Available now! Telegram Research 2025 — the year's key insights 
ژاورودخبر
Open in Telegram
اخبار رسمی و بروز ایران ،مخصوصا روستاهای ژاورود را در کانال ژاورود خبر دنبال کنید . بهترین ها را برایتان آرزومندیم ،با ما همراه باشید آیدی جهت تبلیغات و ارسال عکس ،فیلم و سوژه های خبری👇 @N_javerod
Show more8 540
Subscribers
+224 hours
+27 days
-630 days
Posts Archive
8 540
🌾دوشنبه و اولین روز تیر ماهتون بخیر
💐امیدوارم این شروع تازه
🌾براتون پر از حال خوب، آرامش
💐موفقیت و اتفاقهای قشنگ باشه
🌾دوشنبه تابستونیتون زیبـا
🌺🌺🌺🌺🌺@javerod🌺🌺🌺🌺🌺
👈اینستاگرام #ژاورودخبر را در اینجا دنبال کنید
👇
http://Www.Instagram.com/javerod1
8 540
🗓 ئارۆ دوەشەممە
🌾 ۱و "کۆپڕ"وو ۲۷۲۶ی هەورامی
🌾 ۱و تیر"وو ۱۴۰۵ی کۆچی ڕۆجیاری
🌾۲۲و ژۆئە ن"وو٢٠٢٦ ی زایینی
🌾 ۷و مۆحەڕەم"و ۱۴۴۸ی کۆچی مانگی
@javerod
8 540
#new #هوش_مصنوعی
🎧بێ تاقەتی..
✍شعر: قانع چشمیدری
💻🎼تولید،تنظیم و اجرای هوش مصنوعی:
آرش رحمانی
کەی نجاتم بۆ جە دەردا، بۆ وەسێن بێتاقەتی من بیا مەجنوونوو هەردا،بۆ وەسێن بێتاقەتی ئی وەهارە سەوزە حەیفا با خەزان نەو تێکەڵش من گەڵاو شادٚیم چە زەردا،بۆ وەسێن بێتاقەتی تەژنەما پەی تۆ دیەی من، تاقەتم بێتاقەتەن من جە دووری تۆوە مەردا،بۆ وەسێن بێتاقەتی مەڵهەمەن یادٚ و خەیاڵت پەی دڵەی بێتاقەتم من خەیاڵت لێنە بەردا،بۆ وەسێن بێتاقەتی تاڵەتاڵەو لاو سەرەو من چەرمە ڕەنگەن بێوەفا دەی چەنی یادۆ نەکەردا،بۆ وەسێن بێتاقەتی@javerod
8 540
ه꧂ ᪣ #بە_تاوانوو_کناچە_بیەیم ᪣ ꧁ه
📝بەشوو چواردەهۆمی
عازا تەلەفزیۆنەکەم گیسنانە.گووشیەکەم بەر ئاورد دلێ کیفەکەیمەنە، خەروارێو پەیغامێ نەویدیم پەی ئامێبێنێ.بەڵام نزیک بە ئاخری گردش هەڕەشێ بێنێ کە پەی چێ جوابم نمەدٚیوە؟گووشیەکەم فڕە دا پەی سەروو موبلەکێ.لوانی قاویەم وەش کەرد.دیسان دەنگوو پەیغامی ئاما.تەنانەت حەزیچ نەکەرێنا نامێ نەویدی دلێ گووشیمەنە بۆ. شوکروو خودٚای ئیجارە نەوید نەبێ. سینا بێ.هەواڵش پەرسایبێنێ،نویستەبێش تەنیاینی،خۆ نمەتەرسی؟
