OʻZBEK TILI XAZINASI | Mening tilim

#bilib_oling / #gap Gap haqida qisqacha maʼlumot Kesimlik belgisiga ega boʻlib, tugallangan ohang bilan talaffuz qilinuvchi va maʼlum bir fikr ifodalovchi sintaktik birlik gap deyiladi. Gap odatda bir soʻzdan yoki bir necha soʻzlarning oʻzaro grammatik va mazmuniy bogʻlanishlaridan ham tashkil topishi mumkin. Masalan, Bahor... Kunlar iligan. Yuqoridagi gaplarning birinchisi faqat bir soʻzdan tashkil topgan boʻlsa, ikkinchisi ikkita soʻzning oʻzaro grammatik va mazmuniy bogʻlanishi natijasida hosil boʻlgan. Gap ikki va undan ortiq soʻzlardan iborat boʻlganda, bu soʻzlar oʻzaro grammatik va mazmun tomondan bogʻlanadi. Gapning asosiy belgilari: 1. Muomala vositasining eng kichik birligi. 2. Nisbiy tugallangan fikrni ifodalaydi. 3. Grammatik jihatdan shakllangan boʻladi. 4. Tugallangan ohang bilan aytiladi. 5. Gap tugaganidan soʻng biror tinish belgisi qoʻyiladi. @mening_tilim

#Maqollar_taʼrifi AMMA-XOLA YIG‘ILIB DANGONA QILUR, BO‘LIB OLOLMAY HANGOMA QILUR. Dangona - ov, sayd, uloqchi keltirgan uloq go‘shti, xullas, g‘oyibdan qo‘lga kirgan, o‘rtaga qo‘yib baham ko‘riladigan narsa. Bundan tashqari, bir necha kishi o‘rtada pul yig‘ib, mol olib so‘yib, go‘shtini bo‘lib olish ini ham; o‘g‘ri va qaroqchilar topgan o‘ljalarini o‘zaro o‘rtada bo‘lishib olishlarini ham “dangona” deydilar. Ma’nosi: “Amma-xolalar ota-onadan qolgan merosni tinchgina, hamjihatlik bilan bo‘lishib ololmay, bir-birlari bilan kelishmay, nari-beri gap (hangoma)ga boradilar, ya’ni urush-janjal chiqaradilar”. 📘Ma’nolar maxzani. ✍️Shomaqsudov Shotursun, Shorahmedov Shuhrat. Kanalga ulanish 👉  https://t.me/dtrdep

Telegramdagi turli xil bemaʼni va foydasiz kanal hamda kontentlar meʼdangizga tekkani aniq. Shu sabab bir qator sara sahifalarni yig'ib, sizlarga taqdim etishni joiz deb bildik. Zero: Yaxshi kanal – ruh va jon ozig‘i... P.S. Ko'k yozuv ustiga bosing va barchasiga birdan obuna bo'ling.

📣 “DAYDI SHAMOL” badiiy filmining premyerasi o‘tkaziladi 🎞️ Kinematografiya agentligi buyurtmasiga asosan, Davlat xavfsizligi xizmati bilan hamkorlikda “Yoshlik” kinostudiyasi tomonidan suratga olingan “Daydi shamol” to‘liq metrajli badiiy filmining premyerasi tez kunda o‘tkaziladi. 📍Film O‘zbekiston Milliy kino san’ati saroyi va yurtimiz kinoteatrlarida namoyish qilinadi 🎬  Kinematografiya agentligi Axborot xizmati 🌐 Website 🔵Facebook 📷Instagram 🚀Telegram

Telegramdagi turli xil bema'ni va foydasiz kanal va kontentlar joningizga tekkani aniq. Shu uchun ham sizlar uchun bir qator sara kanallarni yig'ib chiqdim va uni sizga taqdim etishni joiz deb bildim. Zero: Ilm va ijod – har ishda najot... Ko'k yozuv ustiga bosing va eng sara kanallarga obuna bo'ling.

