Piskent jome masjidi | Rasmiy kanal

«Намозни тўкис адо этинглар. Албатта, намоз мўминларга вақти тайин фарз бўлгандир» (Нисо:103) 2024 - ЙИЛ 19-СЕНТЯБР 1446 - ҲИЖРИЙ 15-РОБИЪУЛ АВВАЛ КУНИ УЧУН НАМОЗ ВАҚТЛАРИ ТАҚВИМИ ⏱ТОНГ - 04:48 ⏱БОМДОД - 05:35 (ўқилиш вақти) ⏱ҚУЁШ - 06:07 ⏱ПЕШИН - 13:00 ⏱АСР - 16:40 ⏱ШОМ - 18:30 ⏱ХУФТОН - 20:00 🔗 Улашинг: @diyonatli

#Видео ИСЛОМ–ТИНЧЛИК ДИНИ @fitratuz

Бирдамлик ва ихтилофдан сақланиш фарзлардан бири Аллоҳ таоло мусулмон жамиятига ўзаро бирликни сақлаш ва турли фирқаларга ажралиб кетишдан сақланишни фарз қилди. Қуръони Каримда: “Барчангиз Аллоҳнинг арқонини маҳкам тутинг ва ажралиб кетманг” (Оли имрон, 103). Анас ибн Молик розияллоҳу анҳудан ривоят қилинади: ”Набий соллаллоҳу алайҳи вассалам: ”Ўзаро бир-бирингиздан нафратланманглар, бир-бирингизга ҳасад қилманглар, бир-бирингизга душманлик қилманглар, Аллоҳнинг ўзаро биродар бўлган бандалари бўлинглар, мусулмон кишига ўз биродарини уч кундан ортиқ ташлаб кетиши ҳалол эмас.” (Бухорий ривояти) Набий соллаллоҳу алайҳи вассалам яна бир ҳадисда: ”Ихтилоф қилманглар, чунки сизлардан аввалгилар иҳтилоф қилдилар ва шу сабабдан ҳалок бўлдилар.” БАТАФСИЛ

Фестиваль ТАРИХДАН СЎЗЛАЙДИ АТЛАСУ АДРАС Японлар “кимоно”сини, хитойликлар “ханфу”сини, корейслар “хонбок”ини, ҳиндлар “сари”сини кийиб, ўзлигини, миллийлигини дунёга кўз-кўз қилса, бизнинг беқасамларимиз, атласларимиз, хон атласларимиз барчани ўзига мафтун қилади. Шу маънода анъанавий тарзда ўтказиб келинаётган “Хон атлас” фестивали миллийлигимизни асраш учун қўйилган қадамлардир. Республикамизнинг барча ҳудудларида, маҳаллаларда, вазирлик ва идораларда, корхона ва ташкилотларда ана шу тадбир уюштириб келинмоқда. 16 сентябрь куни Тошкент вилояти отинойилари иштирокида “Хон атлас” фестивали ўтказилди. Тадбирни вилоят бош имом-хатибининг хотин-қизлар масалалари бўйича ёрдамчиси Интизор Камолова кириш сўзи билан очиб берди. – Бугун дунёда икки мингдан зиёд миллат вакиллари истиқомат қилаётган бўлса, уларнинг борлигини ифода этувчи миллий ўзлиги, қадрият, урф-одат ва анъаналари мавжуд. Ҳар бир миллат ўз қадриятлари билан барҳаёт ва қадрлидир, – дейди Интизор Камолова. – Мамлакатимизда миллий либосимизда халқимизнинг минг йиллик ўтмиши, урф-одат анъаналари, диди, эстетик қарашлари, шунингдек, ўзига хос хусусиятлари мужассамлигини намоён этади. Биз – ўзбеклар ҳам жаҳон халқлари орасида ўзлигимиз, қадриятларимиз билан алоҳида ажралиб турамиз. Бир-биридан гўзал, бежирим миллий либослармиз турганда, бошқаларга тақлид қилиш бировларнинг кийимини кийиш ўзлигимизга таҳдиддир. Тадбирда узоқ йиллик тарихимиз, миллий анъаналаримиз, қадриятларимиз ҳақида сўз юритилди. Кийиниш одоби, аёл-қизларнинг жамият ривожидаги ўрни, атлас ва адрас каби миллий либосларимизга опа-сингилларимизнинг эътибори ҳақида фикрлар билдирилди. Кўтаринки кайфиятда ўтказилган тадбир аёл-қизларда катта таассурот қолдириши баробарида уларнинг қалбларини шодликка тўлдирди. Тошкент вилояти вакиллиги Матбуот хизмати Дўстларингизга ҳам улашинг: https://t.me/joinchat/AAAAAEGj0hkBXGlopIDbXA

