𝚂𝚎𝚢𝚏𝚎𝚕𝙸𝚜𝚕𝚊𝚖 ሰይፈል ኢስላም!

ሰው መሳይ በሸንጎ ~ ዑለማኦች ከሰውነት አጥር ውጭ አይደሉም። የሰው ልጅ ላይ የሚታዩ ድክመቶች ይታዩባቸዋል። ከዒልምና ከተቅዋ አንፃር በአመዛኙ ከሌሎች ስለሚሻሉ የተሻለ ነገር እንጠብቃለን። ይሁን እንጂ "የኣደም ልጅ ሁሉ በጣም ተሳሳች ነው" ከሚለው እውነታ ውጭ እንዳልሆኑ መዘንጋት አይገባም። ስለሆነም፡ * አንዳንዴ ስሜታዊነት፣ ምቀኝነት፣ ጥቅመኝነት፣ ዝናን መሻት፣ አጉል ተጠራጣሪነት፣ ... የመሳሰሉ መጥፎ ባህሪዎች ሊፀናወቷቸው ይችላሉ። * ወይም ተቆርቋሪና ታማኝ የመሰለ የቅርብ ሰው የሚያሳስታቸው ሊኖሩም ይችላሉ። በነዚህ ወይም በሌላ ምክንያቶች አንዱ ዓሊም ሌላው ላይ ከባድ ቃል ሊናገር ይችላል። ይሄ በአየር ላይ ያለ ምናብ ሳይሆን ተጨባጭ ምሳሌዎች ሊጠቀሱበት የሚችል እውነታ ነው። ይህንን ከተረዳን አንድ ዓሊም በሌላው ዓሊም ላይ ከባድ ትችት ቢሰነዝር ሳያጣሩ ከማራገብ በፊት ጉዳዩን ቆም ብሎ ማጤን ይገባል። * ሌሎች ዓሊሞች ምን ይላሉ? ጉዳዩን ከማወቃቸው ጋር የተለየ ትንታኔ ሰጥተዋል? ተማሪዎች በጉዳዩ ላይ አርፈው እንዲቀመጡ አሳስበዋል? ዝምታን መርጠው ከሆነም ለነሱ የበቃ ዝምታ ለኛም ሊበቃን ይገባል። * ጉዳዩ በልኩ ተይዞ ይሆን? ወይስ ድንበር ባለፈ መልኩ ነው የተያዘው? * የትችቱ መነሻ ምንድነው? አሉባልታ ላይ ወይስ ተጨባጭ መረጃ ላይ የተመረኮዘ ነው? * ተወንጃዩ አካል ምን ይላል? እንደተዋሸበት ይናገር ይሆን? ንግግሩ ተቆልምሞ ሌላ ትርጉም ተሰጥቶበት ይሆን? እየተከሰሰ ያለው ከጥፋቱ ከተመለሰ በኋላ ይሆን? ይሄ ትችቱ በዑለማኦች የተሰነዘረ ከሆነ ነው። ካልሆነስ? * ሲጀመር ተቺዎቹ እነማን ናቸው? አንዳንዶቹ እዚህ ግባ የማይባሉ ከንቱ ፍጥረቶች ናቸው ከተራራ የገዘፉ ዓሊሞች ላይ አንጋጠው የሚተፉት። የሆነ ጊዜ አንዱ ጎረምሳ ዐብዱልሙሕሲን አልዐባድን ሲዘረጥጥ ነበር። በአደብ ቢያርርም ምንም አልነበረም። "ሁሉም አራሚና ታራሚ ነውና።" ነገሩ ግን እንደዚያ አልነበረም ያደረገው። ሸይኽ ዐብዱልሙሕሲን የሱን ብጤ ቀርቶ እሱ የሚያጣቅሳቸውን ሸይኾች ያስተማሩ የሸይኾቹ ሸይኽ ናቸው። እሱ በገለፀበት መልኩ ሸይኾቹ እንኳ አይደፍሯቸውም። ታላላቆቹ በሚያፍሯቸው ታላቅ ሸይኽ ላይ ሲዳፈር ማየት ያሳቅቃል። ይህን እንድፅፍ ያደረገኝ ሸይኽ ፈላሕ ሙንደካርን፣ ሸይኽ ሷሊሕ አሱሐይሚን፣ ሸይኽ ዐብዱረዛቅ አልበድርን የሚያብጠለጥሉ አካላትን አይቼ ነው። በቃ ብልግና ጀብድ ሆነ። ለሆነ ሸይኽ ቅርብ ስለሆኑ ወይም ከሆነ አካል ተዝኪያ ስላላቸው ራሳቸውን አይነኬ የሚያደርጉ አንዳንድ "ከተዘሩ ያልታረሙ" ዋልጌዎች አሉ። ለእንዲህ አይነቶቹ ሙጅሪሞች ቦታ መስጠት ራስን ማርከስ ነው። ምግባሩ ያቆሸሸውን የማንም ተዝኪያ አያፀዳውም። አላሁል ሙስተዓን! = የቴሌግራም ቻናል፡- https://t.me/IbnuMunewor

