Multaqa-😍 الملتقى 💖

أنا بحب سورة البقره جدا ، بس دايما كنت بسأل نفسي سؤالين وماكنتش عارفه إجابتهم أول سؤال هى ليه سورة البقرة اسمها كده؟ ثانى سؤال هو ايه علاقة مواضيع سورة البقرة ببعضها ، يعنى ربنا سبحانه بيتكلم فيها عن مواضيع كتير أوى ، ايه علاقة المواضيع دى كلها ببعضها ؟ سورة البقرة من أكثر السور القرآنية اللى المستشرقين خدوا عليها مطاعن ، كانوا بيقولوا سورة 286 آية 49 صفحة ، انت مش عارف انت طالع منين وداخل فين ، د كل شوية الموضوع يتغير . بل لدرجة إن بعض كبار علماء التفسير قال سورة البقرة لايوجد ترابط بين آياتها ، فهى سورة كلها أحكام . وظهر فريق آخر من العلماء ردوا على المستشرقين إن مافيش كلمة فى القرآن مالهاش حكمة ، بل كل كلمة ليها حكمة وترابط مع غيرها لإن ده كلام ربنا سبحانه . اجابة السؤال الأول وهو سبب التسمية ، واحد من بني إسرائيل قتل واحد تاني ومكانوش عارفين مين اللي قتله ، راحوا لسيدنا موسى -بصفته النبي- وسألوه مين اللي قتل ، باعتبار انه أكيد متصل بالله .. ف ربنا رد على سيدنا موسى بأمر ذبح البقرة الصفراء عشان كده هما ردوا بعدها "أتتخذنا هزوا" يعني احنا بنقولك مين اللي قتل الراجل تقولنا اذبحوا بقرة ! وقعدوا يماطلوا كعادة بني إسرائيل ، بعد ما ذبحوا البقرة، ربنا امرهم يضربوا الشخص المقتول بعظم البقرة الصفراء المذبوحة، ولما عملوا كده الشخص قام بعد موت وقال مين اللي قتله. "فقلنا اضربوه ببعضها كذلك ييحي الله الموتى ويريكم اياته ..". القصه كلها عن معجزه تبين قدرة الله تعالي وانه لا يستحيل عليه شئ . إجابة السؤال الثانى: باختصار هنحاول نربط الآيات ببعضها فى إيجاز . سورة البقرة جزءين ، الجزء الأول عبارة عن 3 قصص ل 3 خلفاء فى الأرض . الخليفة الأول هو سيدنا آدم "إنى جاعل فى الأرض خليفة" . ربنا كلفه تكليف وكانت النتيجة إنه عصى ثم أطاع و جاب 50% فى التكليف "وعصى آدم ربه فغوى " الخليفة التانى بنى اسرائيل "ولقد اخترناهم على علم على العالمين". ربنا كلفهم تكليف ، كانت النتيجة 0% مسابوش معصية فى حق الله إلا فعلوها . الخليفة الثالث إبراهيم عليه السلام "إنى جاعلك للناس إماما" كانت النتيجة 100% وأطاع تمام الطاعة . الجزء التانى من سورة البقره كله أحكام :، احكام الصيام والقصاص والأسرة وتحريم الربا وأحكام الدين والإنفاق . ربنا قبل مايقول لنا الأحكام ، بيقول لنا انتو هتبقوا مين فى التلاته ، هتبقوا زي آدم (تطيعوا وتعصوا) ، ولا زي بنى اسرائيل "قالوا سمعنا وعصينا" ولا زى ابراهيم تطيعوا تمام الطاعة . علشان كده الجزء الأول كان فيه قصة الثلاث خلفاء وبعد كده الجزء الثانى الأحكام والتشريعات وفي الآخر قوله تعالي "لله مافى السموات ومافى الأرض وإن تبدوا مافى أنفسكم أو تخفوه يحاسبكم به الله ". لما نزلت الآية راح الصحابة للنبى صل الله عليه وسلم وبكوا وقالوا يارسول الله أمرنا بالصلاة والصيام والزكاة فصبرنا وامتثلنا لأننا كلفنا بما نطيق ولكن هذا تكليف بما لانطيق ، فقال النبى صل الله عليه وسلم لاتكونوا كبنى اسرائيل مع موسى قالوا سمعنا وعصينا ولكن قولوا سمعنا وأطعنا ، ف لما قالوها وأكثروا منها مدحهم الله بقوله تعالى "آمن الرسول بما أنزل إليه من ربه والمؤمنون " ، "وقالوا سمعنا وأطعنا غفرانك ربنا وإليك المصير ". ونزل التخفيف من الله عنهم بقوله "لا يكلف الله نفسا إلا وسعها لها ماكسبت وعليها مااكتسبت" . والختام بدعاء الصحابة لله بقولهم "ربنا لاتؤاخذنا إن نسينا أو أخطأنا " يعنى بلاش تعاملنا يارب زي آدم لو عملنا زيه ف نسينا التكليف او أخطأنا ف تطردنا من جنتك . "ربنا ولاتحمل علينا إصرا كما حملته على الذين من قبلنا" متعاملناش يارب زي بنى اسرائيل ، الإصر هو الشىء الثقيل على النفس لإن ربنا قالهم (فتوبوا إلى بارئكم فاقتلوا أنفسكم) . "واعف عنا واغفر لنا وارحمنا أنت مولانا فانصرنا على القوم الكافرين ". صل ع النبي بعد القراءه... ❤️