#Видео «Йил имом–2024» танловининг Тошкент вилояти босқичи ўтказилди. Ижтимоий тармоқлардаги саҳифаларимиз: Facebook|Youtube|Telegram|Instagram Дўстларингизга ҳам улашинг: https://t.me/joinchat/AAAAAEGj0hkBXGlopIDbXA

#Xalqaro_konferensiya 📢 “Ислом – эзгулик ва тинчлик дини” номли халқаро илмий-амалий конференцияга барчани таклиф қиламиз 💬 2024-йил 15-16 октябрь кунлари дунё илм-фан намоёндаларининг диққат-эътибори яна юртимизга қаратилади. 📍Тошкент ва Хива шаҳарлари “Ислом – эзгулик ва тинчлик дини” мавзусидаги халқаро илмий-амалий конференцияга мезбонлик қилади.

🗣 Мазкур анжуманда исломшунос олимлар, соҳа мутахассислари, илмий тадқиқотчилар, юртимизда кўзга кўринган илм-фан арбоблари билан бир қаторда дунёнинг 30 га яқин мамлакатидан 80 дан ортиқ уламолар ўз маърузалари билан иштирок этадилар.

📰 Конференция иши мусулмон мамлакатлари, АҚШ, Европа, Туркия ва бошқа мамлакатларнинг нуфузли нашрларида, шунингдек, маҳаллий телеканаллар, газета ва журналлар ҳамда интернет нашрлари орқали кенг ёритиб борилади. 🟢 Мазкур нуфузли халқаро конференцияда барчангизни кутиб қоламиз. ✅ Ўзбекистон мусулмонлари идораси Матбуот хизмати 🌐 MUSLIM.UZ GA 📲 OBUNA BO'LING ✅ VA ULASHING🗣 ▶️ YouTube | 📷Instagram | 🔵 Facebook

#САВОЛ_ЖАВОБЛАР ХОТИНИГА, СЕН МЕНГА ҲАРОМСАН, ДЕСА НИМА БЎЛАДИ? CАВОЛ: Мен телефонда хотинимга 1 марта “Талоғингни бердим”, деб, сўнг 2 марта “Шу кундан бошлаб сен менга ҳаромсан” деб айтганман. Шунда 3 талоқ тушадими? ЖАВОБ: Бисмиллаҳир Роҳманир Роҳим. Бундай ҳолатда икки талоқ тушган ҳисобланади. Эр-хотин ярашмоқчи бўлсалар, (маҳр бериш билан бирга) қайтадан никоҳ ўқитишлари шарт бўлади. Телефон орқали бўлса ҳам хотинига “Талоғингни бердим”, деса, бу билан бир ражъий талоқ тушади. Агар ундан кейин: “Шу кундан бошлаб сен менга ҳаромсан”, деса, бунда боин талоқ тушади ва ушбу ибора икки маротаба такрорланган бўлсада, иккинчиси ҳисобга олинмайди. Уни аввалгисидан хабар бериш деб саналади. Бу ҳақда Аллома Ҳаскафий раҳимаҳуллоҳ шундай дейдилар: ) لَا ) يَلْحَقُ الْبَائِنُ ( الْبَائِنُ ) إذَا أَمْكَنَ جَعْلُهُ إخْبَارًا عَنْ الْأَوَّلِ : كَأَنْتِ بَائِنٌ بَائِنٌ ، أَوْ أَبَنْتُكِ بِتَطْلِيقَةٍ فَلَا يَقَعُ لِأَنَّهُ إخْبَارٌ فَلَا ضَرُورَةَ فِي جَعْلِهِ إنْشَاءً “Агар аввалгисидан хабар қилишнинг имкони бўлса, боин талоқ боинга қўшилмайди. Масалан, “сен боинсан, боинсан ёки сен боинсан, сени бир боин талоқ қилдим”, каби гапларда (иккинчи айтилган) талоқ тушмайди, чунки бу хабар беришдир, уни янгидан айтилган талоқ қилишга зарурат йўқ...” (“Дуррул мухтор” китоби). Бу ўринда саволга кўра жавоб бўлди, лекин ҳар бир талоқ масаласи жонли мажлисда эр-хотин иштирокида кўриб чиқилади. Шунинг учун талоқ масаласида саволи бўлган оилалар расмий имом домлалар ҳузурига бориб, ҳолатни баён қилиб саволларига жавоб олишлари керак. Акс ҳолда кўп тушунмовчиликлар келиб чиқади. Валлоҳу аълам. Ўзбекистон мусулмонлари идораси Фатво маркази. Дўстларингиз билан улашинг @diyonatli

