Shwe Maw Kun Education Group

တပေါင်းလပြည့် ပြည်တော်ဝင်အခါတော်နေ့  မြန်မာ့ဆယ့်နှစ်လရာသီတွင် နောက်ဆုံးလဖြစ်သည့် တပေါင်းလအခါသမယသည် ဆောင်းရာသီအကုန် နွေဦးအစဖြစ်သလို သဘာဝအလှတရားများစွာနှင့် “အလှညောင်းသည့် လတပေါင်း” ဟု တင်စားနိုင်သည်အထိ  လှပလျက်ရှိပါသည်။ ဗုဒ္ဓဘာသာဝင်များ အလေးမြတ်ထားရာ သဲပုံစေတီပွဲများ ကျင်းပ‌လေ့ရှိသည့် ဤတပေါင်းလပြည့်နေ့လေးတွင်လည်း ကုသိုလ်ကောင်းမှုများစွာကိုပြုလုပ်နိုင်ရင်း မင်္ဂလာရှိသောရက်မြတ်လေးကို ပိုင်ဆိုင်ပါစေလို့ ရွေမော်ကွန်းမှဆုတောင်းမေတ္တာပို့သအပ်ပါတယ်ရှင်။

📖 မည်သည့်စာပေတစ်ခုကို လေ့လာသည်မဆို ထိုစာပေမှာရှိတဲ့ အခြေခံ ဗျည်း သရ အက္ခရာ ကနေ စတင်လေ့လာမှုပြုရပါတယ်... 📚📝မြန်မာစာပေကို လေ့လာရာမှာလည်း မြန်မာဗျည်း (၃၃)လုံးကို ဉီးစွာ လေ့လာမှုပြုရပါတယ်... 🖍📒မြန်မာဗျည်း (၃၃)လုံးအနက် "ပ" ဗျည်းကဗျာကို ရွတ်ဖတ်လေ့လာပြီး "ပ"ဗျည်းရေးသားနည်းများကို မိတ်ဆက်ခြင်း၊"ပ"ဗျည်းဖြင့် ပြောဆိုသုံးနှုန်းသော ဝေါဟာရများကို သိရှိစေခြင်းနှင့် ရုပ်ပုံများကို ဆေးရောင်ခြယ်ကာ တက်ကြွစွာ လေ့လာသင်ယူနေကြတဲ့ သားငယ်သမီးငယ်လေးများရဲ့ ပျော်ရွှင်စရာ သင်ယူမှုပတ်ဝန်းကျင်တစ်ခုကို မိဘများလည်း ဝမ်းသာပီတိဖြစ်ရလေအောင် မျှဝေပေးလိုက်ပါတယ်ရှင့်...💕