‏اللهم أمي ، وعافيتها ، وصحتها ، وضحكتها اللهم احفظ لي هذه النعمة؛ اللهم أمي فِ كل رمضان ❤️🌙

السلام عليكم ورحمة الله وبركاته اى شخص عنده قناة ومحتاج دعم يبعتلى لينك قناته وان شاء الله نساعده على الخاص @Ahmed_elshahat0

كنتُ أسترجع ذنوبي فقلت في نفسي لربما أقضي رمضان كله أستغفر عن ذنوب اقترفتها بجارحةٍ واحدة من جوارحي و لا أدري أيغفر لي ربي أم لا يقبلني ثم اليوم سمعت قول الله {قُل للذين كفروا إن ينتهوا يُغفر لهم ما قد سلف} تنزلت الآية على قلبي كأن لم أسمعها من قبل مسحت عن قلبي و طمأنتني و قلتُ يا أرحم الراحمين يارب وعدت الذين كفروا بك و جحدوا نعمك أن تغفر لهم إن ينتهوا فكيف رحمتك بعبادك الموحدين! عساكَ تتوب علينا فننتهي فتغفر لنا و تقبلنا و كلٌ برحمتك يارحيم.

"إن الإنسان لربه لكنود" - ما هو الكنود ؟ - هو الذي يعد المصائب وينسى نعم الله عليه.. أحد السلف كان أبرص البدن أعمى العينين مشلول القدمين واليدين وكان يقول : الحمد لله الذي عافاني مما ابتلى به كثيراً ممن خلقه وفضلني تفضيلاً.. فمر به رجل فقال له مما عافاك ..! يعني أعمى وأبرص ومشلول فمما عافاك ؟ فقال له ويحك يا رجل.. جعل لي لساناً ذاكراً وقلباً شاكراً وبدناً على البلاء صابراً .. فاللهم لك الحمد حتى ترضى ولك الحمد بعد الرضا ولك الحمد إذا رضيت. ❤

مصلى السيدات بيعلمِك حاجات كتير أوي أهمهم إن صلاة المرأة في بيتها أفضل واللهِ.

"يُكرم المرء لأجل صلاح أبويه" رضيَ الله عن والدي ووالدتي بِقدرِ رمال الأرض، بقدر كل ثقلٍ سانداني على حمله، بقدر كل مواساةٍ أطفئا بها قلقي، بِقدرِ كل قطرةِ نُورٍ سكباها على نار الروح، بقدر سِعة قلبهما لي. رضيَ الله عنهما وأرضاهم وجزاهم كل خير.

اللهم زد إنشغالي بنفسي ولا تشغلني بخلقِك واجعل ف قلبي الرضا والسكينه

انها الغربة يا صديقي 🥺😔 لو انت شايف ان الجزء وال٨ ركعات بتوع التراويح تقال عليك او عندك حاجة تاني ف يا شيخ خفف شوية منا الكبير ومنا الصغير ومنا اصحاب الحاجة والكلام ده 🥺💔 ف انت محتاج تراجع نفسك فورااااا وتراجع قلبك وادعي كتير اللهم حبب الي قلبي الطاعات ،اللهم لا تجعل الدنيا اكبر همي