#Видео #Маъруза ПАЙҒАМБАРИМИЗ АЛАЙҲИССАЛОМ УММАТ ҒАМИДА ЎТДИЛАР Жасурбек домла Раупов Тошкент вилояти бош имом-хатиби Ижтимоий тармоқлардаги саҳифаларимиз: Facebook|Youtube|Telegram|Instagram Дўстларингизга ҳам улашинг: https://t.me/joinchat/AAAAAEGj0hkBXGlopID

#Ҳадис Расулуллоҳ соллаллоҳу алайҳи васаллам дедилар: “Токи сукут қилар экансан, омондасан. Қачонки сўзлашни бошласанг, (сўзларинг) сенинг фойдангга ёки зарарингга ёзилади”. Имом Табаронийнинг «Кабир»даги ривояти. Дўстларингиз билан улашинг https://t.me/joinchat/AAAAAEGj0hkBXGlopIDbXA

#СИЙРАТ СОЛНОМАСИ Ҳижратдан аввалги 4 йил, шаввол ойи (нубувватнинг 10 йили / милодий 619 йил май-июнь): – Расулуллоҳ соллаллоҳу алайҳи ва саллам Савда бинти Замъа онамизга уйландилар; – Расулуллоҳ соллаллоҳу алайҳи ва саллам Қурайшдан умидларини узиб, Сақиф қабиласини Исломга даъват қилишга, ҳеч бўлмаса, бошпана бериб қўллаб-қувватлашларини умид қилиб, Тоифга бордилар, бироқ ҳимоячи ҳам, кўмакчи ҳам топмасдан, озору азиятлар кўриб қайтдилар; – Расулуллоҳ соллаллоҳу алайҳи ва саллам Тоифдан қайтаётиб Нахла водийсига тушганларида жинларнинг биринчи гуруҳи мусулмон бўлди; – Макка мушриклари Расулуллоҳ соллаллоҳу алайҳи ва саллам билан саҳобаларга нисбатан тазйиқни янада кучайтиришди (шу каби алам-ситамлар кетма-кет келгани боис, бу йил, яъни нубувватнинг ўнинчи йили “ғам йили” деб аталди). Ҳижратдан аввалги 4 йил, зулқаъда ойи (нубувватнинг 10 йили / милодий 619 йил июнь-июль) – Расулуллоҳ соллаллоҳу алайҳи ва саллам Тоифдан қайтиб, Макка ташқарисидаги турли қабила ва шахсларни Исломга даъват қила бошладилар ва улардан Аллоҳнинг динини етказиш йўлида ўзларига ҳимоя ҳам сўрадилар. Ҳижратдан аввалги 3 йил бошлари (нубувватнинг 11 йили / милодий 619 йил охирлари) – Сувайд ибн Сомит, Иёз ибн Муоз, Абу Зарр Ғифорий, Туфайл ибн Амр Давсий, Зимод Аздий розияллоҳу анҳум сингари маккалик бўлмаган кишилар мусулмон бўлишди. Дўстларингизга ҳам улашинг: https://t.me/joinchat/AAAAAEGj0hkBXGlopIDbXA

