《自由港 Harbour of Freedom》

〈小城大事：垃圾收費洩漏的「香港社會發展秘密」〉 作者/羅依 希望大家喺 #垃圾徵費 呢件事上可以諗深一層，絕對唔單只係一個環保政策。除咗筆者提出嗰三件事，大家仲有咩諗法？歡迎留言討論，甚至乎投稿畀我哋。 訂閱自由港KO-FI 即刻可以搶先看全文，鼓勵我哋提供更多高質內容。

致各位讀者： 大家最近好嗎？謹此向各位致歉，未能如期重新啟動，使各位久等，誠屬失職之責。現在很高興地向大家宣布，自由港已正式恢復運作。以下會交代：延遲原因、重整概況及日後安排。 一、延遲原因 原定二月會重新開始運作，但人手、資金皆短缺：交得學費，交唔出稿費、工作學業壓力下分身乏術，因此陷入蠟燭兩頭燒，手忙腳亂之困境。及後，有一眾手足傾力協助，已籌措到應急資金及穩定稿源。 二、重整概況及日後安排 由於資金短缺，暫只由主編無償營運，並自行補貼稿費，直至收支平衡。短期內，自由港將維持有限度出文，約每月2至4篇文章。在權衡寫手權益及稿費支出下，現階段只接受1500字以內的投稿，每字稿費為HKD$0.5。在社交媒體上將發佈精華摘錄及文章概要，而Ko-Fi會員則可優先閱讀全文。每篇文章發佈一個月後，即會免費公開至社交媒體。期望能夠幫助自由港建立健康的經營模式。 長遠來說，自由港重新收支平衡後，將增加免費文章，及重新接受長文投稿；同時也希望多元發展，例如錄製Podcast、舉辦線下讀書會等，從而讓海外港人有更多方式自由講。 財務報告將按常每月更新至雲端，供公眾查閱。未來收入將優先用於稿費，其次為人力成本，盈餘部分將捐出以支持手足，其餘則儲蓄備用。 在此，再次感謝一眾手足幫忙、讀者耐心等待。希望大家可以繼續支持自由港。 P.S. 長期徵稿及招募義工中 此致 自由港

公開聲明：交接進度與未來承諾 前主編提供的支出表及我們整理推算的財務報表已放在資訊欄供公眾比對參考。 https://drive.google.com/drive/folders/1dOw_sqRdiHVvPQ1O_dePoDBWEV4woJvt?usp=sharing 再次對各位造成不便致歉，我們會儘快公佈未來計劃，不負各位支持。 自由港編輯團隊 敬上

【本日焦點新聞 2024年1月3日】 //舊年（2023年）年底在警隊的升職名單中，西九龍副指揮官吳樂俊獲升總警司，接替即將退休、被外界視為「反送中」經常落order武力鎮壓嘅指揮官嘅陶輝（Rupert Dover），亦意味著備受爭議嘅指揮官陶輝即將離開警隊。而曾喺2020年捲入僭建風波嘅陶輝最近甚為低調，未曾接受傳媒訪問，暫未知其退休後嘅去向。 2019年6月12日香港市民包圍立法會，圖阻《逃犯條例》修訂二讀，曾經處理傘運嘅陶輝當時受到重用。當日警方共施放240枚催淚彈與19枚橡膠子彈，引起港人極度不滿。時任警務處處長盧偉聰會見傳媒時，指6月12日警方向示威者施放催淚彈，甚至開槍發射布袋彈及橡膠子彈嘅決定，係根據當時指揮官現場情況的專業判斷，直指現場指揮官陶輝。 7月多場由陶輝處理嘅大型示威，均以收縮封鎖線「沸水戰術」（Kettling）的策略，迫使示威者離去。喺驅散群眾嘅策略下，當年7月初至中旬減少用催淚彈，但經歷721上環及元朗之後，警方又多次用催淚彈驅散示威者。 及後2020年，陶輝被《壹週刊》揭發住所僭建，其清水灣碧水新村1號「牌照屋」外約百呎嘅花園涉霸佔官地。其妻子、警長張雅詩亦涉將毗鄰一個逾千平方呎嘅寮屋，包裝為民宿出租。張雅詩疑為「報復」，當時喺佢Facebook帳戶換上《蘋果》一名採訪主任的肖像，涉違反《蘋果》取得嘅法庭禁制令，禁止披露《蘋果》員工個人資料。對於「起底」的行為，當時陶輝說：「妻子喺社交網站做咩，係由佢自己決定嘅」陶輝指會配合政府調查。 2023年警隊先後3次派「升官信」，由總區指揮官至助理處長級均有人事變動。曾在現場處理「反送中」運動嘅指揮官，或參與對外發言工作的港警，均列入紮職名單。有升職速度甚快，3年間由高級警司迅速升至助理處長級別嘅警察。其中，1997年加入警隊的區永樑，2019年「反送中」期間任東九龍應變大隊副指揮官，2020年升為總警司，由交通部調任至灣仔警區指揮官，今年六四維園更擔大旗在現場指揮，2023年中獲升任至助理處長。// ——————————————— 更多資訊，包括最新一期《自由港》請點擊以下連結⬇️⬇️ https://linktr.ee/HarbourofFreedom 捐款支持我們: https://ko-fi.com/harbour_of_freedom

