Multaqa-😍 الملتقى 💖

‏"أوقات الخصام هي أختبار للحب والصداقة بين البشر، هناك من يخاصمك ويهدم كل ما كان، ومن يزعل منك ويزداد بينكم الود بعد الزعل دون أن تشعر بالخذلان.. حقيقة الحب ومعدنهُ لا تكشفها إلا المواقف الكبرى التي تعصف بالعلاقة، هي ما تثبت مدى قوتها ومقامتها لصدمات الحياة."❤

- كيف الحال ي صديقي؟ -: صديقك هل انت مُختل عقلياً ام ماذا، اناا لا اعلم من انت ومن تكون وما هي حقيقتك، انا اقراء بعض الكلام القليل الذي تكتبه بعد القليل من التفكير ف كيف اكون صديقك وانا لا اعلم من انت؟ - لا تقلق، انا شخص صالح يمُر بوقت صعب ويشعر بالوحده ف لذالك يكتب القليل من الكتابه حتي يمر هذا اليوم ويأتي اليوم المُقبل ف الغد مثل الأمس ليس هناك جديد، اعتذر لك ف انا اعتبرك كل شئ لأنك تهتم بماا اكتبه .🤍

لا تُخبريني عن أحلامك ولا أهدافك ، و لا عن ما يُثير إهتمامك ، ولا حتى عن لونك المفضل ، ولا الأغاني التي تُحبّين ... لا تتحدثي عن أي شيء جميل ، فقط حدّثيني عن مساوئك ، و كل ما يكرهه الناس فيك ؛ أُريدُ أن أبدأ من هُناك .. حيث ينتهي الجميع ، سأبدأ أنا 💙

اه يا جماعة استشيخوا عادي جدا اعملوا حاجات مكنتوش بتعملوها قبل كده عادي .. امسحوا الاغاني اللي على الموبايل كلها وإبدئوا نزلوا اذكار ع الايميل صلوا في المساجد وقللوا من الشتيمة والصوت العالي وسعوا اللبس قولوا للناس بلاش مسلسلات حتى لو انت مكنتش بتسيب شاشه التليفزيون ، اتكلم عن حلاوة القرب من ربنا خلوا اللي يتكلم يتكلم واللي يقول أعلنت اسلامك امتى يقول ربنا قادر تكون دي نقطة تحول للأفضل ميهمكوش من كلام حد ولا نظرات حد .. ") { رَّبُّكُمْ أَعْلَمُ بِمَا فِي نُفُوسِكُمْ ۚ إِن تَكُونُوا صَالِحِينَ فَإِنَّهُ كَانَ لِلْأَوَّابِينَ غَفُورًا }🌻 خَطْوة تَغيُر💙

حسبي الله ونعم الوكيل ف اي حد ببقي عايز أدعبس فالاكونت بتاعه والاقيه عامله Locked

اللي مالوش خير ف اهله مالوش خير ف حد ، وعشان كده كان لازم اسمع كلام والدتي ف اختيارها لعروستي ، واسيبني من البنت اللي حبيتها واتمنيتها اربع سنين جامعة.. عموما يعني انا امي كانت مختاره ليا عروسة ماشاء الله حلوة وهادية وبطل ، حاجة كده ماتتسبش البت بيضا شمع .. وبتعرف تطبخ ومبتقومش من قدام cbcسفرة يقال ان الشيف بوراك مثلها الاعلي ،اه امي وشوشتني كده ف ودني واحنا قاعدين معاهم وقالتلي انها بتعرف بترقص ولا صافينار ياولا .. بصراحة عروسة متتعوضش ومفيش واحد عاقل يسيب واحده بالمواصفات دي ، والا يكون مختل لامؤاخذه ف الكلمة .. بس للاسف العروسة دي فيها كل حاجه حلوة بس مش (انتي) ، مش ف نكدك وعبطك وبكمية أكلك دي ، انا اتعودت علي صوت الطاسة الساعة اتنين بليل وانتي بتكلميني ف الفون وانتي بتقلي بطاطس.. وياما قولتلك عقبال ما ابقي انا وانتي و الطاسة ف مطبخ واحد يا حلو انت يا قمحي.. وبعدين مين قالك ان عايز واحده مفيهاش عيوب ، انا عايز واحد كلها عيوب بحبها ، عايز واحده هبله زيك بتحوش ماية الرز عشان تتقل شعرها بيها واحده تقعد جمبي ف البلوكونة ساعة مغربيه وعلي وشها برطمان البن اللي لسه شاريه من يومين واقولها (حسبي الله ونعم الوكيل).. واحده بتقول نكت سخيفة عشان تشوف علي وشي ريآكشن "أحمد الخولي" واسيبها واقوم تيجي ورايا وتتعلق ف رقابتي وتبوس فيا .. واحده عارف تفكيرها وواثق فيها وف قلبها اللي مستحيل يدخل شئ تاني معايا جواه، واحده حافظ تاريخ ميلادها وامثل عليها ان نسيت الهدية لحد ما تعيط من استعباطي وبعدين افاجئها ان منستش ولا حاجة .. وبعدين انا لو سيبتك مين هيعديكي الطريق والعربيات جاية بسرعة ، ومين هيجبلك زهرة عباد الشمس اللي بتحبيها . هو صحيح اللي مالوش خير ف اهله مالوش خير ف حد ، بس انا مش موافق علي 100 واحده احسن منك ممكن اهلي يرشحوهالي .. ف عشان كده انا بقولهالك اهوه ف العلن ، ان مش هتجوز غيرك ولسه قافل مع ابوكي وهروحله بكره اطلب ايدك وعينك ومشاعرك منه .. ولو انتي شر ف حياتي ، ف اهلا بجحيم حضنك⁦♥️⁩