ليست الجنّةُ لمسلمي هذه الأمة وحدهم، بل يدخل الجنّة كلُّ من آمن بنبيّ زمانه واتّبعه. هذا كان قبل أن يُبعَث سيّدنا محمد صلى الله عليه وسلم. أما بعدَ بعثته الشريفة فشريعته ناسخةٌ لكلّ شريعةٍ قبله، ودينه مهيمنٌ على الدين كله، ولو بُعثَ جميعُ الأنبياء من قبورهم لوجب عليهم اتّباعه وأن يدخلوا في جملةِ أمّته، لذلك حينما ينزل سيدنا عيسى بن مريم عليه السلام من السماء سيكون واحدًا من هذه الأمة متبعًا لسيّده محمد صلى الله عليه وسلم. فكلّ من بلغته رسالة سيدنا محمد صلى الله عليه وسلم وجب عليه أن يصدّقه ويؤمن به، وكلّ من لم يؤمن به بلا عذر -كأن يكون لم تبلغه الرسالة أو بلغته مشوّهةَ الأصلِ- دخل النار خالدًا مخلّدًا فيها. هذا من حيث الاعتقاد، أما من حيثُ المعاملة: فمن سالَمنا سالمناه.

ركز! أنت محتاج تركّز! قال رسول الله ﷺ عن شهر رمضان (وللهِ عُتَقَاءُ مِنَ النَّارِ وَذَلِكَ كُلَّ لَيْلَةٍ) في كل ليلة من شهر رمضان، ربنا عز وجل هيختار عباد من عباده وهيعتقهم من النار. والعِتق من النار يعني النجاة من النار. الحمدُ لله على كرمه ولُطفه بينا.. الحمدُ لله على الفرص اللانهائية للتوبة والرجوع إلي الله والمغفرة.. الحمدُ لله رب العالمين. مستوعبين الكرم؟ يعني ربنا عز وجل -كل ليلة- هيختار عباد ليه وهينجّيهم من النار. هيكتب لهم إنهم خلاص، فازوا، أُنقِذوا من العذاب، نجوا من النار. زي ما ربنا عز وجل عرّفنا معنى الفوز الحقيقي في القرآن وقال: (فمن زُحزِح عن النار وأُدخِل الجنة فقد فاز) فالّي ربنا هيختارهم ويعتقهم من النار دول فازوا.. وده كل ليلة. كل ليلة من ليالي رمضان هيكون الفوز العظيم ده لبعض العباد. فاحنا عايزين إيه؟ عايزين نفوز؟ عايزين نُعتَق من النار؟ عايزين ربنا ينقذنا وينجينا من عذاب النار؟ وهو في حد هيعوز غير كده؟ في حد هيقدر على غير كده؟ عندنا ٣٠ ليلة، ٣٠ ليلة كاملين هيكون فيهم كل يوم فائزين.. محتاجين نركز، محتاجين نصدق النية ونكون مخلصين لله عز وجل، ومحتاجين إنه ميعديش علينا ليلة واحدة من الليالي العظيمة دي من غير ما نترجى الله عز وجل إنه يجعلنا من العتقاء، وإنه ينجينا من النار.

‏يا ربّ لا تردنا خائبين. واكتب لنا براءة من النار وعتقا.

‏فكرة السلسلة: كُل يوم هنتدبَّر آية مِن القرآن ونشوف إحنا كُنا فاكرين الآية دِ معناها إي وإي تفسير الآية الصحيح، وإي المفروض الآية بتقولنا نعمله أو نتجنبه.. أنصحكُم بالسلسلة دِ جدًّا وكمان وقت الفيديو مناسب علشان الناس ال مش بتحب الفيديوهات الطويلة. "عالمغرب".

بنت اختي الصغيره ماشاء الله واقفه بتصلي قعدت اتفرج عليها ونا فرحان بيها اوي لما خلصت بقولها حرما ي حبيبتي قالتلي حرمت عليك عيشتك ي خالي ميرسي .