【本日焦點新聞 2024年1月2日】 //香港足球代表隊喺元旦日對中國友誼賽反勝2:1，繼1985世界盃外圍賽「5.19」戰役後，再次喺國際A級賽事中擊敗中國隊，後備上陣嘅前鋒潘沛軒梅開二度成為贏波功臣。中國隊被自家網民嘲「 省隊都幹不過」。  為備戰今個月稍後喺卡塔爾舉行嘅亞洲盃決賽，港隊上周去左阿聯酋集訓，並同中國隊進行閉門熱身賽，賽事無直播，傳媒亦唔可以進行在場採訪。  之前中國隊喺另一場國際A級熱身賽以0:2不敵阿曼，因此期望擊敗港隊打開2024年勝利之門，點知都係要輸。開戰9分鐘，前鋒譚龍替中國隊先開紀錄。下半場，中國隊嘅防守中場王上源同後衛吳少聰先後被罰紅牌離場，而港隊後備上陣嘅前鋒潘沛軒，分別喺51分鐘及59分鐘建功，助球隊反勝2:1；中國隊仲有個助教被逐，可以話係輸波又輸人。  世界排名79位嘅中國遭排名150位嘅港隊擊敗，消息隨即登上微博熱搜，中國網民揶揄「不直播的比賽都是有原因的，不出意外就出了意外」、「惡心，省隊都幹不過」、「趕緊訂機票回來吧，別在外面丟人現眼了」、「就不能默默的輸掉，非要輸得驚天動地」。體育博主「李明體育」就幫中國隊解畫，稱「國足球員由於近期訓練量很大，身體不在狀態，這場紅牌大多都是體能不行導致的動作晚一拍」，而國足「到時候會隨比賽臨近調整」。// ——————————————— 更多資訊，包括最新一期《自由港》請點擊以下連結⬇️⬇️ https://linktr.ee/HarbourofFreedom 捐款支持我們: https://ko-fi.com/harbour_of_freedom