نوویستم:نە نمەتەرسوو،پا جوابە داموە نزیک بە یەک سەعاتی خەریکوو پەیغام کیانەی بێنمێ.سینا پەیغامێ کیانێ و منیچ جواب دێناوە.من کناچێو تازە پەنەیاوای بێنێ کە حیچ وەخت لایاونو پیایێوە موحێبەتم پەنە نەکریابێ.چوون کە ئا شەوەیچە تەنیای بێنێ و تەرسێنا،وێم سەرقاڵوو گووشی کەرد.شۆنی یەک سەعاتیرە سینا زەنگش دا. ئێتر جە قسەکەردەی چەنیش ڕوە نەکەرێنا،چا ماواو یەک سەعاتینە حەرچی بێ و نەبێ واتما بە یۆترینی.سەعات زیاتەریچ بێ تەلەفوونی قسێما کەردێ.شۆنی قسەکامارە و وەختوو خودٚاحافێزی کەردەینە سینا واتش:چێوێو واچوو؟
واتم:واچە، واتش:چا وەختەوە من وەروو بەرەو یانەیتانە بیەنا، دلێ ماشینینە.بە سەرەسڕمەنایەوە لوانی لاو دەلاقەکەی،دیم ڕاس ماچۆ.دەسێوەش پەی بەرز کەردانیوە.واتم:خۆ من دیم لوای.واتش:دڵم ناما بلوو واتم نەکوو تەرسی و ڕوەت نەبۆ لاو منوە واچی. ڕێک واچوو ئا ساتە و پا کارشە دڵم کەوت تەپە پەی سینای و هەستوو وەشەسیاییم پەنە کەرد.دەس و پاو وێم گم کەرد و گڕ وەر بینە لاشەم.چانەیە پەی ئەوڵ کەڕەتی چی دنیای پەی یەک نەفەری پیای ئننە موهێمە بیێبوو گەشە بیێنبێناوە،نەتاوێنا وەروو ئا گردە هەستوو ئێحساسیمە گێروو.واتم بە سینای شەڵڵای زووتەر واتایات هەنا چاگەنە،بەرە هاڵی مەکەروو بۆ یانە قاوەیە بوەرە.سینا جە خودٚایش بێ،واوخواش نەکەردوە زوو ئاما چوەر.گاهەز ئیسە گردیتا لۆمەم کەردێ.من لایانوو پیاوە ئەسڵەن موحێبەتم نەدٚیەبێ.تەژنەو زەڕێو موحێبەتی بێنێ.
ئا ماواو چوار پەنج مانگەیچەنە شووم کەردەبێ بە نەویدی غەیر شەڕی زیاتەر حیچم نەدٚیەبێ چەنەش.منێو کە بە خاستەرین و وەشتەرین شێوە مەراسموو زەماوەنێم پەی گیریابێ.فەقەت و فەقەت تەمادٚارەو نەختێو موحێبەتی بێنێ.دلێ ئا گردە شەق و لەقوو نەویدینە و بێموحێبەتیاشەنە کتووپڕ سینا سەروو ڕایش گێرتانی.سینا جە قەدٚ و باڵا و زەریفینە حیچش جە نەویدی کەم نەبێ.زیادٚوو گردی وەش کەلامیش و ئانەشە کە بزانۆ چەنی قسێ کەرۆ و دڵوو کناچێوە به دەس بارۆ،چی جۆر هۆشش پەوشوە بۆ.گردوو ئا خسڵەتاشە بێنێ.خولاسە واچوو منیچ بەشەرە بێنێ و ئێحساسم بێ و خامەو سینای بیانی.وەختێو سینا ئاما یانە حێسێو وەشم پەی ئاما.هەم وەشحاڵە بێنا و هەمیچ هەستوو گۆناباری کەرێنا.حەر فکرم لاو نەویدیوە بێ واچێنا ئەگەر کتووپڕ بەیوە چێش کەروو؟سینا عازا مەژگیم وانێوە و واتش:چێشەن پاییزە نەکەریۆ پەشیمانە بی منت خوڵکە کەردانی؟حەتمەن تەرسی ئانەیتەنە کتووپڕ نەوید بەیوە!!
واتم: دەقێقەن،خاست زانا.سینای وات: نێگەرانە نەبی،ئارمانی برام هەن چەنی نەویدی،وەڵێ ئانەینە بەوو یانەتا چەنیش قسێم کەردێ،واتش: تا دوێ یەرێ روێتەر ئێجا هەرمانەشا تەمامە بۆ.
