فێرگەی بەیان ( لقی 1ی کرماشان )

ئەنفاڵ شێعر و دەنگ: سەمیرا زەمانی مونفەرد @fzklk

پرسە و سەرەخوەشی خوەمان وەبوونەی کووچ دۊایی مامووستای گەورای زوان و وێژەی کورد "کەریم کەریمپوور" پێشکەش وەگشت ئەویندارەیل زوان، فەرهەنگ و چاند کوردی کەیم. ڕێیان پڕ ڕێوار فێرگەی بەیان لقی کرماشان @fzklk

گوڵ شەرم دێرێ لەلاد بوو، ئەقەر شێوەد شرینە هەنای کوردی قسیە کەی، لێود بێشتر ڕەنگینە لێوەی باڵای تو بۊنە مەردم شار شەکەت سەر نانەسە بیاوان، ئەوانە ک تو دینە دۊەت ساڵەیل هەوری، وا کە ئاگر زوڵفت ئاگر گەرمی ژیانە، ئاگر نیشان ژینە ئاگر خارەتگەرەیل، پرچ سزنێد و پەرچەم تەنیا لە مڵک کوردان، ئاگر پرچێ ڕەنگینە بمین وەی کرماشانە، خوەشتر وەی شارە هاکوو؟ چۊ کرماشان پەیدا نیەود، شارێگ وەی سەرزەمینە @fzklk

وەدزیەو قەڵەم و قاقەزەگەم لەژێر سەرین چرک‌چقیڕەداگە، دراوردم و نۊسام: ـــ هەرسەی لەیەکەو کردنەمان، هەرسەی لەکیسم چید، ئەمان کەسێ چووزانێ! هاتێ دۊیای ئێ هەمگە لەیەک‌بڕیانە قسمەت بۊ ڕووژێگ لەنوو گرتمەدەو باوش... تواسم بۊشم بەو تا لەو هەینە چەوەیلمان بقۊچنیم و تاسە بکەیم هە لەوره، لەو تفاق وەناڵەتچگە قیژمانەو بووەید؛ بەشکەم هەوجوورە خاکمان بکەن، لەباوش یەک، وەقەی یەکەو، پەیوەس وەیەک... لەیرە کەسێ خوەشێ لە تێوڵ لێوەیل و شێیایل نیەتێد، هاتێ ئایەمەگان ئەو دنیا خوڵقێیان خوەشتر بوود، دی لەیەکەو نەکەنەمان... ئڕامان نەۊ کە وەیەکەو زنەی بکەیم، خوەزەو بتۊەنیم وەیەکەو بمریم! کڕکاڕ سەرپایەگە کە لەبان کاشیەگان هات، قەڵەم و قاقەزەگەم شارتمەو و ئڵاژیام و چەو چقانمە سەرپەرتۊ کڵکڵەمۊشاندای شەق‌شەق... لەپ هاوردمە بان کڕکڕییەیل نیشتەجییێ گەر دەسم و وەجی چووڵد وەتم: ـــ زانید؟! ڕاسێ بتوای فامم کە دی وەیەک نیەڕەسیم... ئێ دڵەڕاوکە دەس لە قەومەو نیەکەی ئەر وەبێ تو بمرم لەپاش ئێ هەمگە لەیەک‌بڕیانە، لە هۊرد نیەچم کە لەو دنیا لەڕاشکاوێ یەکترەکی دیمن، ئەوسەریەک چیمن؟! دەس کیشامە سەر ڕۊتما و وەئەنووەو وەتم: ـــ چۊن دۊیای تو فرە گۊەڕیام... من وەتم، وەتو وەتم، ئەمان وەجی تو داژگار نگریسەگە هەڵشریقان: +سەرەو بنە، تا دجارە ناتمە ئارامبەخشێ بەمە لید! هۊچکام لە لێوەیل ئێرە جوور تو لێوە نیین! سەرەو بنە تا نەچڕیمەسان بان کەڵەپچەد بکەن وەقەی تەختەگەو! ئێکەش وەزوور قورسێ تەپانە دەمم و وە تەشقەیزەو چگەو دیار لێوەی تر. والیومەگە سڕانمە ژێر زوانم کە دۊیاجار وەدزیەو بتفنمەی ژێر تەختەگە و سەر کردمە ژێر پەتووەگە و دەم نەچەکانم؛ لەناو سەرم یەکێ دەس کردە تریک‌تاک! ئاخر هەر کەشە کە کەفیدەو هۊرم یەکێ لەناو سەرم تریکنێد تریکنێد تریکنێد تریکنێد یەیجار سەرم کوتامە دیوار ئاجووڕینێ، تا چەوێ کەفت لەو سۊەریە دی نەتریکان! ئەمان لەپاش ئەوە هەفتەیگ بەسانم وە تەختەگەو و قەڵەم و قاقەزەگەمیش بردن؛ ئەگەر دەسەیلم بووەسن دی نیەتۊەنم بنۊسم ئڕاد... لەناومان نەدەرچوود؛ یان فکر کردن زیەڵگم چوود ئەمان من لە سووزەن و چشت زیەڵگم نیەچوود! ڕخم لە ئارامبەخشەگانێیان چوود، پەشێوترم کەید، لێوەترم کەید، بێ‌سەقامتر کەید، بێ‌سەقامتر... کی زانێ؟! ئەگەر بۊیاتادەد هاتێ سووزەنەگانێیان ئەوقەرە ژان نەکرد! لەنوو دەنگ کڕکاڕ سەرپای کە لەبان کاشیەگان هات، وێنەد لە پشت پێڵەی چەوم گوما هات و نەمەنەی و دەنگ تو لەناو سەرم بەرزتر... چنگ کوتام لە جانگینەیلم؛ ناڵەتی! خوەزەو داپڕۊکیاد لەی هەمگە تریک‌تاکە! وەرگێڕان: ئەسرین شەفیعی @fzklk