【本日焦點新聞 2024年1月1日】 //香港舉行歷黎最大型跨年倒數煙花匯演，吸引近20萬名中國遊客，惟至少7成人無過夜並隨即回程，通關巴士應接不暇，導致交通大癱瘓。淪為滯港「難民」嘅中國客分別通宵冒寒散落各區街頭、上水港鐵站同麥當勞等地，當中唔少人喺網上怒罵「以後不想難民，就別去香港」。 2024年元旦，香港舉辦最大規模、歷時最長嘅跨年倒數煙花匯演，共吸引近48萬人共度佳節。特首李家超並與太太現身活動時祝願：「香港2024年樣樣都好，說身體好、收入好、經濟好，所有人的生活更美好，香港更好。」煙花匯演過後，超過七成無訂酒店嘅中國客隨即同時湧往唯一24小時通關嘅落馬洲返屋企。綜合片段，元旦清晨，尖沙咀、旺角以至上水等地，接駁直通口岸嘅過境巴士線大排長龍，連同皇崗口岸同時出現嚴重擠塞，巴士無法按時開出，交通大癱瘓。中國網民表示，「口岸根本打不到車」或者「被的士索價500元」，只好滯留苦等，稱「下次不來了」。 另不少人抱怨無法購得車票，只好留宿街頭或開通宵嘅麥當勞，同最近口岸又開放嘅上水站「過夜」。據港府數字，除夕當日約22.3萬人訪港，創舊年以黎單日最高，而作為骨幹客源嘅中國客達近20萬人；惟同日約有13.3萬中國客離港，佔接近7成。而元旦截至早上10時，香港出入境累計有逾16.2萬人，其中出境人數為近10.6萬人，落馬洲、羅湖及機場人次最多。// ——————————————— 更多資訊，包括最新一期《自由港》請點擊以下連結⬇️⬇️ https://linktr.ee/HarbourofFreedom 捐款支持我們: https://ko-fi.com/harbour_of_freedom

【2023嘅最後一日】 ——————————————— 更多資訊，包括最新一期《自由港》請點擊以下連結⬇️⬇️ https://linktr.ee/HarbourofFreedom 捐款支持我們: https://ko-fi.com/harbour_of_freedom

【自由港財務簡報-2023年3月至12月】 注意1:為方便表示，所有涉及金額將以2023年12月30日美元匯率列出 注意2: 由於國際匯率影響，簡報金額與實際會有些許落差 ——————————————— 更多資訊，包括最新一期《自由港》請點擊以下連結⬇️⬇️ https://linktr.ee/HarbourofFreedom 捐款支持我們:

【本日焦點新聞 2023年12月29日】 //前學生組織「學生動源」召集人鍾翰林，周三（27日）喺Facebook指抵達英國尋求政治庇護。佢因國安法下嘅「分裂國家」同「洗黑錢」罪服刑近四年，至今年6月獲釋，但仍守監管令一年。懲教署今日（29號）召開記者會嚴厲譴責，並指已發出召回令，會同執法部門通緝。 懲教署更生事務副署長梁建業出席記者會，佢對鍾翰林到英國尋求政治庇護予以譴責：「逃避責任並明目張膽發布破壞國家安全嘅言論，懲教署予以嚴厲譴責。就著違反監管令規定，懲教署已即時向鍾翰林發出召回令，並聯絡了其他執法部門，依法將佢通緝。喺度我呼籲鍾翰林，希望佢回頭是岸，為自己行為負責，盡快返港。」 懲教亦交代事件經過，指鍾翰林今年6月獲釋，須接受一年法定監管。但今個月14號同監管人會面時，指佢會喺20至25號去日本沖繩旅行，到今個星期一（25日）監管人員接獲鍾翰林來電，指趕唔到飛機要改時間，28號才能返港。監管人員28號晚嘗試聯絡佢但未能成功，之後透過社交媒體及傳媒報道，才知鍾已赴英尋求庇護。 梁建業澄清，根據監管條款，受監管嘅人有出入境自由，所以唔存在要由懲教署批准，只需要「通知」監管人員。至於鍾翰林透露出獄後受國安滋擾，又指被迫收錢做線人，提供其他社運人士資料，懲教署未有正面回應，但亦無否認。梁建業：「至於國安公署人員見佢，我地只可話，監管人員同佢會面，係根據監管令要求去執行監管，亦就著更生需要提供輔導服務俾佢，至於其他機構去見佢，我地就唔會評論。」而中國外交部的例行記者會亦被問及此事，發言人毛寧回應時，批評鍾翰林「挾洋自重，必定被依法追究」。// ——————————————— 更多資訊，包括最新一期《自由港》請點擊以下連結⬇️⬇️ https://linktr.ee/HarbourofFreedom 捐款支持我們: https://ko-fi.com/harbour_of_freedom