የአዲስ አበባ ከተማ እስልምና ጉዳዮች ከፍተኛ ምክር ቤት የሑጃጆች የግንዛቤ ማስጨበጫ ስልጠና እየሰጠ ይገኛል። … (ሀሩን ሚድያ ፦ሚያዝያ 23/2016፣አዲስ አበባ) … የ1445ኛው የሐጅ ጉዞ የሚያደርጉና በአዲስ አበባ ከተማ እስልምና ጉዳዮች ከፍተኛ ምክር ቤት የተመዘገቡ ሁጃጆች በሐጅ አፈፃፀም ዙሪያ የሚያተኩር የግንዛቤ ማስጨበጫ ስልጠና በምክር ቤቱ ቅጥር ግቢ ውስጥ  እየተሰጠ ይገኛል። … በአዲስ አበባ ከተማ እስልምና ጉዳዮች ከፍተኛ ምክር ቤት በኩል ከ3600 በላይ ተመዝጋቢዎች የተመዘገቡ ሲሆን ስልጠናውን የሚወስዱትና የጉዞ ሰነድ የሚዘጋጅላቸው የክፍያ ሂደቱን የጨረሱት ብቻ እንደሚሆኑ የምክር ቤቱ የሐጅና ዑምራ ዘርፍ አሳውቋል። … በትላንትናው ዕለት ሚያዝያ 22/2016 የጀመረው ይህ ስልጠና ዛሬም ቀጥሎ በሐጅ ወቅት መከተል ስለሚገባን ስነ ስርዓት በኡስታዝ ባሕሩ ዑመር እና በአቶ ሪያድ ጀማል አማካኝነት ስልጠና ተሰጥቷል። … በየዕለቱ የሚሰጠው የ1445ኛው የሐጅ ተጓዦች የግንዛቤ ማስጨበጫ ስልጠና ሁሉም የአዲስ አበባ ተመዝጋቢዎች እስከሚደርሳቸው የሚቀጥል እንደሆነ ከምክር ቤቱ የሐጅና ኡምራ ዘርፍ የተገኘው መረጃ ያመለክታል። … በ1445 ኛው የዘንድሮ ሀጅ ስነስርዓት ከኢትዮጲያ 12,000  ተጎዦች ለሀጅ ወደሳዑዲ አረቢያ እንደሚያቀኑ የኢትዮጲያ እስልምና ጉዳዮች ጠቅላይ ምክር ቤት ማስታወቁ ይታወሳል። … ©ሀሩን ሚድያ

“ሲኦል ፒዮንግያንግን ሃማስን በማሰልጠን ከሰሰቻት”ይላል RT ይዞት የወጣው ዘገባ። የደቡብ ኮሪያ የስለላ ኤጀንሲ በፒዮንግያንግ እና በሃማስ እንቅስቃሴ መካከል “ወታደራዊ ስልጠና እና የልምድ ልውውጥ”ን ጨምሮ ግንኙነት እንዳለ ጠቁሟል። "በሰሜን ኮሪያ እና በፍልስጤም ሃማስ እንቅስቃሴ መካከል ወታደራዊ ስልጠና እና የስልት ልውውጥን ጨምሮ ግንኙነት ስለመኖሩ ጥርጣሬዎች አሉ!" ሲል የደቡብ ኮሪያ የስለላ ድርጅት በ"አለምአቀፍ ሽብርተኝነት" ላይ ባወጣው ዓመታዊ ዘገባ ላይ ተናግሯል። በጥር ወር የብሔራዊ መረጃ ኤጀንሲ "የሰሜን ኮሪያ የጦር መሳሪያዎች ሃማስ ከእስራኤል ጋር በሚያደርገው ጦርነት ጥቅም ላይ ውለዋል…ፒዮንግያንግ በተደጋጋሚ እንዲህ አይነት ክሶችን ብትክድም!” የሚል ጥርጣሬ አዘል መረጃ አውጥቶ ነበር። ዘገባው የ RT ነው! https://t.me/Seyfel_Islam

በቲቪ የሙዚቃ ክሊፕ ተለቅቆ ነው .... ደናሽ ሴቶች እስክስታውን ያወርዱታል። .... ይደለቃሉ ..... ታዳ አባባ ይህን በተመሱጥ እየተከታተሉ ነው።አይናቸው ቲቪው ላይ ነው። ግርም አላቸውና " አጂብ ነው! አንገቷን እንዴት ትሰልቀዋለች በል!" አሉ።😊 ከአጠገባቸው ያሉት ልጆችም "ሙስሊምኮ ናት አባባ " አሏቸው። እርሳቸውም፦ «ሙስሊም ናት እንዴ ? ኸረ ማሻአላህ! ሙስሊሙ በሁሉም ቦታ ስም ሲያስጠራ ደስ ይላል» አሉ አሉ። አዎ! ዛሬ ላይ ከኩፍር የማይለይ እስልምና እንዲስፋፋ እያደረገ ያለው የዚህ አይነት "አመክንዮ" ነው። ሙስሊም በሁሉም ቦታ መገኘት ግዴታው አይደለም። መገኘት ካለበት አላህ በፈቀደበት ቦታ ብቻ ነው።