محمد درويش (بلوكتشينيات سابقاً)

هو ليه البيتكوين مكملش صعود حتى بالرغم من اخبار ان ال SEC هتقبل ال ETFs او صناديق تداول البيتكوين ؟ الاجابة ابسط مما تتخيل، علشان مش ده ال adoption اللي الكريبتو منتظره علشان يتحرك حركة عنيفة، حالياً في صناديق تداول بيتكوين على مستوى العالم في اكتر من دولة سواء اوروبا او امريكا اللاتينية، اللي بتشوفه بيحصل ده تعلق الغير خبراء بحركة السوق بان ده خبر ايجابي … الخ و بيستغل ده الحيتان. ال adoption المنتظر فعلياً هيحصل لما ال sec يقولها صراحةً البيتكوين عملة احتياطي زيه زي المعادن النفيسة، وده مش هيحصل في المستقبل القريب او البعيد حتى بسهولة.

سؤال من احد الاعضاء في مجموعة النقاشات : ممكن توضح الفرق بين DLT و Blockchain؟ الاجابة : بالمختصر لحد لما اكتب بالتفصيل عنه : البلوكتشين احدى تطبيقات ال DLT ولكن ال DLT فيها انواع مختلفة عن البلوكتشين. ال DLT او دفتر الاستاذ الموزع هو طريقة او كونسبت حفظ البيانات على النودز في الشبكة بطريقة لا مركزية بدون وجود متحكم وحيد علشان ميبقاش centralized ledger و بتعتمد في ده على data structure مختلفة عن ال data structure الخاصة بالبلوكتشين. اما البلوكتشين هي ال structure اللي بتُستخدم علشان يتم ربط كل ال blocks بطريقة تسلسلية incremental خلاف طبعا أن البلوكتشين نفسها بتستخدم ال hashing و ال cryptography علشان تحمي بياناتها تقدر تضيف الداتا في البلوك. الخلاصة : البلوكتشين بتستخدم ال DLT كجزء من خطواتها لتوزيع البيانات على العقد او النودز. الفرق بين الاتنين محتاج توضيح اكتر ان شاء الله ابقى اتكلم عنه قريباً.

على تويتر او أكس سابقا فيه حماس كبير بخصوص مستقبل الكريبتو، BlackRock سجلت iShares Ethereum Trust في ديلاوير، وفيه إشاعات بتقول إنهم عايزين يعرضوا Ethereum ETF، و التوقعات إن Bitcoin ETF هتتقبل قريب ده تقريباً حديث الساعة، ولكن ال SEC ديما بيعمل الغير متوقع ولنا في ال XRP قصص و حكايات.

مسئولين من منصة FTX بيشتغلوا على إنشاء بورصة كريبتو جديدة في دبي. المشروع ده بيركز على تأمين أموال العملاء، من وجهة نظرهم الحاجة اللي مقدرتش FTX تعملها، الكوميدي بقى ان Can Sun اللي كان محامي في FTX هو اللي ماسك المشروع ده.

منصة Robinhood عايزة توسع خدمات تداول الكريبتو اللي عليها في الولايات المتحدة لسوق جديد في الاتحاد الأوروبي، ده برغم انخفاض إيراداتها من الكريبتو، و ده مؤشر ان المنصات هتبتدي تعمل hype الفترة الجاية و يستغلوا ارتفاع السوق حالياً. بالنسبة لمنصة Robinhood فهي منصة من المنصات الحقيرة اللي بتقفل التداول على اي أصل بمزاجهم، زي ما حصل في سهم GameStop.

بورصة الكريبتو FTX المنهارة بتحاول تبيع assets بقيمة 744 مليون دولار من Grayscale و Bitwise، بعد موافقة من محمكة الأفلاس. اربط الخبر ده بارتفاع سعر العملة علشان تفهم.

