( بەرهەم ) شعرو وتە📩

بەیت گۆڕینەوەیەکی خۆم و هاوڕێی ئازیزم م.دیار (نەسیم) ٭ ٭ ٭ ٭ ٭ ٭ بۆ دەبێ هەرکەس کەشەیدای،دووچاوی دولبەری بوو بۆ دیداری لــەیل و نەهـار، لەسـەر پـێ بخــــــولێتەوە "ئارام" ڕەسمی عــاشقــی وەهایە، بــۆ هـــــــەژار تاکو قـــــیا دڵــی عاشــق هەر بەیادی ،مـەعــشوقـــــی بکولێتەوە "نەسیم" چی دەبــوو عاشقـی هەژار، بــەدوور بێت لەمەینەتی خـۆ کوفر نابێ وەک و گــوڵ، جـار بەجـــار بشنێتەوە "ئارام" گەرچی گـوڵزاری ئومێدم ،کەوتە بەر حەملەی خەزان چاوەڕێمــە تـۆوی ئومــێد ،ســەر لــەنــــوێ بڕوێتەوە "نەسیم" کـەی ڕەوایـە پایزی عومرم، خــەزان بـێ تاک و سەر عــــــاشقـی بـێ چـارە بۆچــی ،هــەر دەبــێ بتلێتەوه "ئارام" ڕەحمـــی خــێرت بــــێ دەخـیلــە،تاکو مــاوم بێرەوە دڵ لــەبـەر هـیجـــرت خەریکە،وەک بەفـر دەتوێتەوە "نەسیم" عاشـقی ڕاستگــــۆم نـەدیــوە،بگـاتــە مەعـشوقەکەی دڵ کـەشـــکا چــی شـتێ تر، جــێگـەکـەی ئەگرێتەوە "ئارام" ناوی تۆ سـەبـتە لــەقـەلـب و ،زیکرو فـیکرو یـادی من (ئەلزەهایمەر)نا تــ وانێ، یــــــــادی تــــــۆ بـسڕێتەوە "نەسیم" تـۆ کـەجـێگـەت خــاڵیـە، ئەمـــما لـەدڵــمـای بەردەوام چـۆن چـاوانـم لەئاســت چـاوی، کەســێ تر بکرێتەوە "ئارام" مــن دڵـی خــۆم کـردە جـێگەی ،ئـەو برینی خستە دڵ کـەی ڕەوایـە جــوابـــی چـاکـە، بـەو جــۆرە بدرێتەوە "نەسیم" ‌هـەر بەیادی ئـەو شـەوەم کە، پێت وتم خۆشم دەوێی هەتــا ئێستاش ئــەو قسەیەت، لـەگـوێم ئەزرینگێتەوە "ئارام" دەردی (نـەســـــیم) زۆر گـرانە،لــێرە بـەیـان ناکـــــرێ بـەشــیعریکەم هــــــــێند درێــــژە، تـاهــەتـا نابڕێتەوە "نەسیم" 31.07.2019

ئێوارەیەک بەیەکجاری وشک ئەبێ کانی شیعرم بەدیار دواین وێنەونامەی بەجێماوی تۆوەئەمرم ئێوارەیەک بەبێ دەنگی وەکوبەفر ئەتوێمەوە دواگۆرانی بۆمەرگی خۆم بۆدووری تۆ ئەڵێمەوە ئێوارەیەک پایزی خەم گەڵای ڕۆحم ئەوەرێنێ هەواڵی مەرگم سەرلەنوێ فرمێسک لەچاوت دێنێ ئێوارەیەک وەکوخۆری ناوهەوروتەم دیارنامێنم بەئاوازی ماڵئاوایی تۆو شارەکەم ئەگیرێنم! ئێوارەیەک بۆئەبەدی دڵم ئەبێ بەمشتێ خۆڵ جێژوانی عەشق وئەوینم ئەبێ بەهەوارێکی چۆڵ ئاکۆکانەبی