صديقي كيف حالك؟ لقد أخبروني انك تريد الرحيل بدوني ، هل هذا ما اتفقناا عليه ونحنُ صغار ، هل نسيت عندما كُنا نلعب سوياا تحت المطر وأخبرك أنني احبك واريدك ان تكون بجانبي حتي نهاية هذا العالم ، صديقي لا أريد ان اكون وحيداً ، صديقي اذا تغير الزمن والوقت وتغيرت الأماكن لا اريدك ان تتغير ف اناا احبك...

ماذا إن كان نصيبك من الحب رجل صالح يخاف الله ويتقيه، رجل إذا أثقلت الحياة كاهلك، مسح علىٰ قلبك بـ آية "لا تحزن إن الله معنا" رجل يسبق كل ما ينويه وما لم يحدث بعد بكلمة "بإذن الله، وإن شاء الله" رجل إذا أراد أن يقدم هدية، اختار من الأشياء ما تنتفعي به أنتِ، وما يصب في ميزان حسناتكما سويًا، رجل أول ما يسألك عنه الصلاة، وآخر ما ينهي به كلامه "استودعك الله" رجل يخشىٰ الله في أفعاله، ولا تبرح الكلمة فمه حتَّىٰ يغلفها بما يجبر الخاطر ويرممه، رجل ينافسك في حفظ القرآن، ولا ينتهي اليوم إلا وقد ارتفع كل منكما درجة في الجنة بفضل أذكار لا تغفلون عنها، رجل هين، لين، سريع العفو، حتَّىٰ إذا أخطأتي، عاتبك بلطف، وذكر لك المساوئ كي تتجنبيها، رجل لا يريدك في دنيا فقط؛ بل كل مسعاه أن ترافقيه في جنة لا فراق فيها ولا حزن أبدًا.

‏الحلو في شخصيتي إنى مبقدرش أزيف مشاعري أو أصطنعها ، لو بحبك فانا فعلاً بحبك ، ولو بكرهك فأنا فعلاً بكرهك ، مبقدرش أعيّش حد في وهم إني بحبه وأعلقه بيا علشان أملي فراغ حياتي ، ومبعرفش أنطق بكلمة مش حاسسها فالحمد لله ألف مرة على كوني واضح وصادق في مشاعري .💙

تزوجو يا شباب فالرجوع لأحضان الزوجة بعد يوم شاق راحة لا يعرفها الكثير حتى انا معرفهاش حكاهالي واحد محبوس بالقايمه ربنا يفك ضيقته

‏عمري ماشوفت زي القُرآن و كلامُه و رسايلُه ، لما حد يوحشني بلاقي ربنا بيقول"هوّ على جمعهم قدير" ، لما الدنيا تقفل في وشي بلاقي ربنا بيقول " لعلّ الله يحدث بعد ذلك أمرًا " ، لما حد يتكلم عني وحش بلاقي ربنا بيقول" ولا يُحزنك قولهم" ؛ و غير ده كتير ، ربنا قريب اوي ، بس اقرأ القُرآن .💛

غدًا ستُتقن القرآن كاملًا كما تُتقن الفاتحة.💛

جوز اختي بيعلم ابنه صلاة الجماعة، قام وقفنا كلنا وراه وهو قدامنا ك إمام، بدينا نصلي فالبداية قرأ الفاتحة فجأة قام لف علينا قالنا عايزين الاخلاص ولا الناس 😭😭😭😭😭😭😭😭😭

تحويشه العمر هي زوج مخلص حنين، يحتويكي فـ المُرة قبل الحلوة، ربنا يبارك فـ جوزي.