سینا بە دەموو خوایوە درێژەش دا بە قساش و واتش:تازە نەویدیچ مشۆم مەمنوونوو من بۆ هاگام ژەنەکێشەن و نمازوو تەنیای بۆ.واتش: پاییزە تەرس و خیاڵی دوور وزەوە و فکری خراو نەکەری. هەناسێوەم هۆرکێشت و لوانی ئاشپەزخانە تا پیاڵێو قاوەش پەی باروو. خەریکە بێنا سینیەکەی نیێنا سەروو کابینێتەکێ لام کەردوە کتووپڕ سینا هەن پەشتەو سەرەیموە.هەوڵە بیانی و چن هەنگامێ لوانی دماوە.سینا عازا داواو بەخشەیش چەنە کەردانی و واتش:تەرسای،بەخشەم.دمای چەنەم دوور کەوتوە و لوا هاڵە.چن چرکە ساتێو بێدەنگ بی،حەر هاڵەنە واتش: پاییزە چ یانێو وەشتا نیان یۆوە،گرد چێو بە ڕێکوپێکی چنیانەرە. سپاسم پەنە وات و بە سینی قاوەکەیوە لوانی واراوەرشوە نیشتانیرە.سینا نە ئاوردش و نە بەردش ڕێک واتش:ئاخخخ پاییزە وەشڵەی وەڵێ نەویدی تۆم شناسایانی. تۆ ئا ژەنە جیاوازێنی هەکە من دڵم واسەبیەنش.
چانەیە کە بێ ڕوو دەربایس قسێش کەردێ حەساوی پەشۆکیانی،بەڵام دڵوو وێمەنە وەشحاڵە بێنا کە چی دنیای یۆ هەن حێسو وەشەسیایش پەنەم بۆ.واتم:بە قەوڵوو وێت کاروو دنیای پێچەوانەن. هەمیشە بنیادٚم پا چێوەی گەرەکشەن نمیاوۆ.منیچ ئاواتە موازوو شەڵڵای بە شەڵڵای خودٚای زەمان گێڵایاوە دماوە و حیچ وەخت کەسیە بە نامێ نەویدی نامایا دلێ ژیوایم.مزانی ئی چن وەختە چ عەزابێوەش داینا.سینای وات: ئەگەر متمانەم پەنە کەری من قەوڵ مدٚەوو کومەکت کەروو و ئی کێشەتە وەش بۆ. ئەڵبەتە بە یاردەی یۆترینی.
دیسان قەوڵ مدٚەوو تا ئاخرش هەنا و جیات نمازوو...
درێژەش هەن...
8 بهشه مهنن🌹
✍ #شەریفی_بێساران
#ژاورودخبر
@javerod
8 540
🗓 ئارۆ یەکشەممە
🍒۳۱و چێڵکڕ"وو ۲۷۲۶ هەورامی
🍓۳۱و خۆرداد"وو ۱۴۰۵ی کۆچی ڕۆجیاری
🍒۲۱و ژۆئە ن"وو٢٠٢٦ ی زایینی
🍓 ۶و مۆحەڕەم"و ۱۴۴۸ی کۆچی مانگی
@javerod
8 540
🎶سەوزێ گیان❤ 🎶
دەنگ 🎙️: #زاهێد_نوێنی🌺
زەمین ڕەنگ کەردەن گاوگوراڵەی سوور دەڵیە کۆچشا کەرد لوەینە هەیشوور
ئێساڵ بەننەنت کەردەن بە چۆڵی
دەرەویان چەنی کراویەدۆڵ، گوڵی
ئا وەختە زانی وەشی هەواری
هەوار بە پێشواز تۆ تەشریف ماری
8 540
ه꧂ ᪣ #بە_تاوانوو_کناچە_بیەیم ᪣ ꧁ه
📝بەشوو سێنزەهۆمی
چوون من ژەنەو شووی بێنێ و زانێنا شووم وەشش نمەی. واتم با گێچەڵێوەم پەی نەخێزیۆ ژیرانە و بە ئەدەبێوە پەنەش واتم: من فرەم پۆوە مشۆ تا جموورە دەست وەش بۆ مزاحێمەت نمەوو متاوی تۆ تەشریف بەری، وێم دمایی زەنگ مدٚەوو پەی ئاژانسی بەی شۆنیم. گووشیەکەش قەت کەرد و حیچش نەوات. وێم حازر کەرد و زەنگم دا پەی ئاژانسی و لوانیرە وار. ناباوەڕانە دیم سینا هەن وەروو بەرینە و پاڵش دان ماشینەکەشوە و تەلەفوونی قسێ مەکەرۆ. تا چەمش کەوت پەنەم تەلەفوونەکەش قەت کەرد و بەرەو ماشینەکەیش هاڵی کەرد و واتش: ئاژانسەکەم جواب کەرد بۆ سووارە بە. نێگەرانوو نەویدی نەبی ئیسە چەنی وێش قسێم کەردێ. کەوتانینە و نەوەدڵ سووارە بیانی. سینای وات، نەواتم بە نەویدی کە گەرەکتەن بلی یانەو ئەدٚا گەورێت. ڕاسەکێش واتم پەنەت واچوو حیچ چێوێو ئەرزشوو ئانەیشە نیەن هەکە وێت کوشیوە پەیش. پەیچێ ئا کارتە کەردەبێ؟ قسێوەم نەکردە بێدەنگ چەمێم نیای یۆرە. چوون کە حەز نەکەرێنا چانە زیاتەر سینا درێژە بە قسا بدٚەو. فرەش پۆوە نەشی سینای وات یاوایمێ، دلێ ماشینینە وەسانیرە.