🌏🌱အမှိုက်ကင်းစင် မိမိပတ်ဝန်းကျင်🚯 🤔မိမိတို့ရဲ့နေ့စဥ်ဘဝမှာ တစ်ခါသုံးပလပ်စတစ်အိတ် နှင့်ဘူးခွံများကို လိုအပ်သည်ထက် ပိုသုံးမိနေမလား❓ 🛍🍃သုံးပြီးသား ပလပ်စတစ်အိတ်များနှင့်အမှိုက်များကို လွယ်လင့်တကူ ကြုံရာမှာ စွန့်ပစ်မိပြီး မိမိတို့နေထိုင်ရာ ပတ်ဝန်းကျင်မှာ တစ်ရက်ထက်တစ်ရက် စွန့်ပစ်အမှိုက်တွေ အဆမတန် တိုးပွားလာတာ သတိထားမိကြမှာပါ... 🌧☀ ဒါတွေကြောင့် ရောဂါများ ထူပြောလာပြီး ရာသီဥတုဖောက်ပြန်လာခြင်းကို မိမိတို့လက်တွေ့ရင်ဆိုင်ကြုံတွေ့နေရပါတယ်ရှင့်... ♻🌍 လူတွေကြောင့် ထိခိုက်ပျက်ဆီးသွားတဲ့ သဘာဝပတ်ဝန်းကျင်ကို ပြန်လည်ကယ်တင်နိုင်ရေးအတွက် ပလပ်စတစ်အိတ်များကို လျော့ချသုံးစွဲခြင်းနှင့် ပြန်လည်အသုံးပြုခြင်းဖြင့် မိမိပတ်ဝန်းကျင်ကိုလက်တွေ့ထိန်းသိမ်းစောင့်ရှောက်ကြရအောင်... 🏫 💌ဒါ့ကြောင့်မို့ ကျွန်မတို့ရွှေမော်ကွန်းကျောင်းမှ ဆရာ/မများနှင့်ကျောင်းသား/သူများသည်လည်း အပတ်စဥ်ဗုဒ္ဓဟူးနေ့တိုင်း ပလပ်စတစ်မသုံးစွဲခြင်းဖြင့် ( Plastic Free Wednesday)ကို လက်တွေ့ဖော်ဆောင်ကာ သဘာဝပတ်ဝန်းကျင်ကို ဝိုင်းဝန်းကူညီထိန်းသိမ်းစောင့်ရှောက်သွားပေးပါသော ဆရာ/မများ၊ ကျောင်းသား/သူများနှင့် မိဘအုပ်ထိန်းသူများအားလုံးကို အထူးပင်ကျေးဇူးတင်ရှိပါတယ်ရှင့်..

🎯Design thinking and Prototype project💻 🏫🌟 ရွှေမော်ကွန်းကျောင်းရှိ သားငယ်သမီးငယ်လေးများသည် ၂၁ရာစုနှစ်တစ်ခုရဲ့ နည်းပညာပိုင်းဆိုင်ရာကို အမှီလိုက်နိုင်နေပြီနော်... 💌💕Design thinking and prototype project ဟာဆိုရင် ကျောင်းသား/ သူများကို group အလိုက် website prototype or application prototype ပြုလုပ်စေခြင်းဖြစ်ပါတယ်... ⛳ ဒီ project ကိုလုပ်ပေးရခြင်းရဲ့ရည်ရွယ်ချက်ကတော့ ကျောင်းသူ/သား များရဲ့ ပြသာနာဖြေရှင်းနိုင်စွမ်း၊ တီထွင်ကြံဆနိုင်စွမ်းတွေကို နည်းပညာနဲ့အသုံးပြုပြီး လက်တွေ့အကောင်အထည်ဖော်နိုင်စေရန် 🏅နည်းပညာပိုင်းသာမက business aspects များကိုပါထည့်သွင်းစဉ်းစားတတ်စေရန် 🏅မိမိတို့ဖန်တီးမည့် app/ website design ideas သည် နေ့စဉ်လက်တွေဘဝတွင်ကြုံတွေ့နေရတဲ့အခက်အခဲများကို ဖြေရှင်းပေးနိုင်ပြီး လိုအပ်ချက်များဖြည့်ဆည်းပေးနိုင်တဲ့ product တစ်ခုထိဖြစ်အောင် စဉ်းစားတတ်စေရန် 🏅အသင်းအဖွဲ့များနှင့် ပူပေါင်းဆောင်ရွက်တတ်စေရန် ရည်ရွယ်ခြင်းဖြစ်ပါတယ်ရှင့်...

👨‍🎓 👩‍🎓🌟 British Council မှ ကြီးမှူးကျင်းပပြုလုပ်ခဲ့သော Pearson Edexcel UK၏ iPrimary Achievement Test ကို 16.10.2023 (တနင်္လာနေ့) မှ စ၍ 19.10.2023 (ကြာသပတေးနေ့ )နေ့ထိ ရွှေမော်ကွန်းကိုယ်ပိုင်အလယ်တန်းကျောင်းရှိ ကျောင်းသား/သူ( ၇ ) ဉီးက ထိုမူလတန်းပြီးမြောက်ကြောင်း စာမေးပွဲကြီးကို မန္တလေးမြို့တွင် ဝင်ရောက်ဖြေဆိုခဲ့ပါသည်... 🎓🏆🏅ထို Achievement Test ကို ဝင်ရောက်ဖြေဆိုခဲ့ရာမှ ထူးချွန်စွာအောင်မြင်ခဲ့ကြသော သားငယ်သမီးငယ်လေးများကို အထူးပင် ဂုဏ်ယူဝမ်းမြောက်ရပါကြောင်း မှတ်တမ်းတင် ဂုဏ်ပြုအပ်ပါတယ်ရှင့်....🎉🎊🎁💌

