Aliyu M. Ahmad

Robin Sharma (2018) ya rubuta littafin "THE 5AM CLUB, OWN YOUR MORNING. ELEVATE YOUR LIFE" a inda yake nuna tasiri da falarar tashi da asuba ga lafiyar kwakwalwa, da nasarar rayuwa. A cikin shafi na 206 na cikin littafin ne ya kawo wani 20/20/20 RULE yadda za ka sadaukar da awar farko da ranarka domin samun kuzari da nutsuwa a wunin ranar: • 20 mins na farko, za ka motsa jiki, • 20 mins na biyu, ka yi meditation, • 20 mins na uku, ka ɗan karanta wani abu na ilimi. A irin wannan lokacin da Robin Sharma da ire-irensa, irin su Danielle North, Hal Elrod, Damon Zahariades.... ke ganin ya kamata mu fara gudanar da ranakunmu, mu kuma tuntuni Musulmai a tsarin addinin an wajabta mana tashi da asubar fari, mu yi sallar Asuba, an kuma kwaɗaitar mana yin zikiri safiya a irin daidai wannan lokacin, makamancin abon dake cikin "5 AM CLUB". Da asubar fari motsa jikinmu da meditation sune sallar Asuba da zikirin safiya. A cikin Alƙur'ani Mai girma, Ubangiji har yabon bayi masu Istighfari da asuba ya yi, cikin Adh-Ddhariyat aya ta 18. Ga hadisin Jundub ibn Abdullahi رضي الله عنه kan falalar sallar Asubah, cewa duk wanda ya sallaci sallar Asuba, yana cikin kariyar Allah a wannan wunin (Muslim, 657). Domin sanin falalolin ɗaiɗaikun zikiran safiya, duba 'Hisnul Muslim' na Al-Qahtani ko Al-Adhkar na Imam An-Nawawi رحمهما الله. Idan kana ga wata wayewa sama da ta addininka da al'adarka, hala ba ka fahimci manufofin Shari'a da al'adar taka ba ne, kuma LURA (ma) NE BA MA YI! #AliyuMAhmad #RayuwaDaNazari #AliMotives

Minimalism, ma’ana da tarihi da alakar da bangarorin rayuwa Minimalism da addini Minimalism da tunani Minimalism da lokaci da aiyuka Minimalism da tattali Minimalism da emotional intelligence Minimalism da mu’amala da mutane

Assalamu alaikum

In sha Allahu da misalin ƙarfe 8:30pm za mu yi lecture kan MINIMALISM a TELEGRAM

Assalamu alaikum Kamar yadda na ɗaga lecture da za mu a wancan lokaci zuwa 5th January, 2024 Yanzu haka ina mota kan hanya, ba lalle zan iya isa gida 8:30pm ba ma Ina kara ba da haƙuri, gobe Asabat in sha Allahu ina gida za mu gabatar da wannan karatu mai muhimmanci da misalin 8:30pm in sha Allah. Na gode sosai

Ban ga mai asara ba kamar mutumin da yake yana da aboki, abokin nan Allah ya yi masa baiwar ilimin addini, har wasu suna taso daga wasu wurare na nesa suna zuwa ɗaukar karatu wajensa, amma kai girman kai da raini sun hana ka sunkuyar da kai ka koya, ka koyi karatun addini a wajensa, kawai saboda shi ɗin abokinka ne? Ban ga mai asara ba kamar wanda yana aboki, abokin nan yana da wata sana'a. Cikin mutanen da suke kula masa da sana'arsan nan har da waɗanda suka girme shi, ga ka (kuma kai) kana zaune 'jobless' ba za ka iya zuwa ka ce masa kana son za ka yi aiki a ƙarƙarshinsa ba don ka rufawa kanka asiri, kawai don abokinka ne? Akwai waɗanda abokan ne ma za su nemi su zo su yi aiki tare, sai su 'rejecting' kawai saboda ba za su iya zama a ƙasan abokan da Allah ya ɗaukaka kafin su ba. Ban ga mai asara ba kamar wanda yana da aboki, abokin nan yana da wata baiwa da kwarewa (skills) da ake iya neman kuɗi da ita, misalin digital skills, tailoring, carpentery..., wasu mutanen (ma) daga nesa suna zuwa wajensa su koya, su koma su je su kafa kansu, amma kai saboda girman kai ai abokinka ne ba za ka koya ba a wajensa, kuma kana zaune 'jobless', saboda da kawai shi abokinka ne. Don abokinka ne, wanda kuka taso tare, ba za ka (iya) koyar abin arziƙi a wajensa ba? Amma ba za ka ji kunyar tambayar shi kuɗi ko bashin kuɗi, ko aron sutura ko abin hawa ba, don Allah ina tunani a nan? #AliyuMAhmad #RayuwaDaNazari #AliMotives http://aliyumahmad.blogspot.com/2024/01/aboki.html