واتش: ماتڵەت بوو؟
واتم: نە مەمنوون، گەرەکمەن شەوێ چیگەنە مانووە.
واتش: باش زەنگوو بەرەی بدٚە و بلۆ یانە منیچ ملوو..
گەرەکم بێ واچوو ماچی خانەگۆمانی دلێ یانەیتانە ئێرسین بەڵام وێم گێرت و بێدەنگە بیانی. چن جارێ زەنگم دا، دمایی تەقەیچم دا، بەڵام کەس بەرەش هاڵی نەکەرد. سینا حەر پاسە نمدرابێ پێسە واچی وێش زانێ چ خەوەرەن و کەس نیەن. زەنگم دا پەی گووشیەکەو ئەدٚا گەورێم واتش: ئاشنایێوەما فەوتش کەردەن هەنمێ سەروو زیارەتیوە، بە دڵسەردیەوە گووشیم قەت کەرد، وردوو سینایوە بیانی. سینای وات: بۆ بنیشەرە وێم میاۆنووتوە یانە. بە دڵێو ناڕەزا سووارە بیانی، دیسان چەمێم قووجنایوە واتم با قسێم چەنی نەکەرۆ. کەمێو لوا، بە لاچەمێو سەرەنجم دا ڕاکێش واڕا.. عازا واتم پەیچێ پاگەرە ملی؟ سینای وات نێگەرانە مەبە ئەو لا شلۆقەن بۆنەو ئانەیوە پیگەرە ئامانی. دیسان چەمێم نیاوە یۆرە، ڕاسەکێش حەز نەکەرێنا چەنیش هامکەلامە بوو. دڵەڕاوکێ گێرتێبێنێ. سەرەنجم دا جیای ئانەیە بلۆوە یانە، وەروو بەرەو ڕستوورانێونە نمدرا واتش: خاتوو پاییزە وەزەرە با چیگەنە تیکێو نان بوەرمێ. واتم تکات وەنە بۆ من بیاونەوە یانە، چوون نەواتەنم بە نەویدیچ نمەتاوو بەوو ڕستووران. سینای واتش: ڕاسەت گەرەکە بۆ گەرەکمەن بڕێو قسێت چەنی کەروو. گەرەکمەن کۆمەکت کەروو، ڕستووران خاستەرین یاگێنە تا بتاومێ دوێ قسێ کەرمێ. جە یانەی و تەلەفوونی خاستەرەن.