【白色恐怖下嘅安全措施（四）-有關使用Patreon及KoFi嘅注意事項】 //今年12月中，有身處香港嘅朋友因訂閱羅冠聰同許智峯嘅Patreon而被捕，繼而引發唔少朋友嘅恐懼，擔心會唔會因為訂閱而惹禍上身，所以今日就同大家講一講有關捐款平台嘅問題。// ——————————————— 更多資訊，包括最新一期《自由港》請點擊以下連結⬇️⬇️ https://linktr.ee/HarbourofFreedom 捐款支持我們: https://ko-fi.com/harbour_of_freedom

【本日焦點新聞 2023年12月28日】 //8男女被指策劃喺法院、警察總部及政府大樓等公共設施放置炸彈，案中主腦、19歲青年早前承認「串謀恐怖活動」罪，另一名「賢學思政」前成員、23歲男學生則喺今日（28日）承認「串謀導致相當可能危害生命或財產的爆炸」罪，二人各被判監6年。一名「光城者」成員、中六女生曾介紹上述兩日互相認識及商討計劃，則被判監2年半。仲有24歲男司機，獲控方申請終止聆訊當庭釋放，為首位獲撤控嘅國安法被告。 案情指，2021年郭文希加入組織「光城者」。同年郭、何和歐文喺一次飯聚中談起涉案計劃嘅念頭，自此郭和何經常喺 Telegram 討論計劃，尤其係 TATP 點用。張離開「賢學思政」後，經常與郭及「光城者」成員討論使用炸彈同武器，以及教育市民政治文化等。張提及佢成立嘅激進政治組織「矢名」，計劃連繫唔同大學嘅學生會，以佢地嘅影響力同網絡去支持同資助反政府運動。 何早前承認《國安法》嘅「串謀恐怖活動」罪；郭早前承認《刑事罪行條例》下「串謀導致相當可能危害生命或財產的爆炸」罪；張尚未答辯，佢否認「串謀恐怖活動」罪，但承認交替控罪，即《刑事罪行條例》下「串謀導致相當可能危害生命或財產的爆炸」罪。控方庭上透露，張最初係控方證人，惟隨後警方調查發現佢無交代曬喺案中嘅角色。之後其他被告向警方提供資料指證張昊揚，警方始決定起訴張。控方指，張錯誤引導警方的調查，打算唔繼續起訴第一被告陳凱量（24歲，司機）。喺聆訊中，控方向法庭申請終止針對陳凱量（24歲，司機）的檢控程序，獲李官批准，並吩咐陳凱量可以離開被告欄獲當庭釋放，期間還柙約1年3個月。 《國安法》指定法官李運騰判刑時指，3名認罪嘅被告喺社會騷亂發生之前均為良好學生，但社會騷亂能夠輕易扭曲人嘅道德判斷，整個社會事件嘅腐敗性質（corrosive nature）亦輕易地使具有良好品格的人轉趨激進，為求目的不擇手段，所以即使求情信指稱被告有良好品格，也未能有助於被告。李官指，縱使3名被告年輕及沒有案底，法庭判刑時須側重保護整體社會及阻嚇性多於更生因素，最終判監2年半，並撤銷教導所命令，即時執行監禁刑期。// ——————————————— 更多資訊，包括最新一期《自由港》請點擊以下連結⬇️⬇️ https://linktr.ee/HarbourofFreedom 捐款支持我們: https://ko-fi.com/harbour_of_freedom

