ميثاقٌ غليظ 🔒♥️

🕊️ ”أن تكون الفَتاة سَكِينةً فاقِهةً أنوثتها، وتكون مسكيِنَةً مقبِلَة على ربِّها فتجمع بين السَّكن والرحمة فتكون جنَّةً عاجِلةً. وأعظم شيء في الدُّنيا فتاة علِمَت معنى أنَّها فتاة. ويكونُ العلمُ تاركًا آثاره العظمى عليها في حالِها لا في لِسَانِها، وفي عبَادتِها لا في ثَرثرتِها، وفي قيامها بين يدي ربِّها، لا فِي حُكمِها على النَّاس معصيةً أو فريًا لأعراضِهم أو طعنًا أو نميمةً أو غيبَةً“. - وجدان العلي. 🌿🌸💕

🛑 في زوجة لما تلاقي جوزها نازل عشان يقضي مصلحة لوالدته .. بتفكره انه يجدد نيته عشان ياخد ثواب بر الوالدين.. او بتشجعه على الصدقة ... او بتتحمل معاه أي ضائقة مادية في مقابل إن جوزها يأّكلهم حلال ومايلجأوش للحرام اللي بقى سهل. وفي زوجة بتتقمص لما جوزها يروح مشوار مع والدته وبتخترع أي مشوار عشان مايروحش معاها... وبتبقى شايفة إنها أولى من والدته بوقت جوزها.... او بتحبطه لما يحاول يعمل خير بفلوسه لانها شايفة إنها أولى بيها. 🛑 في راجل بيحاول يخفف الضغط والمسئوليات عن مراته شوية عشان تروح تساعد والدتها المريضة من باب البر ...او تروح تحفظ قرآن ..او تشارك في عمل ينفع الناس. وفي زوج ماعندوش إستعداد يتنازل او يضحي بأي بند من بنود راحته تحت أي ظرف. البيت اللى إتبنى على مجموعة من القيم المتغلفة بغلاف الحب.. الزوجين فيه بيدعموا بعض وبيقفوا في ضهر بعض عشان يحققوا القيم دي. البيت اللي مسيطر عليه القوانين المادية الدنيوية والمصالح .... الزوجين فيه بيختلفوا كتير وبيتعودوا انهم يتعاملوا مع بعض بأنانية وسوء نية مع مرور الوقت. منقول 🍃 ♥️✨

وانت داخل البيت ... اهتم بلحظة دخولك ... لو معاك تليفون حاول تقفله قبل ما تفتح الباب .. ادخل سلم على زوجتك واولادك وانت مبتسم ... سلم عليهم وأحضنهم . لو في حاجة سلبية شوفتها في البيت اول ما دخلت مش لازم تدي تعليق دلوقتي .. سلم عليهم حلو الأول... وبعد شوية قول اللي انت عاوزه لما جوزك يدخل البيت ... سيبي اللي في إيدك وروحي استقبليه ... لو كنتي قاعده قومي وسلمي عليه و إحضنيه ... حسسيه إنك مهتمة بدخلته عليكم . لو جايب حاجة عشانكم اشكريه وقوليله كلمتين حلوين. ولو في حاجة مضايقاكي (مش طارئة) خبيها شوية لحد ما يغير هدومه وياكل لقمة ويريح وبعد كده فاتحيه فيها ... مش صح انك تستقبليه ووشك مقلوب مهم لما نصحى الصبح ... نصبّح على بعض ... ونبتسم في وش بعض كلنا عندنا ضغوط ومشاكل ... لكن لازم نهتم بلحظات اللقاء والاستقبال لأنها من أهم لحظات اليوم ... لحظات ممكن تغير الموود بتاعنا ... وبتفتح نفسنا على التواصل الجيد ... وبتتحفر في الذاكرة والوجدان بتوعنا وبتوع أولادنا قال صلى الله عليه وسلم (( إنَّكم لن تسعوا الناسَ بأموالكم، ولكن يسعهم منكم بسط الوجه، وحُسن الخلق)) #دفا_البيوت #محمد_فتحي 🤎✨

مَن كانَ لهُ من يُحِبُّه فليَسأل اللّٰهَ ثباتَ القَلبِ وصدق الحُبِّ، وليتَمَسَّك به غيورًا عَليهِ كأنَّهُ بعضُ أنفاسِه! -أ. قصيّ عاصم. 🤎

بعض النساء تصلح أما ولا تصلح زوجة وبعض الرجال يصلح أبا ولا يصلح زوجا. وبعض النساء تصلح زوجة ولا تصلح أما ، وبعض الرجال يصلح زوجا ولا يصلح أبا . والبعض لا يصلح للانجاب أو للزواج. والمعادلة التى بها تحديات وتحتاج لصبر ومهارات وتوازن وفهم عميق للدين وروحه أن تكون : زوجة وأما وزوجا وأبا .

على أنني ما ذهبتُ بعيدًا، ولا طلبتُ مستحيلًا! فكل ما أطمعُ فيه من جمال هذا العالم وزخرفه.. رفيق آنس بقربه وجواره، وأجد لذة العيش في الكون معه، والسكونِ إليه. - المنفلوطي.🤎

حافظ على ريحة نَفَسَك و شكل دقنك وشعرك زي ما هي بتلمح لك كل فترة... واسمع حكاياتها اللي ممكن تبقى تافهة من وجهة نظرك زي ما هي بتحب... ماتنساش الحاجة الحلوة اللي طلبتها منك اكتر من مرة ... وبالهدية الصغيرة بتاعة المناسبة اللي هي بتحبها .. بلاش تتريق عليها قدام اهلك زي ما طلبت منك . خليكي حريصة انك تقدمي الاكل بدون تأخير زي ما هو أكد أكتر من مرة ... خيّطي الهدوم اللي طلب منك انك تخيطيها كذا مرة ونسيتي في زحمة المسئوليات .. بلاش تستخدمي الكلمة اللي هو قالك انه مش بيحب يسمعها منك .... بلاش تلبسي الهدوم اللي هو مش بيحبها. اهتموا بالطلبات الصغيرة .... إهمال الطلبات الصغيرة بيكدر العلاقة ... وبيتراكم على المشاكل الكبيرة وبيخليها تكبر أكتر. والعكس تلبية الطلبات الصغيرة البسيطة بيحفظ الود ... وبيسندنا وقت المشاكل الكبيرة. #دفا_البيوت #محمد_فتحي 🥀

القُرب مسافة .. والاحترام مساحة، رسول الله كان حبه لعائشة كما نعلم لكنه كان يستأذن قبل دخول الحُجُرات . وكانت علاقته بالصحابة كما نعرف لكنه كان حريصا على احترام الخصوصيات. رُقي العلاقات يكمن في ذوبان المسافات مع احترام المساحات .. وذلك هو المُرتقى الصعب.. والميزان الدقيق. د.هبة رؤوف :) 🤎🍂

المرأة (السوية) لن تعطي عطاء أصيل وعميق حتى تأمن. وكلما أمنت كلما أعطت. والأمان أنواع: أمان نفسي ومنه العاطفي، وأمان مادي ومنه المالي، وأمان اجتماعي ومنه تدابير الحماية بأنواعها. ولا يعطي أو يدرك أصلا تلك الأنواع -حتى لو لم يعلم مسمياتها- إلا رجل ذو مروءة ونفس سوية وعقل راجح ورجولة حقيقية. -مقتبس 🍂

‏لا يُوجد سَكَن لحيَاة الإنسَان إلّا مَع زَوجه. _ ياسر الحزِيمي •|💫