"Саводул аъзам"дан ажралмаслик лозимлиги Бисмиллаҳир Роҳманир Роҳийм. Аллоҳ таолога битмас-туганмас ҳамду санолар бўлсин! Пайғамбаримизга мукаммал ва батамом салавоту дурудлар бўлсин! Пайғамбаримиз соллаллоҳу алайҳи васалламга умматларининг етмиш уч фирқага бўлиниб кетишлари билдирилган. Бу ҳақида у зот шундай хабар берганлар: عَنْ أَبِى هُرَيْرَةَ أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ قَالَ «تَفَرَّقَتِ الْيَهُودُ عَلَى إِحْدَى وَسَبْعِينَ أَوِ اثْنَتَيْنِ وَسَبْعِينَ فِرْقَةً وَالنَّصَارَى مِثْلَ ذَلِكَ وَتَفْتَرِقُ أُمَّتِى عَلَى ثَلاَثٍ وَسَبْعِينَ فِرْقَةً» رَوَاهُ التِّرْمِذِيُّ Абу Ҳурайра розияллоҳу анҳудан ривоят қилинади: “Расулуллоҳ соллаллоҳу алайҳи васаллам дедилар: “Яҳудийлар етмиш бир фирқага ёки етмиш икки фирқага бўлиниб кетганлар. Насронийлар ҳам ўшанча (фирқага бўлиниб кетишган). Менинг умматим етмиш уч фирқага бўлинади”. Термизий ривоят қилган. БАТАФСИЛ

БЕСУННАТЛИК ФИТНАСИ! Ўзбекистон мусулмонлари идораси раиси ўринбосари устоз Зайниддин домла Ижтимоий тармоқлардаги саҳифаларимиз: Facebook|Youtube|Telegram|Instagram Дўстларингизга ҳам улашинг: https://t.me/joinchat/AAAAAEGj0hkBXGlopIDbXA

Аллоҳ – ягона яратувчи Эътибор қилинг, биргина электр лампани ихтиро қилган одам номи дунёда қолиши учун тажрибасини оламга жар солди. Бу биргина электр чироқни ихтиро қилган одамнинг ҳолати. Энди бутун бир Қуёшни яратган Зот уни ким яратганини айтмайди деб ўйлайсизми?! Фаразан агар уни бошқа куч пайдо қилган тақдирда ҳам ўша ихтирочи буни ҳеч кимга айтмас эди деб ўйлайсизми?! Демак, унинг яратувчиси Ўзини ошкор қилган бўлиши керак. У ҳам бўлса ягона Аллоҳдир. Чунки Аллоҳгина Қуёшни яратганини айтган. Бу масалада ҳатто кофирлар ҳам Қуёшни Аллоҳ яратган деган гапдан бошқасини айта олишмайди. Айнан шу маънони Анкабут сурасининг қуйидаги ояти қувватлайди: “Агар улардан “Ким осмонлар ва ерни яратган, қуёш ва ойни бўйсундирган?” деб сўрасанг улар “Аллоҳ” дерлар. Бас, қаёққа кетмоқдалар?!” (Анкабут сураси, 61-оят). Бошқа оятда бундай дейилади: “Агар улардан “Осмондан сув тушуриб у билан ерни ўлганидан кейин тирилтирган ким?” деб сўрасанг улар “Аллоҳ” дерлар” (Анкабут сураси, 63-оят). Ушбу оятлар куфр келтирганлар ва мушриклар ҳақида. Улар Аллоҳни инкор қилсалар ҳам инсоннинг ва борлиқнинг пайдо бўлиши ҳақида ўз қарашларини ҳимоя қила олмайдилар. Демак, ягона яратувчи Зот – Аллоҳ таоло. Чунки уни яратганлигини даъво қилган, бизга хабар берган Зот фақат ягона Аллоҳдир. Лекин яратиш масаласи фақат коинотга тегишли эмас. Ердаги барча нарсалар, ҳатто инсон тасарруфидаги нарсалар ҳам аслида Аллоҳ таолонинг яратувчилик сифати орқали пайдо бўлади. Аллоҳ таоло бундай марҳамат қилади: “Ана ўша Аллоҳ Роббингиздир. Ундан ўзга илоҳ йўқ. У барча нарсанинг яратувчисидир. Бас, Унга ибодат қилинглар. У барча нарсанинг эгасидир” (Анъом сураси, 102-оят). Аллоҳ таоло “Барча нарсанинг яратувчиси” эканини айтмоқда. Демак, жамики барча нарсанинг яратувчиси Аллоҳ экан. Шайх Муҳаммад Мутавалли Шаъровийнинг “Аллоҳнинг борлигига ақлий далиллар” китобидан. Дўстларингизга ҳам улашинг: https://t.me/joinchat/AAAAAEGj0hkBXGlopIDbXA