【本日焦點新聞 2023年12月26日】 //AI竟然裝到入肛門？河南象棋選手顏成龍17號喺「中國全國象棋民間棋王爭霸總決賽」擊敗對手，榮升民間棋王，奪得10萬元人民幣獎金。然而，賽後顏成龍卻爆出懷疑喺比賽中用「肛珠」作弊；中國象棋協會經調查雖然未能證實，但將褫奪他的頭銜及獎金，並罰停賽一年。  「肛珠」作弊係將可收發訊息嘅肛珠藏入肛門，用括約肌發送訊號，連接電腦分析棋局，然後透過震動刺激直腸神經提示下一步棋點落，係一種新型嘅作弊手法。由於當日比賽結束顏成龍退房後，酒店員工發現浴缸懷疑有排泄物，有象棋圈內人士猜測，顏成龍係喺浴缸排出及清洗肛珠。  中國象棋協會琴日（25日）發布「關於對註冊運動員顏成龍不當行為調查處理的情況通報」，協會表示收到舉報後進行調查，指顏成龍喺17日當晚同其他人喺酒店房飲酒，18號喺房間浴缸內排泄，暫時無法證實顏成龍係咪用「肛珠」作弊，但顏成龍破壞飯店公物，違背公序良俗屬實，對賽事同象棋項目造成負面影響，性質非常惡劣，因此決定收回佢嘅全部獎項，唔發放獎金，以及停賽一年。  至於顏成龍矢口否認有作弊，強調係因為忍唔住先喺浴缸大便。佢話：「12月17日奪冠了，有點開心，當天晚上喝酒了，喝多了，腸胃不舒服。另外，我是北部人，去海南比賽也有點水土不服。 」至於點解唔用馬桶，佢解釋「拉了很多次。凌晨4點那次實在憋不住，在浴缸裡大便了。 浴缸剛好在衛浴門口，浴室比較大，浴缸離馬桶有四、五公尺遠，實在來不及。」  現年48歲的顏成龍，喺2004年贏得河南象棋省錦標賽冠軍，2007年擔任河南省象棋隊總教練，多次代表河南省同農業體協參加全國團體賽及全國農民象棋賽，2021年更奪得第14屆全運會群眾比賽象棋男子個人冠軍。// ——————————————— 更多資訊，包括最新一期《自由港》請點擊以下連結⬇️⬇️ https://linktr.ee/HarbourofFreedom 捐款支持我們: https://ko-fi.com/harbour_of_freedom

【本日焦點新聞 2023年12月26日】 //中共一直大力宣揚「無神論」，喺今年聖誕節，官方再次強調要堅持基督教中國化。喺黨要求「從嚴治教」下，廣東、福建、黑龍江等地都有學校及幼兒園要求學生同家長拒絕過聖誕節，呼籲「要保持文化自信，不盲目跟隨其他國家嘅節日」。  中共中央政治局常委、全國政協主席王滬寧喺上個禮拜中國基督教第十一次代表會議上指，新一屆基督教全國「兩會」要堅持基督教中國化方向，對教義教規作出符合當代中國發展進步要求、符合社會主義核心價值觀同中華優秀傳統文化的闡釋，要「講好中國宗教故事」。  及後，多地慶祝聖誕的活動受到嚴格限制。據《路透社》報道，雲南省一家物業管理公司出通告指傳統唔應該被「盲目」追隨，應該對中國文化充滿自信，要求商場租戶唔好賣聖誕卡同有關物品，以及唔好掛飾物。另一喺深圳嘅物業公司都發出倡議書，要求店舖唔準賣同聖誕節同平安夜相關嘅禮物、賀卡、平安果，都唔準商家喺商場、店內懸掛有關節慶裝飾物品。  而學校方面，廣東東莞厚街開賢學校向學生家長發出「弘揚傳統，不過洋人節」嘅倡議書，形容近年喺社會同校園過聖誕節、平安夜嘅風氣有蔓延趨勢，「平安夜、聖誕節係西方國家嘅傳統節日，對國外嘅傳統文化有所了解係應該嘅， 但我地唔倡導同盲目跟從。」哈爾濱市勝利小學都發出倡議書，要求學生「堅定文化自信」，拒絕過洋人節。   喺平安夜當日，多名網民指喺河北、河南、福建、天津等地嘅教堂都有警員看守，唔準叫口號、有大動作，便衣警察喺教堂內來回巡視。中國宗教事務條例規定，喺中國信奉嘅宗教「不受外國勢力支配」，因此，即使上海同重慶等大城市嘅商場都佈置左聖誕樹點綴著燈光、緞帶同禮物盒迎接顧客，但因憂慮「外來影響」，所以並唔鼓勵過聖誕節。 // ——————————————— 更多資訊，包括最新一期《自由港》請點擊以下連結⬇️⬇️ https://linktr.ee/HarbourofFreedom 捐款支持我們: https://ko-fi.com/harbour_of_freedom