واتم: دڵنیاینا نەوید بزانۆ پەنەش ناوەشەن. سینا واتش: ئەی وەشڵەیم بە نەویدی پا گردە شێتیشوە دیسان نەزەرەش پەیت مۆهێمەنە. واتش: باشەن خەبەرش پەنە مدٚەوو بەڵام نمەواچوو تەنیاینمێ، ماچوو سارایچ هەنە چەنیما. واتم باشەن زەنگ بدٚە با سارایچ بەی تا بە درۆزن بەرێ نەشمێ. سینای وات: خاتوو پاییزە سارا هاگاش مۆشکێڵ و گرفتاریاو نەویدی نیەنە، نەویدیچ حەز نمەکەرۆ کەس بزانۆ. پا قسێشە بێدەنگە بیانی و وەسانیرە. لوایمێ ڕستوورانەکە. سینا چاشتیش سفارش دا و واتش: خاتوو پاییزە من نەویدم فرە وەش گەرەکەن، فرە پەنەم وەشەن کێشە و موشکڵێش چارەسەر کریا. بۆ با بە یۆوە کۆمەکش کەرمێ. بە تووڕەییوە واتم ئاغە سینا من ماتڵەو ئەدٚا گەرورێمەنا بەیوە، گەرکمەن جە نەویدی جیای بووە. سینای وات نەوید پا ڕاحەتیە تۆ تەڵاق نمەدٚو چوون فرە وەشەش گەرەکەنی. واتم: من ئێتر کارم نیەن سەروو نەویدیوە، نمەنیشوورە لاشوە. سینا واتش: نەوید خەتەرناکتەر چانەینە کە تۆ مزانیش. ئەگەریچ تەڵاقت گەرەک بۆ مشۆم بمدری تا نەختێو حاڵش خاس بۆ ئێجا جیای بیوە چەنەش. نەوید تاقە کوڕەن بابەیچش ملهۆڕەن، گرد کارێو دەسشانە بەرمەی و گۆزەرانت مەبڕا. بە نەزەرەم چەنیش بژیوە و گردوو فکریت بنیەرە پەی سڵامەتی نەویدی. ئەگەر نەوید خاس بۆوە عالتەرین پیاش چەنە بەرمەی. حەر چیشا ئاورد سینا گردش وارد. بەڵام من حەر بە چەمچەکەیم گەمەم پەنە کەرد. وەختێو دیم نان واردەیش تەمامیا، واتم: ئەگەر بیاونیموە یانە مەمنوونەت بوو، ئەگەریچ وەختت نەبۆ مزاحێمەت نمەوو وێم بە دانێو تاکسی ملووە.
سینا عازا دەوروو دەمیش پۆختە کەردوە و واتش: حەتم میاونووت، بەڵام خۆ تۆ حیچت نەواردەن. واتم: ئەشتاهام نیەنە، گەرەکمەن زوو بلووە پەی یانەی. سینا حەق و حەساوش کەرد و منش یاونانیوە. وەروو بەرینە خودٚا حافێزیم چەنی کەرد و دەس وەشیم پەنە وات. خەریکە بێنێ بەرە هاڵی کەرێنا چ سینای وات: ئانە خوڵکەم نمەکەری بەوو یانە؟؟
واتم سەروو چەمی، بەڵام با وەختێو نەوید یانەنە بۆ. عازا بەرەکەم ژەنا، بە دەنگوو بۆڕەو ماشینەکەیشەرە زانام لوا..
ڕاسەکێش جە تەنیایی تەرسێنا، بەڵام حەر ئانە نەوید نەبێ ئەزیەتم کەرۆ، هەزار جارێ شوکروو خودٚای کەرێنا...
درێژەش هەن..........
✍ #شەریفی_بێساران
#ژاورودخبر
@javerod
8 540
🗓 ئارۆ شەممە
🍒۳۰و چێڵکڕ"وو ۲۷۲۶ هەورامی
🍓۳۰و خۆرداد"وو ۱۴۰۵ی کۆچی ڕۆجیاری
🍒۲۰و ژۆئە ن"وو٢٠٢٦ ی زایینی
🍓 ۵و مۆحەڕەم"و ۱۴۴۸ی کۆچی مانگی
@javerod
8 540
ه꧂ ᪣ #بە_تاوانوو_کناچە_بیەیم ᪣ ꧁ه
📝بەشوو دوانزەهۆمی