#САВОЛ_ЖАВОБЛАР ​​ЯНГИ КЕЛИН ТАЛОҒИНИ ОЛГАНДАН КЕЙИН ИДДА ЎТИРИШИ ЛОЗИММИ? CАВОЛ: Никоҳ ўқилиб жинсий алоқа қилинмаган бўлса, телефонда “талоғингни бердим” деса, талоғини олган қиз идда ўтирадими? Идда ўтирса қанча вақт кутади? ЖАВОБ: Бисмиллаҳир Роҳманир Роҳим. Бу саволнинг жавоби хилвати саҳиҳа бўлган ёки бўлмаганига боғлиқ. “Хилвати саҳиҳа” бу – эр ва хотиннинг никоҳ ақдидан кейин холи бир жойда қолишидир. Бунда уларнинг жинсий яқинлик қилишларига ҳеч қандай монеълик бўлмаслиги керак бўлади. Хилвати саҳиҳа бўлганда: Агар никоҳдан сўнг хилвати саҳиҳа бўлиб, кейин талоқ берилган бўлса, бу ҳолатда битта ражъий талоқ тушади. Агар улар ярашмоқчи бўлсалар эр-хотин бирга яшаб кетишлари билан никоҳ яна тикланади. Лекин эрнинг талоқ қилишдаги учта имкониятидан бири кетган бўлади. Шунингдек, хилвати саҳиҳадан кейин талоқ қилинганда, аёлга идда ўтириши вожиб бўлади. Бу ҳақда Аллома ибн Нужайм шундай деганлар: وَالْخَلْوَةُ بِلَا مَرَضِ أَحَدِهِمَا... كَالْوَطْءِ وَلَوْ مَجْبُوبًا أَوْ عِنِّينًا أَوْ خَصِيًّا... وَتَجِبُ الْعِدَّةُ فِيهَا أَيْ تَجِبُ الْعِدَّةُ عَلَى الْمُطَلَّقَةِ بَعْدَ الْخَلْوَةِ احْتِيَاطًا. “Эр-хотиндан қайси бирининг касаллигисиз бўлган хилвати саҳиҳа — жинсий яқинлик кабидир. Гарчи, эрнинг жинсий аъзоси кесилган, иннийн (жинсий ожиз) ёки бичилган бўлса ҳам хилвати саҳиҳадан сўнг талоқ қилинган аёлга идда вожиб бўлади” (“Баҳрур роиқ” китобидан бироз қисқартириш билан олинди). Эри талоқ қилган аёл талоқдан сўнг уч марта ҳайз кўриб, учинчи ҳайзидан пок бўлиши билан иддаси тугайди. Ҳомиладор бўлса, ҳомиласини туққунича идда ўтиради. Хилвати саҳиҳа бўлмаганда: Агар никоҳдан сўнг хилвати саҳиҳа бўлмасдан талоқ берилса, бунда битта боин талоқ тушган саналади ва аёл идда ўтирмайди. Эр-хотин ярашмоқчи бўлсалар янгидан никоҳ ўқитадилар ва маҳр берилади. Мазкур ҳолатда аёл идда ўтирмаслиги ҳақида Аллома Мавсилий шундай деганлар: ولا عدة في الطلاق قبل الدخول “Аёлни олдига эрнинг кириши (хилвати саҳиҳа)дан олдин талоқ бўлганда идда ўтириш йўқ” (“Ал-Ихтиёр ли таълилил-мухтор” китоби). Валлоҳу аълам. Ўзбекистон мусулмонлари идораси Фатво маркази. Дўстларингизга ҳам улашинг: https://t.me/joinchat/AAAAAEGj0hkBXGlopIDbXA

#VIDEOLAR 🎞Mazhabga ergashuvchi kishi Qurʼonni va sunnatni tark etgan hisoblanadimi? 🔰Saidafzal Saidjalolov, O‘zbekiston xalqaro islom akademiyasi dotsenti Kanalimizga obuna bo‘ling va do‘stlaringizga ham ulashing! Ижтимоий тармоқлардаги саҳифаларимиз: Facebook|Youtube|Telegram|Instagram Дўстларингизга ҳам улашинг: https://t.me/joinchat/AAAAAEGj0hkBXGlopIDbXA

#Видео #Маъруза ЗАКОТ БЕРИШДА АДАШМАНГ Абдул Хамид домла Маликов, Тошкент вилояти Пискент тумани "Пискент" жоме масжид имом-хатиби Ижтимоий тармоқлардаги саҳифаларимиз: Facebook | Youtube | Telegram | Instagram Дўстларингизга ҳам улашинг: @diyonatli

