин, зўрба-зўр. Энди тушунганда ҳаёт маъносин Унинг шиддат билан оқишини кўр. Чамандек очилиб-сочилган эди, Ёшликнинг нафармон гуллари кеча. Қуритиб қўйибман, оҳ, билсам энди Умр дарёсини мен ича-ича... Бу мисралар таниқли ёзувчи ва олим, филология фанлари доктори, профессор Наим Каримовга тегишли. Бугун олим таваллуд топган кун. Ўзи айтгандек, шиддат билан оққан умри дарёсида у бежиз яшамади, беиз яшамади. Бугун уни яхши хотира билан эслашади, илмий меросидан фойдаланишади. ✅НАИМ КАРИМОВ ҲАҚИДАГИ МАҚОЛАНИ ЎҚИШ @olimlar_minbari

#янгилик ⚡️Энди мустақил изланувчилик (PhD, DSc) учун чет тили сертификати талаб этилмайди. @olimlar_minbari

ТАЪЗИЯ Тиббиёт фанлари доктори, профессор Умида Камилова 61 ёшида вафот этди. У. Камилова 1962 йилда туғилган. Тошкент давлат тиббиёт институтида бакалавр ва клиник ординатурани тамомлаган. Фаолиятини 1987 йил Кардиология илмий-текшириш институти поликлиникасида врач-кардиолог сифатида бошлаган. 2009–2023 йилларда Республика ихтисослаштирилган терапия ва тиббий реабилитация илмий-амалий тиббиёт марказида турли масъул лавозимларда меҳнат қилган. 2016 йилда “Меҳнат шуҳрати” ордени билан тақдирланган. @olimlar_minbari

#Туғилганкун Ҳалим Усмонхўжаев 1919 йили 20 ноябрда Тошкент шаҳрида туғилган. Академик назарий механикада қўлланиладиган атамаларнинг тушунча ва маъноларини рус тилидан ўзбек тилига таржима қилишда катта хисса қўшган. Батафсил @olimlar_minbari