اخبار Binance Web3 Wallet: بينانس عملت Web3 wallet جديدة في التطبيق بتاعهم، وده علشان يربطوا بين CeFi و DeFi، وبيقولوا عليها 'Self Sovereign Finance'. ال CeFi : التمويل المركزي ال DeFi : التمويل اللامركزي

عملة FTT التابعة للمنصة المنهارة FTX استغلت الارتفاع اللي حصل اليومين دول و دخل فيها ما يقرب من مليار و ٣٠٠ مليون دولار تقريباً في الماركت كاب بتاعها. و من المحتمل يكون السبب في الارتفاع ده ان كل شوية يطلع اخبار تقول ان المنصة هترجع تباشر عملها تاني بإدارة جديدة. ده مينسناش طبعا قصص الاحتيال اللي عملها مالك المنصة SBF بفلوس المتداولين و اللي الى الان مازال بيتوجهله تهم احتيال جديدة.

ازيكم يا شباب ☺️ وحشني جدا ربنا يعلم، هستأذنكم فريق من اصدقائي شغالين علي مشروع بقالهم فترة مش صغيرة و طالعين بنسخة اولية من لعبتهم و محتاجين آرائكم علشان يطوروا اكتر اللعبة، فلو عندك شوية وقت ياريت تدخلوا تجربوها ولو عندكم اي تعليق ممكن تكتبوه و فريق المشروع هيتابع تعليقتكم كلها. https://plearngame.netlify.app ========== إعلان غير مدفوع

المعلم "ايلون ماسك" رجع لالعابه الحقيرة علشان ي manipulate السوق تاني، في اكتر من مكان في تويتر شايل لوجو ال loading و لوجو twitter و حاطط لوجو عملة الميم المشهورة DOGE coin و ده اثر علي سعر العملة بارتفاع ما يقرب من ٣٠٪؜ في لحظات، مع العلم انه اترفع عليه قضايا تعويض السنة اللي فاتت بقيمة ٢٥٨ مليار دولار من مستثمرين بحجة ان ايلون ضلهم و خلاهم يشتروا العملة علشان هو يحقق مكاسب، و كان ليه دور مهم في الاحتيال الهرمي pyramid scheme.

شباب بايننس نفسها اللي عاملة ال worshop علي الاكونت الرسمي بتاعهم علي تويتر التسجيل 👇 https://www.eventbrite.com/e/binance-workshop-egypt-tickets-570650690577

و من النحية التانية الشبكة بتحاول نوعًا ما تقول انا موجودة و عندي قوي تكنلوجيا زي باقي الشبكات, و ده السبب اللي خلي شبكة ال Ripple تسعي انها تطلق شبكة Flare Network اللي بتدعم العقود الذكية, و ده سريعًا كدة بتدي القدرة للشركات انهم يقدروا يبنوا تطبيقتهم علي شبكة ال Ripple زي العقود الذكية للايثريوم مثلًا. ------ و بتمتلك الشبكة كذة منتج من منتجاتها المخصصة للنظام البنكي تحديدًا زي : - ال RippleNet و ده بروتوكول الدفع المستخدم من البنوك علي شبكة ال Ripple. - ال xRapid و ده تطبيق بيستخدم ال XRP كجسر لعمليات التحويل المختلفة. - ال xCurrent و ده تطبيق التواصل بين البنوك وبعضها علشان يأكدو عمليات تحويل المدفوعات. - ال xVia و ده ال API اللي عن طريقه البنوك بتقدر تبعت المدفوعات من خلال ال RippleNet. ------ و نقدر نقول الشبكة محببة للنظام المالي العالمي بسبب انها بتساعد البنوك انها تتحق من عمليات غسيل الأموال (AML) anti-money laundering و اعرف عميلك (KYC) know-your-customer و ده بيدي للشبكة ميزة مش متواجدة عند الشبكات الحالية زي البيتكوين علي سبيل المثال. ------ الملخص الشبكة كويسة من نحية المؤسسات و المنظمات المالية اللي بتواجه مشاكل في السرعة في التحويل و التكلفة العالية جدًا, لكن علي المستوي التقني فهي نظام مالي عادي بعيد عن اللامركزية ولكن بيحاول يتمسح فيها بإستخدامه لمفهوم البلوكتشين الخاص او ال Private Blockchain.