ምናልባት አባባ አያውቁ ይሆናል። ዛሬ ላይ ግን የአባባን አስተሳሰብ በኢስላምና ዒልም ካባ የሚያስፈፅሙት ናቸው ተሸቡህና ተሻቡህ ያለበትን "ኢስላም" እንዲፈጠር ፈተና እየሆኑ ያሉት። ሌሎች አይዶል ሾው ስላላቸው እኛ አይዶል ሾው ሊኖረን ግድ አይደለም።ሌሎች መዝሙር ስላላቸው እኛ መዘመር አይጠበቅብንም። ሌሎች የቢድዓና የዘመን መለወጫ በዓል ካላቸው እኛ እንድናከብር አንገደድም።ምክንያቱም እኛ ሌሎች እነርሱም ሌሎች ናቸው።እኛ ሌሎችን አንሆንም አልተፈቀደልንምና። ሙስሊሞች በሁሉም ቦታ መሳተፍ አለብን ብለን ሙዚቃ አንዘፍንም፣አልኮል ቤት አንከፍትም የወለድ ግብይት ውስጥ አንገባም።ልክ እንዲሁ ሁሉ ሙስሊሙ በፖለቲካ ውስጥ መሳተፍ አለበት ብለን የኩፍር ፖለቲካ ውስጥ አንዘፈቅም። የኢስላም ህግና መንገድ ሁሉ ከሌሎች ልዩ ስለሆነ። ሌሎች ያደረጉትን ሁሉ እኛ "ኢስላማዊ" እያልን የምናደርገው ከሆነማ ከሌሎች በምን ተለየን? ኢስላም የመጣው ደግሞ ከሌሎች ሊለይ ነው። የኢስላምና የኩፍር መንገዶች የተለያዩ ናቸው፤ አይቀላቀሉም፤ አይገናኙም። ይህንንም ድንበር ለማስጠበቅ ሸሪዓ ከሌሎች ጋር መመሳሰልን በጥቅሉ ከልክሏል። አላህ በተከበረ ቃሉ እንዲህ ይላል፦ "ለነዚያ ለአመኑት ለአላህ ተግሳጽና ከቁርኣንም ለወረደው ልቦቻቸው ሊፈሩ እንደእነዚያም በፊት መጽሐፍን እንደ ተሰጡትና በእነርሱ ላይ ጊዜ እንደረዘመባቸው ልቦቻቸውም እንደ ደረቁት ላይኾኑ (ጊዜው) አልቀረበምን? ከእነርሱም ብዙዎቹ አመጸኞች ናቸው" [አል ሐዲድ፡ 16] ኢብኑ ተይሚያህ ረሒመሁላህ እንዲህ ይላል፦ " እንደእነዚያም በፊት መጽሐፍን እንደ ተሰጡትና በእነርሱ ላይ ጊዜ እንደረዘመባቸው ልቦቻቸውም እንደ ደረቁት ላይኾኑ ማለቱ አጠቃላይ ከነርሱ ጋር መመሳሰልን መከልከሉ ነው።በተለይም ደግሞ ከነርሱ ጋር በቀልብ መድረቅ በኩል ከመመሳሰል መከልከሉ ነው። የልብ መድረቅ ደግሞ የወንጀሎች ፍሬ ነው። " [ኢቅቲዳኡ ሲራጠል ሙስተቂም ፡43] ኢብኑ ከሲር ረሒመሁላህ ይህን አንቀፅ ሲተረጉሙ ደግሞ እንዲህ ይላሉ፦ " ...ለዚህም አላህ ሱብሐነሁ ወተዓላ ሙእሚኖችን በነርሱ (በካሀዲያን) በመሰረታዊም ይሁን በቅርንጫፋዊ ጉዳይ ላይ ከመመሳሰል ከልክሏል። " [ተፍሲሩል ቁርአነል ዐዚም 396/4 ] ከኢብኑ ዑመር (ረ.ዐ) እንደተላለፈው የአላህ መልእክተኛ ሰለላሁ ዐለይሂ ወሰለም እንዲህ አሉ ፦“ ከቂያማ በፊት አላህ በብቸኝነት ያለምንም ተጋሪ ይመለክ ዘንድ በሰይፍ ተላክሁ። ሲሳዬም በቀስቴ ጥላ ስር ተደረገልኝ። ውርደትና የበታችነት ትእዛዜን በጣሰ ላይ ሁሉ ተደረገ።ከሰዎች የተመሳሰለ እርሱ ከነርሱ ነው።” [ሙስነድ ኢማም አሕመድ 2/92] አላህ ይምራን‼ በ Ismaiil Nuru