دەمش نیشت لەرزای، زانام بە زۆر وێش گێرتەن. ئێجا واتش: پاییزە گیان، من گووشیەکەت مدٚەوو پەنە، بەڵام یانەو بابەیت نیەنێ ئێرانەنە لواینێ پەی ئاڵمانی. چەمێم زاقوە کەردێ واتم: کەم دروێ بدٚە. ئەی پەیچێ لاو منوە دەنگشا نەکەردەن؟ نەوید واتش: وەڵڵا ڕاس ماچوو ئا وەختە ئێمە ترکیەنە بێنمێ ئادٚیشا لواینێ. ئامایوە یانە زەنگ بدٚە قسێشا چەنی کەرە. چەمێم قووجنای پەڕ بە دڵ هەرسیم متێرە پەی بێکەسیم و واتم: لوە بەر نەوید، لوە با نەوینووت. نەوید بۆنەو ئانەیوە ئابڕووش نەلۆ، لوا بەر و سارا ئاماوە لام. سارا حەر ئامە ئیدیم واتش: وەی کناچێ تۆ چننە لووسەنی..!! چ زوو دڵ تەنگوو نەویدی بییەی و گرەوی گێرتی. حەزم کەرد بێدەنگە بوو و حیچ نەواچوو. ئا شەوە سارا تا تاواش جە دەرسی و زانشگایش و دۆس و ڕەفێقیش قسێش کەردێ. واتش: کوڕێو ڕەفێقم هەن هامپۆلێنمێ قەرارەن بەی داوامەوەو زەماوەنە کەرمێ. تاقە یەک چێو واتم: حەسیەیدێوە. کتووپڕ سارا واتش: تۆ و نەوید وەشبەختێندێ؟ قسێوەم نەبێ پەی واتەی. نە تاوێنا ڕازەکێ نەویدیچ درکنوو، نە بە درۆچ واچوو وەشبەختەنا. حەر پاسە وێم بێدەنگ کەرد. سارا واتش: پاییزە..!! دلێ چەماتەنە میاوو بە خەمێو گەورێ ئێحساسم ماچۆ وەشبەختە نیەنی. پاسە مزانوو چەنی نەویدی موشکڵێوەتا هەنە. ڕاسش وەڵێ تۆنە چەنی سینای فرە ڕەفێقیشا وەش بێ و هامڕازێ یۆترینی بێنێ، بەڵام شۆنی ماوایێوەرە دوورێ کەوتێوە. تەنانەت بە سینای واتش: ئێتر وەشم نمەی نامێ نەویدی بژنەو. سارا نەختێو بێدەنگە بیە و درێژەش داوە بە قسا. ئەلبەتە ڕوێو هوکارش پەرسام، سینای وات ئا نەویدە گەوجە دانێو ڕەوانین، شێتەن. تەنانەت واتش نمەزانوو پاییزە چەنی تاوانش بەر بەرۆ و ئا ژیوایشە قەبووڵ کەرۆ؟
ئا شەوە فرە دڵم وازێ چەنی سارای دەردە دڵێ کەروو و دماییچ جە سینای کومەک گێروو، بەڵام نەتاوێنا. هەر جۆر نەو من دانیە غەریبێ بێنێ و ئادٚێ قەوم و کەسێ. ئێمکانش بێ گرد چێو بە زەرەروو من تەمام بیایا و دما جاریچ خەتا کریایا خەتاو من.
گرد چێوم دا دەسوو خودٚای و ڕۆزگاری. سەرسۆح بە یاگێ نەویدی سینا وێش دابێ دەق و پۆ ئامابێ پەی نەوەشخانەی، سڵامێوەش کەرد و واتش: نەوید وەرمی بەردەبێوە نەتاواش هۆرزۆ من بە یاگێش ئامانی تا کارەکا ڕێک وزوو. واتم حەتم حەساوی مەس بیەن و هایش نەبیەنوە پەوچی نەتاوانش بەی. دڵنیاینا سەروو وێش بیایا نازێ سینا بەی. لایێوەچەرە وەشحاڵە بیانی کە نامان. کاروو تەرخیسی تەمامیا و سوارێ ماشینی بیێمێ. سارا واتش: مشۆم بلمێ پەی یانەو ئێمە. واتم: نە ملووە یانەو وێما، گەرەکمەن چن ڕوێ تەنیای بوو. سارا دەسش کەرد خوای و واتش: ئەها مەبستت ئانەن چەنی نەویدی تەنیای بیدێ ئەرێ؟ واتم نا چوون نەوید ئارۆ هەرمانەش هەنە مشۆم بلۆ شۆنیشوە. بۆنەو ئانەیوە منیچ حەز مەکەروو ماوایێوە تەنیای بوو.
