Multaqa-😍 الملتقى 💖

" اللهم بشرني بنجاح يجعلني اسجد لك باكياً ، اللهم نجحني ووفقني و إرزقني من حيث لا احتسب، اللهم إني أسألك النجاح بكرمك وعطفك ليس بمجهودي .." 🤍

" والله اللي عايز يفضل في حياتك هيفضل واللي شاريك هيتمسّك بأي أمل ويفضل لازق فيك ، واللي بيحبّك بجد أخر حاجة مُمكن تخطُر على باله إنّه يمشي ، فما تقعُدش تفرُك وتفرهد نفسك عشان تحافظ على وجود الناس في حياتك .. صدقني ما بتمشيش كدا ، اللي عايز يفضل هيفضل واللي بايع هيفضل بايع مهما تعمل عشانه .."

النهاردة.. زميلنا دخل المحاضرة في آخر ربع ساعة، وهو داخل رزع الباب وراه.. طبعًا كلنا سكتنا مرة واحدة، مترقبين رد فعل الدكتورة اللي بنسبة كبيرة جدًا تخيلنا انها في أبسط الحالات هتطرده (وده حقها.) اولاً عشان ممنوع حد يدخل بعد مرور ربع ساعة من المحاضرة، ثانيًا عشان محدش بيرزع الباب كدة! الدكتورة بكل لطف العالم.. ضحكت! وقالتله بهزار مالك ياعم متنرفز علينا ليه، داخل تفتّشنا؟ اهدى.. براحة.. اتفضل اقعد. ") احنا انبهرنا من رد فعلها، وحُسن إدارتها للموقف، وإنها بدل ما تعمل مشكلة هزرت معاه، وتفهّمت إنه ممكن يكون مضايق مثلاً من حاجة تانية..فتصرف التصرف الطفولي دة. الشاهد.. أنا بحب حنان النساء.. حنان الأمهات تحديدًا.. الدكتورة دي بنحس فعلاً انها مامتنا، والدفعة كلها بتيجي تحضر محاضراتها مخصوص.. واجمل جزء بيكون جزئها في الامتحان وأسئلته بتتحل في ثانية. بكره التعميم بتاع إن الست لما بتمسك أي منصب بتبوظ الدنيا.. وبتتسلط.. وبتطلع عين اللي تحتها.. ويا جماعة رجعوا الستات المطبخ وهيهيهيي والجو دة. الست، لما تكون ست واعية ومتفهمة، لو اتحطت في أي مكان هتملاه حنان.. السواء النفسي ملوش علاقة براجل وست. التسلط، وحب تعقيد الطلاب، دي أمور مش متعلقة بجنس عن الآخر..دي نواقص بشرية محتاجة معالجة. آلاء وجيه

‏السيدة عائشة بتقول : إن الرسول حب يداعبها في مرة من المرات فبيقولها في إرتجال جميل منه : " إني لأعلم إذا كنت عني راضية أو كنتي عليا غضْبَي " يعني أنا بعرف يا عائشة امتي بتكوني راضية عني وامتي بتكوني غضبانة ، فابتمست السيدة عائشة إبتسامة خفيفة وقالتله ازاي بتعرف يا رسول الله؟ ‏فرد عليها النبي من غير م يفكر وقالها : " أمّا إذا كنتي عني راضية فإنك تقولين في القسم لا ورب محمد ، أما اذا كنتي غضبي فتقولين لا ورب إبراهيم " فردت عليه وقالتله : " والله ي رسول الله ما أهجر منك إلا إسمك، أما محبتك ثابتة في قلبي أبد الدهر لا تتغير بحال أبدًا ". 💛

