أحتياج 💙

‏"اللهم بصيرةَ الطريق، وعونَ الرفيق، وزادَ الروح، وقوة الطمُوح، وتمهيد الدروب، وفتح الأبواب.. وألا نكون عبئًا في الدُّنيا، بك ومنك وإليك."🫶🏻💙🫧

عاوز بالك يروق ومتاخدش علي خاطرك من حد! إعمل زي النبي ﷺ متبقاش فضولي ، ومتحاولش تعرف إيه اللي بيتقال عنك من ورا ضهرك.. سيدنا محمد ﷺ كان بيوصي أصحابه ويقولهم : لا يُبلغني أحد عن أحد شيئًا ، فإني أحب أن أخرج إليكم وانا سليم الصدر.

"المشاعر لا تُناقَش" "مش من حقك خالص تحاسبني أنا اتضايقت ليه وقد إيه من الموقف الفُلاني اللي حصل حتى لو تحت مُسمى إن الموضوع مايستاهلش وليه الأڤورة وازاي محموق أوي كده! كُلنا عندنا history جوانا وكُل موقف بيضغط على حاجة قديمة ماطلعتش في وقتها؛ فبدل ما بنتوجع قيراط بنتوجع ٢٤ لذلك مش من حقك تحدد لي مقدار الزعل اللي المفروض أزعله أو أتضايق علشانه لأنك -ببساطة- ماتعرفش ده داس على إيه جوايا." وأخيرًا: لو مش هتخفف عني.. ماتزوّدش.

اهتمام حد بيك وقت حزنك هيخليك تحبه غصب عنك .

مينفعش تبقى مرتاح وانت شخص بتركز ع التفاصيل الصغيرة .

يتعافى الإنسان بالشتا لان طول ما احنا عايشين في الجو ده مش هنتعافى .

كله هييجي بس تدريجي .

اجمل ست في العالم هي ست ملايين دولار .

يارب عايز علامه وعلامه تفهمني إن دي علامه .

الحر بيصعب الحياة اكتر ما هي صعبه .

انت عملت كل حاجه تقدر تعملها ف متجيش على نفسك اكتر من كده .

من فترة مش بعيده عدت عليا لحظات كده كان نفسي حد يجي يقولي أن انت ماشي صح ، فكرة أن انت مش عارف الصح من الغلط وماشي ف الدنيا كده .. فكرة غريبه شويه بس يمكن الحاجه الي بتطمنك في وقت زي ده ، إن ربنا موجود معاك ومش هيسيبك ، المهم انت متكونش ناسيه ف طريقك بس وترجع تسأل هو انا ليه تايه .

مبعرفش اخبي مشاعري نهائى مهما حاولت، فلو حاسس من تصرفاتي وكلامي إني بحبك فـ دي حقيقة، ولو حاسس إني اتقفلت وباخد جنب فـ دي برضه حقيقة، أنا مش بدي mixed signals أبدًا وشعوري ناحيتك هيبان في كل أفعالي .

الايام هتجبرك تتجاهل حاجات كانت كل اهتمامك .

‏عمري ما عملت حاجة لحد عشان مستني مقابل ،كل همي انه يبقى مبسوط وبس .

اكبر غلطه ممكن تعملها لو حاسس ان انت وحيد هي ان انت ترجع تكلم شخص Toxic أو مؤذي بالنسبالك مينفعش تشرب سِم بمجرد إن انت عطشان .

غلطت ؟ عادي ما انت اتعلمت برضو من الغلطه دي مغلطتش على الفاضي يعني خسرت ؟ برضو عادي المره الجايه هتعوض متقعدش طول الوقت تتحسر على كُل اللي بيحصل علشان الحياه قصيره لو فضلت تتحسر على كُل حاجه كدا مش هتلحق تعيش ولا هتلحق تعوض أي حاجه .

‏كل واحد فينا عنده حتة اتكسرت في حدث مر بيه في حياته واتهدم حتة من شخصيته الهدم ده سر معاناته ولو اتعامل مع حد بالكسرة اللي فيه ممكن يدفعه ثمن هو مالوش ذنب فيه السر إنك تحاول تعرف إيه اللي اتكسر فيك وتحاول تعالج رميمك علشان تكمل الحياة بسلام وكل اللي حواليك كمان يعيشوا معاك في سلام.

مفيش حاجه بتحصلك صدفه كلها إشارات بتقولك انت ماشي ف طريق صح او غلط ف متفضلش تتجاهلها لحد ما بيجي اليوم الي تعرف فيه ربنا بعتهالك ليه .

في فرق بين حد بيحبك وحد بيعرف يحبك بالطريقة الي بتحب تتحب فيها .