عمرك شكرت ربنا على نعمة بلوغ رمضان فى عافية؟ إنك تبلغ رمضان وانت مُعافى جسدياً وبصحة طيبة تخليك قادر تصوم و تتعبد.. إنك تبلغ رمضان وأنت مُعافي نفسياً معندكش بلاء يعجزك عن الحركة إنك تبلغ رمضان وأنت عندك مسكن ومأوى بيحميك من البرودة أو الحرارة الشديدة إنك تبلغ رمضان وأنت معاك قوت فطارك بل بتكون بتختار بين قوائم الأكل وأنواعه إنك تبلغ رمضان قادر تفطر على مياة نظيفة طعمها حلو وتروي عطشك إنك تبلغ رمضان وأهلك وأحبابك حواليك مش ملكوم على حد فيهم إنك تبلغ رمضان وبتسمع صوت الآذان والصلوات وقراءة القرآن خارجة من المساجد حواليك إنك تبلغ رمضان وأنت آمن مش خايف من أي خطر حواليك إنك تبلغ رمضان وانت معاك نت فى موبايلك قادر توصل لأى حد من أحبابك تطمن عليه ، قادر تسمع من عليه قرآن ، قادر تسمع او تتفرج على دروس وبرامج دينية تعلي إيمانك وتثبتك إنك تبلغ رمضان وأنت فى رخاء من البلاءات اللي بتهز وبتزلزل صاحبها وغيره كتير جدًا من أشكال العافية اللي احنا بنتقلب فيها واحنا مش مستوعبين قدرها ، فاكرين ان ده العادي ولكن سبحان الله يأتي بلاء إخوانك ليُريك إنك فى تمام العافية ولا تدري.. طيب إيه المطلوب مني ؟ استشعار النعم المُحيطة بنا و التركيز على تفاصيل النعم وحسن شكر الله عزوجل عليها الاجتهاد فى الطاعات عشان في قدر من الطاعات مش هتعرف تعملها غير وأنت فى عافية فاستغل وقت الرخاء على قد ما تقدر عيش رمضان الحالي وكأنه رمضان الأخير ، وأري الله من نفسك خيراً لا تنسى إخوتك فى دعاءك ولا تغفل عنهم بكل ما أوتيت من إمكانيات..

ساعات بحس مصلي النساء ده مش مفهوم من اول الست اللي جايه بابنها سنه ونص وقاعد يعيط طول الصلاه وعامل تحدي مع الشيخ مين هيبقي صوته اعلي والطفل الصغير اللي بيبقي قاعد جنب امه ومره واحده تحسه بيتوه منها ويقوم من جنبها ويتحرك في المصليه كلها بيدور عليها والأطفال اللي نفسك تزعقلهم بس مينفعش علشان امهم قاعده لحد البنت اللي جنبي وببقي عاوزه اساوي الصف واجي اقرب رجلي من رجلها تبعد ولا كأننا بنلعب سابق ولاحق.

أعتذر لحماتي العزيزه عن إفطار هذا العام ورمضان الجاي كله عندها إن شاء الله.

فكرة إن الصيام هدفه إننا نحس بالفقراء فكرة غلط ١٠٠٪؜ ... مفيش آية في القرآن بتقول إننا بنصوم علشان نحس بالفقراء .. وإلا الفقراء نفسهم مكانوش صاموا .. الفكرة دي بتطلع ملايين فاهمين إن الصيام مجرد تكدير وعكننة ... شوية جوع وعطش وصداع... كان ممكن نحس بالفقراء بطريقة تانية غير كدا ... ودي كارثة .. لأننا بنخسر الهدف الوحيد من الصيام ... ولما الهدف يضيع منك هتتعب أكتر لإنك مش فاهم حكمته ... علم ولادك إن الصيام مفروض علينا علشان نتعلم نتحكم في شهواتنا ... علم ولادك إن الصيام مفروض علشان ندرب نفسنا ع الصعب ... لعلكم تتقون علم ولادك إن الصيام بيمنعنا من شهوات حلال علشان بعد كدا ترك الغلط والمعاصي والحرام يبقي سهل .. علم ولادك إن الصيام اللي بيمنعك من الحلال وانت بتقوله سمعًا وطاعة هو دا قمة التضرع لله ... علم ولادك إن التسليم المطلق لله من غير ليه وازاي هو ده اللي احنا اتخلقنا علشانه ... علمه من دلوقتي علشان الموضوع هيبقى أصعب بكتير لو كبر من غير ما يتعلم . وكل عام وأنتم بخير. ♥️ 🌙

{ وَلَوْلَا أَن ثَبَّتْنَاكَ } { لَوْلا أَنْ رَبَطْنَا عَلَى قَلْبِهَا } { وَلَوْلَا فَضْلُ اللَّهِ عَلَيْكُمْ وَرَحْمَتُهُ } { وَلَوْلا نِعْمَةُ رَبِّي } { لَوْلا أَنْ تَدَارَكَهُ نِعْمَةٌ مِنْ رَبِّهِ } في كل لحظة من لحظات عمرك في كل مواقف الحياة وأقدارها ومع كل نفسٍ من أنفاسك تتوصل إلى حقيقة واحدة أنت لا شيء حقًا لولا الله عز وجل .."

وَإنَّ مِن مُذهِبَاتِ الأحزَان كَثرةُ الصَّلاةِ علَى النَّبيِّ ﷺ !🩵🌿