سینای وات: وەختێو نەوید نیەن یانی گەورەتەرین ئارامش. بە منیچ واتش یەرێ ڕوێ نیەنا. باوەڕم نەبێ بێخیاڵوو من بۆ و یەرێ ڕوێ جیام بازۆ. بە هەر حاڵ دڵەنە وەشیم کەوتەنە، بەڵام حیچم نەوات. یاوایمێوە یانە دیم نەوید نەبێ، یانە و یانە فرە شپرزە بێ، پاسە دیار بێ پەڵە پەڵ وێش پێچنابێوە تا بیاوو سەروو قەرای کاریش. نیم سەعات دماتەر ئاماوە یانە، منیچ عازا وێم کەرد وەرم. وەختێو دڵنیا بی کە هەنا بێئانەیە بەرەکەیچ بژەنۆ سەرموە زیارە.یام بۆنەو ئانەیوە بێ یەرێ ڕوێش پۆوە شێ، یام کە ویرش شی. لاو وێموە بە فرسەتم زانا واتم: تا نیەن بلوو سەرێو بدٚەوو ئەدٚا گەورێم و هەواڵێو بابەم و ئادٚیشا بزانوو و تا بزانوو قسێ نەویدی ڕاسەنە یام نە؟ وەڵێنە دووشێوەم گێرت و سەروو تەختەکەیوە پاڵ کەوتانی. مانیای بێنێ و تاقەتم نەبێ، چی مەگیرە وەرمم پۆرە کەوتەن. بە زڕەو زەنگوو گووشیەکەیم هایم بیوە. هێشتا دلێ وەرمینە بێنێ، باوەڕ نەکەرێنا گووشیەکەم بۆ. چوون کە گووشیەکەم لاو نەویدیوە بێ. نەختێو گێڵانی شۆنیشەرە ئاخرش هاڵەنە پێدٚام کەرد. بەڵام تا یاوانی قەت بی. سەرەنجم دا شمارەکە نەشناس بێ و چن جارێچ زەنگش دا بیەبێ. دڵەنە واچێنا داخم گێرووشوە بزانوو کێن؟
دیسان زەنگش واردەوە. جوابم داوە، دەنگشەرە شناسام. سینا بێ، واتش: سەرەم سڕ مەنە ئاخرش جوابت داوە؟ مزانی چن جارێ زەنگم دان؟ واتم خودٚا داخم چێشەن، گەرەکم بێ سارای کیانوو پەی ئاگەیە. واتم: سڵام، سینا بێدەنگ بێ و دەسش کەرد خوای، واتش: بەخشەم ئننە ناڕەحەتوو حاڵیت بێنێ سڵامەکەم ویر شی. نەوید منش کەچەڵ کەردانی ئننە زەنگش دا واچێ مشیایا سارا ناسایاش پاییزە تەنیای بۆ. تۆ زەنگ بدٚە هەواڵش بزانە و زەنگم پەی بدٚەوە چوون مەتەرسوو جوابوو من نەدٚوە. واتم پەنەش واچە ناڕاحتوو من نەبۆ حاڵم باشەن گەرەکمەن بلوو سەرێو یانەو ئەدٚا گەورێم بدٚەوو. سینای وات من هەنا وێم میاونووت.
درێژەش هەن..........
✍ #شەریفی_بێساران
#ژاورودخبر
@javerod
8 540
Repost from چشمیدر
این اثر به پاس یاد و خاطره زندهیاد سلام میرانی تقدیم میشود.🩶🌹
✍شعر: قانع چشمیدری
💻تولید، تنظیم و اجرای هوش مصنوعی: آرش رحمانی
بابەگیان تاکەی نیشوو بە دیارت بۆ با دڵوەش بۆ بە یەک دیدارت بە خاکی سپارام جەستەی بێگیانت ئی زامە چێش بێ جە دڵ نیانت جە تۆ نامای بێ جە من بیر کەردەی وێم دەلیلم هەن پەی دڵ پیر کەردەی چۆڵەن جە دووریت بازاروو زەوقیم نەبیەو تۆ مەدەو ئازاروو شەوقیم ڕەفێقەنا من چەنی خەیاڵیت نەوێ پەڕ کەرۆ کەس یاگێ هاڵیت بۆ واچە تا کەی هێجران بەشم بۆ خەیلێوەن ڕۆحم جیان جە لەشم بۆ بابەگیان تاکەی نیشوو بە دیارت بۆ با دڵوەش بۆ بە یەک دیدارت─┅─═ঊঈ 🩶 ঊঈ═─┅─ #کانال_تلگرامی_چشمیدر👇 🆔 @chashmidar1