. Lecture za mu gabatar kan falsafar MINIMALISM a rayuwa yau, mun ɗaga ta zuwa Alhamis 5th January, 2024 in sha Allah saboda wasu uzurai a daidai lokacin da aka saka a baya

Be a game changer of yourself in 2024. - Don’t settle your love for someone who lets you go so easily. - Go in the best shape you have ever seen in your lifetime. - Start Praying, even if you think He is not listening. Even if you think you did so wrong to yourself to go to him. - Write down how you see yourself becoming in upcoming years. You’ll be too dangerous with a plan. - Don’t feel hesitated to meet or do new things. You don’t know who and what will change your life. Shine well!

Akwai LAKCA ta musamman ga matasa irina, kan yadda zamu tunkari 2024 da falsafar MINIMALISM a tsarin rayuwa ta fuskar addini da zamani, Asabat 31/12/2023, 9pm a Telegram. https://t.me/aliyumahmad

Idan za ku yi iskancinku, Ku yi iskancinku, Ku yi rashin kunya, Ku yi batsarku, Amma a addinance, a kimiyyance babu wani abu 'shafumulera', duk camfi ne. Irin wannan (kuma) yana faruwa tsawon tarihi har a cikin Turawa da sauran fararen fara. Duk wanda ya yi imani hakan na faruwa, a 'psychology' mun san yana fama 'Koro Syndrome' da yake buƙatar ganin 'psychiatrist'. Camfi ne ka yi imani wani abu da ya saɓa da ɗabi'a zai same ka. Camfi a addini nau'i ne na shirka. Abdullahi bin Amr رضي الله عنه ya ce, Manzon Allah ﷺ na cewa, مَن ردته الطِّيرة عن حاجته فقد أشرك". Allah ya tsare mana imaninmu. Ya raba mu da sharrin talauci da matsi. #AliyuMAhmad #RayuwaDaNazari #AliMotives http://aliyumahmad.blogspot.com/2023/10/shafumulera.html