📣🎊Partnership Announcement 🎊📣 📣မင်္ဂလာပါ ရွှေမော်ကွန်းကိုယ်ပိုင်အလယ်တန်းကျောင်းမှာ ကျောင်းသူ​/သားများကို ပညာရေးအပြင် ဘက်စုံထူးချွန်သောကျောင်းသားကျောင်းသူများဖြစ်လာစေရန် ရည်ရွယ်ပြီး နှစ်စဉ်နှစ်တိုင်း ဘက်စုံပညာရေးကို အထူးသင်ကြားပေးလျက်ရှိပါသည်။ပညာရေး အပြင်ကျောင်းတွင်း Sport Club များကိုလည်းဖွဲ့စည်းသင်ကြားပေးလျက်ရှိသည်ကိုလည်း မိဘများအသိဖြစ်ပါသည်။🥰 📣2024-2025 ပညာသင်နှစ်တွင်ရွှေမော်ကွန်းကျောင်းမှ Badminton Club သည် ကမ္ဘာကျော် Branded ကြက်တောင်အားကစားကုမ္ပဏီ တစ်ခုဖြစ်သော Victor Badminton(Taunggyi )နှင့်ပူးပေါင်းကာကျောင်းသားကျောင်းသူများကို ပိုမိုကောင်းမွန်သော Sport Equipment များဖြင့်အသုံးပြုဆော့ကစားစေရန် ရည်ရွယ်၍ Victor Badminton(Taunggyi)နှင့်အတူ ပူးပေါင်းလက်တွဲဆောင်ရွက်သွားမည်ဖြစ်ကြောင်းသတင်းကောင်းပါးအပ် ပါသည်။🤝🏸🎊🎉 #Taunggyi #sport #victorbadminton #VictorBadminton #victorbadmintontaunggyi #shwemawkun

🌕 တပို့တွဲလရဲ့ ပွဲတော်ဖြစ်တဲ့ ထမနဲထိုးပွဲကို ရွှေမော်ကွန်းကျောင်းတွင် တပို့တွဲလပြည့်နေ့၌ မြိုင်မြိုင်ဆိုင်ဆိုင်ဆောင်ရွက်ဖြစ်ခဲ့ပါတယ်။ ထမနဲထိုးပွဲလေးမှာ ဆရာဆရာမများ နှင့် အတူ ကျောင်းသားကျောင်းသူများလည်း တက်ကြွပျော်ရွှင်စွာနှင့် အတူတကွပါဝင်ဆင်နွှဲခဲ့ကြပါတယ်။ 🙏🏻 တပို့တွဲလပြည့် သြဝါဒပါတိမောက် အခါသမယနေ့မှစ၍ မိဘပြည်သူများအားလုံး စိတ်၏ချမ်းသာခြင်း ကိုယ်၏ကျန်းမာခြင်းနှင့်ပြည့်စုံကြပြီး အစစအရာရာ အဆင်ပြေအောင်မြင်ကြပါစေကြောင်း Shwe Maw Kun မှ ဆုမွန်ကောင်းတောင်းရင်း တပို့တွဲလပြည့်နေ့အမှတ်တရပုံရိပ်လေးများကို မျှဝေလိုက်ပါတယ်ရှင်။

