Суполка беларускіх пісьменнікаў

⭐️ Увага! Апошнія суткі для падачы тэкстаў! Літаратурны конкурс да 100-годдзя Васіля Быкава Да ўдзелу ў конкурсе запрашаюцца маладыя аўтары і аўтаркі да 35 гадоў, што працуюць у жанрах прозы, эсэістыкі і публіцыстыкі. Мова твораў — беларуская, тэматыка твораў не абмежаваная. 👍 Дашліце рукапіс сваёй кнігі ў фармаце .docx(.doc) на адрас: [email protected] з пазнакай «Конкурс», а таксама далучыце анатацыю, сваё фота і кароткую аўтабіяграфію. Аб’ём тэксту не абмяжоўваецца. 👍 ❗️Дэдлайн — 1 чэрвеня 2024 г. Вынікі і абвяшчэнне пераможцаў пройдзе 19 чэрвеня, у дзень народзінаў Васіля Быкава. #анонс

*** Ісці да мэты — ўстаць да ўсходу I даць зямлю адчуць нагам, Ды, крышачы сцяну нягоды, Ісці насуперак вятрам. Няхай палохаюць віхуры, Ты не мяняй кірунак свой, Бо нават птушкі супраць буры Сядзяць наперад галавой. Пятрусь Броўка #вершдня

⭐️ Музей Кузьмы Чорнага запрашае На літаратурна-музычнае свята “Цімкавіцкія вытокі”, што пройдзе ў Цімкавічах Капыльскага р-ну 8-га чэрвеня.🔥🔥🔥 Урачыстае адкрыццё свята “Цімкавіцкія вытокi” (прывітальныя словы арганізатараў мерапрыемства, узнагароджанне пераможцаў творчага конкурса “Родныя мае мясціны”) адбудзецца ў цэнтры на в. Савецкай а 16-ай. МУЗЕЙНАЯ ПЛЯЦОЎКА (вул. Слуцкая, 60) прапануе: ✔️ 16:00-20:00 майстар-класы “Сакрэты каліграфіі”, “Традыцыйная беларуская лялька”, “Сувенірны магніт” , “Кніжная закладка”. ✔️16:00-20:00 бяспройгрышная разыгранка “З рога ўсяго многа!” ✔️16:30,18:30 экскурсіі па экспазіцыі музея з чаяваннем “Каля самавара Кузьмы Чорнага” ✔️16:30-17:30 краязнаўчая гульня “Азбука гарадоў” ✔️18:00-19:00 пазнавальная гульня “Нізка беларускіх казак” ✔️17:00-18:00 “Літаратурная гасцёўня” -выставы-продажы майстроў народнай творчасці, майстар-класы; ✔️ тэматычныя інтэрактыўныя лакацыі для дзяцей і дарослых, роставыя лялькі і валанцёры. ❗️Далучайцеся! #анонс

🎧 Новыя аўдыёкнігі ⭐️ "Каго люблю і помню" Данута Бічэль. Успаміны вядомай гарадзенскай паэткі начытаныя аўтаркай.👍 👉 Слухаць тут ⭐️ "Пуціна" Барыса Пятровіча - у кнігу ўвайшлі напісаныя на сумежжы тысячагоддзяў аповесці “Стах” і “Пуціна”, у якіх яскрава спалучыліся рысы экзістэнцыялізму, класічнага пісьма і стылёвага авангардызму.🔥 👉 Слухаць тут #аўдыё

Прыказка на кожны дзень "Са свайго языка спусціш — на чужым не зловіш"🧐 #прыказка

⭐️ Андрэй Янушкевіч прэтэндуе на прэмію Prix Voltaire 2024 Днямі міжнародная асацыяцыя выдаўцоў (IPA) абвясьціла шорт-ліст прэміі Prix Voltaire 2024 у гонар выключнай мужнасьці ў адстойваньні свабоды кнігавыданьня. 🔥 У ім 5 прэтэндэнтаў (прыватных асобаў і арганізацый) і ў тым ліку беларускі кнігавыдавец Андрэй Янушкевіч. ❗️Цырымонія ўручэння прэміі IPA Prix Voltaire адбудзецца на 34-м Міжнародным кангрэсе выдаўцоў у Гвадалахары (Мексіка) у снежні 2024 г. #навіны

🎧 “Франкенштайн” - аўдыёкніга Днямі ў сеціве з’явілася новая беларуская аўдыёкніга: “Франкенштайн, ці Сучасны Праметэй” Мэры Шэлі (1797—1851), адзін з найлепшых узораў готыкі і першы навукова-фантастычны раман. Творы ўводзіць чытача ў свет загадкавага, дзівоснага і вусцішнага.👍 Пераклад з англійскай Марыны Дзергачовай. Папяровая кніга пабачыла свет у Мінску ў выдавецтве “Кнігазбор” (2016). 🔥 👉 Слухаць тут #аўдыё

⭐️ Сяргей Прылуцкі. Выбранае з Армагедону. Падборка вершаў з новай кнігі паэта Сяргея Прылуцкага “Гіброіды” (2024) на пляцоўцы "Litradio". Крызіс амаль сярэдняга веку Ты вырасьцеш аднойчы і памрэш — расступяцца, нібы пялёсткі, сьцены. І тое, што ніяк не назавеш, увойдзе ў вены. Густое рэчыва пад назваю “нішто” ты спажываў з маленства з асалодай. Лічыў вугольле спаленых мастоў віном і мёдам. Забудуць гэты парк і ліхтары цябе і рэшту выпадковых персанажаў. Куды ты ўрэшце трапіш, хер стары, ніхто ня скажа. 👉 Усе вершы тут #лонгрыд

⭐️ “Купала. Пачатак” - спектакль у Вільні Музычны спектакль, створаны па матывах п’есы Уладзіміра Караткевіча “Калыска чатырох чараўніц”, прысвечыны Янку Купалу будзе прадстаўлены публіцы ў Вільні 31 траўня і 1 чэрвеня. ❗️ час: 31 траўня а 18.30 1 чэрвеня а 12-ай 👉 месца: Raugyklos g. 25, Vilnius (Дом нацыянальных аб’яднанняў у Вільні). #анонс

*** Дзе ты, зорка мая прамяністая, За якія ты хмары скацілася? Дзе ты, радасць мая залацістая, На якой ты сцяжынцы згубілася? Я шукаю цябе, углядаюся У нябесныя далі высокія. Без цябе мне дарога не ясная, Што ляжыць у прасторы далёкія. Дзе ты, зорка мая непагасная, За якімі ты скрыта аблокамі? Узыдзі, засвяці, зорка ясная, Шчасцем сэрцу майму адзінокаму. Дзе ты? Адам Русак #раптамверш