من يطاردون أحلامهم لوقت طويل سيجعلونها حقيقة في النهاية 💙👌

هلبسه يعني هلبسه يا ماما =مش هتلبسيه غير بعد متتجوزي او ع الاقل تتخطبي وده اخر كلام عندي واعملي الي تعمليه " نزلت لاقرب محل بيبيع نقابات واشترت اول خمار ماليزي ونقاب ملكي، ورجعت ودخلت اوضتها على طول وشويه وخرجت للعشاء ماما انا جبت نقاب وهنزل بيه الجامعه بكره = برضو انا لسه عندى كلامي ومفيش نقاب دولوقتي - ماما انا عارفه انا بعمل ايه انا مش صغيره، النقاب هيكون عفه ليا وهيحفظني مش هيضرني لو على الخطوبه فمليون شخص كويس ممكن يجوا وانا لابسه نقاب،ونا معرفش هلبس انهي الأول الفستان الابيض والا الكفن انا هلبس النقاب يا ماما اتمنى عشان مبقاش عملت حاجه من غير رضاكي = انتي حره بس افتكري اني هفضل عندي كلامي دخلت البنت من غير متتعشى وبالفعل خرجت من اوضتها تاني يوم الصبح لابسه النقاب وكانت منوره فيه، ودخلت لمامتها تبوس ايديها توريها الزي الجديد ولكن امها لسه مصره على رأيها ، نزلت البنت الجامعه وقضت اول يوم في الجامعه بنقابها وهي مروحها للبيت عملت حادثه نقلت على آثارها للمستشفى. في المستشفي قدورا يوصلوا لرقم تليفون بيت البنت وبلغوا اهلها وجريت مامتها على المستشفى ودخلت لبنتها اللي موجود فيها وهنا قالت البنت مش قولتلك يا ماما انا معرفش انهي هلبسه الاول الفستان والا الكفن=سامحيني يا بنتييي... انا عمري ما مغضبت عليكي، انا قلبي راضي عنك دائما حتى ولا قولت عكس كدا " انفجرت الدموع" _ ونا عمري ما زعلت منك، واهو عملت الحاجه الي نفسي فيها قبل اما اموت وكانت اخر كلمات البنت لمامتها "عمر النقاب او الزي الشرعي للبنت مكان سبب أبدا في تأخير جواز او شغل او اي حاجه بالعكس ده شئ بيحفظهاا وربنا امر بيه" ماتت البنت وهي محققه حلمها بأنها تلبس النقاب ، وتكون كامله مكمله زي مقال الكتاب ، حتي لو يوم واحد يكفي انها قابلت وجه الكريم ونفسها راضيه باللي هي كانت فيه

أحياناً تعبك هو قوتك وتعثرك هو بداية مشوارك للنجاح 👌💜

طب انا كنت جايه اقول ان التربون والاسكارف مش حجاب ولا لبس البناطيل ليها علاقه بالحجاب ولا شعرك اللي ظاهر حجاب ولا رقبتك ولا اللبس المُلفت دول مش حجاب هتيجي بنت تقولي ادعي بالهدايه متعرفيش هما بيجاهدو ازاي عشان يلبسو واسع هقولك نفس البنات دول لو عايزين يدخلو كليه او يجيبو مجموع كويس او يوصلو للحاجه اللي بيحبوها بيتعبو جدا من مذاكره ويطلع عينهم عشان يوصلو للحاجه دي م بالك بقا بالجنه مش هي كمان تستحق ان تتعبي عشانها م زي م انتي بتتعبي ليل نهار عشان تتدخلي كليه بتحبيها م برضو الجنه مش هندخلها من غير تعب! يعني ينفع مدرس يساوي شخص بيتعب عشان ينجح وشخص قاعد بس يدعي انو ينجح ومش بيذاكر لكن هو بيدعي بس!! اعملي لـ اخرتك انتي مش ضامنه تعيشي لبكرا {يَقُولُ يَا لَيْتَنِي قَدَّمْتُ لِحَيَاتِي} افتكري الايه دي دايما 💙 ﴿ إِنَّمَا الْحَيَاةُ الدُّنْيَا لَعِبٌ وَلَهْوٌ ۚ وَإِن تُؤْمِنُوا وَتَتَّقُوا يُؤْتِكُمْ أُجُورَكُمْ وَلَا يَسْأَلْكُمْ أَمْوَالَكُمْ ﴾ " ✍حبيبة

سألَ شابٌ أحد المشايخ في حُبِ فتاةٍ فقالَ:يا شيخ أني أحببتُ فلانةَ وأريدُها زوجةً لي، فما يكونُ دُعائي عسىٰ أن يرزقَني الله بها.. فَقالَ الشَيخُ: ردد هذا الدعاء (اللهم إن كان لي وللأمة فيها خيرٌ فقربها مني وارزقني الزواج منها وإن كان فيها شرٌ...فقاطعهُ الشاب) وقال:فاجعل الخيرَ كُله فيها وقربها مني وارزقني الزواج منها😂. فَتَعجبَ الشيخُ منه قائلاً: ويحك لِم السؤالُ إن كُنتَ المُجيب...💚🫀''.