ايه هي شبكة ال Ripple و ايه علاقتها بال "بنك الأهلي المصري" و ايه استخدامات عملة الشبكة ال XRP ؟ ------ كام مرة اتحطيت في موقف انك تبعت لحد فلوس برة البلد اللي انت فيها او انك تستقبل فلوس؟ طيب كام مرة استنيت ايام و ممكن اسابيع علشان المعاملة توصلك من بلد تانية او توصل للبلد اللي انت بتبعتلها؟؟ سمعت كام مرة من يومين لخمس ايام عمل علشان يتعملك refund من اي تطبيق اشتريت من عليه حاجة و معجبتكش فحبيت ترجعها؟! شايف كل الاسئلة ده تدل علي وجود مشكلة كبيرة, المشكلة ده اللي بسببها ظهر شبكة ال Ripple و عملتها المشفرة xrp. ------ شبكة Ripple نقدر نقول عليها نظام بنكي تم انشائه في 2012 علي ايد Chris Larsen وJed McCaleb و هدف الشبكة هو انها تساعد الاشخاص و الشركات في انهم يقدروا يبعتوا و يستقبلوا فلوس خارج دولهم, تقدر تقول شبه PayPal و Venmo ولكن علي مستوي اكثر انتشارًا و بلا قيود, يعني مثلًا عندك PayPal بتشتغل في بعض الدول و دول لا و خلاف انها بتدقق في تفاصيل غير مهمة في بعض الأحيان زي عنوانك و تفاصيلك الشخصية …الخ. ------ طيب ايه هي ال XRP عملة شبكة ال Ripple ؟ نقدر نقول عليها هي العملة الرئيسية للشبكة اللي بتتم استخدمها علشان الهدف اللي اتوجدت علشانه و هو تسهيل عمليات التحويل العالمية, خلينا ندي مثال يوضح الموضوع اكتر : هنفترض اننا عندنا شخص اسمه "فيصل" عنده مصنع و اتفق علي مكينات للمصنع عنده و عايز يبعت مبلغ 50 الف "ريال سعودي" للمسؤل عن المصنع اللي بيصنع المكن المطلوب في اليابان وهو "Akira" ولكن المشكلة ان اخونا الياباني مش بيقبل غير عملتهم المحلية فقط وهي "الين الياباني", بإستخدام "فيصل" لشبكة ال Ripple يقدر يحول المبلغ اللي عايز يبعته ل " XRP " و بعدها يتم تحويل ال " XRP " ل "ين يباني", هتقولي طيب ليه "Akira" ميخدش ال "ريال سعودي" و يحوله هو ل "ين الياباني" هقولك علشان ممكن ميكنش في امكانية لعملية الصرف ده وهو تحويل من "ريال سعودي الي ين يباني" *طبعًا الريال عملة قوية و ليها تحويل عادي بس انا بقولها كمثال*. ------ و السبب التاني ان عملية التحويل هتكون سريعة جدًا بما ان الشبكة بتقدر تعمل حوالي 1500 تحويل في الثانية *طبعًا اقل من شبكة VISA اللي بتقدر تعمل لحد 65 الف عملية في الثانية الواحدة تقريبًا*, الامان الزيادة اللي بتوفره الشبكة بالإضافة ان استخدام العملة كاجسر بين العملات ده بيحمي بعض الشيئ من التقلبات العنيفة اللي بتحصل في اسعار العملات. ------ لكن مش كل حاجة ديمًا بتكون ليها ايجابيات و الحياة وردي لا طبعًا زي ما ليها ايجابيات ليها سلبيات و مش بسيطة, فلو اتكلمنا علي اقوي نقاط القوي لل Ripple هنلاقيها في عدد البنوك و الانظمة المالية اللي بتزيد كل يوم في استخدامها لشبكة ال Ripple علي سبيل المثال لا الحصر : في 2016 وقع بنك Standard Chartered البريطاني عقد شراكة مع Ripple علشان يستخدم شبكتها في عمليات التحويل العالمية اللي بتوصل لاكتر من 50 دولة. ------ في 2017 وقعت شركة American Express الامريكي عقد شراكة مع Ripple برضوا علشان يستخدم الشبكة للتحويلات الدولية لسهولة و سرعة و قلة تكاليف التحويل. ------ في 2020 وقع البنك الأهلي المصري اتفاقية مع شبكة ال Ripple لنفس الأسباب اللي ذكرتها فوق. ------ اما النقطة القاتلة لشبكة ال Ripple اللي بتخلي معظم مستخدمي العملات المشفرة لا يعتبرون ال XRP عملة مشفرة زي البيتكوين و مثيلها من العملات الغير مركزية, و السبب ان شبكة ال Ripple شبكة مركزية, و ده بسبب ان شبكة ال Ripple هي اللي بتمتلك ال nodes الخاصة بعمليات التحقق من المعاملات, و ان معظم العملات بتمتلكها شبكة ال Ripple و ده طبعًا امر غير مقبول في عالم اللامركزية و البلوكتشين و المبادئ اللي علي اساسها كتب "ساتوشي ناكومتوا" الورقة البحثية اللي رسمت المبادئ العامة "للامركزية" اللي كان بيطمح ليها وقت انشاء "البيتكوين" كأول عملة بتطيق مفاهيم "اللامركزية". ------ و نقدر نضيف علي النقطة اللي فوق ده المشاكل اللي دايرة بقالها سنين بين هيئة الاوراق المالية و البورصات الامريكية ال SEC و بين شبكة ال Ripple اللي فيها بتتهم ال SEC الشبكة انهم باعوا XRP في بداية انشاء الشبكة للمستثمرين علي انها اوراق مالية بدون ما ياخدوا اي تصاريح من ال SEC للاعتراف و بإن XRP تعتبر ورقة مالية قابلة للتداول و تخضع لشروط الاوراق المالية. ------ فلو بصينا علي شبكة ال Ripple من بعيد هنلاقي ليها عدد من الشبكات المنافسين كتير جدًا و اقوية من حيث المؤمنين بتقنيتهم او من حيث قوتهم المالية الحالية زي البيتكوين و الايثريوم ولكن قوة ال Ripple بتستمدها من الاسماء العالمية للمؤسسات المالية اللي في شراكة معاها و ده نقطة لا يستهان بيها تمامًا. ------