"فرمێسکی پەشیمانی" گەر ئەمجـارە گـەڕایتەوە پەشـیمـانی خـۆت دەربڕی چۆکـت دادا لــەبـەرپێمـا چـاوی پڕ فرمێسـکت سڕی هاتی پێـم بڵێی بـم بـوورە ، دەرگای دڵت واڵاکە بۆم ئەڵـێم هەرگـیز لـێت نابـوورم تازە مەلی ئەوین فڕی ئەی بێ وەفا لەبیرت چوو خاکی دڵم خستە ژێرپێت؟ ســودی نییە پەشـیمـانـی یەخەی کـراس بـۆ ئەدڕی ؟ ئیتر جێگات لای من نییە شوشەی دڵ سەدجارشکاوە بـڕۆ بـۆ لای ئــەو زاوایەی جـلــی بوکــێنی بۆت کڕی بەزەیم دێ ئابەم حاڵەت دڵخۆشییەکەی جارانت کوا ؟ خاکی دڵـت بـێ بارانە ڕووی تێ کــردووی قات و قڕی دوای چی ڕووت لەمن کردووەکەسێ ترهاتۆتەجێگەت ئەو ( ئارام ) ەی جارانت مرد ئاوازی شادی بۆت چڕی ئارامــ

"فرمێسکی پەشیمانی" گـەر ئەمــجارە گـەڕایتەوە پەشـــیمانی خــــۆت دەربڕی چــۆکــت دادا لـــەبـەرپێمـا چــاوی پڕ فرمێســـکت سڕی هاتی پێــم بڵێی بـم بــــوورە ، دەرگای دڵــت واڵاکە بۆم ئەڵــێم هــەرگــیز لێت نابـوورم تازە مـەلی ئەویـــن فڕی ئەی بێ وەفا لـەبیرت چــوو خاکی دڵـم خستە ژێرپێت؟ ســودی نییە پەشــیمـــــانی یەخەی کـراس بـۆ ئەدڕی ؟ ئیتر جــێگات لای من نییە شوشەی دڵ سەدجار شکاوە بڕۆ بۆ لای ئــــەو زاوایەی جلــــی بـووکێنی بــــۆت کڕی بەزەییم دێ ئابەم حاڵـەت دڵخۆشییەکەی جارانت کوا ؟ خاکی دڵـت بـێ بارانە ڕووی تێ کــــــردووی قات و قڕی دوای چی ڕووت لەمن کردووە کەسێ تر هاتۆتە جێگەت ئەو ( بەرهەم ) ەی جارانت مرد ئاوازی شادی بۆت چڕی ئارامــ

"ساویلکە بووم" نیـگەرانـم لـــە نەبوونـت ئـەم دووریـەت نەبـڕایبەوە؟ بۆچی گوڵم دەروازەی ڕووت بەڕووی مندا نەکرایەوە؟ لەلات وایـە هـــێند خراپم؟ بۆیە پشـتـت لێم کـردووە ئەی نازانـی بۆ دووری تۆچەندم ئەسرین هەڵــڕشتووە چەند ساویلکەم وائەزانم ئێستاش بۆمن ماوی لەژین! خۆم ئاگرم بۆخۆم خۆش کرد ئاگـرێکی یەکجار بەتین خۆ داواکـەم قورس نەبووتەنیا ویسـتم کەهی من بی نەمویست لـەمن بتۆرێیت وپاروی ناحەزو دوژمن بی ئەم هـۆنراوەم لەچاپ ئەدەم بۆ سەر بەرگی نامیلکەیە تا ئاشــنا بـن خوێنەرانم کە "ئارام" چەند ساویلکەیە ئارامــ

"ساویلکە بووم" نیـگەرانم لـــــەنەبوونـــت ئەم دووریـــــــەت نەبڕایەوە بۆچی گـوڵم دەروازەی ڕووت بەڕووی مـندا نەکرایەوە؟ لـــەلات وایــە هـــێند خراپم؟بۆیە پشـــتت لــێم کردووە ئەی نازانـــــی بۆ دووری تۆچەندم ئەسرین هەڵــڕشتووە چـەند سـاویلکەم وائەزانم ئێسـتاش بۆمن ماوی لەژین! خۆم ئاگرم بۆخۆم خۆش کرد ئاگــرێکی یەکـجــار بەتین خۆ داواکـــــەم قورس نەبووتەنیا ویسـتم کەهی من بی نەمویست لـــەمن بتۆرێیت وپاروی ناحــەزو دوژمن بی ئەم هـۆنراوەم لەچاپ ئەدەم بۆ سـەر بەرگـی نامیلکەیە تا ئاشــنا بـن خـوێنەرانم کە"بەرهەم" چەند ساویلکەیە ئارامــ

کە شەو دادێ بەخەیاڵی تۆوە چــاوم لـێک دەنێم بەوەش ڕازیم لەخـەونێکدا بـبیت بەمیوانی جێم ئەگەر جـارێک تۆ پــێم بڵـێ ی ئارەزووی دیدارتم بــڕوا بکــە هــەتـا مـردن دێم و دێم و دێم و دێم 10.03.2019 ئارامــ