لا تقلق هذا التعب و الجهد سيعوضك الله عنه بما تتمنى و بما يريد قلبك 🥺💙

‏"أتمنى أن تعرف أنك محبوب ووجودك مهمٌ في هذه الحياة، وآمل أن تصبح الأمور أبسط وأكثر خفة بالنسبة لك، وأن يلفك السلام والراحة مثل وشاح دافئ، وأن تقضي أيامك بين أشخاص يستحقونك وفي المكان الذي تحلُم به، آمل أن تعيش غير محتاجٍ لأطواق النجاة، أو لأحدٍ يرمم بعثرة قلبك"🤍🍓

✅ 80 فكره ممكن يغيروا مجري حياتك 🤸 1_ تحفظ قرآن كريم 2_ تتعلم أحكام التجويد 3_ تواظب على الفروض والنوافل 4_ تواظب على قيام الليل 5_ تواظب على أذكار الصباح والمساء 6_ تواظب على آيه الكرسي بعد كل صلاه 7_ تسمع سيره نبويه للشيخ احمد عامر 8_ تسمع دوره قصص القران للشيخ علاء حامد 9_ تسمع دوره كل يوم آيه للشيخ محمد الغليظ 10_ تسمع دوره باسمك نحيا للشيخ علاء حامد 11_ تسمع دوره سلسله فن الحياه للشيخ علاء حامد 12_ تسمع دوره اني آنست نورا للشيخ حازم شومان 13_تسمع سلسله بالقرآن اهتديت 14_ تسمع فيديوهات علي وكتاب 15_ تسمع بودكاست 16_ تلعب رياضه 17_ تسمع فيديوهات TED 18_ تتقابل مع اصحابك 19_ تزور قرايبك " صله الرحم " 20_ تاخذ كورس انجليزي 21_ تاخذ كورس لغه تانيه لو حابب 22_تقرأ كتب 23_ تتعلم مهاره جديده (ترجمه/ برمجه ،..) 24_ تتعلم مهاره كتابه المحتوى 25_ تقرأ مقالات 26_ تقلل السوشال ميديا 27_تدخل في عمل تطوعي 28_ تحفظ الأربعين النوويه 29_ تقرا في السيره النبويه (الرحيق المختوم / السيره النبويه بالعاميه) 30_ تقرأ عن قصص الصحابه 31_ تاخذ كورس تنظيم (إدارة) الوقت 32_ تتعلم مهاره الكتابه السريعه 33_ تتعلم مهاره التسويق 34_ تتعامل مهاره تدوين الافكار 35_ تتعلم مهاره استخدام محركات البحث 36_ تتعلم مهارات التخطيط ووضع الاهداف 37_ قلل المشتتات وزود تركيزك 38_ اداره فلوسك(كتاب الاب الغني والاب الفقير) 39_تتعلم مهارات التفاوض 40_ تتعلم مهاره تعلم كيف تتعلم 41_ تسمع فيديوهات احمد ابو زيد 42_ تدعي بظهر الغيب ليك ولغيرك 43_ تشكر حد كل يوم أنه في حياتك 44_ تشكر ربنا كل يوم علي كل النعم ال انعمها عليك 45_ تعمل جلسه تأمل 46_ تواظب علي سورة الكهف كل يوم جمعه 47_ تواظب علي صلاه الفجر في معادها 48_ تشارك معرفتك 49_ تاخد كورسات 50_ تطلع صدقه 51_ تقضي علي عصبيتك ( لو شخص عصبي ) 52_ تحاول تبدأ يومك من الفجر وتنام بدري 53_ تعمل ميوت لآراء الناس 54_ تقلل استخدام الموبايل 55_ تعمل عزله كل فتره ولو يوم وتقفل الموبايل خالص 56_ افتكر الدروس وانسي الصعوبات 58_ تتعلم فن التغافل 59_ تتابع قنوات تليجرام مفيده 60_ تلغي متابعه كل الصفحات ال مش مفيده 61_ تسمع سلسله ختمه تعارف 62_ تسمع سلسله الخلاصه للشيخ محمد الغليظ 63_ تقرأ كتاب حكمه نافال 64_ تقرأ كتاب الاب الغني والاب الفقير 65_ تقرأ سورة البقرة كل يوم 66_ تجاهد في الذنوب اللي بتعملها 67_ تسابق نفسك في رحلتك 68_ تشترك في اكاديميه زاد 69_ تجهز نفسك للعشره الاوائل من ذي الحجه 70_ تعمل ذكر معين كل يوم وليكن 1000 استغفار ،.. 71_ تسمع دورة فقه النفس 72_ تسمع فيديوهات مفيده 73_ تاخد كورس ICDL 74_ تاخد كورسات soft skills 75_ تتدبر القرآن 76_ تنمي مهاره الاستماع في الانجليزي 77_ تمشي بتقنيه البومودورو في المذاكرة ( 25 دقيقه مذاكرة + 5 دقائق راحه ) 78_ بر اهلك 79_ تعمل To do list يوميا ليك 80_ واخيرا دعواتكم ليا سلام 🏃