سنوور پایل مەسم تا سنوور سیم‌خاردارەگان بردنەم ئێسە نە دیارە شوون پا کامە من کامم زام کامە ئێسە دڵنگەگانم وانگ ئەڵاڵن ت مەسید نیەزانی پسا لە کیس چید! ت لەی سیمەیلە گیاند دەر نیەکەی باڵەیل کراسم دیم کلگ وە قەیانەو نییە یەخەم دیم سەر وە پیەو نییە و پایلم... ئاز لە تیم نییە کی وەل پیاڵەی خەم لە کاسەی چەو باوانێ لەیوا مەس بوو؟ ک من بۊمە! لەیوا لە کیس چوو؟ ک من چیمە! کی وە سەر خوەی ئەزرەتەیلە لاونێ! کی؟ هانا @fzklk

پا و کانی ۱ هەناێ نیەتیەی پا بشووری لە کانی دەیشتِ هۊچ شارێ، حەتا لە جاێ نەرمەخوناو یاگەر ڕفتێ، کوچگ وارێ !... 🌺🌺🌺🌺🌺🌺 پا و کانی ۲ لە هەر کانی پا بشووری چەم و ڕووبار سەقام گرێ، لە هەۊراتِ خوەشِ گیاند هەرچێ بێ تامە تام گرێ !... 🌺🌺🌺🌺🌺🌺 پا و کانی ۳ لە کام کانی پا شوورتیدە لە لۊ کام چەم و ڕووبارێ ؟! کِ حەتا لە ئەورِ نەزۆک، چۊ ئەورِ تەڕ واران وارێ !... بانان @fzklk

ئارش ئەفزەڵی @fzklk

کرماشان شاری شیرینم @fzklk

ژیاننامەی شامی کرماشانی @fzklk

شێعر: مامۆستا جەلال مەلکشا @fzklk