#Ahlari Littafin 𝗔𝗵𝗹𝗮𝗿𝗶, ko 𝗠𝗮𝘁𝗻 𝗔𝗹𝗸𝗵𝗱𝗮𝗿𝗶 (كتاب متن الأخضري في العبادات على مذهب الإمام مالك), 𝗜𝗺𝗮𝗺 𝗔𝗯𝘂 𝗬𝗮𝘇𝗶𝗱 𝗔𝗯𝗱𝘂𝗿𝗿𝗮𝗵𝗺𝗮𝗻 𝗯𝗶𝗻 𝗠u𝗵𝗮𝗺𝗺𝗮𝗱 𝗔𝗹-𝗔𝗸𝗵𝗱𝗮𝗿𝘆 (918AH – 983AH) ne ya rubuta shi. Littafi ne sananne na 𝗙𝗶ƙ𝗵𝘂𝗻 𝗠𝗮𝗹𝗶𝗸𝗶𝘆𝘆𝗮 da yake bayani kan ibada. Kuma shi ne littafi a matakin farko ga almajiran 𝗙𝗶ƙ𝗵𝘂𝗻 𝗠𝗮𝗹𝗶𝗸𝗶𝘆𝘆𝗮, kafin karatun 𝗙𝗶ƙ𝗵𝘂𝗹 𝗠𝘂𝗾𝗮𝗿𝗮𝗻, 𝗨𝘀𝘂𝗹𝘂𝗹 𝗙𝗶ƙ𝗵𝗶, 𝗞𝗮𝘄𝗮'𝗶𝗱𝘂𝗹 𝗙𝗶ƙ𝗵𝗶𝘆𝘆𝗮, 𝗠𝗮ƙ𝗮𝘀𝗶𝗱... * Mabiya 𝗺𝗮𝘇𝗵𝗮𝗯𝗮𝗿 𝗠𝗮𝗹𝗶𝗸𝗶𝘆𝘆𝗮 ta 𝗜𝗺𝗮𝗺 𝗠𝗮𝗹𝗶𝗸 𝗶𝗯𝗻 𝗔𝗻𝗮𝘀 رحمه الله(93AH – 19AH) yawancinsu Musulmai ne mazauna Arewaci da Yammacin Afrika, da UAE. A bi sa al’ada, a mafi yawan wurare, bayan kammala karatun 𝗔𝗛𝗟𝗔𝗥𝗜, ɗalibin zai ɗora da littafin 𝗔𝗹-𝗜𝘀𝗵𝗺𝗮𝘄𝗶, 𝗔𝗹-𝗜𝘇𝗶𝘆𝘆𝗮, 𝗥𝗶𝘀𝗮𝗹𝗮 ta 𝗶𝗯𝗻 𝗔𝗯𝗶 𝗭𝗮𝗶𝗱… har zuwa 𝗠𝘂𝗸𝗵𝘁𝗮𝘀𝗮𝗿 na 𝗞𝗵𝗮𝗹𝗶𝗹, 𝗠𝘂𝗱𝗮𝘄𝘄𝗮𝗺𝗮𝗻𝗮𝗵 ta 𝗦𝗮𝗵𝗻𝘂, 𝗦𝗵𝘂𝗿𝘂𝗵 na 𝗠𝘂𝘄𝗮𝘁𝘁𝗮 da sauran manyan littafan Fiƙhun Malikiyya. An ce, 𝗜𝗺𝗮𝗺𝘂𝗹 𝗔𝗹-𝗔𝗸𝗵𝗱𝗮𝗿𝗶 ya rasu kafin ya kammala rubuta littafin, saboda a niyyarsa, ya so ya rubuta littafin ibada da mu'alama bi sa Fiƙhun Malikiyya ne, sai Allah Ya karɓi rayuwarsa رحمه الله a daidai lokacin da ya zo “إِلاَّ أَنْ يَكْثُرَ النَّاسُ خَلْفَهُ فَيَتْرُكَ يَقِينَهُ وَيَرْجِعَ إِلَيْهِمْ” na fasalin Rafkanuwa na littafin. Dalilin ya sa ake bawa ɗalibin ilimi shawarar farawa da Ahlari shi ne, 𝗟𝗶𝘁𝘁𝗮𝗳𝗶𝗻 𝗔𝗵𝗹𝗮𝗿𝗶, 𝗕𝗔𝗜 𝗬𝗜𝗪𝗔 𝗬𝗔𝗥𝗔 𝗚𝗜𝗥𝗠𝗔 𝗕𝗔, 𝗕𝗔𝗜 𝗞𝗨𝗠𝗔 𝗬𝗜𝗪𝗔 𝗠𝗔𝗡𝗬𝗔 Ƙ𝗔𝗡Ƙ𝗔𝗡𝗧𝗔 𝗕𝗔. Farkon littafin ya fara da yadda mutum ya kamata ya kasance a matsayinsa na Musulmi (𝗻𝗲𝗺𝗮𝗻 𝗶𝗹𝗶𝗺𝗶, 𝗸𝗶𝘆𝗮𝘆𝗲 𝗱𝗼𝗸𝗼𝗸𝗶𝗻 𝗔𝗹𝗹𝗮𝗵, 𝘆𝗶𝗻 𝗺𝘂’𝗮𝗺𝗮𝗹𝗮 𝗺𝗮𝗶 𝗸𝘆𝗮𝘂…), sai kuma sai bayani kan ibada da ake yau-da-kullum (𝘁𝘀𝗮𝗿𝗸𝗶 da 𝘀𝗮𝗹𝗹𝗮𝗵). Mas’ala ta fi rikitar da mutane ma a cikin sallah ta 𝗿𝗮𝗳𝗸𝗮𝗻𝘂𝘄𝗮 (𝗦𝗮𝗵𝘄), akwai