أنا مُذنبٌ أنا مُخطئٌ أنا عاصيّ هو غافرٌ هو راحمٌ هو كافيّ!

‏عمري ماهانت عليا العشرة ولا حبيت أخسر حد كان بيني وبينه علاقة في يوم من الأيام ، لإني بطبعي شخص مش قاسي ابداً ومبحبش أخسر الناس ، بس فيه ناس أفعالها بتجبرني على دا وحفاظاً على كرامتي ومشاعري ، باخد قرار الرحيل والبعد لإن نفسي ليها عليا حق.🖤

يا ذات الخمار قد فاق جمالك جمال القمر 💙💙 لا تنزعيه ففيه رب العباد قد أمر 💙💙💙

كلّ الملامِح البشريّة جميلة، كلّ الأطوال و الأوزان مُناسبة. دعكِ من المعايير السّخيفة المُتعارف عليها هذه الأيّام لتحديد ملامح و هيئات الجَمال في النِّهاية "إنّما المرءُ بقلبهِ." 🖤

جاى فى ميكروباص النهاردة وحاطط السماعة عادى زى ما متعود ونسيت انى ف المواصلات وفتحت الشات اللى بينى وبين صاحبى اللى بنفضل طول اليوم نبعت للبعض reel واحنا كل اللى بينا ضحك بس فتحت اول رسالة ف التانية ف التالتة وضحك بصوت وانا مش واخد بالى أنى لسه ف العربية وما شاء الله العربية كانت مستغربة بس اللى جنبى زى اى مصرى طبيعى كان عينه فى فونى وبيضحك معى العربية كلها بقيت بتضحك ومحدش فاهم فى اى لدرجة السواق نفسه بدأ يضحك فين وفين لم ادركت الموضوع كان الرجل اللى جنبى بيقولى هات دى تانى ملحقتش اشوفها 🙂

للبنات💜✌🏻 وسعوا لبسكم خطوه خطوه لحد ما توصلي للزي الشرعي وتبقى بنوته قمر لو اخدت الخطوه مره واحده اصلك مش ضامنة🌚💙 حاولي تخرجي من غير ميك اب والله انت جميله من دون اي حاجه تقبلي نفسك وثقي انك جميله♥ حاولي تسمعي قران بدل الاغاني لا هو مش حاولي هو لازم🌚♥️ خلي يكون لكِ ورد يومي من القران🧡✨ تصدقي ولو حتي بملغ قليل جداً لو جنيه مثلاً بيفرق والله🥺🤍 حاولو تقللوا الألفاظ الي ملهاش علاقة بيكِ انتي كبنوتة مؤنثة غالية حيية بلاش نذكر بعض منها كل واحدة عارفة نفسها بتقول ايه😉 حاولو متحطوش برفيوم وانتو خارجين عشان دي مصيبة متعلوش صوتكم في الشارع ولا ضحكة ولا غيره😑 حاولوا تفكروا في دينكم وفي آخرتكم زي ما بتفكروا في الموضة واللبس والميكاب وتلاهي الدنيا خلينا نحاول نغير من نفسنا عشان لما نحط عيوننا في عين سيدنا محمد عليه افضل الصلاة والسلام ميزعلش مننا عشان نعرف نرد عليه ونقوله احنا امتك عشان نقوله احنا عملنا بسنتك يا حبيبنا عشان نعرف نقف معاه علي الحوض يوم القيامة😌💜 حاولوا بصدق نية مش اكتر من كدا🌚✌🏻 تعالو نحاول عشن الجنة غالية مش بنستحمل لسعة النار ع البوتجاز ما بالكم نار جهنم والعياذ بالله💔 فاللهم انا نعوذ بك من نار جهنم وما قرب اليها من قول او عمل ونسألك الجنة وما قرب إليها من قول او عمل💜