وأنت بتدعي بلاش تتقشف ❌ - واحد صاحبي قعد يدعي ويقول يارب انا عايز شقة واتجوز وعربية أي عربية وخلاص ومش عايز حاجة تانيه .. بيقولي ربنا فتح عليا لحد ما جت ال 3 حاجات دي وبعدها كأن حنفية واتقفلت !! • واحدة قعدت سنين مش بتخلف راحت عند الكعبة وقالت يارب انا عايزه أي عيل حتى لو مشوه .. حملت فعلا ولما ولدت طلعت الطفل عنده عيوب خلقية وداخت بيه على المستشفيات وانت بتدعي بلاش تتقشف !! يعني مثلا انك تقول يارب ارزقني بعربية ولو حتى بباب واحد او انك تقول يارب ارزقني بأي شغل وخلاص .. سيدنا يوسف قال : {قَالَ رَبِّ السِّجْنُ أَحَبُّ إِلَيَّ مِمَّا يَدْعُونَنِي إِلَيْهِ}. يقول ابن كثير رحمه الله.. يوسف عليه السلام دعا الله أن يسجن فاستجاب له الله و سجن .. ولو أنه قال ربي العافية و النجاة أحب إلي لعوفي ونجا وانس المنطق وانت بتدعي !! يعني ايه ؟؟ يعني تدعي ربنا بكل اللي نفسك فيه وماتشغلش بالك ازاي الدعوة دي هتتحقق !! سيدنا زكريا دعى ربنا انه يرزقه بالولد مع ان سنة كان كبير قوي وزوجته مش بتخلف بس ربنا ﷻ قال ساعتها "هُوَ عَلَيَّ هَيِّن" .. وبرضوا سيدنا ابراهيم ساب اهله "بِوَادٍ غَيْر ذِي زَرْع" بس لما جه يدعي قال {وَارْزُقْهُمْ مِنْ الثَّمَرَات} وبعدين وانت بتدعي خليك طماع .. اسأل كتير وادعي باكتر من اللي نفسك فيه .. النبي (ﷺ) بيقول {إذا تمنى أحدكم فليستكثر، فإنما يسأل ربه } .. سيدنا موسى طلب من ربنا ﷻ 7 حاجات مرة واحدة وكان الرد ساعتها: {قَالَ قَدْ أُوتِيتَ سُؤْلَكَ يَا مُوسَىٰ}. وادعي ربنا بكل حاجه مهما كانت صغيره .. ورد في الأثر: أن موسى عليه السلام قال : يا رب ! إنه ليعرض لي الحاجة من الدنيا فأستحي أن أسألك . قال الله ﷻ : سلني حتى ملح عجينك وعلف حمارك. ولو عايز تعرف يعني ايه حسن الظن بالله !! شوف دعوة سيدنا سليمان يُفتن ويستغفر وفي نفس الدعوة يسأل ربنا مُلكاً لا ينبغي لأحد من بعده قال تعالى: {وَلَقَدْ فَتَنَّا سُلَيْمَانَ وَأَلْقَيْنَا عَلَى كُرْسِيِّهِ جَسَدًا ثُمَّ أَنَابَ قَالَ رَبِّ اغْفِرْ لِي وَهَبْ لِي مُلْكًا لّا يَنبَغِي لِأَحَدٍ مِّنْ بَعْدِي إِنَّكَ أَنتَ الْوَهَّابُ} سيدنا عمر بيقول ( أنا لا أحمل هم الإجابة ولكن أحمل هم الدعاء) وخليك متآكد وانت بتدعي ان الله هو القريب ، المجيب ، الرزاق ، الوهاب .❤️ #هانت 💚