🏆မှတ်တမ်းတင်ဂုဏ်ပြုခြင်း🏆 🏅🌟Thailand International Mathematical Olympaid (TIMO) Exam 2023-24 Heat Round (Country Round)ကို 14.1.2024 (တနင်္ဂနွေနေ့) တွင် Primary 1 မှ Primary 4 ထိ ဝင်ရောက်ဖြေဆိုခဲ့ရာ ထူးချွန်စွာ ဆုအသီးသီးကို ဆွတ်ခူးနိုင်ခဲ့သော ရွှေမော်ကွန်း ကိုယ်ပိုင်အလယ်တန်းကျောင်းမှ အနာဂတ်ကြယ်ပွင့်လေးများဖြစ်တဲ့ သင်္ချာချန်ပီယံကလေးများအား ဂုဏ်ယူဝမ်းမြောက်စွာ မှတ်တမ်းတင် ဂုဏ်ပြုအပ်ပါတယ်ရှင့်...👨‍🎓👩‍🎓

🕵SMK Science Club ရဲ့ ခရီးစဥ်🌱🌾 🏫🌟ကျွန်မတို့ရွှေမော်ကွန်းကျောင်းရှိ Science Club မှ ကျောင်းသား/သူများသည် အေးသာယာမြို့ရှိ ဝိုင်ခြံနှင့် Tissue Culture သို့ သွားရောက်ကွင်းဆင်းလေ့လာခဲ့ကြပါသည်... 🌏🍀🔍ထိုသို့လေ့လာခဲ့ခြင်းကြောင့် ကျောင်းသား/သူများသည် အပင်၏မျိုးစိတ်အကြောင်းနှင့် ရာသီဥတုအပေါ် အခြေခံ၍ သီးနှံစိုက်ပျိူးမှုများ၊ ပရော်ဖက်ရှင်နယ် ဓာတ်ခွဲခန်းရှိ ခေတ်မီတဲ့ ဓာတ်ခွဲကိရိယာဖြင့်အသုံးပြုနည်းများ၊ သုတေသနပြုရာမှာ အချက်အလက်သည် အသေးစိတ်ကျပြီး တိကျမှုရှိခြင်းနှင့် အာရုံစူးစိုက်မှုတို့၏ အရေးပါမှုကို သိရှိနားလည်လာသည်... 🌾💊🔬ဒါ့အပြင် သုတေသနပြု ကျွမ်းကျင်ပညာရှင်များနှင့် ထိတွေ့ဆက်ဆံခဲ့ရသောကြောင့် မိမိသိလိုသော အကြောင်းအရာများကို တွေ့ဆုံမေးမြန်းသင်ယူလေ့လာကာ ဇီဝနည်းပညာ၊ ဆေးဝါးနှင့် စိုက်ပျိုးရေး လုပ်ငန်းတွေမှာလည်း Tissue Culture ဖြင့် ဘယ်လိုအသုံးချနေကြောင်းကို လက်တွေ့ကွင်းဆင်းလေ့လာခဲ့ကြတဲ့ သားငယ်သမီးငယ်လေးများရဲ့ လေ့လာမှုပုံရိပ်တချို့ကို မျှဝေပေးလိုက်ပါတယ်ရှင့်....💞💕