دیسان شەوە ئای من و شەو، چەندە ناکۆکین پێکەوە دیسان شەوە تەنها خۆم و برینەکانم بێدارین، لەم گوندە دوورە دەستەوە ئاسمان تاریک و نوتەکە؛ وەکو ئومێدی، دیدارت تا چاو بڕکا، خامۆش خامۆشە دەوری دێ، تروسکەیەک بەدی ناکەم، وەک ناوی من لەسەر زارت دیسان شەوە باران دەبارێ لەسەرخۆ دونیا ساردە، وەک مەیلی تۆ نیووە شەوە گوێم لەدەنگی دەسڕێژێک بوو؛ چی بوو دیسان؟! -نامۆ نییە! کەسێکیان کوشت ، بەرپرسەکان بۆچی کوشتیان؟ نیشتمانی فرۆشتبوو؟ یان قووتی خەڵکی بڕیبوو؟ یان بە پارەی نەوتی دزراو کۆشک و تەلاری کڕیبوو؟ -نا...نا، هیچیان دوێنێ شەو لەنوسینێکا سڕی سوڵتانی هەڵماڵی نیازیبوو، گەلی نوستوو ببن حاڵی بۆیە ئەمشەو، بوو بە بێژنگ دەرگای ماڵی دیسان شەوە ئای من و شەو ، چەندە ناکۆکین پێکەوە دیسان شەوە تەنها خۆم و برینەکانم بێدارین لەم گوندە دوورەدەستەوە... دیار نەسیم

نازانم چۆن ئاوێتەت بم؟ ! ئەگەر بەهەشتی، پێم بڵێ، تا کڕنووش بەم بۆ گشت خواکان. ئەگەر دۆزەخی، پێم بڵێ، تا زەمین پڕکەم لە تاوان نازانم چۆن ئاوێتەت بم؟ ! گەر خاکێکی داگیرکراوی، پێم بڵێ، تا پێستم بکەم بە ئاڵات. گەر وەک منیش قەرەجێکی، سنوورێکم بۆ بکێشە، بۆ خۆت من بکە بە وڵات. 🤍پەشێو🤍

جۆلانە تـۆ هۆنراوەی؟ هــۆنراوە تۆی؟ خورپەیەکیت بەناخی شاعـیرێتیمـا دێیت و دەڕۆی بۆ کوێ دەڕۆی؟ گەر سەرمـاتە ئەوەگڕی شیعرەکانم گەرمی و ڕوناکیت دەداتێ.. گەر دەترسی شیعر دەکەم بەپەرژین و هەرچوارلاتی پێ دەتەنم تادەستی کەست نەگاتێ چ دنیایەک هێندەی سنگ و دەروونی من فراوانە؟ لەدڵمابە گەر پرسییان (دەڵێم دڵم جێی،کیژێکی خانومانە مناڵە ئۆقرە ناگرێ بۆم درووست کردووە، جـۆلانە) تێهەڵکێشی دێرێکی هێمنی شاعیره, 23.01.1979 فەریدون عبدول بەرزنجی

- بەیانیت باش بەفری هاوڕێ! بۆ تەنیاییم چیت هێناوە؟! - خەمێک سپی! - نیوەڕۆت باش نمەی بارانی غەریبی! بۆ تەنیاییم چیت هێناوە؟! - خەمێکی تەڕ. ئێوارەت باش بای بێ داڵدە! بۆ تەنیاییم چیت هێناوە؟! خەمێکی تیژ. - شەو باش باڵندەی تاریکی! بۆ تەنیاییم چیت هێناوە؟! - خەونێ، نەبەفری تیا ئەنوێ و نە باران و نە با و نە تەنیایی و نە چاوەکانی شاعیرێ! شێرکۆ بێکەس

جارێ پرسیت ئەم لۆچانە ئەم هێڵە شێوە گۆچانە بۆچی ئاوا لە ئێستاوە؟ بیرمە وتم: نەخشی تەمەن ئەوە هێمای جوانی پیاوە لە ڕووما نەخشی کێشاوە تاکە جار بوو کەوا درۆم لەگەڵ کردی من بەو دێرەم نەمویست بڵێم هەر یەکێکیان پەپولەی عومرێک ئازارە و نیشتۆتەوە لەسەر ئێرەم ! بەڵێن سەنگاوی