bayaninta dalla-dalla cikin littafin fiye da sauran litattafan da suke gaban 𝗔𝗵𝗹𝗮𝗿𝗶 (𝗔𝗹-𝗜𝘀𝗵𝗺𝗮𝘄𝘆 da 𝗔𝗹-𝗜𝘇𝗶𝘆𝘆𝗮𝗵). A matakin farko, idan kana son gyara ibadarka ta Sallah, ka fara da duba ‘𝗟𝗶𝘁𝘁𝗮𝗳𝗶𝗻 𝗔𝗵𝗹𝗮𝗿𝗶’ kafin kinkimo manyan littafan fiƙhu, ko littafan fiƙhun wata mazhabar. A ko’ina ake, idan ka samu malamin da zai iya karantar da kai sosai, tare da bayani filla-filla, za ka fahimci ibadar tsarki da sallah sosai. Saboda ci gaban zamani, akwai malaman da suka karantar da 𝗟𝗶𝘁𝘁𝗮𝗳𝗶𝗻 𝗔𝗵𝗹𝗮𝗿𝗶 aka ɗora karatun a yanar gizo (internet), ta yadda za ka iya sauƙe su a wayarka, kana bi, ko kana saurara: • Dr. Jabir Maihula bit.ly/AkhadriDrJabir • Dr. Jamilu Zarewa bit.ly/AkhadarDrJamilu • Dr. Zubairu Madaki bit.ly/AkhadariDrZubairu • Sheikh Abubakar bit.ly/AkhadariSAbubakar • Sheikh Khamis Almisry bit.ly/AkhadariKhamisMisry Akwai kuma fassarar 𝗟𝗶𝘁𝘁𝗮𝗳𝗶𝗻 𝗔𝗵𝗹𝗮𝗿𝗶 (Hausa da Turanci) a kasuwannin littafai na 𝗠𝗮𝗹. 𝗔𝗯𝘂𝗯𝗮𝗸𝗮𝗿 𝗠𝘂𝗵𝗮𝗺𝗺𝗮𝗱 𝗧𝘀𝗮𝗻𝗴𝗮𝗿𝘄𝗮, ko kuma mai 𝗳𝗮𝘀𝘀𝗮𝗿𝗮 (da Hausa) 𝗱𝗮 𝘀𝗵𝗮𝗿𝗵𝗶 na Dr Jamilu Zarewa. • Akwai PDF (Arabic): https://bit.ly/3aQrjv5 • Akwai PDF (Arabic-English) na Ibrahim Saidy : bit.ly/3Pp7xpx da na Muhammad Rami Nsour Al-Idrisi: bit.ly/3PGhBu1 Akwai Fassarar 𝗟𝗶𝘁𝘁𝗮𝗳𝗶𝗻 𝗔𝗵𝗹𝗮𝗿𝗶 na Hausa na “𝗔𝗻𝗱𝗿𝗼𝗶𝗱” a 𝗚𝗼𝗼𝗴𝗹𝗲 𝗣𝗹𝗮𝘆𝘀𝘁𝗼𝗿𝗲: • Maftal Amfay: bit.ly/3zkKuqo • Abubakar S. Salihu: bit.ly/3Bl9CyT “Duk wanda Allah Ya nufe shi da alheri, sai Ya sanar da shi addini” [Sahih Muslim, 1037]. Allah Ya datar da mu. ✍️𝗔𝗹𝗶𝘆𝘂 𝗠. 𝗔𝗵𝗺𝗮𝗱 21st Dhul-Hijjah, 1443AH 20th July, 2022CE #AliyuMAhmad #RayuwaDaNazari #Ahlari #AliyusLibray #Karatu #LattafinDonGyaranIbada