🌸 🍀မည်သည့်ဘာသာစကား၏ စာအရေးအသားတွင်မဆို စာလုံးပေါင်းသတ်ပုံံဟာ စာပေအရေးအသားရဲ့ အခြေခံအုတ်မြစ်တစ်ခု ဖြစ်ပါတယ်...​ 🏛🏰🏯 ကြီးကျယ်ခမ်းနားလှတဲ့ ပြသာဒ်အဆောက်အအုံကြီးတစ်ခုဖြစ်ပေါ်လာဖို့ အခြေခံအုတ်မြစ်ဟာ အဓိကကျလှသလို စာပေအရေးအသားမှာလည်း စာလုံးပေါင်းသတ်ပုံမှန်ကန်ဖို့က အဓိကျလှပါတယ်... 📖🖋စာအရေးအသားပြုရာမှာ စာလုံးပေါင်းသတ်ပုံမှားယွင်းမှုကြောင့် ဆိုလိုရင်း အဓိပ္ပါယ်များ လွဲချော်သွားပြီး မိမိရဲ့စာပေတန်ဖိုးများ လျော့ကျသွားနိုင်ပါတယ်ရှင့်... 🌟💌 ဒါကြောင့်မို့ ခေတ်လူငယ်များ မိမိရဲ့စာပေကို ချစ်မြတ်နိုး တန်ဖိုးထားတတ်စေရန်နှင့် စာလုံးပေါင်းသတ်ပုံကို မှန်ကန်စွာသုံးနှုန်းရေးသားတတ်စေရန် ရည်ရွယ်၍ ကျွန်မတို့ ရွှေမော်ကွန်းကိုယ်ပိုင်အလယ်တန်းကျောင်းတွင်  မြန်မာစာလုံးပေါင်းသတ်ပုံ ပြိုင်ပွဲ ကျင်းပပြုလုပ်ခဲ့ပါတယ်ရှင့်... 💕🍀မိမိရဲ့ယဥ်ကျေးမှုစာပေ အမွေအနှစ်များကို  ဝိုင်းဝန်းထိန်းသိမ်းစောင့်ရှောက်နိုင်ကြပါစေလို့ ဆုမွန်ကောင်းတောင်းလျက် Grade-5 အတန်းမှ သားငယ်သမီးငယ်လေးများရဲ့ ပြိုင်ပွဲဝင်ပုံရိပ်တချို့ကို မျှဝေပေးလိုက်ပါတယ်ရှင့်...

Happy Chinese New Year 🧧🏮🎉 ယနေ့ကျရောက်တဲ့ တရုတ်နဂါးနှစ်သစ်ကူးနေ့ကို Shwe Maw Kun မှ ဂုဏ်ပြုကြိုဆိုအပ်ပါတယ် 🏮🎉 နှစ်ကူးအချိန်မှစကာ စီးပွားလာဘ်များတိုးတက်ကာ ပျော်ရွှင်စရာအချိန်များပိုင်ဆိုင်နိုင်ပါစေလို့ ဆုတောင်းပေးလိုက်ပါတယ် 🏮🏮 Happy Chinese New Year 🧧🏮🎉 May the Chinese New Year bring you and your loved ones happiness, good health, and prosperity 🏮🎉 #shwemawkunprivateschool #ChineseNewYearr2024

🌏 Level-1 /Pre-starters (English)📚 💎🔑🌟ရွှေမော်ကွန်း Weekend International Programme မှာ တက်ရောက်နေသော Level - 1 (Pre- Starters) အတန်းမှ သားငယ်သမီးငယ်လေးများကို ယခုအပတ်တွင် မိမိတို့နေ့စဥ်ဝတ်ဆင်နေတဲ့ အဝတ်အစားတွေရဲ့ ဒီဇိုင်း၊အရောင်နှင့် ဝေါဟာရ စကားလုံးအသုံးအနှုန်းများကို အင်္ဂလိပ်သဒ္ဒါဖြင့် ဝါကျဆီလျော်အောင် ပြောဆိုနိုင်ဖို့ လက်တွေ့လေ့ကျင့်သင်ကြားပေးခဲ့ပါသည်... 👩‍🏫💖တတ်ကြွလှုပ်ရှားသော စာသင်ခန်းတစ်ခုဖြစ်တဲ့အတွက် ပျော်ရွှင်စွာဖြင့် စိတ်ဝင်တစားလေ့လာနေကြတဲ့ သားငယ်သမီးငယ်လေးများရဲ့ ချစ်စရာပုံရိပ်တချို့ကို မျှဝေပေးလိုက်ပါတယ်ရှင့်။

