Thinking

خلينا متفقين ان اللي بيحب حد وباقي عليه بجد عمره ماهيسيبه ويمشي مهما حصل، ساعات بننعزل وبنتصرف تصرفات غريبة مش بنكون فاهمنها عشان مش بنكون عارفين نعبر عن اللي جوانا، بس اللي بيحبنا بجد هيدور علينا، وهيلاقينا، ويتكلم معانا ،وهنقعد نتخانق ونتعاتب،مش هيسيبني ويمشي، ولا هيدي فرصة للبُعد اصلاً.

بحس ان الصداقه الحقيقيه بتتقاس بقدرتنا على اننا نتخانق من غير ما نخاف نخسر بعض.

إمّا أكون أنا كل مافي كونك إمّا أن أخرج من كونك تمامًا

العِلاقة اللي ما قصرتش فيها اوعى تزعل عليها، سواء كانت عِلاقة عاطفية أو صداقة أو أيًا كان مُسماها، وطالما شايف إنك عملت اللي عليك يبقى خلاص الشيء دا مش من نصيبك ومش خير ليك، الحاجة الوحيدة اللي مُمكن تزعل عليها هي مجهودك اللي بذلته، مشاعرك اللي استهلكتها، أيامك اللي ضاعت ع الفاضي، ونصيحة هو عُمر واحد اللي هتعيشه فبلاش تضيعه في الزعل على اللي فات.

انا دايما بشوف ان اللي بيحب حد وباقي عليه بجد عمره ماهيسيبه ويمشي مهما حصل، اوقات كده بننعزل وبنتصرف تصرفات غريبة عشان بس مش بنكون عارفين نعبر عن اللي جوانا، بس اللي بيحبنا بجد هيدور علينا، وهيلاقينا، ويتكلم معانا ،وهنقعد نتخانق ونتعاتب، مش هيسيبني ويمشي، ولا هيدي فرصة للبُعد اصلاً.

أعتقد أن التقدير بيقوي العلاقات بشكل كبير، الشخص اللي يقدر وجودك ف حياته ويحسسك بمكانتك عنده وأنك شيء كبير ومتهونش عليه ابداً، يقدّر الوقت اللي بينكم والأيام يقدر عشرتك يقدّر كل شئ بتعمله عشانه ،بيديلك دافع بإنك تستمر وتديله حاجات حلوه بدون ندم لانه بكل بساطه قدر وجودك فحياته، مفيش احلي من التقدير عموماً.

فكرة انك تحاول تتخطى حاجة جواك مسببالك حزن جامد و تعباك نفسيا دي حاجة مش سهلة خالص، الحقيقة ان الواحد بيعافر وقت طويل وممكن اوي يلاقي نفسه لسه واقف مكانه زي ما هو والمجهود والمعافرة دي كلها كانت على الفاضي فحقيقي ربنا يعين كل واحد بيحاول يتجاوز مرحلة معينة كانت سبب في تدميره نفسيا

عيد فطر مُبارك ♥️.

واحدة من اصعب القرارات اللي ممكن تاخدها فى حياتك انك تقرر تقطع علاقتك بحد كنت بتحبه اكتر من نفسك لمجرد انك تحافظ على كرامتك وتبطل تعرف عنه اى حاجه او حتى تهتم لتفاصيله ، هو قرار صعب وفيه تحدى مع نفسك شويه بس مش اغلى من كرامتك واحساسك انك شخص كويس وتستحق تتحب وتتعامل معامله احسن من كدا ..

لما ركزت في مُعظم المواقف اللي زعلتني لقيت إني مزعلتش من الموقف ولا حتى زعلت من الشخص اللي عمل فيا الموقف .. أنا طلعت بزعل على نفسي..، بزعل عشان لو الوضع اتعكس عُمري ما كُنت هتصرف زيهُم ومش هقبل أسيب حد متضايق مني وكُنت هراضيه مهما كان الموقف ومهما كان اللي حصل، عشان كدا أنا بزعل على نفسي لإني ضيعت سنين عُمري مع ناس مش شبهي.

‏يا إلهي ‏أُريد النجاة ‏مِن العثرات ‏من مشاعري ‏و أفكاري ‏من مخاوفي وظنوني ‏يا الله ‏لقد أسرفت عُمري ‏بالخوف ‏والترقُب ‏والآن ‏أريدُ فقط أن أشعُر بالأمان ‏وأمضي لطُرق ‏أكثر إشراقًا ونُور.

صديق تذهب إليه تائه الخُطى وتعود منه و أنتَ تعرف كل أتجاهاتك.

لَمّا بتعرف حقيقة حد بتحس حتى شكله أتغير.

أنا مبحبش اخسر حد كان بيني و بينه عشرة بسهولة بديله فرصة و اتنين و تلاتة و ممكن اكتر و ده مش معناه اني ماليش غيره او مدلوق عليه بس الفكرة اني مدخلتكش حياتي عشان في الأخر اخسرك و بزعل اكتر لما الشخص ده يجبرني اغير مكانته عندي و اخليه كأنه شخص مدخلش حياتي في يوم افعالك اكيد مهمة.

اكتر جمله هزتني مؤخراً"اذا كنت قد تم كسرك بوحشية ولكن مازال لديك شجاعة لتكون لطيفاً مع الاخرين فأنت تستحق حباً اعمق من المحيط نفسه"،اتأذيت ومردتش الأذية،اتجرحت ولسه بتحافظ علي مشاعر اللي حواليك، ضعفت وبتقوي غيرك، خاطرك مكسور وبتجبر بخاطر غيرك،انت تستاهل كل الحب والتقدير انت قوي.

اكتشفت مؤخرا انى مبعرفش انسى حد دخل حياتى وحبيته مهما كان وحش معايا او اتسببلى فى اى الم ، اياً كان صداقة ، حب ، بيفضل فى حتة جوايا مش قادرة تسيبهم حتة سايبة الباب مردود عشان يعرفوا يرجعوا ، حتة بتتوجع لو عرفت ان حصلهم حاجة وحشة ، حقيقى معنديش فكرة الموضوع ده ممكن يتغير ازاى !

الحب ببساطة يتلخص في إنك تكون "عايز" تشوف البني آدم دة في يوم زحمة مش عارف تتنفس فيه. -