خدوا بالكم، الاكونت ده منتحل صفتي و بيبعت للناس، بلغوا عنه انه spam انا مببعتش رسايل لحد و مش بيتدي الكلام مع حد نهائيء.

الحمد لله مر عام علينا بفضل من ربنا و بعونه و بستره و حفظه … احمد الله علي كل شيء و لكل شئ … ادعو الله بالتوفيق لي و لكم … وان يسير الله لنا الحال … ويرزقني ويرزقكم بكل طيب … ادعو الله ان ينير طريقي و يرزقني العلم الذي انفع بيه نفسي و من حولي … ويطيل الله عمر والدتي و يرحم والدي رحمة واسعة. كل عام ونحن الي الله أقرب ❤️ بسم الله نبدأ صفحة جديدة.

من 3 سنين فيما فوق : فعندك برضوا الاستثمار العقاري بس بخطة امتلاك العقار يعني اللي انت تشتريه ولو مش معاك تمنه دلوقتي ممكن تدفع جزء من اللي معاك كمقدم و تخلي جزء يخليك تقدر تدفع منه اول دفعة و حاول تخلي الدفعات سنوية و في خلال السنة ده انت بتشتغل علي نفسك علشان تجمع قسط السنة اللي بعدها, هتلاقي نفسك مرتاح نفسيًا و في نفس الوقت مش هتحس ان عليك ضغط لان السنة اللي جاي ميعاد سددها فعليًا معاك فلوسها لكن انت بتشتغل للسنة اللي بعدها, ادخل جمعية بقي او حوش في حساب بنكي ميكنش عليه فوائد المهم انك يبقي عندك اصل ثابت يتمثل في وحدة تكون ملكك و باسمك. قسم ترشيحات بعض الكتب اللي ممكن تكون مفيدة ليك في طريقك للتعلم: كتاب How To Swing Trade كتاب Swing Trading: Make Money Online كتاب No and Low Money Down كتاب The Psychology of Money "" "" *البوست كله بيعبر عن وجه نظر و تجربة شخصية ممكن اللي كتبته يكون مناسب لبعض الناس و ممكن ميكنش مناسب للبعض الاخر, الغاية من اللي كتبته هو اني اسعدك تفتح مداركك و توسع حدود تفكيرك لافكار ممكن متكنش جات في بالك من قبل, مش شرط تلتزم بالقواعد اللي حطيتها ولكن افهم المغزي العام و خد القرار بعد دراسة مستفيضة و تاخد مشورة المختصين. *البوست مش غرضه التوصية بشراء سهم معين او الاستثمار في قناة معينة, الامثلة المطروحة فقط بغرض التعلم.