Ka dai yi gwargwadon yadda ba za ka gajiya ba, ba tare da harkokinka sun tsaya ba. Ka maye lokutan sharholiyya da lokacin bitar karatu, jin kaɗe-kaɗe ka maye su da sauraron karatu, ko darasi ko wata lakca mai fa'ida. A hankali za ka tara karatu mai yawa. A izinin Ubangiji, albarkacin neman ilimi da kyakkyawar niyya, sai ka ji wata nutsuwa da gamsuwa a cikin zuciyarka. ✍️ Aliyu M. Ahmad 15th Rabi’ul Awwal, 1444AH 11th October, 2022CE #AliyuMAhmad #RayuwaDaNazari #MusulunciDaRayuwa #AddiniDaRayuwa

Ba a makara a nema ilimi, Sannan ba a gaggawa a neman ilimi. Makararre shi ne wanda bai fara ba, ko da yaro ne. Na taɓa jin labarin wani malami (na manta sunansa) a ƙasar Hausa, wata rana yana yawo cikin gari tare da almajirinsa, sai suka wuce ta wata makaranta, wani dattijo yana ta ƙoƙarin koyon Alƙur’ani da kyar, sai wannan Almajirin ya ce: “uhm! Wannan ai ya makara”. Malaminsa ya ce, “a’a, bai makara ba, mu yi gaba zan nuna ma makararre”. Suna tafiya, sai suka zo wani taro, ana ta kiɗa, wani dattijo yana ta tiƙar rawa, sai malamin ya ce: “to, ka ga wannan, shi ne ya makara.” Akwai mutane da yawa da shekarunsu suka yi nisa, waɗanda ba su sami damar zuwa makaratun ‘koyon addini’ ba, a yarinta; sai yanzu da girma ya kama su ne, suke tunanin ya za a yi, su koma ɗaukar karatu. Wasu suna gani, sun girmi zuwa makaranta, ko kar su je a ga, suna ƙananan littafai, ko kunyar kasa karanta harrufan Alƙur’ani. Da yawa irin wannan kunyar na hana su zuwa karatu, ko da sun fara, sai su watsar. Babu wata falala da Ubangiji zai ma a rayuwa, fiye da ka fahimci addini (Sahih Muslim, 1037). 1. Ka nemi malamin da zai jure warkar da kai, domin a matakinka, ba kamar ƙaramin yaro ba ne. Sai malami nutsattse mai haƙuri, da iya lallami. Ya baka lokaci, da tsara ma duk karatun da ya dace da kai, da za ku riƙa ‘darasu’ akai-akai. Ka sa iklhasi, ƙoƙari da kwazo, da jajircewa, da mallakar kayan karatu, da bibiyar malaminka, da ɗaukar lokaci, BA GAGGAWA (Diwan Imam Ash-Shafi’i, p. 109). 2. Idan ba ka iya haɗa baƙaƙen Larabci ba, yi ƙoƙarin ka koya, don karatun Alƙur’ani zai ba ka wahala sosai, haka ma sauran darussa. ‘Baghadadiyya’ ko ‘Nurul Bayan’ kusan sune littafan koyon haɗawa da tada baƙin Larabci a yau. Idan ka kammala, ka fahimta, ka iya, malaminka zai sa ma littafin 'Tajwidi', da na ‘nahwun’ Larabci gwargwadon yadda ya fahimci fahimtarka. 3. Ka maida hankali kan koyon Alƙur’ani, domin shi ƙofa ce ta ilimin addini. Saboda girma, da uzuran rayuwa, kar kana ɗaukar karatun da za ka takura, har ka gajiya da wuri. Idan ma za ka iya, koda a kowacce rana ne, ka riƙa ɗaukar aya 1. Da wannan ɗaya-ɗayan, a shekara mai kwana 360, kana da Fatiha, Baƙara da ayoyi 67 na Ali-Imran, (Izu 5 da 1/2 kenan). Da a ce a shekarun baya ka fara, zuwa yanzu izunka nawa? Za ka sauƙe Alƙur'ani, idan za ka yi: • Aya 1 a kullum, shekara 17, wata 7 da kwana 9 • Aya 2 a kullum, shekara 8, wata 9 da kwana 18 • Aya 3 a kullum, shekara 5, wata 10 da kwana 13 • Aya 4 a kullum, shekara 4, wata 6 da kwana 24 • Aya 5 a kullum, shekara 3, wata 6 da kwana 3 • Rabin shafi a kullum, shekara 3, wata 4 da kwana 24 • Shafi 1 a kullum, shekara 1, wata 8 da kwana 12 • Shafi 2 a kullum, wata 10 da kwana 6 • Rubu’ (1/4) na izu a kullum, wata 8 cif (kwana 240) • Nisfi (1/2) na izu a kullum, wata 4 cif (kwana 120) • Hizbi a kullum, wata 2 cif (kwana 60) • Juzu’ a kullum, wata 1 cif (kwana 30) Idan ma za ka iya, za ka iya haddace Alƙur’ani a shekara 1, da haddar ayoyi 20, ko shafi 2 na Alƙur’ani Maigirma a kullum. 4. AƘIDA: ‘Muƙarara’ ko ‘Usulus Salasa’, ko wani littafin ‘Tauhidi’ da malaminka ya ga dacewarsa da kai. 4. FIƘHU: A matakin farko, ka fara da ‘Ahlari’. Ahlari bai yi wa yara girma ba, bai kuma yi wa manya ƙarami ba, saboda tarin fa’idoji da suke cikinsa. Idan ka cire gabatarwa, a cikin Ahlari akwai fasali 16, a ƙasan wasu fasulal, akwai bayanai a dunƙulallu, ko kashin wasu bayanan. Kowannen ka ba wa malaminka haɗin kai, ku bi su daki-daki, idan a kullum za ka ɗau karatun ‘Ahlari’, cikin wata 1 zuwa 2, za ka iya kamala shi. AMMA KAR KA YI GAGGAWA! Bayan ka kammala, malamin zai sa ma wani littafin da ya dace, gwargwadon yadda yake fahimtar kana fahimtar karatun. 5. HADISI: ‘Arba’una hadisi’ ko wani, kamar ma Nawawin, yana da fa’ida sosai, kusan kowanne hadisi yana da ‘ƙa’ida azima’ (wani saƙo muhimmi). Idan a kowanne sati za ka ɗauki karatun hadisi 1, za ka yi wata 8 da ½. Idan kuma kullum ne, a kwana 42 ne za ka kammala.