واحد صاحبي لما اتجوز مراته تعبت على طول. التهابات غدة درقية، التهابات في المعدة، وغيره وغيره. معملش شهر عسل! مخرجش في أي مكان! كانت الزيجة بدون أي تعارف مسبق، شاف زوجته عجبته راح اتقدم لها وتزوجها. يعني مش قصة حب عنيفة وحوارات الارتباط اللي قبل الزواج دي! كان بيقعد معايا يحكيلي ويقولي دعواتك بالله عليك وأحس إنه فعلا زعلان. عريس بقى جديد ونفسه يدخل دنيا، بس ده أمر ربنا ومالناش نتكلم فيه! في يوم من الأيام كلمني وقالي تعالى أنا عايز أشوفك. نزلنا اتقابلنا على القهوة بتاعتنا، بعد السلامات المعتادة، والله العظيم قالي كده بالحرف؛ " هو لو حد بيتأسف لك علشان هو تعبان ومش عايزك تشوفه بحالته دي علشان ميتعبكش بتعبه ده يبقى إيه؟ بيتأسف ليك علشان غصب عنه معملش لك أي حاجة حلوة ده يبقى إيه؟" فَأنا سكت شوية ومردتش عليه بسؤال، قولتله يعني حب، حب كبير. قالي: "مراتي بصت لي لما جيت من الشغل وقالت لي أنا أسفة." استطرد في سرد كلام كتير أوي بعدها، وقالي في النهاية: " والله العظيم أنا ما حبيت حد كده، ولما قالتهالي حسيت إني أنا اللي مريض مش هي وإني عايز أتأسف لها مش العكس." صاحبي لما كان بيحكيلي مكنتش أنا لسا تزوجت، وهو كان السبب الأكبر في إني أتزوج بالرغم من كل المصاعب اللي شافها في الأول. لا شوفته زهقان ولا بيتعصب ولا بينقم على حاله والله العظيم! كان كل حاله إنه زعلان على مراته. لسا يا دوبك اتقفل عليهم باب وكام يوم والله لقيته بيكلمني يقولي عاوز اسم دكتور كويس عندك لعلاج كذا.. رباط قوي متين اتنشأ من كام يوم بس! صاحبي مكنش عارف مراته قبل الزواج علشان نديله أسباب يعمل معاها كل ده! هو ارتبط معاها برباط غليظ اسمه الزواج، واتقى الله فيها وحبها حب حلال نقي لا يمكن كسره! مراته بإذن الله بعد التعافي هتبقى شيء تاني تماما، هتبقى سند وظهر وكل شيء. نتقي الله في نفسنا وفي الأرواح اللي خدناها من بيوت الناس ونعاملها أحسن المعاملة. نتقي الله في أزواجنا ونحافظ عليهم. نحافظ على أدعيتنا وأذكارنا ونفكر شريك حياتنا دايما بطاعة الله علشان تجتمعوا دايما على حبه. وافتكر دايما، مفيش أعظم من الحب الحلال. مفيش حاجة في الدنيا أعظم من إنك تتقي الله في شخص بتحبه. مقتبس