"Luminary Newsletter"! 📰 💞 ခေတ်နှင့်အညီ မှန်ကန်တဲ့သတင်းစုံလင်လေးတွေ သိရှိပြီး ခေတ်နောက်ကျ မကျန်ရစေဖို့ ရွှေမော်ကွန်းကျောင်းရှိ သားသားမီးမီးတို့ရဲ့ သတင်းစာလေးကို ဖတ်ပေးကြစို့နော် 🌸🌸🌸 ✨ Don't miss the sparkle in our Shwe Maw Kun Private School's "Luminary Newsletter"! 🚀🔍 Stay informed, and let the stories light up your day! 📰🎉✨ #ReadTheSpark #SMKMagicMoments #LuminaryVibes 🌈📚

🌟🎓 📖အနာဂတ်မှာ ထွန်းလင်းမည့် ရွှေမော်ကွန်းကိုယ်ပိုင်အလယ်တန်းကျောင်းမှ Vocabulary Bee Competition တွင် Winnerဆုရရှိခဲ့တဲ့ Champion ကလေးများကို မှတ်တမ်းတင် ဂုဏ်ပြုအပ်ပါတယ်ရှင့်....💞💕 🏆✨ Capturing the magic of words! Our Vocabulary Bee Champions are the shining stars of Shwe Maw Kun Private School's future. 🌟👏 Let the brilliance begin! #WordWizards #ShineBright #FutureLeaders 🚀

🤔 တိုးတက်နေတဲ့ နည်းပညာခေတ်မှာ လက်ရေးလှဖို့ လိုသေးရဲ့လား❓ 👨‍🏫👩‍🏫သင်ကြားရေးဆရာ/မတစ်ယောက်အနေနဲ့ ကလေးတွေ လက်ရေးလှဖို့က လိုအပ်ပါတယ်လို့ပြောချင်ပါတယ် 📖🖊ဘာသာရပ်တစ်ခုလေ့လာတဲ့အခါ ကွန်ပျူတာပေါ်မှာ ရေးမှတ်ခြင်းထက် မှတ်စုစာအုပ်ပေါ်မှာ ရေးမှတ်ခြင်းက စာကိုပိုပြီးမှတ်မိစေတယ်၊ ဦးနှောက်ကျန်းမာရေးအတွက်လည်း အလွန်တရာမှ အကျိူးရှိစေပါတယ်လို့ လေ့လာမှုတစ်ခုအရ သိရှိထားပါတယ်.. 📝စာရေးသားရာမှာ ဗျည်း၊သရ၊ ဂဏန်းနှင့် အက္ခရာ မှာရှိတဲ့ အရစ်အဆွဲများ၊ရေးသားနည်း၊ စာလုံးပေါင်းသတ်ပုံံ မှန်ကန်စွာ ရေးသားနိုင်ခြင်း၊ သန့်ရှင်းသပ်ရပ်စွာ ရေးသားနိုင်ခြင်းကလည်း အရေးကြီးလှပါတယ်။ဒါမှသာ စာဖတ်ချင်စိတ်ကိုပိုစေပြီး ကလေးငယ်များအတွက် ကြွက်သားတွေ ပိုမိုသန်မာလာစေပါတယ်.. 🏆⭐ဒါ့ကြောင့် ကျွန်မတို့ရွှေမော်ကွန်းကျောင်းမှာလည်း လက်ရေးလှလှရေးကြမယ်ပြိုင်ပွဲများ ကျင်းပ၍ ဆုရရှိသွားသော သားငယ်သမီးငယ်လေးများကို ဆုချီးမြှင့်ပြီး ဝမ်းသာကြည်နူးဖွယ်ပုံရိပ်လေးများကို ဂုဏ်ယူဝမ်းမြောက်စွာ မျှဝေပေးလိုက်ပါတယ်ရှင့်...