【本日焦點新聞 2023年12月22日】 //據台灣內政部移民署統計資料顯示，2018年至今年10月底，香港人獲台灣居留許可人數為4.6萬人。陸委會近日聲稱，港人申請喺台灣居留許可核准率逾97%；符合一定條件後，定居許可核准率近75%。 台港經濟文化合作策進會周三（20日），由陸委會港澳蒙藏處長兼台港經濟文化合作策進會秘書長盧長水指，近5年港人申請喺台灣居留獲許可者，核准率逾97%；以就學、就業等事由居留無法申請定居外，符合一定條件獲定居許可者約9,000人，核准率近75%；而尚未通過定居審核的保留觀察案件，政府持續輔導補正資料，希望比真心誠意留台發展嘅香港朋友實現定居規劃。 據台灣內政部移民署統計資料，2018年至今年10月底計5年多來，香港人獲台灣居留許可人數為4萬6,564人；港人獲台灣定居許可人數8,132人。2018至2022年期間，港人獲台灣居留許可人數最高峰為2021年，全年達1萬1,173人；相較香港反送中運動發生前1年激增7,025人、增幅為169.3%。// ——————————————— 更多資訊，包括最新一期《自由港》請點擊以下連結⬇️⬇️ https://linktr.ee/HarbourofFreedom 捐款支持我們: https://ko-fi.com/harbour_of_freedom

【本日焦點新聞 2023年12月21日】 //港府相隔8年再推俗稱「投資移民」嘅「資本投資者入境計劃」，將提高投資門檻至3,000萬。港府料計劃可帶黎1200億，又認為相對新加坡類似計劃，香港「有吸引力」。 港府周三（19日）舉行記者會宣布出年將重推出「投資移民」計劃並接受申請，新計劃申請人須投資3000萬港元在股票及債券等金融資產，當中300萬要喺計劃指定嘅創科及其他重點行業發展。財經事務及庫務局局長許正宇稱，香港一直吸引世界各地的人來港發展，舊年15萬名超高資產淨值人士在亞洲，香港佔1.5萬人，數量是「全球第一」，參考過往每年約有4,000人申請，估計今次可以帶黎1,200億新資金。佢又話，今次計劃門檻俾以前 ，但相對新加坡類似計劃，「有信心」香港嘅計劃有吸引力。佢喺港台節目指：「新加坡計劃都有類似要求，（投資）門檻比我們高，要1000萬坡幣，即5、6000萬港元。作為投資者，要選擇一個地方取得永久居留權，不只是錢的問題，亦要透過此工具到這裡生根和發展其他東西，香港的配套和發展前景，我們很有信心。」 財經評論員顏寶剛就認為，港府高官說法「離地」，未能「居安思危」。佢指，以往香港投資移民大部分吸引有外國永居身分嘅中國公民 ，但如今香港有國安法，資產安全成疑，質疑新計劃未必能守得住呢批「大客」。至於港府自2003年推出「投資移民」後，大批中國人「炒樓」令樓價急升，於是2010年將投資門檻提升由650萬港元至1000萬港元 ，並剔除投資房地產，整項計劃到2015年暫停。今次新計劃重新加入房地產 ，包括放寬可投資不多於1000萬港元嘅非住宅房地產，同時同「高才通計劃」一樣，享有「先免後徵」印花稅。 事實上，新加坡近年係中國富豪走資熱門「避風港」，2022年有過萬中國人移民新加坡，但大量財富流入，導致當地樓價同其他生活費用飆升。新加坡政府繼去年後，再於今年3月大幅提高「全球投資者計劃」門檻，包括投資金額由250萬坡坡紙升至1000萬坡紙（約6000萬）等。雖新加坡不斷「加辣」，惟目前申請隊伍卻愈排愈長，由去年4個月，延長至少8個月至1年。// ——————————————— 更多資訊，包括最新一期《自由港》請點擊以下連結⬇️⬇️ https://linktr.ee/HarbourofFreedom 捐款支持我們: https://ko-fi.com/harbour_of_freedom