- بحب أشوف صحاب داخلين المترو جري و بيضحكوا علشان كان هيقفل عليهم، بحب اشوف اتنين قاعدين حد بيحكي و منفعل و التاني مركز في كل كلمة و باين على وشه قد ايه متأثر، بحب اشوف الكلام اللي الناس بتكتبه لبعض في أعياد الميلاد و يكون مليان مواقف و صور ليهم في كل مكان، بحب اشوف اتنين دايماً قاعدين جمب بعض في كل حتة و لما حد فيهم يغيب يسألوا التاني، بحب مرحلة لما الاتنين يطبعوا على بعض و يبدأوا يتكلموا بنفس الطريقة ويقولوا حتى الكلمات اللي كانوا كارهينها زمان و لما صَاحِب يكون متعصب على التاني علشان شايفه بيأذي نفسه.. هفضل طول عمري أحب فكرة "الصُحاب"، فكرة أنك قابلت حد و قررت أنك مش هتسيبه و هتعمل أي حاجة علشان تشوفه مبسوط من غير أي مصلحة في النص ♥️.

كنت واقفة في البلكونة وشوفت المشهد ده بالصدفة. عندنا بنتين تؤام بيتهم قصاد بيتنا، الإتنين متجوزين وكانوا جايين زيارة لأهلهم عشان فرح أخوهم الوحيد. وبرغم إنهم كانوا شبه بعض بالظبط إلا أنهم اللي يشوفهم المرة دي يتعجب، معقولة دول تؤام؟ واحدة منهم شايلة عيل على كتفها وتلاتة كمان جرّاهم وراها وباين على جوزها تاجر كبير وميسور الحال، واستقبال أهلها لزوجها كانت على أكمل وجه، أما اختها كانت لابسة فستان بسيط جدًا وزوجها جايبها في توكتوك عادي، وبعدين شدها على جنب وطلَّع من جيبه ٥٠ جينه، وقالها " خليهم معاكي " طبطبت على إيده وقالتله " بس أنا مش محتاجاهم " فبصلها بحزن وقالها " إنتي مفكرة معييش فلوس؟ لا ياماما ده أنا ممكن أوزنك فلوس بس أنا بحوش بس " فخدت منه الخمسين جينه بضحكة وهو بينكشها وبيحاول يضحكها. ولما قرَّب من البيت عشان يدخل لقى إن أهلها بيدَّعوا إنهم مشغولين ومحدش فيهم استقبله بشكل لطيف! فمراته حاولت تمسكه من إيده وتضحك في وشه، راح باس على راسها بابتسامة وحاول يتصنع إنه مزعلش ومشى. وتقريبًا ده كله لمجرد إنه على قده 🙄. بس بعدها لاقيت إن الموضوع ليه أبعاد تانية، وهو إنه كمان مبيخلفش! أختها حاولت تضايقها بالكلام، وحاولي تطلقي وتعيشي سنك إنتي ماسكة فيه على إيه ده، لا فلوس ولا شكل ولا عيال! ويشاء ربك بعد سنة ونص، التاجر يخسر فلوسه بسبب إنه مدمن مخدرات، والتاني يسافر السعودية في السنة دي. ونزل عمل مشروع ونجح جدًا خلال ست شهور وبعد فترة كبيرة جات لأهلها وهي حامل وعلى وشك ولادة، فبنادي عليها بسألها عن صحتها، قعدت تحكيلي عن جوزها وقد إيه بيحبها، لدرجة إنه كان قايل إن العيب منه هو عشان محدش من اهله يجرحها بكلمة، ومع ذلك كان بيستحمل أهلها. وشها كان منوّر وهي بتحكي، على الجانب التاني أختها كانت واقفة على الطلاق بسبب قلة الفلوس! لولا جوز أختها اللي كانوا بيقللوا منه أتدخل في الموضوع وشغله معاه في المشروع ♥ وحقيقي عوض ربنا لما بيجي بيبهر كل اللي حوالينا، وفعلاً ياجماعة في شخص بينور ملامحنا حتى لو ظروفه على قده بحنيته وحبه، وشخص ممكن يضحك علينا الناس مهما كان معاه فلوس، وفي النهاية لو اتخيرنا بين الحنية والفلوس هنختار دايمًا الشخص الحنين ♥ لـ / عزة العمروسي