Nutq tovushlari va ularning hosil boʻlishi Biz gapirganimizda tovushlarni talaffuz qilamiz. Inson talaffuz qiladigan va boshqa boʻlaklarga boʻlinmaydigan birliklar nutq tovushlari deb ataladi. Nutq aʼzolari 1. Oʻpka. 2. Togʻaylar. 3. Un paychalari. 4. Boʻgʻiz boʻshligʻi. 5. Ogʻiz boʻshligʻi. 6. Burun boʻshligʻi. 7. Til. 8. Lab. 9. Tishlar. Unli tovushlarning hosil boʻlishida tovush paychalari, lablar va til muhim ahamiyatga ega. Undosh tovushlarning hosil boʻlishida boʻgʻiz boʻshligʻi, ogʻiz boʻshligʻi va til muhim ahamiyatga ega. #bilib_oling / #fonetika @mening_tilim

TARXASH Oʻjar, qaysar. Yogʻdularin toʻkmaydi oy barkashda, Osmon bilan yer arazda – tarxashda. (E. Oxunova) #izoh / #adabiy @mening_tilim

#til_haqida / #nutq Til – fikr ifodalash vositasi. Fikrimizni boshqalarga tovushlar vositasida soʻzlash va harflar vositasida yozish orqali bayon qilamiz. Soʻzlash va yozish orqali maʼlum fikr bayon qilishimiz nutq hisoblanadi. Nutq ikki yoʻl bilan amalga oshiriladi. Tovushlar zanjiri asosida bayon qilingan nutq ogʻzaki nutq, harflar ketma-ketligi asosida bayon qilingan nutq esa yozma nutq sanaladi. Ogʻzaki nutqning eng kichik, boshqa mayda boʻlakka boʻlinmaydigan qismi nutq tovushi deyiladi. Tovushning yozuvdagi ifodasi harf deyiladi. Bir tovush bir harf bilan ham, ikki harf bilan ham ifodalanishi mumkin. Sh, ch, ng singarilarda ikki harf bir tovushni ifodalaydi. @mening_tilim

SHUKUH [Forscha — ulugʻ(vor)lik, dabdabalilik, tantanavorlik; shavkat, savlat] Tantana; ulugʻvorlik; salobat. ➖ Har bir joyda bayram shukuhi. ➖ Mohira pazanda, chaqqon, saranjomli, rejali kelin edi. Uning qutlugʻ qadami bilan Isoq ota vaqtidagi oilasining eski shukuhi qaytib kelganday boʻldi. (M. Osim, Tilsiz guvoh) ➖ Oʻttiz ikki bahor oʻtdi gulga koʻmib oʻlkani, Har birida ming bahorning shukuhi bor, husni bor. (Uygʻun) ➖ Koʻz ilgʻamas ufq ham.. dala-qir ham bugun [Latofatning] nazarida tamoman oʻzga shukuh, oʻzgacha bir nafosat kashf etgandek edi. (S. Karomatov, Hijron) #izoh / #adabiy / #forscha @mening_tilim

Fonetika haqida umumiy maʼlumot Fonetika soʻzi yunoncha phone – «tovush» soʻzidan olingan. Nutqimizni boʻlaklarga ajratadigan boʻlsak, uning oxirgi boʻlinish nuqtasi tovushlar boʻladi. Masalan, Oʻzbekiston – jannatmakon oʻlka jumlasi Oʻzbekiston, jannatmakon, oʻlka soʻzlariga, bu soʻzlar, oʻz navbatida, Oʻz-be-kis-ton, jan-nat-ma-kon, oʻl-ka boʻgʻinlariga, boʻgʻinlar esa Oʻ-z-b-e-k-i-s-t-o-n j-a-n-n-a-t-m-a-k-o-n oʻ-l-k-a singari tovushlarga boʻlinadi. Boʻlinishning oxirgi nuqtasi boʻlgan, boshqa mayda boʻlaklarga boʻlish mumkin boʻlmagan nutq boʻlagi (akustik-artikulyacion birlik) tovush hisoblanadi va u bilan bogʻliq hodisalar tilshunoslikning fonetika boʻlimida oʻrganiladi. Ogʻzaki nutqning tovush tizimini oʻrganadigan tilshunoslik boʻlimi fonetika, yozma nutqning harflar tizimini oʻrganadigan tilshunoslik boʻlimi esa grafika deyiladi. Tilning fonologik (fonetik) sathining birligi fonema boʻlsa, fonemaning real talaffuz qilingan, quloq bilan eshitilgan koʻrinishi fon (allofon) yoki tovush hisoblanadi. #bilib_oling / #fonetika @mening_tilim