【本日焦點新聞 2023年12月20日】 //美國參議院早前通過有關出年嘅國防政策及支出的《國防授權法案》（National Defense Authorization Act），長逾3000頁嘅法案書中，提及將中國、香港、澳門均被列為「海外敵對勢力」，將同北韓、伊朗、俄羅斯、古巴及委內瑞拉齊名。法案已獲參議院及眾議院投票通過，待美國總統拜登簽署該法案，有關法案就會正式生效。 法案內容提及將增加國防預算3%，包括撥款147億美元用作支援美國喺印太地區嘅軍事部署、增加行動次數等，以制衡中國喺南海同印太嘅勢力。法案亦列明會新增撥款，調查香港官員同商人有無干犯反人類、種族滅絕等國際刑事罪行。 呢次嘅《國防授權法案》參議院以87比13票通過法案，喺第二日眾議院亦以310比118票通過，涉破紀錄嘅軍費開支，為8,860億美元。// ——————————————— 更多資訊，包括最新一期《自由港》請點擊以下連結⬇️⬇️ https://linktr.ee/HarbourofFreedom 捐款支持我們: https://ko-fi.com/harbour_of_freedom

【本日焦點新聞 2023年12月19日】 //梵蒂岡琴日（18日）宣布，教宗方濟各正式批准神職人員，可為同性伴侶送上祝福，但只限喺「非天主教正規教會儀式或崇拜儀式」、及「非婚禮或民事結合儀式」。梵蒂岡強調，天主教教廷反對同性婚姻或民事結合的立場不變，但因「天主接納及幫助所有人」，先有呢個頒布。 教宗方濟各上個星期日（17日）簽署批准由教廷信理部發報嘅文件，文件以英文、德文、西班牙文、法文及意大利文五種語言，闡述最新神職人員給予祝福嘅條件。文件首次表示教廷贊成「非正常情况伴侶與同性伴侶」可以接受祝福，神職人員應按具體情況判斷係唔係給予祝福，文件指「任何人都唔應該阻止或禁止教廷，親近身處各種處境，並希望通過簡單祝福尋求天主幫助嘅人，而天主會接納及幫助所有人，因此毋須經過『徹底道德分析』」；但文件重申，教廷仍然視婚姻為「一男一女」嘅終身誓言，因此上述祝福唔適用喺天主教正規教會或崇拜儀式、婚禮或民事結合等場合，因為祝福不會令「異常情况」喺教廷合法化，所以唔可以同異性婚姻混為一談。 方濟各當選教宗後，作風一直相對開明，期望改變道德教義以吸納性小眾進入教會。方濟各亦曾致函保守派樞機，指無論任何人對天主請求祝福，神職人員都應以牧靈慈悲之心回應。今次頒布允許神職人員給予同性伴侶祝福，被形容係天主教發展一個極具意義嘅里程碑。// ——————————————— 更多資訊，包括最新一期《自由港》請點擊以下連結⬇️⬇️ https://linktr.ee/HarbourofFreedom 捐款支持我們: https://ko-fi.com/harbour_of_freedom