#Ҳадис Абу Дардо розияллоҳу анҳудан ривоят қилинади. Расулуллоҳ соллаллоҳу алайҳи васаллам: «Довуднинг дуолари «Аллоҳумма инний асъалука ҳуббака ва ҳубба ман юҳиббука вал ъамалаллазий юбаллиғуний ҳуббака. Аллоҳумма ижъал ҳуббака аҳабба илайя мин нафсий ва аҳлий ва минал маъил бариди» эди», деб айтдилар. Маъноси: «Аллоҳим, Сенинг муҳаббатингни ва Сени яхши кўрган кишининг муҳаббатини ҳамда Сенинг муҳаббатингга етказадиган амални Сендан сўрайман. Аллоҳим, муҳаббатингни нафсимдан, аҳлимдан ва совуқ сувдан ҳам менга маҳбуброқ қилгин». Имом Термизий ривояти. Дўстларингизга ҳам улашинг: https://t.me/joinchat/AAAAAEGj0hkBXGlopIDbXA

БИСМИЛЛАҲИР РОҲMАНИР РОҲИЙМ! АЛЛОҲИМ, исмингла бошлаган ушбу кунимизга файзу баракот, Ўзингнинг розилигинг учун ихлосла қиладиган ибодатларимизга шижоат, матонат, сабот бер! АССАЛОМУ АЛАЙКУМ, Номаи аъмолингизга хайрла битиладиган кун бўлсин!.. @fitratuz

Кўрик-танлов БИЛИМДОН ИМОМЛАР САРАЛАНДИ Мўмин-мусулмонлар сўзи ва амали бир-бирига уйғун инсонгагина эргашади, унинг гапларига қулоқ солади, айтганларини бажари, ҳурматини жойига қўяди. Шу боис имом ҳар доим айтганларига, аввало, ўзи амал қиладиган, маърифатли, ўз устида тинимсиз ишлаши, соҳага доир янгиликлардан доимо хабардор бўлиши керак. Бундай даражарага эришиш учун эса Ўзбекистон мусулмонлари идораси тизимида фаолият юритаётган имом-хатиблар ўртасида анъанавий тарзда ўтказиб келинаётган «Йил имоми» кўрик-танлови муҳим ўрин тутади. Танловнинг шаҳар-туман босқичларида ғолибликни қўлга киритган 22 нафар имом-домла Тошкент вилояти босқичида қатнашди. Бугун «Зангиота» масжидида «Йил имоми» кўрик-танловининг Тошкент вилояти босқичи бўлиб ўтди. Қуръони карим тиловати билан бошланган тадбирни Тошкент вилояти бош имом-хатиби Жасурбек домла Раупов очиб берди. Иштирокчиларнинг чиқишлари ҳакамлар ҳайъати томонидан баҳолаб борилди. Якуний натижаларга кўра қуйидагилар «Йил имом–2024» танловининг Тошкент вилояти босқичи ғолиби деб топилди: I ўрин: Бекобод тумани «Чаноқ» жоме масжиди имом-хатиби Ёқубжон домла Бухарбоев; II ўрин: Бўстонлиқ тумани «Мулла Пўлат ота» жоме масжиди имом-хатиби Неъматуллоҳ домла Исомов; III ўринлар: Оҳангарон шаҳар «Хонобод» жоме масжиди имом-хатиби Абдулҳаким домла Акмалов ҳамда Зангиота тумани «Мир Абдулла эшон» жоме масжиди имом-хатиби Фаррух домла Султонов. Тадбир сўнгида ғолиблар ЎМИ вилоят вакиллиги ва «Вақф» хайрия жамоат фондининг вилоят филиали томонидан диплом ва эсдалик совғалари билан тақдирланди. «Йил имоми–2024» кўрик-танлови вилоят босқичида биринчи ўринни эгаллаган Бекобод тумани «Чаноқ» жоме масжиди имом-хатиби Ёқубжон домла Бухарбоев танловнинг республика босқичида қатнашади. Вакилимизга танловнинг республика босқичида муваффақият тилаб қоламиз. Тошкент вилояти вакиллиги Матбуот хизмати Дўстларингизга ҳам улашинг: @diyonatli