🍀🌿 သန့်ရှင်းသပ်ရပ်တဲ့ပတ်ဝန်းကျင်မှာ နေထိုင်ရတာ လူတိုင်းစိတ်ချမ်းသာမှု ရရှိကြမှာပါ... 📢မိမိနေထိုင်တဲ့ပတ်ဝန်းကျင်မှာ ပလပ်စတစ်များကို လျှော့ချသုံးစွဲခြင်းနှင့် အမှိုက်များကို စနစ်တကျစွန့်ပစ်ခြင်းဖြင့် မိမိ​နေထိုင်တဲ့ ပတ်ဝန်းကျင်ကို ထိန်းသိမ်းစောင့်ရှောက်ကြရအောင်... 🍃🌏ကျွန်မတို့ရွှေမော်ကွန်းကျောင်းရှိ သားငယ်သမီးငယ်လေးများသည်လည်း အပတ်စဥ် ဗုဒ္ဓဟူး နေ့တိုင်း 3Rs (Reuse, Reduce, Recycle) project ဖြင့် အတန်းလိုက် ကျောင်းပတ်ဝန်းကျင် သန့်ရှင်းရေးကို လုပ်ဆောင်လျက် ရှိပါတယ်ရှင့်...

🔑 ကမ္ဘ့ာအဆင့်မှီ သင်္ချာပညာရပ်ဆိုင်ရာ နိုင်ငံတကာ ပြိုင်ပွဲတစ်ခုဖြစ်တဲ့ Thailand International Mathematical Olympiad (TIMO) ရဲ့ Exam Centre တစ်ခုဖြစ်တဲ့ ရွှေမော်ကွန်းကိုယ်ပိုင်အလယ်တန်းကျောင်း၌ 14.1.2024 (တနင်္ဂနွေ) နေ့တွင် 2023-24 TIMO Country Round စာမေးပွဲကို ကျင်းပဖြေဆိုခဲ့ပါတယ်ရှင့်... 💟🏫 ရွှေမော်ကွန်းကျောင်းမှကျောင်းသားကျောင်းသူများအပါအဝင် ပြင်ပမှ အသီးသီးလာရောက်ဖြေဆိုသော သားငယ်သမီးငယ်များကိုလည်း အထူးပင် ကျေးဇူးတင်ရှိပါတယ်ရှင့်... TIMO Country Round စာမေးပွဲကို ကြိုစားဖြေဆိုနေကြသော ချစ်စဖွယ် သားငယ်သမီးငယ်လေးများရဲ့ပုံရိပ်တချို့ကို မျှဝေပေးလိုက်ပါတယ်ရှင့်...🙆 🏅🏆🥇 ကြိုးစားမှုရလဒ်အတိုင်း ဆုတံဆိပ်များစွာ ဆွတ်ခူးနိုင်ကြပါစေ သားတို့သမီးတို့ရေ....💟

🌳💦 Social Studies 🎞📺 🎓ယခုအပတ်မှာတော့ ရွှေမော်ကွန်းကျောင်းမှ သားငယ်၊သမီးငယ်လေးများသည် Social Studies ဘာသာရပ်ရှိ စုံလင်လှတဲ့ Topic ထဲမှာမှ Water Wise နှင့် Movies Based Learning ဆိုတဲ့ ခေါင်းစဥ်နှစ်ခုကို Age Level အလိုက် ဆွေးနွေးလေ့လာခဲ့ကြပါတယ်.. 📝ဒါ့အပြင် မိမိရဲ့ကိုယ်ပိုင်ထင်မြင်ယူဆချက်နှင့်ဝေဖန်သုံးသပ်မှုများပြုလုပ်ပြီး ရရှိလာတဲ့အချက်အလက်တွေကို အုပ်စုဖြင့် ဆွေးနွေးဖလှယ်စေခဲ့တယ်.. 💦🌍 မိမိပတ်ဝန်းကျင်မှာရှိတဲ့ သဘာဝပတ်ဝန်းကျင်နှင့် သက်ရှိလူသားတွေအပေါ် ရိုင်းပင်းကူညီစောင့်ရှောက်ပေးနိုင်တဲ့ အနာဂတ်လူငယ်များဖြစ်ကြပါစေလို့ ဆုမွန်ကောင်းတောင်းလျက် ချစ်စဖွယ်သားငယ်သမီးငယ်လေးများရဲ့ပုံံရိပ်တချို့ကို မျှဝေပေးလိုက်ပါတယ်ရှင့်...