انا واحده من الناس الى كانت بتفكر فى البعث طول الوقت لدرجه فكرت انه ممكن ميكونش فيه حساب ولا حياه بعد الموت وان الروح هتنتهى وكل الكلام ده.. وطبعا ده غصب عنى انا مبعرفش اسيب حاجه غير لما اتفلسف فيها زياده عن اللزوم واعرف أصلها ودايما الوم نفسى واقول انى وحشه اوى انى بفكر كده بس مكنتش بعرف ابطل تفكير فى الحوار ده... حصل معايا موقف مش هنساه فى حياتى بعد صلاة القيام وانا بصلى سجدت ودعيت ربنا ينورلى بصيرتى ويبعدى عن اى افكار وحشه .. والله اول مافتحت المصحف جت قدامى أيه اول مره اشوفها فى حياتى فيما معناها ربنا بيوجه كلمه لعباده أتكفرون بالبعث والله الذى خلقكم من تراب ثم من نطفه ثم من علقه وهكذا وبدأ يذكر مراحل نمو الانسان وعقله الى ربنا رزقه بيه وكل معجزات الكون وحقيقى اكاد اجزم انى معرفتش ابطل عياط من رحمة ربنا.. انا بقول الكلام ده عشان اثبتلكم ان ربنا موجود بجد والله ومعانا ف كل حاجه وهو رب المعجزات ♥️

زوجتي لها حجابان للصلاة، أحدهما اشترته هي، والآخر أنا الذي اشتريته لها هدية. مؤخرًا اكتشفت أننا حين نتخاصم تصلي بحجابها حتى لا أخذ حسنات!

دخل رجُل على زوجته بعد صلاة العشاء ووجد الأولاد قد ناموا. فسألها: هل صلى الأولاد أم لا؟ قالت: لم يكن عندي طعام، وعلَّلتُهُم حتى ناموا ولم يُصلُّوا. فقال: أيقظيهم لكي يُصلوا. قالت: يا أبا جاد الحق، إذا أيقظُتُهم سيبكون من الجوع ولا يوجد طعام. قال: يا امرأة، إنَّ الله أمرني بأن آمرهم بالصلاة، ورزقُهُم ليس علي. أيقظيهم فرزقُهم على الله. الله يقول: {وَأْمُرْ أَهْلَكَ بِالصَّلَاةِ وَاصطبرْ عَلَيْهَا ۖ لَا نَسْأَلُكَ رِزْقًا ۖ نَّحْنُ نَرْزُقُكَ ۗ وَالْعَاقِبَةُ لِلتَّقْوَىٰ}. إستسلمت الأم وأيقظتهم، ولما فرغوا من الصلاة إذا بالباب يُقرَع، وإذا بأحد الأغنياء يحمِل مائدة عليها ما لذ من أصناف الطعام. قال: خذ هذا لأهل بيتك. قال: ما شأنك؟ قال: جائني أحد أشراف البلد وقدَّمت له هذا الطعام، وقبل أن يأكل تخاصمنا وحلف ألا يأكل شيئاً وخرج. فحملتُ الطعام وقُلت سأُعطيه لمن تقف عنده قدماي، ووالله ما وقفت إلَّا عند بابك، ووالله لا أدري ما الذي أتى بي أليكُم. عندها رفَع الأب كفيه لربِّ العالمين وقال: رَبِّ اجْعَلْنِي مُقِيمَ الصَّلَاةِ وَمِن ذُرِّيَّتِي ۚ رَبَّنَا وَتَقَبَّلْ دُعَاءِ.

الناس يحبون الرجل صالحا ويكرهونه مُصلحا فتجدهم يحبون الصالحين ويعادون المصلحين والسبب هو أن المصلح يصطدم بصخرة اهوائهم ورغباتهم لقداحب أهل مكةنبينا محمداصلى الله عليه وسلم قبل البعثة لإنه كان صالحاً لكن لمابعثه الله تعالى وصار مصلحاً عادوه وقالوا ساحر كذاب مجنون. الله يوفق الجميع للخير