【本日焦點新聞 2023年12月18日】 //黎智英案今日（18 日）開審，係港版國安法下第一個被控「外國勢力勾結罪」嘅政治犯，佢喺2020年被捕，「未審先坐」已經超過三年，而一旦罪名成立，可能面臨終身監禁，而國安法至今嘅定罪率為100%。案件由高院《國安法》指定法官杜麗冰、李素蘭及李運騰審理，但由於律師團及預計旁聽人數較多，所以假於西九龍裁判法院開庭，預料審期為80日，不設陪審團。該案備受國際社會關注，被視為對香港司法獨立嘅考驗，國際媒體亦將此案視為港版國安法下針對香港頭號國安嫌犯嘅一場里程碑式審判。 警方喺法庭外嚴陣以待，出動裝甲車並有反恐特勤隊持槍戒備，大量警員喺附近巡邏，國安處處長江學禮、國安處總警司李桂華均有到場視察。過百位市民喺寒風中到法院外排隊旁聽，王婆婆亦喺法院外抗議，高喊支援黎智英等口號，隨後被警員圍堵並帶往法庭對面嘅示威區。澳洲、新西蘭、美國、英國、瑞士及加拿大亦派出領事館代表到場旁聽。旁聽審訊嘅仲有92歲嘅榮休主教陳日君樞機，以及民主黨前主席劉慧卿；後者對傳媒表示，黎智英已還押逾千日，佢嘅家人朋友都感到心痛、難過，期望黎智英同其他民主派人士都能得到公平公開審訊，展示俾市民同國際社會睇香港仲有司法獨立同法治。 英國外交大臣卡梅倫對「英國國民黎智英」被政治檢控表示關注，呼籲港府停止起訴並釋放黎智英，並指香港國安法明顯違反1984年簽署嘅《中英聯合聲明》，呢次係第一次有英國現任外相公開呼籲港府放人。之前，黎智英兒子黎崇恩曾批評英方「軟弱得令人難以置信」，佢亦喺開審前嘅幾日會晤新任外相卡梅倫進行游說。唔單止英國，喺審訊前一日美國國務院也敦促港府立即釋放黎智英，指黎喺案件開審前被還押超過三年，港府同北京當局亦拒絕比佢選擇律師。美國國務院發言人米勒喺聲明中指：「我地敦促北京同香港當局尊重香港嘅新聞自由。打壓新聞自由同限制信息嘅自由流通，以及北京同港府『完善』香港選舉制度，降低直選同禁止泛民主派及本土政黨候選人參選將削弱香港民主，損害香港作為國際商業同金融中心嘅聲譽。」// ——————————————— 更多資訊，包括最新一期《自由港》請點擊以下連結⬇️⬇️ https://linktr.ee/HarbourofFreedom 捐款支持我們: https://ko-fi.com/harbour_of_freedom

【本日焦點新聞 2023年12月15日】 //警方國安處於早前高調宣布懸紅通緝 8 名海外港人，琴日（14 日）再增加通緝 5 名海外港人，包括鄭文傑、許穎婷、邵嵐、霍嘉誌及蔡明達，分別涉及「勾結外國或者境外勢力危害國家安全罪」、「煽動分裂國家罪」等，分別懸紅一百萬元。 國安處總警司李桂華今日公布，新一批被通緝名單共 5 人，包括鄭文傑、許穎婷、邵嵐、霍嘉誌及蔡明達，其中鄭文傑涉及聯同其他人成立政治組織，包括英國港僑協會、香港影子議會等，呼籲外國政府制裁香港官員。 李桂華指，霍嘉誌及蔡明達均在社交平台開設頻道並發佈影片，霍嘉誌呼籲人加入及組織軍隊、鼓吹港獨等，蔡明達則提倡在外國接受軍事訓練，推翻香港現有狀況。翻查資料顯示，蔡明達創立 YouTube 頻道「升旗易得道」。 李特別提到，早前涉及早前「曾志健」喺香港流亡但最後被捕嘅案件，捲走幾十萬並留低健仔唔顧，形容行為令人髮指。// ——————————————— 更多資訊，包括最新一期《自由港》請點擊以下連結⬇️⬇️ https://linktr.ee/HarbourofFreedom 捐款支持我們: https://ko-fi.com/harbour_of_freedom

【本日焦點新聞 2023年12月14日】 //警察國安處今日（14日）晏晝開記者，公布喺琴日（13日）拘捕四人，指控佢地透過網上訂閱「眾籌平台」，資助涉嫌違反國安法嘅許智峯和羅冠聰。 國安處指，被捕嘅分別有兩男兩女，年齡介乎由 28 歲至 69 歲，被指控「資助他人分裂國家罪」，部分人訂閱期長達三年，涉及金額由 1 萬元至 12 萬元不等，被捕人分別報稱為電梯技工、補習老師同退休人士。 國家安全處總警司李桂華拒絕透露係咪涉及 Pateron，，至於佢地係咪有要求海外平台提供資料，國安處指佢地有執行法律賦予嘅權力，但具體調查方法就唔會透露。// ——————————————— 更多資訊，包括最新一期《自由港》請點擊以下連結⬇️⬇️ https://linktr.ee/HarbourofFreedom 捐款支持我們: https://ko-fi.com/harbour_of_freedom