ر.

بجد لحظات بسيطة بس من الأمل بتخلي كل حاجة شكلها مختلف.

بستغرب من إن الإنسان قادر يدخل نفسه في صراعات هو مش آدها، وبيدخل نفسه بإيده في نفق مظلم مالهوش نهاية. نفق بيقول إن الإنسان قادر يدمر كل حاجة بيعملها من أجل الخوف والقلق والتوتر الزيادة. وبيقول كمان إن كل فترة الإنسان بينضج بشكل معين بيخليه يبص على النسخة السابقة منه وهو مستغرب مين ده، وازاي كان بالسذاجة ديه. ولكن الإنسان مننا قادر يدمر مستقبله بإيده لمجرد انه وصل لمرحلة شاف نفسه إنه بقى يستحق كل اللي في ايده، وقادر يدمر بردو كل اللي بيحلم بيه عشان قرر في يوم يبطل يتعلم. وكل إنسان بيمر بالتجربة ديه اللي تخليه يرجع يعيد ترتيباته من الأول، عشان بس يفكر نفسه، إن الاستحقاقيه شيء خدّاع جدا، وإن الرزق بإيد ربنا، وإن الإنسان بطبعه عايز ينجح بس عقله بيخليه مكسل على خطوات كتير مهمة للأسف خلال الفترة اللي فاتت ماكنتش أحسن حاجة عليا صراحه في ضغط كتير وللأسف أنا اللي حطيت ده على نفسي لإني كل مرة غصب عني كنت بنسى إن الرزق بإيد ربنا واني خايفه اللي بسعى ليه يضيع من ايدي، رغم اني لسه في العشرينات يعني لسه قدامي وقت أحقق فيه اللي نفسي أوصله. فيا قوم خليكم فاكرين كويس إننا كلنا ملك لربنا، وبين اللحظة اللي بنكون تايهين فيها والتانية، ربنا بيلهمنا الطريق اللي يخلينا نعرف نعيش كويس و افتكر معايا كام مرة كرم ربنا كان محاوطنا بس المهم إننا نحاول نستمتع بحياتنا قبل ما تخلص وننظم حياتنا بالشكل اللي يناسب طاقتنا و رغباتنا من غير ما نحط ضغط على نفسنا في حاجات خارج سيطرتنا. #خربشات_يوستينيه

الحياد فضيلة عندما تكون المعركة بين شر وشر، ولكنه رذيلة عندما تكون المعركة بين حقّ وباطل. الحياد ذكاء عندما يكون الصراع بين ظالم وظالم، ولكنه حُمق عندما يكون الصراع بين ظالم ومظلوم.

عمري ما بفهم الناس اللي بتقرر إن عشان الشخص لما اتحط في الموقف اتصرف بطريقة مختلفة عن الشخصية اللي عليها دلوقتي إنه كده في الأساس كان كداب ! أوقات كتير بتتحط في مواقف بتخلي شكل مشاعرك يتغير، استيعابك للأمور يتغير، لما بتوصل لحيطة سد مع شخص بتحبه وتبقى خلاص مش قادر تحقق حاجة ومش قادر تكمل، عادي جدا إن بعد ما كنت قايل انك بدونه تتوه وبدونه حياتك تبوظ إن ده مايحصلش وتلاقي نفسك مكمل عادي في حياتك و مرتاح كده. سطوة مشاعرنا علينا بتخلينا نحس بحاجات كتير في لحظة ما ونقول كلام كتير، خصوصا لو مشاعر قوية .. بس عادي بتيجي مشاعر تانية أقوى تخلينا نتصرف ونعمل حاجات عمرنا ما تخيلنا إننا نعملها و بنكمل ونعيش في حياتنا عادي.

"عيش في حالة تسليم مش في حالة انتظار." يمكن ده درس خد مني كتير عشان اتعلمه. الأنتظار فيه مشاعر سلبية زاي الخوف والقلق، لأنك منتظر شئ معين يحصل ورافض ومش قادر تستوعب اي حل غيره ! أما التسليم مليان مشاعر إيجابية كتير زاي الطمأنينة والرجاء والأتكال واليقين بأنك مش لوحدك، لأنك ببساطة عملت كل اللى عليك، وسلمت الموضوع لـ "ضابط الكل وهو ربنا سبحانه وتعالى." اللي في أيده كل الأشياء ، فأنت راضى بأي نتيجة لأنك عارف ومتأكد إن خططه كلها لخيرك، وإنه مش هيقود سفينة حياتك إلا لبر الأمان. 💜

و أنورلك حبيبي ليلك. 💜

مكالمة التليفون التي تأتيني أثناء سيري وحدي مسافة معينة تجعل المسافة أقصر بكثير إذا كنت أُحادث من أحب، أقصر فعلا، حتى أنها أصبحت عادة إذا كنت أمشي وحدي أتصل بشخص أحبُ حديثه كي لا أشعر بطول الطريق، والوقت يمرُ أسرع إن كان يُجاورني من استأنس حديثه، والمواقف الصعبة تقل حدتها إذا كنت بين ذراعي حنونة، والأكل أطعم والهواء أنعش والبيت أدفأ والتعب أقل حدّة وكل المصاعب أهون إذا لم أكن وحدي. شيء ليس له تفسير علمي أكيد، ولكن أعتقد أن فيزيا الأشياء تتغير أو على الأقل احساسنا بها إذا جاورنا الأحبة، و أتذكر -حمل الليالي خفيف لما يشيلوه اتنين- كتعبير صادق حقيقي عن تأثير المودّة الصادقة بين الناس، وتطمئنني دائما فكرة أن هناك من قد استعين به فافرغ ما في قلبي فيجعلني أهدأ، جميل هذا التأثير، و الأكثر جمالا هو إدراكنا له فتأثرنا به، ربما خُلقنا كي نسعد بمثل هذا الشعور وإلا شقينا.

🫠

‏حطيت خطة جامده لـ ٢٠٢٥ ينقصها الواقعية و المنطقية والقابلية للتنفيذ بس.

محتاجين نبطل نعامل بعض بأثر رجعي الفكرة اللي أنت خدتها عني من سنة ولا اتنين (سواء حلوه أو وحشه) وارد جدا ماتبقاش موجودة دلوقتي أو تبقى موجودة بعد سنة .. لما بييجي قدامي شات قديم مع حد ببقى مش متخيل إني قولت الكلام ده و بفتكر مواقف مش عارفه ازاي أنا اتصرفت بالطريقة ديه الحياة كل فترة بتغير في شخصياتنا ساعات للأحسن و ساعات -للأسف- للأوحش فمفيش شخصية ثابتة و مفيش تفكير ثابت لكن كل وقت و له صراعه و قراراته اللي كل واحد في غنى تام على انه يبررها لغيره.

لو هصنف شعور كـ أصعب شعور حسيته السنة ديه ف هيكون إنك تحس بينك وبين نفسك إنك شاكك في مصداقية معظم المشاعر اللي أنت عيشتها مع أهم ناس في حياتك، و إنك تكون أنت بس اللي حسيتها بالشكل ده أو عقلك ترجمها كده عشان أنت بس محتاج تحس المشاعر ديه مش عشان هي حقيقة ..