ازاي نحدد ايه نوع الاستثمار اللي ينفعنا و ايه هي مصادر التعلم المناسبة (الجزء الأول)؟ في البداية لازم تعرف الاجابة علي بعض النقاط علشان علي اساسها هتقدر تاخد القرار في نوع الاستثمار اللي ينفع معاك فاسأل نفسك الاسئلة ده : [1- المبلغ اللي انت عايز تستثمر قد ايه ؟] ج: و الاجابة علي السؤال ده مهمة جدًا فلو عندنا 3 افتراضات : (الافتراض الأول) لو افترضنا انك معاك من 1000 ل 100 الف جنيه فافضل استثمار تحط فيه المبلغ ده هو الاسهم اللي بيكون كميتها مش كبيرة اوي و قيمتها صغيرة يعني نفترض ان في شركة اسمها "درويش" مهتمة بصناعة من الصناعات الحيوية في تصنيع المايكروشيب, و عدد الاسهم بتاعتها 1,000,000 سهم و القيمة الاجمالية لعدد الاسهم ده بالجنيه مثلًا 10,000,000 بكدة سعر السهم الواحد 10 جنيه, فلو قولنا انك اشتريت بال 1000 كلهم (و ده مش صح انك تحطهم في سهم واحد زي ما وضحت قبل كدة) كدة هنقول 1000 جنيه / 10 جنيه = 100 سهم, * طيب ليه انا اختارت الشركة ده ؟ اختياري كان لاكتر من سبب هقولهملك : السبب الاول ان الشركة واعدة و مجال عملها مهم جدًا و بتشكل صناعة اساسية في شركات تصنيع الاجهزة الالكترونية. السبب التاني ان الشركة لسة صغيرة و قيمتها صغيرة و سعر سهمها صغير و ده هيفرق معايا لما اجي احط مبلغ بسيط هلاقي نفسي معايا اسهم كتير و ده هيكون فيدة ليا علي المدي البعيد لان من السهل شركة زي ده قيمتها توصل ل 500 مليون جنيه و اكتر كمان فساعتها السهم اللي كنت شريه ب 10 جنيه هيبقي قيمته 500 جنيه بنسبة ربح 5000% او 50 ضعف. * يعني كدة مينفعش مثلًا اشتري سهم ب 100 جنيه؟ هي هتبقي نسبة و تناسب قيمة الفلوس اللي معاك الي سعر السهم و حاول تخليها ديمًا 1:100, و بكدة لو جينا حسبناها مثلًا لو معاك مبلغ 10,000 جنيه يبقي تقدر تستثمر في اسهم سعرها يوصل لحد 100 جنيه برضوا لو كان بينطبق عليه الشروط اللي فوق, طيب لو معاك 10,000,000 لو حسبناها بالمعادلة اللي فوق هنلاقي ان السهم اللي تقدر تشتريه ممكن سعره يوصل ل 100 الف جنيه و مفيش سهم بالسعر ده, اعلي سهم في البورصة المصرية عز الدخيلة و تقريبًا سعره 730 جنيه, اومال لو حد معاه المبلغ ده يعمل ايه؟! متشغلش بالك انت اكيد ربنا يزيده بس اللي معاه المبلغ ده هيكون عنده المستشار المالي او فعليًا عارف ايه مصادر الاستثمار اللي يحط فيها فلوسه. "" "" * طيب مش ممكن نشتري اسهم كبيرة و قيمتها السوقية كبيرة برضوا؟ تقدر تعمل ده في 3 حالات : الحالة الأولي لو انت عامل حساباتك و تقديراتك ان الشركة ده هيكون ليها شأن كبير في المستقبل و قيمتها هتفضل في ازدياد علي سبيل المثال "اسهم السيارات الكهربائية" ساعتها تقدر تشتري عادي طلاما انت ناوي تسيب فلوسك سنين قدام. " الحالة التانية لو انت متداول و شايف في فرصة في الشراء و تحقيق هامش ربح كويس و دارس السوق فساعتها توكل علي الله. " الحالة التالتة لو في توزيع ارباح بصورة منتظمة للأسهم و ارباح كويسة ساعتها ممكن برضوا تشتري عادي. " تحديث وعلشان تعرف معلومات عن الاسهم المصرية ممكن تعمل ده من خلال منصة مباشر بتجبلك كل المعلومات اللي محتاجها و الاخبار لكل سهم. "" "" (الافتراض الثاني) افتراضًا انك معاك ما يعادل 1,000,000 جنيه, ممكن تشوف شركات العقارات زي مثلًا شركة VibrantEgypt من الشركات المحترمة اللي بتقدر تستثمر معاهم المبلغ اللي متاح معاك و هم بيستخدموه في بناء العقارات و بيرجعولك المبلغ بتاعك بعد ما بيبيعوا الوحدة بنسبة الربح المقدرة وقت البيع, و ده مش قرض ولا ده فوائد, ده مشروع انت بتدخله و بتخلي الفاهمين عنك هم اللي يقوموا بالمهمة ده لانك ولا عندك خبرة في البناء ولا عمليات البيع ولا معاك السيولة الكافية اللي تخليك تشتري قطعة ارض و تبني عليها انت و ده نوع من الاستثمار جيد لان دورة راس المال مش بتاخد وقت و ربحيتها كويسة علشان الربح بيوصل ل 25% تقريبًا و دورة رأس المال بتاخد من 4 شهور لسنة تقريبًا. "" "" (الافتراض الثالث) لو معاك بقي مبلغ اكبر فأنت تقدر تشتري قطعة ارض او شقة او محل او مخزن …الخ و ياما تأجره و تستفاد من عملية تأجيره يا اما تسيبه كام سنة يدخلولك عائد كويس و يحافظوا علي فلوسك من التضخم. [2- السؤال الثاني اللي عايزين نسأله لنفسنا هو احنا عايزين نستثمر الفلوس ده لفترة قد ايه؟] شهور : لو قولنا مثلًا احنا عايزين حاجة كدة ندخل فيها فلوسنا كام شهر كدة يبقي لازم تعتمد علي تداول ال swing و انا هحطلك اسم كتب في الاخر تعلمك ازاي تتقن النوع ده من التداول. من سنة ل 3 سنين مثلًا : قدامك الأستثمار العقاري تدخل تشتري حصة من شركة من شركات الاستثمار العقاري و فلوسك ممكن تلحق تدخل من 3 دورات ل 6 دورات اذا ربنا شاء في خلال الفترة اللي انت محددها ده.